சிறப்பாக நடந்த மைசூர் நவராத்திரி தசரா விழாவில்‌ அரசர் காட்சியளிக்கும் வைபவம்

வாடியார் எனும் உடையார் அரச மரபில் யதுராய உடையார் என்பவர் பொது ஆண்டு 1399 ல் நிறுவினார். உடையார் அரச குலத்தினர் 1399 முதல் 1761 முடிய, பின் 1799 முதல் 1947 முடிய மைசூர் இராச்சியத்தை ஆண்டனர். இந்தியப் பிரிவினைக்குப் பின்னர் மைசூர் இராச்சியம் கர்நாடகாவில் இணைக்கப்பட்டது புராணத்தின் படி, உடையார்கள் தங்கள் வம்சாவளியை பகவான் கிருஷ்ணனின் யது குலம் அல்லது யாதவர் எனக் கூறிக்கொள்கின்றனர். வரலாற்றாசிரியர்களான ஷியாம் பிரசாத், நோபுஹிரோ ஓட்டா, டேவிட் லீமிங், ஆயா இகேகேம் ஆகியோர் உடையார்கள் உள்ளூர் நிலப் பிரபுக்கள் எனக் கூறுகின்றனர், அவர்கள் புராணத்தின்படி தங்களை புகழ்பெற்ற சந்திர வம்சத்தின் நேரடி சந்ததியினர் என்று கூறிக்கொள்ளவதுடன் துவாரகையிலிருந்து வந்து இவ்விடத்தின் இயற்கை அழகைக் கண்டு மைசூரிலேயே தங்குமிடமாக மாற்றிக் கொண்டனர்.  1399 ஆம் ஆண்டில் யதுராயர் நிறுவி 1423 வரை விஜயநகர சாம்ராஜ்யத்தின் கீழ் மைசூர் இராச்சியத்தை 1423 முடிய ஆண்டார். யதுராய உடையாருக்குப் பிறகு, மைசூர் இராச்சியம் உடையார் ஆட்சியாளர்களால் பல வெற்றிகளைப் பெற்றது. ஆரம்ப காலத்தில் மிகவும் சிறியதாக இருந்து விஜயநகர பேரரசின் ஒரு பகுதியாக இருந்தன யதுராயருக்குப் பின்வந்த உடையார் வம்ச மன்னர்கள் 1565 ஆம் ஆண்டில் விஜயநகரப் பேரரசு வீழ்ச்சியடையும் வரை, கப்பம் கட்டும் குறுநில மன்னர்களாகவே மைசூர் பகுதியை 600 ஆண்டுகள் ஆண்டனர்.1565 க்குப் பின் மைசூர் தன்னாட்சி உரிமையுடன் 1799 வரை ஆண்டனர். மூன்றாம் கிருட்டிணராச உடையார் (1799-1868) ஆட்சியின் போது, இப்பகுதி பிரிட்டிஸ் கிழக்கிந்தியக் கம்பெனிக் கட்டுப்பாட்டின் கீழ் வந்தது. அவரது வாரிசுகள் தங்கள் அரச பெயரின் ஆங்கில எழுத்துப்பிழையை வாடியார் என்பதை, பகதூர் என்று மாற்றிக் கொண்டனர். வம்சத்தின் கடைசி இரண்டு மன்னர்கள், நான்காம் கிருட்டிணராச உடையார் மற்றும் ஜெயச்சாமராஜா உடையார், பிரிட்டிஸ் மேலாதிக்க அரசாட்சியை ஏற்றுக்கொண்டனர். கன்னட மொழியில் உடையார் என்பது தலைவர் அல்லது "இறைவன்" எனப் பொருள். அரச வம்சத்தின் குடும்ப உறுப்பினர்களைக் குறிப்பிடும்போது வோடியார் என்ற வார்த்தையைப் பயன்படுத்துகின்றன; இது நவீன கன்னட ஒலிபெயர்ப்பில், ″ஒடியார் என்றும் பயன்படுத்தப்படுகிறது1565 ல் விஜயநகரப் பேரரசின் வீழ்ச்சிக்குப் பின் முதலாம் இராச உடையார் (1578-1617) மைசூர் இராச்சியத்தின் எல்லைகளை விரிவுப் படுத்தினார். 