கன்னிப்பேச்சில் கவிதை வடித்த கமலஹாசன்

“தமிழ் பிச்சை எடுக்க உதவாது, திருடவும் உதவாது!” - நாடாளுமன்ற மாநிலங்களவையில் கமல்ஹாசன்

முதல் பேச்சு:-

“இன்று தமிழை, தமிழரைப் பார்த்து பிச்சை எடுக்கக்கூட தமிழ் உதவாது என்கிறீர்கள்.( நிதியமைச்சர் நிர்மலா சீதாராமன்)

ஓரளவு உண்மை தான். தமக்கென உங்கள் நிதியைத் திரட்ட ஆங்கிலத்தில், இந்தியில் பிச்சை எடுக்கலாமே! என 

நேற்று நாடாளுமன்ற மாநிலங்களவையில் முதன்முறையாக நடிகர் கமல்ஹாசன்  ஆங்கிலத்தில் உரையாற்றியவர், “இங்கு வரமுடியாமல் போன எம் தமிழர் தலைவர்களுக்கும், என் நண்பர் ஸ்டாலினுக்கும் நன்றி.

இந்த அவையில் ஓர் உறுப்பினராக நின்று பேசுவதை நான் பெரும் கௌரவமாகக் கருதுகிறேன். சினிமா எனும் ஊடகத்தின் வழியாகப் பயணம் செய்து, தமிழகத்தின் பரமக்குடி எனும் ஒரு சிறிய ஊரிலிருந்து புறப்பட்டு வந்தவன் நான்.

இந்தியா என்பது மாநிலங்களால் இணைந்த ஒரு நாடு. அதுதான் இந்திய அரசியல் சாசனமும் வகுத்துக் கொடுத்திருக்கிறது. இந்தியா என்பது மாநிலங்களின் ஒன்றியம் என்பதை மத்திய அரசு புரிந்துகொள்ள வேண்டும். நான் எனது மொழியை எனது ஆசிரியர்கள் வாயிலாகக் கற்றுக் கொண்டேன். எனக்குத் தமிழை அறிமுகப்படுத்திய எனது ஆசிரியர்களில் ஒருவர்தான் தமிழகத்தின் முன்னாள் முதல்வர் அண்ணா.

எனக்குத் தமிழை அறிமுகப்படுத்திய ஆசிரியர்களில் ஒருவர் அரசியல் தலைவர் சி.என்.அண்ணாதுரை. 'துரை' (Durai) என்றால் பிரெஞ்சு மொழியில் அரசன் என்று பொருள். அவர் அரசராகப் பிறக்கவில்லை, ஆனால் தமிழர்களாகிய நாங்கள் அவரை எங்கள் மனங்களில் அரசராக அரியணையில் ஏற்றினோம். எமது மொழி, கலாசாரம் மற்றும் உரிமைகள் மீதான எந்தவொரு ஆக்கிரமிப்பையும் எப்படி எதிர்கொள்வது என்று அவர் எங்களுக்குக் கற்றுக்கொடுத்தார்.

57 ஆண்டுகளுக்குப் பிறகு இன்று நான் உங்கள் முன்னால் பேசுகிறேன். 1969 பிப்ரவரி 3-ஆம் தேதி அவர் மறைந்த தினம். எனது சித்தாந்தத்தின் தந்தைகளில் ஒருவரை இழந்த நான் அப்போது 14 வயதுச் சிறுவன். இன்று அவர் பேசிய அதே அவையில் நான் பேசுகிறேன். இது மேடை அச்சம் அல்ல, உணர்ச்சிகளால் நான் நடுங்குகிறேன். எனக்குள் இருக்கும் உணர்ச்சிப் பெருக்கெடுத்து உங்களைத் புண்படுத்திவிடக் கூடாது என்பதற்காகவே நான் இதையெல்லாம் எழுதி வைத்திருக்கிறேன். இன்று அண்ணாவின் மகனாகவும், காந்தி மற்றும் பெரியாரின் கொள்ளுப் பேரனாகவும் உங்கள் முன் நிற்கிறேன்.

