கும்மிடிப்பூண்டி பத்து வயதுச் சிறுமி பாலியல் வன்கொடுமை அஸ்ஸாம் மாநிலத்தைச் சேர்ந்த குற்றவாளி கைது

திருவள்ளூர் மாவட்டம் கும்மிடிப்பூண்டி  பத்து வயதுச் சிறுமி பாலியல் வன்கொடுமைக்குள்ளான வழக்கில், குற்றத்தில் ஈடுபட்டதாக சந்தேகிக்கப்படும் நபரைக் அஸ்ஸாம் மாநிலத்து நபரை  காவல்துறையினர் நேற்று ஜூலை மாதம் 25 ஆம் தேதி கைது செய்த நிலையில், 

அந்த நபரைக் காண்பிக்குமாறு பொது மக்கள் ஆரம்பாக்கம் காவல் நிலையத்தை முற்றுகையிட்டனர்.

இது சம்பந்தமாகப் பேசிய வடக்கு மண்டல ஐஜி யான அஸ்ரா கார்க், கைது செய்யப்பட்டுள்ள நபரின் அடையாளங்கள் தேடப்பட்ட நபருடன் பொருந்திப் போவதால் கைது செய்திருப்பதாகக் குறிப்பிட்டார். முப்பது வயது மதிக்கத்தக்க அந்த நபரிடம் மேற்கொண்டு விசாரணை செய்து வருவதாகவும் கூறினார்.

வடக்கு மண்டல ஐ.ஜி அஸ்ரா கார்க் மேற்பார்வையில் 30க்கும் மேற்பட்ட தனிப்படைகள் அமைக்கப்பட்டு குற்றம் சாட்டப்பட்ட நபரைப் பிடிப்பதற்கான முயற்சிகள் எடுக்கப்பட்டதாகவும் அது மட்டுமின்றி, தேடப்படும் நபரைப் பற்றி தகவல் தெரிவிக்கப்பட்டால் 5 லட்சம் ரூபாய் சன்மானம் வழங்கப்படும் என்றும் நேற்று காலையில் காவல்துறை அறிவித்தது.

இந்தச் சூழ்நிலையில் தான், தற்போது சிறுமி பாலியல் வன்கொடுமை வழக்கில் ஒருவர் கைது செய்யப்பட்டுள்ளார். கைதான நபர் யார் என்பது குறித்த விவரங்களை காவல்துறை இதுவரை வெளியிடவில்லை. திருவள்ளூர் மாவட்டம், கும்மிடிப்பூண்டியில் நான்காம் வகுப்பில் படிக்கும் சிறுமி, ஜூலை மாதம் 12ஆம் தேதியன்று சனிக்கிழமை சுமார் 12.45 மணியளவில் பள்ளிக்குச் சென்று வகுப்பு முடிந்து வீட்டுக்குக் திரும்பியுள்ளார்.

அந்தப் பகுதியில் அமைந்துள்ள இரயில் நிலையத்தின் ஓரத்தில் சிறுமி நடந்து சென்றபோது, பின்தொடர்ந்து வந்த மர்ம நபரைக் கண்டு சிறுமி தயங்கியபடியே செல்வது ரயில் நிலைய சிசிடிவி கேமராவில் பதிவாகியிருந்தது. இது தொடர்பான சிசிடிவி காட்சிகள் சில ஊடகங்களில் வெளியானது. ஆனால், இந்தக் காட்சிகளையும் அதை வெளியிட்டது யார் என்பதையும் செய்தியாளர்களால்  சுயாதீனமாக உறுதிப்படுத்த முடியவில்லை.

