கீழக்கரை ஜல்லிக்கட்டு அரங்கம் திறப்பு விழா

மதுரையில் திருமலை நாயக்கர் ஆட்சிக்காலத்திற்கு முன்பு சித்திரைத்

திருவிழாவிற்கு அழகர் மலையிலிருந்து வரும் கல்லழகர் இந்த ஊர் வழியாக வந்து தேனூர்க்கருகிலுள்ள வைகையாற்றில் இறங்கியிருக்கிறார். அழகர்கோயிலிலிருந்து வரும் அழகர் அந்த ஊரில் வைத்து அலங்காரம் செய்ததால் அலங்காரநல்லூர் என்று அழைக்கப்பட்டிருக்கிறது. பின்பு இப்பெயர் மருவி ‘அலங்காநல்லூர்’ ஆகி விட்டது.

மதுரை அவனியாபுரத்தில் பொங்கலன்றும், பாலமேட்டில் மாட்டுப்பொங்கலன்றும் ஜல்லிக்கட்டு நடத்தப்படுகிறது. அலங்காநல்லூர் ஜல்லிக்கட்டு மாட்டுப்பொங்கலுக்கு மறுநாள் நடத்தப்படுகிறது. அலங்காநல்லூரில் ஜல்லிக்கட்டு வருடந்தோறும் யாருக்காக நடத்தப்படுகிறது தெரியுமா? இந்த ஊரின் காவல்தெய்வமான முனியாண்டிக்காகத்தான் நடத்தப்படுகிறது.

முனியாண்டி சேர நாடான மலையாளத்திலிருந்து மதுரைக்கு வந்த காவல் தெய்வம். மலையாளத்திலிருந்து முனியாண்டி சுவாமி ஒரு போர்க்காலத்தில்   ஒரு பெட்டியில் வைத்து ஆற்றில் விட்டுவிட பெட்டி கரையொதுங்கிய இடம் தான்  அலங்காநல்லூர். அதைப் பார்த்தவரிடம் முனியாண்டி தான் இங்கேயே இருந்து மக்களைக் காப்பதாக கூறியிருக்கிறார். அவரை பெட்டியில் வைத்து பார்த்த குடும்பத்தினர் தான் இங்கு காலம்காலமாக பூசாரியாக இருந்து வருகின்றனர். இதுபோன்ற கதைதான் கருப்புசாமிக்கும் சொல்லப்படுகிறது.  இதன் தொடர்ச்சியாக             தென் மாவட்டத்தில் எங்கு ஜல்லிக்கட்டு நடத்தப்பட்டாலும், அப்பகுதிகளில், முதலாவதாக சிங்கம்புணரி

சேவுகப்பெருமாள் அய்யணார் கோவில் மாடுகளும் சுவாமி மாடு எனும் கோவில் காளை என்று முதலாவாக அவிழ்த்து ஓட விடுவார்கள். அதை யாரும் பிடிக்க மாட்டார்கள் பிடிக்கக்கூடாது என்பது ஆண்டாண்டு காலமாக உள்ள மரபு. விபரம் அறிந்தவர்களுக்குத் தெரியும் அந்த மாடுகள் ஊர்மக்கள் மூலம் வெற்றிலை பாக்கு வைத்து மரியாதை நிமித்தம் அழைத்து வரப்படுவதால் அந்த ஐதீகம் அலங்காநல்லூரில் நடக்கும் ஜல்லிக்கட்டில் அப்படி ஒரு ஐதீகம் உண்டு அந்தக்கோவில்  மாடு மாவீரன் அழகாத்தேவன் நினைவாகவே அவிழ்த்துவிடப்படுகிறது அதன் விபரமாவது :

மதுரை மாவட்டத்தில் சொரிநாயக்கன்பட்டி என்ற  சொரிக்காம்பட்டி கருத்தமாயன் செல்வந்தரான நிலசயசுவான்தாரர். அவரது இளைய மகன்  அழகாத்தேவன் புஜபல பராக்கிரம இளைஞன். பொறுப்பில்லாமல் அவனது நண்பன் தோட்டி மாயாண்டியோடு ஊர் சுற்றுகின்ற பொறுப்பற்ற  நாடோடி. 

அழகாத்தேவனுக்கு திருமணம் செய்து விட்டால்  ஒழுங்காக இருப்பானென் ஊர் உறவுப் பெரியவர்கள் கூறியதைக் கேட்ட கருத்தமாயன் பெண் பார்க்கத் தொடங்கினார்.