இந்த உரையை ஒரு துளி கோபமும் இல்லாமல் எழுதுவதற்கு மகாத்மா காந்தி எனக்கு உதவினார். தர்க்க ரீதியான வாதங்களை முன்வைக்க தந்தை பெரியார் எனக்கு உதவினார். இந்த மாபெரும் ஜனநாயகக் கட்டிடத்தின் மாண்பைப் புரிந்து கொள்ள அண்ணா எனக்கு உதவினார்.

உயர்ந்த உங்கள் அரசியலில் பங்கேற்க வேண்டும் என்ற ஒரு சாமானியனின் ஆர்வத்தை மன்னித்துவிடுங்கள். ஆனால், வரலாற்றின் போக்கை மாற்றியதும், ஏகாதிபத்திய சர்வாதிகாரிகளை வீழ்த்தியதும் இந்தச் சாமானியர்கள் தான் என்பதை நினைவில் கொள்ளுங்கள். தண்டி யாத்திரையை நினைவுகூருங்கள்.

இப்போது நாம் நிகழ்காலத்தைப் பார்ப்போம். எனது உடனடிக் கவலை வரவிருக்கும் தேர்தல்கள் பற்றியது. எங்களின் தற்போதைய நிலையை 'உயிரோடு இருப்பவர்களின் மரண வாக்குமூலம்' என்று அழைக்கிறேன். நாங்கள் வாக்களிக்க விரும்புகிறோம், ஆனால், தேர்தல் ஆணையம் எழுத்துப் பிழைகளையும் முகவரிகளையும் காரணம் காட்டி எங்களது வாக்களிக்கும் உரிமையையே கேள்விக்குள்ளாக்குகிறது.

'ஸ்பெல்' என்பது ஒரு சொல்லாகவும் இருக்கலாம் அல்லது ஒரு மந்திரமாகவும் இருக்கலாம். நவீன இலக்கியமும் இணையமும் உள்ளடக்கத்திற்காக எழுத்துப் பிழைகளை மன்னிக்கின்றன. ஆனால் தேர்தல் ஆணையம் மன்னிப்பதில்லை. 'EC' என்றால் 'ஆங்கிலப் பயிற்சியாளர்கள்' (English Coaches) என்று அர்த்தமல்ல. பிஹார் ஏற்கெனவே பல 'வாழும் பிணங்களின்' (வாக்காளர் பட்டியலில் இல்லாதவர்கள்) தேசமாகிவிட்டது.

இந்த நோய் நாடு முழுவதும் பரவுவதை நாங்கள் விரும்பவில்லை. மேற்கு வங்கத்தைச் சேர்ந்த எனது சகோதரியும் இதற்காக அவர் உச்ச நீதிமன்றத்தில் போராடிக் கொண்டிருக்கிறார். தமிழ்நாட்டிலும் கிட்டத்தட்ட ஒரு கோடி 'வாழும் பிணங்கள்' காகித அளவில் உருவாக்கப்பட்டு விடுவார்களோ என்று நாங்கள் அஞ்சுகிறோம். இந்த அவையில் நான் பேசும் வார்த்தைகள் உங்களில் சிலருக்குக் காயத்தை ஏற்படுத்தலாம். ஆனால், மேலும், நான் கடவுளை நோக்கி கைகூப்பப் போவது கிடையாது. எனது பகுத்தறிவு மூளை கடவுள் என்ற பிம்பத்தைப் பல ஆண்டுகளுக்கு முன்பே அப்புறப்படுத்திவிட்டது” எனப் பேசினார்.

தொடர்ந்து தமிழில் பேசியவர், “பிச்சைப் பாத்திரத்தில் இருந்து எடுத்த சில்லறைகள் நவீன காலத்துக்கு உதவாது என்று தெரிந்தவர் நீங்கள். நீங்கள் வெள்ளைக்காரகக் கல்வி கற்றது கண்டிப்பாய் கற்பூரப் புத்திதான். அது காற்றோடு போய் பல ஆண்டுகள் ஆகிவிட்டன. அதன் பிறகுதான் உங்கள் பிச்சை பாத்திரம் உருவாக்கப்பட்டது. பிச்சை குவளை பெரும் உண்டியலானது. அந்த உண்டியலை உடைத்து நிதி திரட்ட உதவுவோர், இன்று தமிழை, தமிழரைப் பார்த்து பிச்சை எடுக்கக்கூட தமிழ் உதவாது என்கிறீர்கள். ஓரளவு உண்மைதான். தமக்கென உங்கள் நிதியை திரட்ட ஆங்கிலத்தில், இந்தியில் பிச்சை எடுக்கலாமே! தமிழ்... பிச்சை எடுக்க உதவாது, திருடவும் உதவாது.

