அமலாக்கத்துறை உயர் அலுவலருக்கு அரசு மருத்துவ அலுவலர் லஞ்சம் கொடுத்து வாங்கிய வழக்கில் இனி என்ன நடக்கும்

சட்டம் விதிகள், அரசானைகள் எல்லாம்  சொல்வது யாதெனில் ,

இலஞ்சம் கொடுப்பதும் குற்றம் கொடுத்தவன் குற்றவாளி,

இலஞ்சம் வாங்குவதும் குற்றம் வாங்கியவன் குற்றவாளி 

இலஞ்சம் வாங்கியதாகக் கூறப்படுபவர் மத்திய அரசின்  பணியாளர் உயர் அலுவலர், அவர்

இலஞ்சம் கொடுத்ததாகக் கூறப்படுபடும் நபர் மாநில அரசின் ஊழியர் அரசு மருத்துவ அலுவலர். 

இலஞ்சம் வாங்கியதாகக் கூறப்படும் மத்திய அரசு பணியாளரைக் கைது செய்த  தமிழ்நாடு அரசு ஊழல் தடுப்புக் கண்காணிப்பு மற்றும் இலஞ்ச ஒழிப்புத் துறை,  

ஏற்கனவே 31 இலட்சம் ரூபாய் இலஞ்சம் கொடுத்ததாகக் கூறும் தமிழ்நாடு  அரசு மருத்துவ அலுவலரைக் கைது செய்யாமல் தான் பாதுகாக்கிறது என்ற குற்றச்சாட்டு எழாமலில்லை 

செலவு கணக்கில் காட்டாமல் 31 லட்சம் ரூபாய்  இலஞ்சம் கொடுக்க மட்டும் அரசு மருத்துவ அலுவலருக்கு பணம் எங்கிருந்து வந்தது? என்ற வினா எழாமல் இல்லை,

நேற்றுக் கொடுக்கப்பட்ட 20 இலட்சம் ரூபாய் மட்டுமே இலஞ்ச ஒழிப்புத்துறையால் மருத்துவர் கொண்டுவந்து அவரால் கொடுக்கப்பட்ட பினாப்தலின் இரசாயனப் பொடி தடவப்பட்ட ரூபாய் நோட்டுக்களாகும்

அரசு மருத்துவ அலுவலர் குற்றம் ஏதும் செய்யவில்லை என்றால் அவர் ஏன் 51 இலட்சம் ரூபாய்  லஞ்சம் கொடுக்க முன்வர வேண்டும்?  என்ற வினாவும் பொது வெளியில் சட்டம் நீதி அறிந்தவர்கள் மத்தியில் பேசப்படுகிறது 

இலஞ்சம் கொடுத்த மாநில அரசு மருத்துவ அலுவலரை தமிழ் நாட்டின்  முக்கிய ஊடகங்கள் ஏன் பொது வெளிச்சத்திற்குக் கொண்டு வரவில்லை? என்ற வினா மட்டுமே ஊழலாகத் தொக்கி நிற்கிறது என்பது மட்டும் உண்மை, ஏற்கனவே இந்த அரசு மருத்துவ அலுவலர் மீது வருமானத்திற்கு அதிகமாகச் சொத்துச் சேர்த்தார் என்பது தான் இவர் மீது உள்ள பழைய வழக்கு. அந்த வழக்கு தற்போது எந்த நிலையில் உள்ளதென்றும் பார்க்க வேண்டியதே நடுநிலை நாளேடுகளின் கடமை, அது அவர்களுக்குத்  தெரியவில்லை. அல்லது அறிய முற்பட வில்லை, இந்த வழக்குத் தொடர்பாகத்தான் தற்போது இலஞ்சம் கொடுக்கப்பட்டதும் வாங்கப்பட்டதும். அப்போது பதிவான முதல் தகவல் அறிக்கை தற்போது வெளியான நிலையில் மத்திய அரசு அதிகாரிகளின் இலஞ்ச ஊழல் சம்பந்தமாக தமிழ் நாட்டில் சாஸ்திரி பவனில் செயல்படும் CBl மட்டுமே விசாரணை நடவடிக்கைகளை எடுக்க முடியும். தமிழ்நாடு ஊழல் தடுப்பு மற்றும் இலஞ்ச ஒழிப்புத் துறையினர் இதில் தலையிட எந்த அதிகாரமும் இல்லை. என்பது சட்டம் அறிந்தவர் கருத்து, அமலாக்கத் துறை அலுவலகத்தை CBl தான் சோதனையிட முடியும்.இது மத்திய அரசின் மீதுள்ள மோதலாகவே தெரிகிறது.