நாகமலைக்கு அருகில் கீழக்குயில்குடியில் வாழும் கருத்தமலை மகள் ஒய்யம்மாள் குறித்து அறிந்து, தன் செல்வாக்குக்கு சமமாக இல்லையெனினும் கருத்தமாயன், கருத்தமலையின் வீட்டிற்கு பெண் பார்க்கச் செல்கிறார். 

கருத்தமலைக்கோ ஏக மகிழ்ச்சி. தனது மகளைப் பெண் பார்க்க கருத்தமாயன் வருவதை யறிந்து ஊருக்கே விருந்தென தடபுடல் செய்கிறார். வழக்கமான சம்பிரதாயங்கள் முடிந்த பின்னர் கருத்தமாயன், தனது மகன் அழகாத்தேவனுக்கு ஒய்யம்மாளைக் கேட்கிறார். கருத்தமலையோ தனது மகளிடம் ஒரு வார்த்தை கேட்க வேண்டும் என்று கூறி ஒய்யம்மாளிடம் கேட்கிறார். 

அவளுக்குப் அழகாத்தேவனைப் பிடித்துப்போனாலும், நிபந்தனை ஒன்றை விதிக்கிறாள். தான் வளர்த்து வரும் ஏழு காளைகளையும் அழகாத்தேவன் மஞ்சுவிரட்டில் அடக்கினால், திருமணத்திற்கு தான் ஒத்துக் கொள்வதாகவும், ஒருவேளை தோற்றால் தனது வீட்டில் பண்ணை அடிமையாக வேலை பார்க்க வேண்டும் என நிபந்தனையும் விதிக்கிறாள். 

இச் சவாலை ஏற்ற அழகாத்தேவனும் காளையை அடக்கும் மஞ்சுவிரட்டுக்கு ஒரு திருவிழாவில் நாள் குறிக்கிறார்கள். தனது நண்பன் தோட்டி மாயாண்டியோடு இணைந்து கடும் பயிற்சி மேற்கொள்கிறான் அழகாத்தேவன். அந்த நாளும் வந்தது. இரண்டு ஊர்ப் பொது மக்கள் மற்றும்   பக்கத்து ஊர் ஜனங்களும் கூடி நிற்க அழகாத்தேவன், வாடிவாசல் அருகே ஒய்யம்மாள் வளர்த்த ஏழு காளைகள் அவிழ்க்கபடவே ஒவ்வொன்றாக எதிர்கொண்டு

மிகத் திறமையாக வீழ்த்திய அழகாத்தேவன், ஏழாவது காளையோடு மல்லுக்கட்டுகிறான் போராட்டத்தில் காளை அழகாத்தேவனின் வயிற்றில் குத்தியது. 

குடல் சரிந்த நிலையிலும் போராடி அந்தக் காளையை அடக்குகிறான். உயிருக்கு ஆபத்தான நிலையில், அழகாத்தேவனைவாக்குக் கொடுத்த காரணத்திற்காக கருத்தமலை பெண் கொடுக்கச் சம்மதிக்கிறார். 

சுற்று வடடாரக் கிராம ஜல்லிக்கட்டுகளில் பெயர் பெற்ற தங்களது காளைகளை அடக்கிவிட்டானே எனும்  கோபத்தின் காரணமாக ஒய்யம்மாளின் சகோதரர்களுக்கு அழகாத்தேவனைப் பிடிக்கவில்லை. ஆகையால் அவர்கள் ஒரு சூழ்ச்சி செய்து, அழகாத்தேவனுக்கு மருத்துவம் பார்த்த பெண்ணைச் சரிக்கட்டி, அவனது உடம்பிலுள்ள காயத்தில்  விஷமேற்றிக் கொண்று விடுகிறார்கள்!!

இந்த செய்தி ஒய்யம்மாளுக்குத் தெரியவரவே, தாங்கொணாத துயரத்தில் அழகாத்தேவனோடு உடன்கட்டை ஏறி தனது உயிரை மாய்த்துக்கொள்கிறாள்!!

அழகாத்தேவன் நினைவாக அவனது பரம்பரையில் வந்தோர், மதுரை மாவட்டம் செக்கணூரணிக்கு அருகிலுள்ள சொரிக்காம்பட்டியில் கோயில் கட்டி வணங்கினர். 

