புதுக்கோட்டை மாவட்ட ஆட்சியர் பங்களாவிலிருந்த விநாயகர் சிலையை புதிய ஆட்சியர் இடம் மற்றியது ஏன் பாஜக வினா
புதுக்கோட்டை மாவட்ட ஆட்சித் தலைவர் வசிக்கும்
பங்களாவிலிருந்த விநாயகர் சிலையை புதிதாக வந்த மாவட்ட ஆட்சியர் மெர்சி ரம்யா அகற்ற உத்தரவிட்டதால், அகற்றும்போது சிலை உடைந்துவிட்டதாக ஹிந்து பக்த அமைப்புகளைச் சேர்ந்தவர்களும் பாஜக வைச் சேர்ந்தவர்களும் கண்டனம் தெரிவித்தனர் அதற்கு மாவட்ட நிர்வாகம் விளக்கமளித்துள்ளது.
புதுக்கோட்டை மாவட்ட ஆட்சியர் பங்களாவின் நுழைவாயிலில் விநாயகர் சிலை ஒன்று நீண்ட காலமாக அமைந்துள்ள நிலையில் புதுக்கோட்டை மாவட்ட ஆட்சியராக இருந்த கவிதா ராமு அண்மையில் மாற்றப்பட்டு தற்போது மெர்சி ரம்யா புதிய மாவட்ட ஆட்சியராகப் பொறுப்பேற்றுள்ளார். அவர் இதுவரை கலெக்டர் பங்களாவில் குடியேறவில்லை. பங்களாவை சீரமைக்கும் பணிகள் தற்போது நடைபெற்று வருகின்ற நிலையில் கலெக்டர் பங்களா வாயிலிலிருந்த பிள்ளையார் சிலையை அகற்ற வேண்டுமென்று அவர் அலுவலர்களுக்கு உத்தரவிட்டதாகவும், நேற்று பிள்ளையார் சிலை அங்கிருந்து அகற்றப்பட்டு விட்டதாகவும், அகற்றும் போது சிலை உடைந்து விட்டதாகவும் ஒரு தகவல் பரவிய நிலையில், ஹிந்து அமைப்புகளைச் சேர்ந்த பலரும் மாவட்ட ஆட்சியர் மெர்சி ரம்யாவுக்கு எதிராக சமூக வலைதளங்களில் கருத்துகளைப் பதிவிட்டனர். இதில்
நடந்த உண்மை வருமாறு:- புதுக்கோட்டை மாவட்ட ஆட்சித் தலைவர் வசிக்கும் இல்லத்திலிருந்து பிள்ளையார் சிலை அகற்றப்பட்டு பின் தோட்டத்தில் வெளியில் வைக்கப்பட்டது, புதுக்கோட்டை மாவட்ட ஆட்சியரின் முகாம் அலுவலகத்தின் முன்பாக பாஜக, விஷ்வ ஹிந்து பரிஷத், இந்து முன்னணி உள்ளிட்ட அமைப்புகளைச் சேர்ந்த நிர்வாகிகள் திரண்டனர்.
மாவட்ட ஆட்சியரைச் சந்திக்க வேண்டும் என்றும், உள்ளே வைக்கப்பட்டுள்ள விநாயகர் சிலையைப் பார்க்க அனுமதிக்கக் கோரியும் ஆர்ப்பாட்டத்தில் ஈடுபட்டனர். அவர்களை அனுமதிக்க மறுத்த காவல்துறையினர், போராட்டத்தில் ஈடுபட்டவர்கள் சார்பாக 3 பேரை மட்டும் மாவட்ட ஆட்சியரைச் சந்திக்க அனுமதித்தனர்.
மாவட்ட ஆட்சியர் மெர்சி ரம்யாவை பார்க்க உள்ளே சென்ற புதுக்கோட்டை மேற்கு மாவட்ட பாஜக தலைவர் விஜயகுமார் உள்ளிட்டோர் மாவட்ட ஆட்சியரைச் சந்தித்து விநாயகர் சிலை குறித்து விளக்கம் கேட்டனர்.