தமிழன் பிச்சை எடுக்க மாட்டான், அதுவும் உங்கள் பிச்சையை ஏற்கவே மாட்டான். தங்கச்சி ஓட்டையும் நாட்டையும் இந்த கமலஹாசன் விற்கவே மாட்டான். உங்கள் சாபங்களில் எங்களுக்கு நம்பிக்கை இல்லை. உங்களுக்கு இருக்கக்கூடும் என்ற நம்பிக்கையில், நீங்கள் உணர என் திட்டத்தை சாபமாய் போடுகிறேன், கருணையுடன் நீங்களே ஏற்பீர். உங்கள் இஷ்ட தெய்வங்களை வேண்டிக்கொள்ளுங்கள். பகுத்தறிந்த தமிழ்ச் சித்தன் கூற்று இது 'உம் வினை உம்மை சுடுக'. எங்கள் நாடு நீடூழி வாழும், உம் வினை உம்மைச் சுடுக, ஓட்டப்பம் வீட்டைச் சுடுக. 'வந்தீர் வென்றீர் செல்வீர்' இது உலக நியதி, அரசியல் நியதியும்கூட. வீழ்க வளமுடன். தமிழ் என்றும் வாழும் நலமுடன்" என்று நாடாளுமன்ற மாநிலங்களவையில் மக்கள் நீதி மய்யம் கட்சியின் தலைவரும் உறுப்பினருமான நடிகர் கமல்ஹாசன் பேசினார்.பாராளுமன்ற ராஜ்ய சபாவில் துணை ஜனாதிபதி அமர்வில் நடிகர் கமலஹாசன் எழுப்பிய கேள்வியின் முக்கியத்துவம் என்னவென்றால்.

எத்தனால் என்பது கரும்பு, மக்காச்சோளம் போன்ற தாவரக் கழிவுகளில் இருந்து தயாரிக்கப்படும் ஒரு வகை உயிரி எரிபொருள் (Biofuel).

எத்தனால் விலை பெட்ரோலை விடக் குறைவு என்பதால், எதிர்காலத்தில் E20 எரிபொருள் நுகர்வோருக்குச் சற்று மலிவாகக் கிடைக்கும் ஆனால் இந்த எரிபொருளை பயன்படுத்தும் வாகனங்கள் அனைத்து தரப்பு மக்களிடமும் இருக்கிறதா?

இந்த மாற்றத்திற்கு மக்கள் தயாராகிவிட்டார்களா என்பது பெரிய கேள்விக்குறி?

தற்போது சந்தையில் இருக்கும் பல பழைய வாகனங்கள் E20 எரிபொருளுக்கு ஏற்றவை அல்ல. எனவே, திடீரென எரிபொருள் மாற்றப்படும்போது சாதாரண மக்களின் வாகனங்கள் பாதிக்கப்படுமா? என்பதே பரவலாக மக்களிடையே உள்ள அச்சம்.

எத்தனால் தண்ணீரை ஈர்க்கும் தன்மை கொண்டது. பழைய வாகனங்களில் (E20 வசதி இல்லாதவை) 20% எத்தனால் பயன்படுத்தினால், ரப்பர் குழாய்கள் மற்றும் பிளாஸ்டிக் பாகங்கள் காலப்போக்கில் அரிப்புக்கு உள்ளாகலாம்.

தற்போது சாலையில் ஓடிக்கொண்டிருக்கும் பல பழைய வாகனங்கள் E20 எரிபொருளுக்கு ஏற்றவை அல்ல. அவற்றின் இன்ஜின் பாகங்கள் சேதமடைய வாய்ப்புள்ளது.

​எத்தனால் தயாரிக்க அதிகப்படியான தானியங்களைப் பயன்படுத்துவது உணவுப் பொருட்களின் விலையை உயர்த்த வாய்ப்புள்ளது.