முன்னதாக "ரயில் நிலையம் அருகே உள்ள மாந்தோப்பில் சிறுமிக்கு பாலியல் வன்கொடுமை நடந்துள்ளது. அவர் அழுதபடியே நடந்து சென்ற போது அருகில் இருந்தவர்கள் சிறுமியின் பாட்டி வீட்டுக்கு அழைத்துச் சென்றுள்ளனர்" என்று இந்திய கம்யூனிஸ்ட் கட்சியின் திருவள்ளூர் மாவட்ட இணைச் செயலாளர் அருள் கூறியுள்ளார் 

அந்தப்பகுதியில் ஆரம்ப சுகாதார நிலையம் இருந்தாலும் சிறுமியை கும்மிடிப்பூண்டி அரசு மருத்துவமனைக்குக் கூட்டிச் சென்றுள்ளனர். ஆனால், அங்கிருந்து பொன்னேரி அரசு மருத்துவமனைக்கு அனுப்பி வைத்துள்ளனர். அவர்களோ, சென்னை ஸ்டான்லி மருத்துவமனைக்குக் கொண்டு செல்லுமாறு கூறியுள்ளனர்" எனக் கூறியுள்ளார்.

சம்பவம் நடந்த அன்று மதியமே சிறுமியின் பெற்றோர் ஆரம்பாக்கம் காவல் நிலையத்தில் புகார் கொடுத்ததாக அருள் என்பவர் கூற்று.

சிறுமியின் பெற்றோர் அதே பகுதியில் விவசாயக் கூலி வேலை செய்து பிழைக்கின்றனர். இவர்களுக்கு மூன்று குழந்தைகள். மூன்று பேரும் அருகிலுள்ள தனியார் பள்ளியில் படிக்கின்றனர். திருவள்ளூர், கும்மிடிப்பூண்டி, சிறுமி பாலியல் வன்கொடுமைக்குள்ளான வழக்கில் காவல்துறை துரிதமாகச் செயல்படவில்லை என்ற விமர்சனம் எழுந்தது.

சில நாட்களுக்கு முன் செய்தியாளர்களிடம் பேசிய பாதிக்கப்பட்ட சிறுமியின் தாய், "பள்ளியிலிருந்து வீட்டுக்கு வரும் வழியில் ஒருவர், என் மகளை பாலியல் வன்கொடுமை செய்துள்ளார். புகார் கொடுத்தும் இதுவரை நடவடிக்கை எடுக்கப்படவில்லை. என் மகளுக்கு நீதி கிடைக்க வேண்டும்" என்று கூறியிருந்தார்.

இதற்கிடையே, கண்காணிப்புக் கேமராவில் பதிவான காட்சிகளை அடிப்படையாக வைத்து கும்மிடிப்பூண்டி சிப்காட் தொழிற்பேட்டை, ஆந்திர மாநிலத்தின் ஸ்ரீசிட்டி ஆகிய பகுதிகளில் தீவிர விசாரணை நடந்து வந்ததாக காவல்துறையின்தரப்பில் கூறுகின்றனர்.

இந்த வழக்கு குறித்து செய்தி ஊடகங்கள் மூலம் பெயர் குறிப்பிடக் கூடாது என்ற நிபந்தனையுடன் பேசிய காவலர் ஒருவர், குற்றம் சாட்டப்பட்ட நபரைப் பிடிக்கும் பணியில் 30 க்கும் மேற்பட்ட தனிப்படைகள் ஈடுபடுத்தப்பட்டதாக குறிப்பிட்டார்.

அதுமட்டுமின்றி, "அந்த நபர் வட மாநிலத்தைச் சேர்ந்தவர். அவர் தமிழ்நாடு-ஆந்திரா எல்லையில் அமைந்துள்ள தாபா ஒன்றில் வேலை செய்து வந்துள்ளார்" என்றும் அவர் குறிப்பிட்டார்.

