ரூபாய் 525 கோடி பண மோசடி வழக்கில் தேவநாதன் யாதவின் மூன்றாவது ஜாமீன் மனு மீது 1 ஆம் தேதி தீர்ப்பு

சென்னை மயிலாப்பூர் ஹிந்து பெர்மனென்ட் ஃபண்ட் நிதி நிறுவன முதலீட்டாளர்கள் நூற்றுக்கும் மேற் பட்டவர்களிடம் பல கோடி ரூபாயை மோசடி செய்ததாக

அந்ந நிதி நிறுவனத்தின் இயக்குநராக இருந்து  சிவகங்கை நாடாளுமன்றத் தேர்தலில் பாஜக கூட்டணி வேட்பாளராகப் போட்டியிட்டு பலகோடி வீன் செலவுகள் செய்து தோல்வி கண்ட  வின் டிவி  தேவநாதன் யாதவ் உள்ளிட்ட 6 பேரை சென்னை பொருளாதாரக் குற்றப்பிரிவுக் காவல்துறையினர் கைது செய்த  வழக்கில் அவர்கள் ஜாமீன் கோரி தேவநாதன் யாதவ் உள்ளிட்ட மூவரும் மூன்றாவது முறையாக சென்னை உயர் நீதிமன்றத்தில் மனு தாக்கல் செய்த நிலையில் விசாரணை நீதிபதி ஜி.கே.இளந்திரையன் முன்பாக நேற்று விசாரணைக்கு வந்த போது, பாதிக்கப்பட்டவர்கள் தரப்பில், “தேவநாதன் யாதவுக்கு சொந்தமாக சுமார் 2 ஆயிரம் கிலோ தங்கம் உள்ளதாக

குற்றப்பத்திரிகையில் குறிப்பிடப்பட்டுள்ளதில்  தற்போது உயர் நீதிமன்ற உத்தரவுப்படி நீதிமன்றத்தில் தாக்கல் செய்யப்பட்டுள்ள அவரது சொத்துப்பட்டியலில் அந்த தங்கம் திடீரென மாயமாகியுள்ளது.அந்த 2 ஆயிரம் கிலோ தங்கம் இருந்தாலே பாதிக்கப்பட்ட எங்களது பணத்தை வட்டியுடன் திருப்பிக் கொடுத்துவிட முடியும்” என குற்றம் சாட்டப்பட்டவர்கள் தரப்பில் கூறப்பட்டது. அப்போது காவல்துறையினர் தரப்பில் ஆஜரான கூடுதல் குற்றவியல் வழக்கறிஞர் ஆர். முனியப்பராஜ், ‘‘நீதிமன்ற உத்தரவுப்படி தேவநாதன் யாதவ் தாக்கல் செய்துள்ள ரூபாய். 300 கோடி மதிப்பிலான சொத்து ஆவணங்களை ஆய்வு செய்ததில், அதில் பாதிக்கும் மேற்பட்ட சொத்துகள் வில்லங்க சொத்துகளாக உள்ளது எனத்  தெரியவந்துள்ளது.மேலும், அவர் பங்குச்சந்தையில் முதலீடு செய்துள்ள பங்குகளின் மதிப்பும் குறைந்து வருகிறது’’ என்றார்.

அதையடுத்து நீதிபதி, இந்த நிதி நிறுவனத்தில் முதலீடு செய்து பாதிக்கப்பட்டுள்ள முதலீட்டுதாரர்கள் அனைவரது நலனும் பாதுகாக்கப்படும், என உறுதியளித்ததுடன், ஜாமீன் மனுவுக்கு காவல்துறையினர் தரப்பில் பதிலளிக்க உத்தரவிட்டு விசாரணையை ஆகஸ்ட் மாதம்.1-ஆம் தேதிக்கு தள்ளி வைத்தார். அன்றே உத்தரவு பிறப்பிக்கப்படும் என்றார்.