இயக்குநர் எஸ்.ஏ.சந்திரசேகர் செய்தியாளர்கள் சந்திப்பும் மழுப்பல் பதில்களும்

இன்று செய்தியாளர்களிடம் பேசிய இயக்குநர் எஸ்.ஏ. சந்திரசேகர் விளக்கமளித்தார். விஜய் மக்கள் இயக்கத்தை ஒரு அரசியல் கட்சியாக மாற்ற வேண்டிய அவசியம் என்ன. ? "எனக்குத் தேவைப்பட்டது. நான் மாற்றினேன்" என்றார். இது தொடர்பாக கடும் நடவடிக்கை எடுக்கப்படும் என்று விஜய் சொல்லியிருப்பது "அவர் சொல்லியுள்ளார்" என்றார் உங்கள் மகனுடன் உங்களுக்கு உறவோ, தொடர்போ இல்லையா? எனக் கேட்டபோது, "கற்பனைக்கு பதில் சொல்ல முடியாது. கொரோனா காலத்தில் இரண்டு முறை சந்தித்துப் பேசினோம். யாரோ சொல்வதற்கெல்லாம் பதில் சொல்ல முடியாது".என்றார் விஜய்க்கு தெரியாமல் அவரது பெயரில் கட்சி துவங்கப்பட்டதா என்று கேட்டபோது, "அவருக்குத் தெரியவில்லையென அவர் சொல்கிறார்" எனக் குழப்பினார். விஜய்க்கு தெரியாமல கட்சி "அவர் பெயரில் கட்சி ஆரம்பிக்கவில்லை. அவர் பெயரில் 93ல் ஆரம்பித்த ஒரு அமைப்பு இது. ரசிகர் மன்றமாக ஆரம்பிக்கப்பட்ட அமைப்பு, பின்பு நற்பணி மன்றமாக மாறியுள்ளது. அதில் உள்ள தொண்டர்களுக்கு உற்சாகம் அளிக்க வேண்டும், அவர்களது நல்ல செயல்களுக்கு அங்கீகாரம் கொடுக்க வேண்டும் என்பதற்காகப் பதிவுசெய்தேன்" என விளக்கமளித்தார் இந்தக் கட்சி ஆரம்பிப்பதற்கான அவசியம் என்ன, இதை எப்படிப் புரிந்துகொள்வது எனக் கேட்டபோது, இந்தக் கேள்விகளுக்கு பதில் சொல்ல நேரமில்லை, எப்படி வேண்டுமானாலும் புரிந்துகொள்ளுங்கள் என்றார். கட்சியின் துவக்கமே தடுமாற்றமாக இல்லையா எனக் கேட்டபோது, "எல்லாம் நல்லது நினைத்து ஆரம்பித்தோம். நல்லது நடக்கும்" என்று கூறியவர் செய்தியாளர் சந்திப்பை முடித்துக்கொண்டார். எஸ்.ஏ. சந்திரசேகரன் கட்சி ஆரம்பிச்சதே மீடியாக்கள் மூலம்தான் எனக்குத் தெரியும், அந்தக் கட்சிக்கும் எனக்கும் எந்தத் தொடர்பும் இல்லை என அறிக்கை வெளியிட்ட பின் "என்னுடைய புகைப் படத்தையோ, பெயரையோ; கட்சிக்காக யாரும் பயன்படுத்தக் கூடாது; மீறினால் உரிய நடவடிக்கை எடுக்கப் படும். அந்த கட்சிக்கும் விஜய் மக்கள் இயக்கத்துக்கும் எந்தத் தொடர்பும் இல்லை; என் அப்பா ஆரம்பித்த கட்சி என்று; ரசிகர்கள் அதில் இணைந்து செயல்பட வேண்டாம்" என அறிக்கை. இதற்கு ஒரு உதாரணம் இருவர் தெருவில் பேசிக்கொள்ளும் போது நம் காதில் விழாமலில்லை "பட்டாசு புகையால காற்று மாசுபடும் தம்பி" ~ சிகரெட் பாக்கெட் வெளிய தெரியுதுடா மைனரூ..கதை தான். ஆமா சார் தங்கம் தரையிலே தவிடு பானையிலே அந்த கதையால இருக்கு அதானே... மாப்பிள்ளை அவர்தான் சட்டை என்னுதுங்கிற ஒரு திரைப்படக்காட்சி நினைவுக்கு வரும். இது பின்னால் அரசியல் உண்டு மக்கள் பாதைக்கும் மக்கள் இயக்கத்துக்கும் வெகுதூரம் இல்லை அதை நோக்கியே இயக்குநர் சந்திரசேகரன் நகர்கிறார் என்பதே அரசியல் பார்வையாளர்கள் கருத்து.ஒரு வீட்டிற்கு வந்த விருந்தாளி கணவன் மனைவி சண்டையை ஓரமாக ஒளிந்து கேட்ட போது கணவன் கூறினான் "நான் அடிக்காமல் அடித்தேனே"..அதற்கு மனைவி "நானும் அழாமல் அழுதேனே." எனும்போது ஒளிந்திருந்த விருந்தாளி சொன்னாராம் "நானும் போகாமல் போனேனே" கதை தான்.விரைவில் இவர்கள் கூட்டு அரசியல் களம் மக்கள் சபை வரும் அப்போது அவர்கள் இருவரும் எதிர்கொள்ளும் கேள்விகள் உண்டு.இதுவரை நிகழ்வு எங்கப்பன் குதிருக்குள் இல்லை என்பது தான் இதை சமூக வளைதளத்தில் பலரும் பலவிதமான கிண்டல் செய்யும் காரணம் கட்சி ஆரம்பித்தனர் ஆனால் அரசியல் காரணமாக சொல்லும் துணிவு இல்லை என்பதே