நிலைமை சரியில்லை. அரசியல் அமைப்புச் சட்ட குழப்பம் ஏற்பட்டுள்ளதாகவே பலரும் கருதும் நிலை . அடுத்து எதுவும் நடக்கலாம். மாநில அரசு ஊழியர்கள், அமைச்சர்களை மட்டுமே கட்டுப்படுத்தக்கூடிய தமிழ் நாடு ஊழல் தடுப்புக் கண்காணிப்பு மற்றும் லஞ்ச ஒழிப்புத் துறை, இங்கே ஒருவர் கூட லஞ்சம் வாங்காததால், அதிகார எல்லை தாண்டி மத்திய அரசு ஊழியர்களை கண்காணிக்கத் துவங்கி விட்டது. கடந்து போன கண்காணிப்பு விழிப்புணர்வு வாரத்தில் தமிழ்நாடு லஞ்ச ஒழிப்புத் துறையின் செயல்பாடுகள் குறித்து மாநில முதலமைச்சர், மாநில தலைமைச்  செயலாளர் மற்றும் இலஞ்ச ஒழிப்பு துறையின்  இயக்குனருக்கு ஒரு அமைப்பு சார்பில் அளிக்கப்பட்ட புகாரில் முக்கியமாக கடந்த  இரண்டாண்டுகளில் இலஞ்ச ஒழிப்புத் துறையினர் பதிவு செய்த FIR பெரியதாகச் சரிவைச் சந்தித்துள்ளது. 2021 ஆம் அண்டு வரை 350 FIR கள் பதிவு செய்த. ஊழல் தடுப்புக் கண்காணிப்பு மற்றும் இலஞ்ச ஒழிப்புத்  துறையினர் 2022 மற்றும் 2023 ஆம் ஆண்டுகளில் FIR பதிவு 250 ஆகக் குறைந்ததில் இரண்டு வகை வழக்குகளுள்ளன. அதில் இலஞ்சம் வாங்கும் போது பொறி வைத்துப் பிடிக்கும் TRAP வழக்குகள் அதே அளவில் தான் உள்ளது (2023 ஆம் ஆண்டில் அது சற்று அதிகரித்துள்ளது ). ஆனால் ரெகுலர் வழக்கு எனப்படும் பெரிய ஊழல் வழக்குகள் பதிவு செய்யப்படுவது பாதிக்கு பாதியாகக் குறைந்துள்ளது. 2021 ஆம் ஆண்டு வரை  250 வழக்குகள் ஒரு ஆண்டுக்குப் பதிவு செய்யப்பட்டது . 2022 ஆம் ஆண்டில் 130 வழக்குகளும்  2023 ஆம் ஆண்டு அக்டோபர் மாதம் வரை 102 வழக்குகள் மட்டுமே பதிவு செய்யப்பட்டுள்ளது. கடந்த சில ஆண்டுகள் இலஞ்ச ஒழிப்பு துறையில் பலர் கொடுத்த புகார்களில் சில  FIR. மட்டுமே பதிவு செய்யப்பட்டுள்ளது . மற்றவை விசாரணை என்ற பெயரில் பல ஆண்டுகளாக நிலுவையில் இழுத்தடிக்கப்படுகிறது. 

