"வரப்புயர நீர் உயரும் நீர் உயர நெல் உயரும் நெல் உயரக் குடி உயரும் குடி உயரக் கோல் உயரும் கோல் உயரக் கோன் உயர்வான்.." இங்கு கோன் என்பது அரசன்.தமிழ் மூதாட்டி ஒளவையார் சோழ அரசனுடைய அவைக்களத்தில் அமர்ந்திருந்தார். வேறு பல புலவர்களும் அங்கே இருந்தார்கள் அப்பொழுது புலவர்கள் எல்லோரும் சோழ, மன்னனைப் பல படியாக வாழ்த்தினார்கள்; பாட்டாலும் உரையாலும் விரிவாக வாழ்த்திப் பாராட்டினார்கள. கடைசியில் ஒளவையார் வாய் திறந்தார்; "வரப்புயர' என்று சுருக்கமாகச் சொல்லி விட்டுச் சும்மா இருந்தார். 'இவ்வளவுதானா? என்ற எண்ணத்தோடு எல்லோரும் அவர் முகத்தையே நோக்கினார்கள், அவர்களுடைய உள்ளக் கிடக்கையை உணர்ந்த ஒளவையார், "நான் சொன்ன வாழ்த்துச் சொல்லளவில் சுருக்கமாக இருந் தாலும், பொருளளவில் விரிவானது. வரப்பு உயர நீர் உயரும்; நீர் உயர நெல் உயரும்; நெல் உயரக் குடி உயரும்; குடி உயரக் கோன் உயர்வான்' என்று விளக்கம் கூறவே, யாவரும் வியப்பும் மகிழ்ச்சியும் அடைந்தார்கள்: இப்படி ஒரு வரலாறு வழங்கி வருகிறது.,
தமிழ் மூதாட்டி ஒளவையார் கூறிய விளக்கத்தை அப்படியே சொல்லும் பாடலொன்று சிறுபஞ்ச மூலத்திலிருக்கிறது" அழகு" என்று சொல்லும்போது, இவை வனப்பு அல்ல. என்று ஐந்து வனப்புகளைச் சொல்கிறார்.
"மயிர்வனப்பும், கண்கவரும் மார்பின் வனப்பும், உகிர்வனப்பும், காதின் வனப்பும்,- செயிர்தீர்ந்த பல்லின் வனப்பும் வனப்பு அல்ல; நூற்கு இயைந்த சொல்லின் வனப்பே வனப்பு". -அதுபோலவே வரலாறு எப்போதும் மாறாது அது பதிவு செய்வதில் வேண்டுமானால் ஆசிரியரின் தவறாகும். உண்மை வரலாறு எப்போதும் மாறாது மாற்றவும் முடியாது..
வீரன் அழகுமுத்துக்கோன் சேர்வை (1710 ஆம் ஆண்டு முதல் 1759 ஆம் ஆண்டு வரை) திருநெல்வேலி ஜில்லா கட்டாலங்குளம் பகுதியில் எட்டயபுரம் பாளையக்கார நாயக்கர் ஜமீனின் சிற்றரசராக இருந்தவர். தற்போதுதூத்துக்குடி மாவட்டம் கட்டாலங்குளத்தில் தமிழ்க் அரசால் 1995 க்குப் பிறகு உருவாக்கப்பட்டு அமைந்துள்ள வீரன் அழகுமுத்துக்கோன் மணிமண்டபத்தில் அதன் பின்னர் ஆண்டு தோறும் ஜீலை மாதம் 11 ஆம் தேதி அரசு சார்பில் மரியாதை செலுத்தும் நிகழ்ச்சி நடைபெறுகிறது. 2012 ஆம் ஆண்டு வீரன் அழகுமுத்துக்கோன் குறித்த ஆவணப்படம் ஒன்றும் வெளியிடப்பட்டது. 2015 ஆம் ஆண்டு டிசம்பர் மாதம் 26 ஆம் தேதி இந்திய அரசு தபால் தலை வெளியிட்டது