கரும்புச் சக்கை, சோளம் மற்றும் சேதமடைந்த தானியங்களில் இருந்து தயாரிக்கப்படுவதால் இது பெட்ரோலை விட தூய்மையானது. இது கார்பன் மோனாக்சைடு மற்றும் நைட்ரஜன் ஆக்சைடு போன்ற நச்சு வாயுக்களின் வெளியேற்றத்தைக் குறைக்கிறது.

கச்சா எண்ணெய் இறக்குமதிக்காக செலவிடப்படும் அந்நியச் செலாவணி மிச்சமாகும்.

சில சாதகமான விஷயங்கள் இருந்தாலும் சில பாதகங்களும் இருக்கின்றன அதனால் ஏற்படும் பாதிப்பின் மூலம் நேரடியாக பாதிக்கப்படுவது நடுத்தர வர்க்கத்தை சார்ந்தவர்களே. 

இதனால்தான் கமலஹாசனின் கேள்வி முக்கியத்துவம் பெறுகிறது. 

முதல் கேள்வியே நெற்றிப் பொட்டில் அடித்தாற்போல் கேட்டுள்ளார் வைணவ வழி வந்த அயோத்தி ராமர் ஆலய உத்தரவு பெற்ற மூத்த வழக்கறிஞர் பராசரன் உறவினர் கடவுள் நம்பிக்கை இல்லாத நடிகர் எஸ்.கமலஹாசன்.கலைத்துறையில் இருந்து இந்திய நாடாளுமன்றத்து ராஜ்யசபைக்கு தேர்ந்தெடுக்கப்பட்ட அல்லது நியமிக்கப் பட்டவர்கள் பலர்.அதில் நடிகர் திலகம் சிவாஜிகணேசன் - 1980, நடிகை வைஜயந்திமாலா பாலி - 1980, நடிகை ஸ்ப்னா அஷ்மி - 1997, ஜவேட் அக்தர் - 2000, நடிகை ரேகா,நடிகை ஜெயாபச்சன், நடிகர் தாரா சிங், பிரசூன்ஜோஷி, விஜயேந்திரபிரசாத் (ராஜ மெளலியின் தந்தை), இசைஞானி இளையராஜா என இவர்கள் யாரும் மக்கள் சார்ந்து பேசாத அரசியலை நடிகர் கமல்ஹாசன் பேசி இருக்கிறார். கமல்ஹாசன் சார்பு அரசியல் மீது  பலருக்கு பல ஒவ்வாமைகள் உண்டு.ஆனால் அவர் பேசிய அத்தருணம் அந்த உரை.அதில் பட்டுத் தெறித்த துணை தேசிய இறையாண்மை, அந்தக் கம்பீரம். அந்தணர் ஜாடை இருந்தும் இல்லாத உரை பலரை நெளிய வைத்தது, அவர் தசாவதானி தான்.அவரது பாடலிலேயே அவருக்கு பதில் உள்ளது.           

  "எட்டில் 5 எண் கழியும் என்றும் (நமசிவாய)

ஐந்தில் 8 எண் அறியாது (நமோ நாராயணாய)

அஷ்ட அட்சரம் ஏற்கும் நெஞ்சு

பஞ்ச அட்சரம் பார்க்காது

ஊனக் கண்ணில் பார்த்தால் யாவும் குற்றம்தான்

ஞானக் கண்ணில் பார்த்தால் யாரும் சுற்றம்தான்

இல்லை என்று சொன்ன பின்பும் இன்றியமையாது

தொல்லை தந்தபோதும் எங்கள் தில்லை மாறாது

வீரசைவர்கள் முன்னால் எங்கள் வீர வைணவம் தோற்காது

மன்னன் சொல்லுக்கு அஞ்சி என்றும் மேற்கே சூரியன் உதிக்காது

இராஜலஷ்மி (தாயார்) நாயகன் ஸ்ரீனிவாசன் (தந்தை) தான்

ஸ்ரீனிவாசன் சேய் இந்த (கமலஹாசன்) விஷ்ணுதாசன் தான்

நாட்டில் உண்டு ஆயிரம் ராஜராஜன் தான்

ராஜனுக்கு ராஜன் இந்த ரங்கராஜன் (அவரது இயற்பெயர்) தான் அந்த கமலஹாசன் நம்புவோம்".  கமலஹாசனின் நேற்றைய நாடாளுமன்றப் பேச்சு அவரது இயல்புக்கு முற்றிலும் நேர் எதிரானது!