1610 ல் தலைநகரை மைசூரிலிருந்து பாதுகாப்பு காரணங்களால் காவேரி ஆற்றுத் தீவுப் பகுதியான ஸ்ரீஇரங்கப்பட்டணத்திற்கு மாற்றினார். முதலாம் நரசராச உடையார் (1638-1659) ஆட்சிக் காலத்தில் மைசூர்  திருச்சிராப்பள்ளி வரை விரிவு படுத்தப்பட்டது. சிக்க தேவராச உடையார் (1673-1704) ஆட்சிக் காலத்தில் மைசூர் உச்ச கட்டத்தை அடைந்து. நாட்டின் நிர்வாகத்தில் பல சீர்திருத்தங்களைக் கொண்டு வந்தார். நிர்வாகம் 18 துறைகளின் கீழ் கொண்டு வந்து பொருத்தமான வரி விதிப்பு முறைகள் அமல்படுத்தப்பட்டது. 1760 முதல் 1799 முடிய மைசூர் இராஜிய அரசாட்சி, தலைமைப் படைத்தளபதி ஹைதர் அலி மற்றும் அவரது மகன் திப்பு சுல்தான் கைக்குச் சென்றது. இவர்கள் பிரிட்டிஸ் கிழக்கிந்தியப் பேரரசை எதிர்த்தனர். 1799 ல் ஸ்ரீஇரங்கப்பட்டினத்துப் போரில், பிரித்தானியர்கள் திப்பு சுல்தானைக் கொன்று, உடையார் வம்ச மன்னர்களிடம் மைசூர் மீண்டும் ஒப்படைக்கப்பட்டது. மூன்றாம் கிருட்டிணராச உடையார் (1796-1868) காலத்தில், உடையார்களின் மைசூர் இராச்சியம், துணைப்படைத் திட்டத்தின் படி, பிரிட்டிஸ் கிழக்கிந்தியப் பேரரசுக்கு  ஆண்டு தோறும் கப்பம் அல்லது திறை செலுத்தும் நாடாகியது. மைசூர் மன்னர் ஜெயச்சாமராஜா உடையார் (1940-1950) ஆட்சிக் காலமான 1947 ல் இந்திய விடுதலைக்குப் பின் உடையார்களின் மைசூர் இராஜியம் இந்தியாவுடன் இணைக்கப்பட்டது 1956 முடிய மைசூர் உடையார் வம்ச மன்னர்களை மைசூர் மகாராஜா என்றே இந்திய அரசால் அழைக்கப்பட்டனர். 1 நவம்பர் 1956 ல் இந்தியாவை மொழி வாரி மாநிலங்கள் பிரிக்கப்பட்ட போது, மைசூர் இராஜியம் கர்நாடகா மாநிலத்தின் பகுதியாக இணைக்கப்பட்டது. 1956 முதல் 1964 முடிய உடையார் வம்ச மன்னர்கள் கர்நாடகா மாநிலத்தின் ஆளுநர்களாகவும் செயல்பட்டனர். பிற சுதேச சமஸ்தான மன்னர்களைப் போன்று உடையார் வம்ச மன்னர்களும் இந்திய நடுவண் அரசிடமிருந்து மன்னர் மானியம் பெற்றனர். 1971 ல் பாரதப் பிரதமர் இந்திராகாந்தியால் கொண்டு வரப்பட்ட மன்னர் மானிய ஒழிப்புச் சட்டப்படி, 560 சுதேச சமஸ்தான மன்னர்களுக்கு மானியம் வழங்குவது நிறுத்தப்பட்டது. இந்திய நாடாளுமன்ற மாநிலங்களவை உறுப்பினராக பல்லாண்டு பதவி வகித்த ஸ்ரீகண்டதத்த நரசிம்மராஜ உடையாருக்குப் (1974-2013) பின் 2015 ஆம் ஆண்டு முதல் யதுவீர் கிருட்டிணதத்த சாமாரச உடையார் மைசூர் மன்னராக பட்டம் வகித்து வருகிறார். ஒவ்வொரு ஆண்டிலும் தசரா விழாவில் மைசூரு தசரா பண்டிகையின் போது, மைசூர் அரண்மனையை அலங்கரித்து, மன்னர் தர்பாரில் அமர்ந்து மக்களுக்கு காட்சியளிப்பார்கள். அது இந்தாண்டும் நடந்தது.தசராவிழா கலாச்சார விழாவாக. யதுவீர் கிருஷ்ணாதத்தா சாமராஜா வோடியார் மைசூர்ஹ மகாராஜா தசராவிழாவில் மைசூர் மன்னர் மைசூரின் வோடியார் வம்சத்தின் புகழ்பெற்ற தங்க சிம்மாசனத்தில் அமர்ந்திருக்கும் பாரம்பரிய தர்பாரை நிகழ்த்துகிறார். மைசூரின் வோடியர்கள் மிகவும் பிரபலமான மன்னர்களின் வம்சம்.