குவாலியர் இளவரசர் புதிதாக மாட்டிய கோட்சூட்

     ஜோதிராதித்யா மா.சிந்தியா காங்கிரஸ் அடிப்படை உறுப்பினர் பதவியில் இருந்து விலகினார். அவரது தந்தை மாதவராவ் சிந்தியாவின் 75 வது பிறந்த நாளான. (10.3.1945 ) இன்று அவர்கள் குடும்பம் குவாலியர் மஹாராஜா குடும்பம் ராஜாக்கள் எப்போதும் ராஜாக்களாக இருக்கவேண்டும் என விரும்புவார்கள்.மத்தியப் பிரதேசம் காங்கிரஸ் தலைவர் ஜோதிராதித்ய சிந்தியா உள்துறை அமைச்சர் அமித் ஷாவுடன் பிரதமர் நரேந்திர மோடியைச் சந்தித்தார்.மத்தியப் பிரதேசத்தில் காங்கிரஸ் தலைமை மீது அதிருப்தியில் இருக்கும் ஜோதிராதித்ய சிந்தியா பாஜகவின் பக்கம்  இருப்பதாக தகவல் .மத்தியப் பிரதேசத்தில் கமல்நாத் தலைமையிலான காங்கிரஸ் ஆட்சி நடைபெற்று வருகிறது. மொத்தமுள்ள 230 இடங்களில் 2 இடங்கள் காலியாக இருக்கின்றன. எனவே பெரும்பான்மைக்கு 115 இடங்கள் தேவை. தற்போது காங்கிரஸ் கட்சிக்கு 114 எம்.எல்.ஏக்களும், பாஜகவிற்கு 107 எம்.எல்.ஏக்களும் உள்ளனர். சுயேட்சை எம்.எல்.ஏக்கள் 4 பேர்,  பகுஜன் சமாஜ் கட்சி எம்.எல்.ஏக்கள் 2 பேர், சமாஜ்வாதி கட்சி ஒரு எம்.எல்.ஏ ஆகியோர் ஆதரவுடன் காங்கிரஸ் கட்சிஆட்சியமைத்துள்ளது .அம்மாநிலத்தில் காங்கிரஸ் ஆட்சி அமைய  ஜோதிராதித்ய சிந்தியா தான் முக்கிய காரணம் என்று சொல்லப்படுகிறது. இவருக்கும், இவரது ஆதரவாளர்களுக்கும் அமைச்சரவையில் இடம் கிடைக்கும் என்று எதிர்பார்க்கப்பட்டது.  ஆனால் இடம் அளிக்கப்படவில்லை.
இதையடுத்து சிந்தியாவிற்கு மாநில காங்கிரஸ் தலைவர் பதவி கிடைக்கும் என்று அவரது ஆதரவாளர்கள் எதிர்பார்த்தனர். அதுவும் கிடைக்கவில்லை. இதனால் காங்கிரஸ் கட்சி தலைமை மீது ஜோதிராதித்ய சிந்தியா மிகுந்த அதிருப்தியில் இருந்துள்ளார்.இதையடுத்து    திடீரென. தனது ஆதரவு 17 எம்.எல்.ஏக்கள் உடன் மாயமாகி இருப்பதாக கூறப்பட்டது. இதுபற்றி தகவல் அறிந்ததும் முதலமைச்சர் கமல்நாத் நேற்று இரவு 10 மணியளவில் அமைச்சரவையை கூட்டினார். இதில் 20 அமைச்சர்கள் கலந்து கொண்டனர்.இந்தக் கூட்டத்தில் பேசிய கமல்நாத், தனது அரசை மாஃபியா உதவியுடன் யாரும் வீழ்த்துவதை அனுமதிக்க முடியாது என்று குறிப்பிட்டார். இதையடுத்து அமைச்சரவையை மாற்றி அமைக்க வசதியாக 20 அமைச்சர்களும் தங்கள் பதவிகளை ராஜினாமா செய்துள்ளனர்.நள்ளிரவில் 16 அமைச்சர்கள் ராஜினாமா: ம.பி. அரசியலில் உச்சகட்ட பரபரப்பு
இந்த சூழலில் இன்று மாலை காங்கிரஸ் எம்.எல்.ஏக்கள் கூட்டம் நடைபெறும் என்று அழைக்கப்பட்டுள்ளது. இதற்கிடையில் ஜோதிராதித்ய சிந்தியா பாஜகவில் இணைய உள்ளதாக தகவல் வெளியானது. இந்நிலையில் பிரதமர் மோடியின் இல்லத்திற்கு சென்று காங்கிரஸ் தலைவர் ஜோதிராதித்ய சிந்தியா சந்தித்துள்ளார்.இந்தச் சந்திப்பின் போது உள்துறை அமைச்சர் அமித்ஷாவும் உடனிருந்தார். ஒருவேளை பாஜகவில் சிந்தியா மற்றும் அவரது ஆதரவாளர்கள் சேரும் பட்சத்தில் காங்கிரஸ் கட்சிக்கு ஆதரவு எம்.எல்.ஏக்களின் எண்ணிக்கை குறையும்.
இதனால் ஆட்சி கவிழும். உடனே பாஜக ஆட்சி அமைக்க வாய்ப்பு ஏற்படும். இதையொட்டி மத்தியப் பிரதேசத்தில் உச்சக்கட்ட அரசியல் பரபரப்பு ஏற்பட்டுள்ளது.காங்கிரஸ் கட்சியின் பதவியை ஜோதிர்ராதித்ய. சிந்தியா ராஜினாமா செய்துள்ளார்.