. இந்த ஆண்டு நேற்று நடந்த நிகழ்வு வீரர் அழகுமுத்துக்கோன் 311 வது பிறந்தநாளை முன்னிட்டு சென்னை எழும்பூரிலுள்ள திருவுருவச்சிலைக்கு மாலை அணிவித்து மரியாதை செய்த தமிழக போக்குவரத்துறை அமைச்சர் ஆர்.எஸ். ராஜகண்ணப்பன், ஊரக வளர்ச்சித் துறை அமைச்சர் கே.ஆர்.பெரியகருப்பன், இந்து சமய அறநிலைய துறை அமைச்சர் சேகர்பாபு, செய்தித்துறை அமைச்சர் சுவாமிநாதன், சட்டமன்றஉறுப்பினர்கள் பரந்தாமன், நீலமேகம் மற்றும் பலரும் கலந்து கொண்டனர். கட்டாலங்குளத்திலுள்ள வீரன் அழகு முத்துக்கோன் திருவுருவச் சிலைக்கு நாடாளுமன்ற உறுப்பினர் கனிமொழி கருணாநிதி மாலை அணிவித்து மரியாதை செலுத்திய நிகழ்ச்சியில் அமைச்சர்கள் அனிதா ராதாகிருஷ்ணன், கீதா ஜீவன் மற்றும் மாவட்ட ஆட்சியர் செந்தில்ராஜ் உள்ளிட்டோர் பங்கேற்றனர். பாஜகவின் சட்டமன்ற கட்சி தலைவரும் முன்னாள் அமைச்சருமான நயினார் நாகேந்திரன் உள்ளிட்ட பல்வேறு அரசியல் கட்சித் தலைவர்கள் மரியாதை செலுத்தினர் வீரன் அழகுமுத்துக்கோன் சேர்வை வீர வரலாற்றுப்
பக்கம்
:- அழகுமுத்துக்கோன் சேர்வை ஜெகவீரராமபாண்டிய எட்டப்பன் என்கிற எட்டயபுரம் குறுநில மன்னரின் தளபதி பிரதானியாக இருந்தவர். வீரர் அழகுமுத்துக் கோன் சேர்வைக்காரரின் தந்தை கட்டாலங்குளம் பகுதியை அரசாலும் உரிமையை,
மதுரையை ஆண்ட விஜயநகர பேரரசின் வழிவந்த நாயக்க மன்னர் முதலாம் கிருஷ்ணப்ப நாயக்கர் குமாரர் பெரிய வீரப்ப நாயக்கரிடம் ஒரு செப்பும் பட்டயம் மூலம் உரிமை பெற்று சிற்றரசராக அரசாண்டார்.
மதுரை பனையூர் கான்சாகிப்பாக மாறிய மருதநாயகம் பிள்ளை யூசுப்கான்சாகிப்பை எதிர்த்து பெத்தநாயக்கனூர் கோட்டையில் போரிட்டதில் அழகுமுத்து கோன் சேர்வைக்காரர் மற்றும் ஐந்து உப படைத்தளபதிகளும் பீரங்கியின் முன்னால் வைத்து சுட்டுக்கொல்லப்பட்டார்கள். வீரனுக்கு சாவு ஏது ? அதுவே வரலாறு.
பெரிய வீரப்ப நாயக்கர் எழுதி வழங்கிய செப்புப் பட்டயத்ததில் இடம்பெற்றுள்ள கோபால வம்சம், கிருஷ்ண கோத்திரம் என்ற சொற்கள் விஜயநகரப் பேரரசின் கீழ் உள்ள நாயக்க மன்னர்கள் அரசாட்சி செய்த பகுதியில் வழங்கும் ஒரு கட்டியம் கூறும் வார்த்தைப் பிரயோகம் கட்டாலங்குளத்தில் வீரன் அழகுமுத்துக்கோன் சேர்வையின் நேரடி வாரிசுகள் வாழ்ந்து வருகின்றனர். அவர் பிறந்த ஊரில் வேறு சமூகத்தினர் இல்லை.
டபிள்யு.இ.கணபதி பிள்ளை 1890 ஆம் ஆண்டு எழுதிய 'Ettayapuram past and present' என்ற ஏடு எட்டையபுரம் ஜமீன் சமஸ்தானத்தில் வேலை செய்த சுவாமி தீட்சிதர் என்பவரால் எழுதப்பட்ட வம்சமணி தீபிகை
எட்டயபுரம் சமஸ்தானத்தின் உரிமைக்காகப் போராடிய வீரன் அழகுமுத்துக் கோன் சேர்வையை ஆங்கிலக் கிழக்கிந்தியக் கும்பினியப்படை, கைகளிலும் கால்களிலும் விலங்குகளைப் பூட்டி, பீரங்கிக்கு முன்னால் நிறுத்தியது.
அவர் போலவே கைகளில் பூட்டப்பட்ட விலங்குகளோடு ஆறு துணைத் தளபதிகளும் 248 வீரர்களும் நிறுத்தப்பட்டார்கள்.
