தமிழகத்தில் இரவு நேர ஊரடங்கு அமல் ஞாயிற்றுக்கிழமை முழு ஊரடங்கு அமல்
தமிழக அரசு. அறிவிப்பில் கூறியிருப்பதாவது, "ஏப்ரல் 20 ஆம் தேதி முதல் மறு உத்தரவு வரும் வரை தமிழகம் முழுவதும் இரவு நேர ஊரடங்கு அமலாகும் தமிழக அனைத்துப் பகுதிகளிலும் இரவு 10.00 மணி முதல் காலை 04.00 மணி வரை இரவு நேர ஊரடங்கும் அமல்படுத்தப்படும். போது தனியார் மற்றும் பொதுப் போக்குவரத்து, ஆட்டோ, டாக்ஸிக்கு அனுமதி இல்லை. மருத்துவம் போன்ற அவசர தேவைக்கு மட்டும் வாடகை ஆட்டோ, டாக்ஸி போன்றவை அனுமதிக்கப்படும். பெட்ரோல், டீசல் பங்க்குகள் தொடர்ந்து செயல்பட அனுமதிக்கப்படும். விமானம், ரயில் நிலையங்களுக்குச் செல்ல இரவு நேரத்தில் அனுமதி அளிக்கப்பட்டுள்ளது.
அத்தியாவசியப் பொருட்கள் தயாரிக்கும் ஆலைகள் இரவு நேர ஊரடங்கின் போது செயல்பட அனுமதி அளிக்கப்படும். தனியார் நிறுவன இரவு காவல் பணியில் ஈடுபடுவோர் வீட்டிலிருந்து பணியிடத்திற்குச் சென்று திரும்ப அனுமதி அளிக்கப்பட்டுள்ளது. கொரோனா பரவலைத் தடுக்க ஞாயிற்றுக்கிழமைகளில் முழு ஊரடங்கு அமல்படுத்தப்படும். முழு ஊரடங்கு கடைப்பிடிக்கப்படும் ஞாயிற்றுக்கிழமையில் உணவகங்களில் பார்சலுக்கு மட்டுமே அனுமதி அளிக்கப்பட்டுள்ளது. பால், பத்திரிகை விநியோகம், ஆம்புலன்ஸ், அமரர் ஊர்தி, சரக்கு வாகனத்திற்கு அனுமதி அளிக்கப்பட்டுள்ளது. விவசாய விளைப்பொருட்கள், பெட்ரோலியப் பொருட்களைக் கொண்டு செல்லும் வாகனங்களுக்கும் அனுமதி அளிக்கப்பட்டுள்ளது. முழு நேர ஊரடங்கு நாளில் உணவகங்கள் காலை 06.00 மணி முதல் 10 மணி வரையும், நண்பகல் 12.00 மணி முதல் 03.00 மணி வரையும், மாலை 06.00 மணி முதல் 09.00 மணி வரையும் பார்சல் வழங்க அனுமதி அளிக்கப்பட்டுள்ளது. தமிழகத்தில் பிளஸ் 2 பொதுத்தேர்வும் ஒத்திவைக்கப்படுகிறது. பிளஸ் 2 மாணவர்களுக்காகத் தற்போது நடைபெற்று வரும் செய்முறைத் தேர்வு திட்டமிட்டப்படி நடத்தப்படும்.
அனைத்து கடற்கரைப் பகுதிகளுக்கும், பொதுமக்கள் செல்லத் தடை விதிக்கப்பட்டுள்ளது. பூங்காக்கள், உயிரியல் பூங்காக்கள், அருங்காட்சியகங்களுக்கும் அனுமதி இல்லை. கல்லூரி, பல்கலைக்கழக தேர்வுகள் இணைய வழியில் மட்டுமே நடத்த வேண்டும். கல்லூரில், பல்கலைக்கழக ஆசிரியர்கள் தங்கள் வீட்டிலேயே இணைய வழி வகுப்பு நடத்த அறிவுறுத்தப்படுகிறது. கொரோனா தடுப்பு விதிமுறைகளைப் பின்பற்றாவிடில் கடும் நடவடிக்கை எடுக்கப்படுமென அரசின் அறிவிப்பில் கூறப்பட்டுள்ளது.
கருத்துகள்