கமலஹாசன் அரசியலை மிக ஆரம்பத்தில் இருந்தே அணுவணுவாக அறிந்தவன் என்ற வகையில் என் மனதில்  தோன்றியது.

சினிமாவில் இயங்கிக் கொண்டிருந்த காலத்திலேயே கமல் தன்னுடைய அரசியல் பிரக்ஜையுடன் தான் இயங்கினார்.  அப்போதும்  அவர்  தயாரித்து நடித்த படங்களில் இலைமறை காயாக மட்டுமல்ல, நேரடியாகவே கூட தன்னுடைய  ஜாதிய மற்றும் மதவாத அரசியலை வெளிப்படுத்தியவர் தான்!

முற்போக்காளரைப் போன்ற வெளித் தோற்றம் காட்டிய அவரது உள்ளார்ந்த உளவியலுக்குள் படுபிற்போக்கான  அரசியல் இழையோடி வந்ததை பற்பல நேரங்களில் பார்த்திருக்கலாம் .

ஆக, 2017-ஆம் ஆண்டில் அவர் அரசியலுக்குள் அடி எடுத்து வைத்த போதும், அவர் அதையே வெளிப்படுத்தினார். 

கமலஹாசனின் மொழி அரசியல் என்பது  நேரம் காலம் இடத்திற்கு ஏற்ப நிறம் மாறிய பச்சை வெளிப்படுவதாகும்!

அந்தந்த ஊடகவியலாளரிடம் அவரவர் சார்ந்த மலையாளியாக, தெலுங்கனாக, வட இந்திக்கார வாலாவாக கமலஹாசன் போலித்தனமாக வெளிப்பட்ட நிகழ்வை என்னுடைய ஊடகவியல் அனுபவத்தில் அருகில் நேரடியாக அறிந்தவர் பலர்.

எப்படியென்றால், அவர் பல மொழிப் படங்களில் நடித்ததைப் போலவே 1980 -90  களின் காலங்களில் இந்தியாவின் புகழ்பெற்ற ஆங்கில, மலையாள, தெலுங்கு, இந்தி பத்திரிகைகளுக்கும் போட்டோ ஜர்ணலிஸ்டாக சென்ற காலங்களில் அவரை அருகிருந்து உணர்ந்தவன் நான்.

நேற்றைய தினம் கமலஹாசன் பாராளுமன்றத்தில் ஒரு திராவிடப் பின்புலமுள்ள அரசியல்வாதி பாத்திரமேற்று, அதற்கேற்ப ஸ்கிரிட்டை கேட்டெழுதி வாங்கி வந்து ஏற்ற இறக்கங்களுடன் உணர்வுபூர்வமாக தன்னுடைய வழக்கமான பாணியோடு பேசினார். 

ஆம், நாடாளுமன்றத்திலும் நடித்தார்  என்று தான் தோன்றும் நேற்றைய கமலஹாசனின் நாடாளுமன்ற உரை என்பது திராவிட மற்றும் தமிழ் பற்றாளர்களின் உள்ளத்தை கவர்வதற்கான ஒரு ’பொலிடிகல் ஸ்டேர்ஜி’ தான். அதற்கான அவரது ’பெர்பாமன்ஸ், பெர்பெக்டாக’ இருந்தது. அவ்வளவு தான். இதற்கு மேல் ஒன்றுமில்லை.

அந்த பெர்பாம்ன்ஸை சிறப்பாக செய்து பற்பலரின் பாராட்டையும் அவர் பெற்றது என்பது அதிசயமல்ல. 

பொறுத்திருந்து பாருங்கள்.  நெருக்கடியான சந்தர்ப்ப சூழ் நிலைமைகளில் தான் ஒருவரின் உண்மையான குணம் வெளிப்படும். இது பப்ளிக் ஜஸ்டிஸ் கணிப்பு.