விநாயகர் சிலை அகற்றப்படவில்லை எனவும், சிலை சேதமடையவில்லை எனவும், இது பற்றி தவறான தகவல் பரப்பியவர்கள் மீது நடவடிக்கை எடுக்க உத்தரவிட்டிருப்பதாகவும் மாவட்ட ஆட்சியர் மெர்சி ரம்யா விளக்கம் அளித்தார். புதுக்கோட்டை மேற்கு மாவட்ட பாஜக தலைவர், விநாயகர் சிலை தொடர்பாக எழுந்த சர்ச்சை தொடர்பாக மாவட்ட ஆட்சியரைச் சந்தித்து பேசியதாகவும் மாநில தலைமையுடன் கலந்து பேசி அடுத்தகட்ட போராட்டத்தை முன்னெடுக்க இருப்பதாகவும் கூறினார். மாவட்ட ஆட்சியருடைய இல்லத்தின் முகப்பில் அந்த விநாயகர் சிலை முன்பு இருந்தது. அதைப் புதிதாக வந்துள்ள ஆட்சியர் வெளியே எடுத்து தோட்டத்தில் வைத்துள்ளார்.
வெயிலில் இருந்தால் அந்தச் சிலை விரைவில் சிதிலமடையும். இதற்கு முன்னிருந்த மாவட்ட ஆட்சியர் கவிதா ராமு, தனது பதவிக் காலத்தின் போது அந்த விநாயகர் சிலை முன்பாகப் புகைப்படம் எடுத்து முகநூல் பக்கத்தில் பதிவிட்டுள்ளார். அதை ஏன் இந்த ஆட்சியர் இடமாற்றம் செய்யவேண்டும்,” என்று கேள்வி எழுப்பினார். புதுக்கோட்டை மாவட்ட ஆட்சியர் மெர்சி ரம்யா, சிலை விவகாரத்தில் போலிச் செய்தியைப் பகிர்ந்த நபர்கள் குறித்து சைபர் பிரிவு காவல்துறையிடம் புகார் அளித்துள்ளதாகத் தெரிவித்தார்.
“மாவட்ட ஆட்சியரின் இல்லத்தில் இருக்கும் அந்த விநாயகர் சிலை பழமையான சிலையா இல்லையா. எப்போது எந்த ஆண்டுகளுக்கு முன்பு வைக்கப்பட்டது அது மண் சிலையா அல்லது கற்சிலையா. ஆனால் மதரீதியாக மக்களைப் பிளவுபடுத்தும் நோக்கில் மர்ம நபர் ஒருவர் திட்டமிட்டு இந்தப் போலிச் செய்தியை வாட்ஸ்ஆப் மூலம் பகிர்ந்துள்ளாரா.
அந்த செல்போன் எண் புதுக்கோட்டை மாவட்டத்தைச் சேர்ந்தவருக்குச் சொந்தமானது கிடையாது. அதனால் அந்த நபர் குறித்து மாநில சைபர் பிரிவு காவல்துரையிடம் புகார் அளித்திருக்கிறேன்,” என்று கூறினார்.
மாவட்ட ஆட்சியரின் முகாம் அலுவலகத்தில் இருக்கும் விநாயகர் சிலை 60 ஆண்டுகள் பழைமையானது என்றும், மன்னர் தொண்டைமான் காலத்தைச் சேர்ந்தது என்றும் சிலர் பரப்பும் தகவல் குறித்துக் கேட்டபோது அது தொடர்பாக ஆய்வு செய்யப்பட்டு முடிவுகள் வெளியிடப்படும் என்றார்.
“அந்த விநாயகர் சிலை பழைய சிலை கிடையாது. அதைப் பரிசோதித்து உறுதி செய்யும்படி மாவட்ட அருங்காட்சியக இயக்குநரிடம் கேட்டிருக்கிறேன். மேலும் சிலை சேதமடைந்து இருக்கிறதா என்பதையும் அவர் ஆய்வு செய்து முடிவுகளை வெளியிடுவார்,” என்று மாவட்ட ஆட்சியர் கூறியுள்ளார்.