எங்களை எதிர்ப்போர்க்கு இதுதான் கதி என்று ஆங்கில கிழக்கிந்தியக் கும்பினிப்படை எக்காளமிட்டுச் சுற்றி வந்தது. `ம்’ என்ற உத்தரவு வந்தால் பீரங்கிகள் முழங்கும். வீரன் அழகு முத்துக்கோன் சேர்வையுமும் அவரது உப வீரர்களும் உடல் சிதறிப் போவார்கள். அதைப் பொறுக்கமாட்டாமல்தான் அன்றைய நடுக்காட்டுச் சீமை மனம் கலங்கியது.
“மன்னிப்புக் கேட்டால் இக்கணமே விடுதலை. உங்கள் உப பாளையம் வரி கொடுக்கச் சம்மதித்தால் உயிர் மிஞ்சும்” என்று ஆங்கில கிழக்கிந்தியக் கும்பினிப்படை மிரட்ட ஆனால் “தங்கள் சமஸ்தானத்தின் மானத்துக்காக மரணத்தை ஏற்க நாங்கள் தயார் ” என்ற வீரன் அழகுமுத்துக்கோன் சேர்வை வார்த்தையில்
ஆத்திரம் கொண்ட. இருநூற்று நாற்பத்தெட்டு வீரர்கள் அவர் கண்முன் வெட்டிச் சாய்க்கப்பட்டனர். நிறுத்தி வைக்கப்பட்ட ஏழு பீரங்கிகளின் வாயில் இடப்பக்கம் மூன்று தளபதிகளையும் வலப்பக்கம் மூன்று தளபதிகளையும் நடுவில் வீரன் அழகுமுத்துக்கோன் சேர்வையையும் நிறுத்தினார்கள். பீரங்கிகள் உத்தரவு வர முழங்கியதில் வீரர்கள் உடல்கள் வெடித்துச் சிதறின.
வீரன் அழகுமுத்துக் கோன் சேர்வை தனது பாளையத்தின் ஜமீன் மண்ணை அடிமைப்படுத்த நினைத்த ஆங்கில அன்னிய சக்திகளுக்கு எதிராக முழக்கமிட்ட வீரனை வீர வணக்கத்துடன் இன்று நினைவு கூறுகிறோம் வீரன் அழகுமுத்துக் கோன் சேர்வையின் கொடி வழி மூதாதையர்களாக 11 ஆம் நூற்றாண்டு காலத்தில் சோழமண்டலத் தளபதி உத்தம சோழ கோன் மிலாடுடையார் எனவும் செவிவழிச் செய்தி உள்ளது. சோழனின் தளபதிகளான இவர்கள் குற்றாலத்திற்கு அருகே குடியமர்த்தப்பட்டுளனர். இதன் பின்பு நாயக்க மன்னர்கள் ஆட்சியில் எட்டயபுரம் ஜமீன் மூலம் கட்டாலங்குளம் மற்றும் ஊற்றுமலை பாளையப்பகுதியில சென்று உப பாளையம் அமைத்தனர். இதில் ஊற்றுமலை பாளையக்கரர் மருதப்பத் தேவர். அழகுமுத்துவின் மூதாதயர்கள் பாண்டியர்களின் கீழ் சிற்றரசர்களாகவும் பின்பு திருமலை நாயக்கர் காலத்தில் கட்டாலங்குளம் திசை காவலர்களானார்களாகவும். பின்பு எட்டயபுரம் ஜமீனை ஆண்டு வந்த எட்டப்ப நாயக்கருக்கு தம்பதிகளாகவும் பனியாற்றியமைக்காக இவர்களுக்கு சேர்வைக்காரர் எனப் பட்டமளித்து கௌரவப்படுத்தினர்.வீரன் அழகுமுத்துக் கோன் சேர்வைக்காரருக்கு மதுரையை ஆண்ட கிருஷ்னப்ப நாயக்கர் தந்த செப்பேட்டில்
காசியப்ப கோத்திர கிருஷ்னப்ப நாயக்கர் என்றும் நாயக்கர் குலத்தையும் கோபல வம்ச கிருஷன கோத்திரம்
என்ற வரிகள் திருமலை நாயக்க மன்னர் தமது தளபதிகளுக்கும் பிற பாளையங்களுக்கும் தந்த செப்பேடுகள் அனைத்திலும்