இதற்கு ஒரு முக்கிய காரணம் ஊழல் தடுப்புக் கண்காணிப்பு மற்றும் இலஞ்ச ஒழிப்புத் துறை தன்னிச்சையாகச் செயல்பட முடியாதது. முக்கியமாக விசாரணை மேற்கொள்ள அரசிடம் முன் அனுமதி பெற வேண்டும் என்பதால் அதானி நிலக்கரி இறக்குமதி ஊழல் , ஸ்மார்ட் சிட்டி ஊழல், ஏன் பல ஆவண மோசடி குறித்த லோக் ஆயுக்தா வழக்குகள்  போன்ற பல ஊழல்களில் விசாரணைக்கு அரசு அனுமதி கொடுக்காமல் பல மாதங்களாக அதற்கான அதிகாரம் கொண்ட அதிகாரி நியமனமின்றி இழுத்தடித்து வருகிறது. கார்த்திகேயன் IAS, கோபால் IAS போன்றவர்களுக்கு அவர்கள் செய்த ஊழல்களை அவர்களே காப்பாற்றும் இடத்தில் பதவி உயர்வும் வழங்கப்பட்டுள்ளது. அதனால் ஸ்மார்ட் சிட்டி, ரேஷன் போன்ற ஊழல்களில் FIR பதிவு செய்வது தாமதமாகிறது.  மேலும் முன்னாள் அமைச்சர் வேலுமணியின் உறவினர் மற்றும் நெருக்கமானவர்களுக்கு முறைகேடாக டெண்டர் வழங்கிய ஊழல் வழக்கில் 6 வாரங்களில் குற்றப்பத்திரிக்கை தாக்கல் செய்ய வேண்டும் என்று சென்னை உயர்நீதிமன்றம் உத்தரவிட்ட பிறகும் மூன்று  மாதங்களாக குற்றப்பத்திரிக்கை தாக்கல் செய்யப்படவில்லை. கடந்த சட்டமன்றப் பொதுத் தேர்தலுக்கு முன்பு 

திமுகவின்  2021 ஆம் ஆண்டு தேர்தல் அறிக்கையில் ஊழல் தடுப்புக் கண்காணிப்பு மற்றும் இலஞ்ச ஒழிப்புத் துறையை தன்னிச்சையாகச் செயல்பட விடுவோம் என்றும் லோக் ஆயுக்தாவைச் சீரமைப்போம் என்றும், சேவை உரிமைச் சட்டம் கொண்டு வருவோமென வாக்குறுதி அளித்தார்கள். ஒரு தன்னிச்சையான ஊழல் தடுப்புக் கண்காணிப்பு மற்றும் இலஞ்ச ஒழிப்புத் துறையை அமைப்பது தான் லோக் ஆயுக்தா. எனவே லஞ்ச ஒழிப்புத் துறைக்கு நிதியில் தன்னிச்சை தன்மை, நியமனத்தில் தன்னிச்சைத் தன்மை , செயல்பாடுகளில்  தன்னிச்சை தன்மை என மூன்று வகையான  தன்மை வழங்கவும் உடனடியாக FIR பதிவு செய்து விசாரிக்கவும் அவர்கள் சார்பில் அந்த அமைப்பினர் மனு அளித்துள்ளனர். ஒரு முக்கியப் பிரமுகராக அதிமுகவிலிருந்து கட்சி மாற மாட்டேன்னு சொன்ன மாவட்டக் கவுன்சிலர் கடையில் 60 கிலோ குட்காவுடன்  கைது செய்து திமுகவுக்கு மாறயது நாடறியும், அரசு நிர்வாகத்தில் அமலாக்கத்துறை அலுவலரின் கார் டிக்கியில் 20 லட்சம் ரூபாய் லஞ்சப் பணம் தற்போது கைப்பற்றப்பட்டது இந்த இரண்டு செய்திகளுக்கும் தொடர்பில்லை வேறுவேறு தான் ஆணால் கடும் அரசியல் நடக்கிறது என்பது மட்டுமே தெரிகிறது.ED அலுவலகத்தில் தமிழக லஞ்ச ஒழிப்புதுறை நடத்திய சோதனை குறித்து .பத்திரிகையாளர் வராகி அதிரடியாக ஒரு தகவல் பகிர்ந்ததில் புகார் கொடுத்தவனும். லஞ்சம் வாங்கியவனும் தண்டிக்கபடவேண்டிய குற்றவாளிகள் எனினும் இதில் திட்டமிட்டு ஒரு சதிவலையுள்ளது எனற குற்றச்சாட்டும் கவனத்தில்  கொள்ளப்படவேண்டியதே.