கலெக்டர் பங்களா என்பது அவரது பணியில் இருக்கும் காலம்வரை வசிக்கும் வீடு புதுக்கோட்டை சமஸ்தானத்தின் தொன்மையான கட்டிடத்தில் எதையும் மாற்றவோ நீக்கவோ மாவட்ட ஆட்சியருக்கு சட்டப்பூர்வமான அதிகாரமில்லை. ஆனால் புதுக்கோட்டை மாவட்ட ஆட்சியரின் முகாம் அலுவலகத்திலிருந்து அப்புறப்படுத்தப்பட்ட விநாயகர் சிலை ஹிந்து அமைப்பினரின் சமூக வலைதளப் பதிவுக்குப் பின் ஹிந்து முன்னணி நிர்வாகிகள் பேச்சு வார்த்தை நடத்திய பிறகு நேற்று மதியம் 2 மணி நேரத்தில் மீன்டும் தோட்டத்தில் வெளியே வைக்கப்பட்டது.
புதுக்கோட்டை மாவட்டத்தில் புதிதாகப் பொறுப்பேற்றுக் கொண்ட மாவட்ட ஆட்சியர் மெர்ஸி ரம்யா பொறுப்பேற்ற பின் ஆற்றிய முதல் காரியம்
அறுபது ஆண்டுகளாக மாவட்ட ஆட்சியர் பங்களாவில் நுழைவாயிலில் கம்பீரமாக அமர்ந்திருந்த வினைகள் தீர்க்கும் வினாயகர் சிலை உடனடியாக அங்கிருந்து பெயர்த்து நீக்கியது தான்.
பிள்ளையார் அங்கிருந்தால் பங்களாவிற்கு குடியேற மாட்டேன் என்று கூறியதாகவும் ஒரு தகவல் பொதுமக்கள் மத்தியில் பேசப்பட்டு வருகிறது கலெக்டர், தனது அலுவலர்களைக் கொண்டு உடனடியாக அச்சிலையை நீக்கும் படி செய்தார்.
அவ்வாறு அலுவலர்கள் வினாயகர் சிலையை அகற்றும் போது சிலை சிதிலமடைந்ததாகவும் கூறப்பட்ட நிலையில்
புதுக்கோட்டை மாவட்டத்தில் எத்தனையோ ஆட்சியர்கள் பணிபுரிந்துள்ளனர்.
அதில் கிருஸ்துவர்கள், இஸ்லாமியரகள், சீக்கியர்கள், சமனர்கள் என்று எவருமே பழமையான தொன்மையான கலெக்டர் பங்களாவில் உள்ள பாரம்பரியப் பொருள்கள் எதையும் நீக்கும் செயலைச் செய்யவில்லை.
"புதுக்கோட்டை கலெக்டர் பங்களாவிலிருந்து விநாயகர் சிலையை அகற்றியது ஆட்சியர் மெர்ஸி ரம்யாவின் ஆழமான மதவெறியை வெட்ட வெளிச்சமாக்கியுள்ளது" என பாஜகவினர் கடிதம் மூலம் தெரிவித்தனர்
பிள்ளையார் சிலையை அகற்றியது ஆட்சியர் மெர்ஸி ரம்யாவின் ஆழமான மத உணர்வை காட்டுகிறது என்று கொந்தளித்த ஹிந்து அமைப்பினர், இதற்கு எதிராக தங்களது கடும் கண்டனத்தைப் பதிவு செய்தனர். ஆனால், விநாயகர் சிலை உடைந்து விட்டதாகப் பரவிய தகவல் பொய்யானது என புதுக்கோட்டை மாவட்ட நிர்வாகமும் விளக்கமளித்துள்ளது. இந்தச் சூழ்நிலையில் புதுக்கோட்டை மாவட்ட பாஜக சார்பில் அதன் பொறுப்பாளர்களுக்கு வந்த தகவல் படி "அனைவருக்கும் வணக்கம்,
நாளை( அதாவது 05.06.2023) மாலை 4 மணி அளவில் மாவட்ட பா ஜ க அலுவலகத்தில் மாவட்ட நிர்வாகிகள் மற்றும் மண்டல் தலைவர்களுக்கான கூட்டம் மாவட்டத் தலைவர் அ. விஜயகுமார் தலைமையில் நடைபெற இருக்கிறது... அனைவரும் தவறாமல் கலந்து கொள்ளவும். க. குருஸ்ரீராம் மாவட்டப் பொதுச் செயலாளர்'', எனத் தெரிவித்துள்ள நிலையில், இந்த விவகாரம் இனி பெரிதாகுமா ? இல்லை! இதோடு முடிந்ததா.' என்பது இனித் தெரியவரும்.
கருத்துகள்