கருவறையில் காளையோடு அழகாத்தேவன் நிற்க... அக்கோயிலுக்கு வெளியே அமைக்கப்பட்ட நினைவு வளைவில் நண்பன் தோட்டி மாயாண்டிக்கும் சிலை எழுப்பினர். அதன் பின்பாக 

கீழக்குயில்குடிக்காரர்களிடம் சொரிக்காம்பட்டிக்காரர்கள் எந்தவித மண உறவோ, கொடுக்கல் வாங்கலோ இன்றுவரை வைத்துக்கொள்வதில்லை. இந்த மரபு காலங்காலமாகத் தொடர்கிறது. சுமார் 

நானூறு ஆண்டுகால ஒரு காதல் கதை கொண்ட  வரலாற்றை மதுரை மாவட்ட ஜல்லிக்கட்டு போட்டிகள் இன்றும் வீரத் தழும்பா சுமந்து கொண்டிருக்கின்றன. சொரிக்காம்பட்டி கிராம எல்லையில்... தோட்டி மாயாண்டி காவல் நிற்க...அழகாத்தேவன் கருவறையில் காளையோடு அருள்பாலித்துக் கொண்டிருக்கிறான்..ஒய்யம்மாள் அக்கருவறை காற்றோடு காற்றாய்.

காதலும் துரோகமும் நாணயமும் ரோசமும் நிறைந்த இந்த வீர தீர பாராக்கிரம வரலாறு தான் ஜல்லிக்கட்டின் அலசங்ஙாநல்லூர் தோன்றல் தொடர்கிறது, மதுரை விஜயநகரப் பேரரசு காலகட்டத்தில் அதாவது 14-ஆம் நூற்றாண்டு)தான் ஏறுதழுவுதல் என்ற சொல் மாற்றம் பெற்று அது ஜல்லிக்கட்டு ஆனது என்பது  ஆய்வறிஞர்கள் கூற்று.

நாம் இன்னும் கொஞ்சம் முன்னால போயிடுவோம். அதுதான் சரியாவும் இருக்கும்.

நான்கு  வேதங்கள்ல பழமையானது ரிக்' வேதம்.  2300- வருஷமாகுது. ஏறுதழுவுதல் ஜல்லிக்கட்டு மாடுபிடி விளையாட்டு-என அதிலெங்கும் காணோம்"இனத்தின் தீர்ந்த துளங்கு இமில் நல் ஏறு மலைத்  தலை வந்த மரையான் கதழ் விடை மாறா மைந்தின் ஊறுபடத் தாக்கி கோவலர் குறவரோடு ஒருங்கு இயைந்து ஆர்ப்ப வள இதழ்க் குழவியும் குறிஞ்சியும் குழைய நல ஏறு பொரூஉம் கல்லென் கம்பலை"

சிலப்பதிகாரம்   கூறுவதிது ரோமாபுரியின் ராட்சச கொலீசியத்தைப் பார்த்தவர்கள்  ஸ்பெயின் நாட்டின் காளை அடக்கும் போட்டி நடக்கும் பிரமாண்ட அரங்கத்தைப் பார்த்தவர்கள் 

 அலங்காநல்லூர் அருகில் கீழக்கரை அரங்கத்தையும் அண்ணாந்து பார்க்கலாம் ஆனால் அதில் அந்தக் கால வரலாறு பதிவாகுமா என்பது இங்கு எழுவினா?  தற்போது 23 ஆம் புலிக்கேசி திரைப்படக் கருத்தியல் போல அமைக்கப்பட்ட அரங்கம்  காளைகளுடன் காளையர்கள் மோதும் பிரமாண்ட விளையாட்டுப் பகுதி காளைகள் சீறி வரும் வாடி வாசல், அரண்மனை போன்ற  நுழைவாயில், நிர்வாக அலுவலகங்கள், மருத்துவப் பரிசோதனைக்கான அரங்கம், முதலுதவி மையம், பத்திரிக்கையாளருக்கான கேலரி, காளைகளைப் பதிவு செய்யும் மையம், உடை மாற்றும் அறைகள், பொருட்களை வைக்க பிரமாண்ட அறை, ஜல்லிக்கட்டு வரலாறு சொல்லும் மியூசியம், தற்காலிக விற்பணைக் கவுண்டர்கள், மழை நீர் வடிகால் வசதி, அழகிய நீரூற்று, செயற்கைப் புல்வெளி, 50,000 லிட்டர் கொள்ளளவு கொண்ட மேல்நிலை நீர்த்தேக்க தொட்டி, விஐபி காலரி, பிரமாண்ட பார்வையாளர் காலரி,

கிட்டத்தட்ட 10,000 பேர்  ஜல்லிக்கட்டைப் பார்க்கும் வசதியுடன்  அலங்காநல்லூர் ஜல்லிக்கட்டு ஸ்டேடியம் 2022 ஆம் ஆண்டு ஜல்லிக்கட்டு அரங்கம் அமைக்கும் பணிகளுக்கு திட்டமிடப்பட்டது, தற்போது திறக்கப்படவுள்ளது.