கோபால வம்சம் கிருஷன கோத்திரம் என இடம்பெறுவது ஒரு கட்டியம் கூறும் சம்பிரதாயம் ஆகும் அழகுமுத்துக் கோன் சேர்வை வைணவரே (கோபால வம்சம் கிருஷ்ன கோத்திரம்) அல்ல. கோபால வம்சம் என்பது வேளிர் போன்ற குறுநில மன்னரையும்,தளபதிகளையும் குறிக்கும். சக்கரவர்த்திகளைக் குறிக்க ரவிகுலம்,சந்திரகுலம்,காசியப்ப கோத்திரம்
போன்ற சொல்லைப் பயன்படுத்துவர். எட்டயபுரம் "ஃபாஸ்ட் அண்ட் பிரசண்ட்" என்ற ஆங்கில நூலை டபிள்யு. இ. கணபதி பிள்ளை எழுதியுள்ளார். அதிலும் வம்சமணி தீபிகையில் கூறியுள்ளபடியே சொல்லப்பட்டுள்ளது. இந்த நூல் தான் தற்பொழுது அழகுமுத்துக் கோன் சேர்வைக்காரர் கான்சாகிப்பை மருதநாயகம் பிள்ளையை எதிர்த்துப் போர் புரிந்தார் என்று சான்று காட்டுவதற்குச் சிறந்த அடிப்படை ஆதாரம் கொண்ட நூலாக தமிழ்நாடு அரசு ஆவணக் காப்பகத்திலுள்ளது. அந்த நூலில் அரசர் கொடுத்த பட்டயம் பற்றியும் தகவல் உள்ளது. அதிலும் வீரன் அழகுமுத்துக் கோன் சேர்வைக்காரன் என்று தான் உள்ளது
1932 ஆம் ஆண்டு அழகுமுத்து சேர்வை வாரிசுதாரர்கள், அவர்களின் கார்டியன் பாக்கியத்தாய் அம்மாள் மூலம் தனது ஜமீன் சொத்துக்களைப் பாகவிஸ்தி மூலம் பெறுகிறார்கள். சொத்தைப் பெற்றவர்களாக அழகுமுத்து என்ற துரைச்சாமி சேர்வைக்காரர் இந்து ராயர். சின்னச்சாமி என்ற குமாரெட்டு சேர்வைக்காரர் இவர்கள் இருவரின் மூத்த மகன்களுக்கு தனது இரண்டு மகள்களை பெண் கொடுத்த அப்பாவு அய்யா சேர்வைக்காரர் என்றும். பத்திரத்தில் சாட்சியாகவும் ஜமீன் திவான் (மேனேஜர்) கவும் வருகிறார். அந்த இரண்டு வாரிசுகள் தான் அழகுமுத்து சேர்வைக்காரரின் நேரடி வாரிசுகள், தற்போதும் அதன் கொடி வழி வாழ்ந்து வருகின்றனர்.
மதுரை, தூத்துக்குடி, திருநெல்வேலி, சிவகங்கை, இராமநாதபுரம் ஆட்சித் தலைவர்களுக்கும் ஆதரங்களோடு பலரால் ஆட்சேபனை தெரிவிக்கப்பட்டது. ஜமீன் ஒழிப்புச் சட்டத்தின் போது இந்திய அரசால் (எஸ்டேட் அபாலியேசன் ஆக்ட்) படி நஷ்ட ஈடு பெற்றவர்களின் சான்றாவணம் இன்றும் தமிழ்நாடு அரசு ஆவணங்கள் காப்பகம் மற்றும் லேன்ட்செட்டில்மென்ட் அலுவலகத்திலுள்ளது. அதில் அழகுமுத்து என்ற துரைச்சாமி சேர்வைக்காரனின் புத்திரர் காசிச்சாமி சேர்வைக்காரர் (சிவத்தசாமி அவர்களின் தந்தை) சின்னச்சாமி என்ற குமாரெட்டு சேர்வைக்காரர் மற்றும் அவர்களின் புதல்வர்கள்:- சின்னச்சாமி என்ற குமாரெட்டு சேர்வைக்காரர் சுந்தரராஜ சேர்வைக்காரர் வாரிசுதாரர் லக்ஷ்மிராஜா துரைராஜா
சேர்வைக்காரர் பால்துரை சேர்வைக்காரர் செல்லச்சாமி சேர்வைக்காரர் எனவுள்ளது. ஆனால் தற்போது பலர் வரலாறு பதிவு செய்வதில் திரிபு அதிகம். மன்னர் காலத்தில் வரலாறு மாற்றம் செய்தால் பொய் உறைந்த குற்றப்படி மன்னர் தண்டனை தருவார் ஆனால் மக்கள் ஆட்சியில் உள்ளது பேச்சு சுதந்திரம் எழுத்துச் சுதந்திரம் பலரை பல்வாறு மாற்றிப் பேச எழுத வைக்கிறது.
கருத்துகள்