அனைத்து மாவட்ட நீதிமன்றங்களில் இனி ஆயுதம் ஏந்திய காவலர்கள் பாதுகாப்புப் பணியில் ஈடுபடுவார்கள்.
திருநெல்வேலி நீதிமன்ற வளாகத்தில் ஒருவர் பழிக்கு பழியாக நடந்த படுகொலை சம்பவம் எதிரொலி அனைத்து மாவட்ட நீதிமன்றங்களுக்கும் ஆயுதம் தாங்கிய காவலர் பாதுகாப்பு வழங்க தமிழ்நாடு அரசுக்கு உயர் நீதிமன்ற நீதிபதிகள் உத்தரவு.
இந்தக் கொலை சம்பவம் நடந்தபோது பாதுகாப்புப் பணியிலிருந்து தவறிழைத்த காவலர்கள் மற்றும் அலுவலர்கள் மீது திருநெல்வேலி காவல்துறை ஆணையர் விசாரணை நடத்தி உரிய நடவடிக்கை எடுக்க வேண்டும். நிரந்தரமாக பாதுகாப்பு ஏற்பாடுகளைச் செய்யும் வரை இடைக்காலமாக தமிழ்நாடு முழுவதும் உள்ள அனைத்து மாவட்ட நீதிமன்றங்களுக்கும் தேவையான ஆயுதம் தாங்கிய காவலரை பாதுகாப்புப் பணியில் ஈடுபடுத்த வேண்டும் என உத்தரவிட்டு அடுத்த கட்ட விசாரணையை வரும் ஜனவரி மாதம்.7-ஆம் தேதிக்கு தள்ளி வைத்தனர்.
இந்த நிலையில் தமிழ்நாட்டில் அனைத்து நீதிமன்றங்களிலும் துப்பாக்கி ஏந்திய காவலர் பாதுகாப்பு வழங்க காவல்துறை இயக்குனர் சங்கர் ஜிவால் உத்தரவிட்டுள்ளார்.
கருத்துகள்