இருப்பினும், செய்தியாளர்களிடம் பேசிய வடக்கு மண்டல ஐஜி அஸ்ரா கார்க், கைதான நபரின் அங்க அடையாளங்கள் மேலதிக விசாரணைகளுக்குப் பிறகே வெளியிடப்படும் எனத் தெரிவித்துள்ளார்.குற்றம் சாட்டப்பட்ட நபர் கைது செய்யப்பட்டது குறித்து செய்தி ஊடகங்கள் மூலம் விளக்கிய அந்தக் காவலர், "விடுமுறை நாட்களில் அந்த நபர் சிறுமி வன்கொடுமைக்கு ஆளாக்கப்பட்ட பகுதியில் அடிக்கடி சுற்றி வந்துள்ளார். அதற்கான சிசிடிவி காட்சிகள் உள்ளன. அன்றும் அப்படி வந்திருந்த நேரத்தில் தான்  குற்றத்தைச் செய்துள்ளார்.

அதைத் தொடர்ந்து, குற்றம் நடந்த நேரத்தில் அந்த நபருக்கு ஒரு அழைப்பு வந்ததாகவும், அவர் ஹிந்தியில் பேசியதாகவும் சிறுமி குறிப்பிட்டார். அந்தத் தகவலின் அடிப்படையில், செல்போன் டவர் தகவல்களை தீவிரமாக ஆராயப்பட்டது. பிறகு, சிசிடிவி காட்சியில் பதிவான அதே ஆடையை அணிந்துகொண்டு அந்த நபர் தமிழ்நாடு-ஆந்திரா எல்லையில் உள்ள தாபா ஒன்றில் பணியாற்றுவதாகத் தகவல் கிடைத்தது" என அவர் மேலும் விவரித்தார்.

பின்னர், பாதிக்கப்பட்ட சிறுமி தெரிவித்த அடையாளங்களை உறுதி செய்ததோடு, புகைப்படத்தைக் காட்டியும் உறுதி செய்யப்பட்டதாக காவல்துறையினர் தரப்பில் தெரிவிக்கப்பட்டது. அவரிடம் காவல்துறை விசாரணை மேற்கொண்டு வருகிறது. கடந்த 14 நாட்களாக காவல் துறையினர் 18 க்கும் மேற்பட்ட தனிப்படைகள் அமைத்து குற்றவாளியை தேடி வந்தனர். இருப்பினும் குற்றவாளியை கண்டுபிடிக்க முடியவில்லை. இந்நிலையில், சூலூர்பேட்டை ரயில் நிலையத்தில் இளைஞர் ஒருவரை காவல் துறையினர் கைது செய்தனர். அவர், அஸ்ஸாம் மாநிலத்தைசீ சேர்ந்தவர் எனக் கூறப்படுகிறது. கைதான இளைஞரை கவரைப்பேட்டை காவல் நிலையத்திற்கு காவலர்கள் கூட்டிச் சென்றனர். கைதானவரின் அடையாளம் , திருவள்ளூர் சிறுமியை பாலியல் வன்கொடுமை செய்த குற்றவாளியின் புகைப்படத்தோடு அதாவது சிசிடிவியில் பதிவான உருவத்துடன் ஒத்துப்போவதாக வடக்கு மண்டல ஐ.ஜி. அஸ்ரா கார்க் தெரிவித்த நிலையில், வடக்கு மண்டல ஐஜி அஸ்ரா கார்க், டிஜஜி தேவராணி, திருவள்ளூர் மாவட்டக் காவல் துறைக் கண்காணிப்பாளர் விவேகானந்தா சுக்லா ஆகியோர் சந்தேகத்தில் கைதான நபரிடம் 12 மணி நேரத்திற்கு மேல் விசாரணை நடத்தி வருகின்றனர். மேலும், அந்த நபர் சூலூர் பேட்டையில் அமைந்துள்ள தாபாவில் பணியாற்றி வந்தது தெரியவந்த நிலையில், அதன் உரிமையாளரிடமும் விசாரணையானது மேற்கொள்ளப்பட்டு வருகிறது.

இவரிடம் 12 மணி நேரத்திற்கும் மேலாக நடைபெறும் விசாரணையில் தாபாவின் உரிமையாளரும் வடமாநிலத்தவர் எனக் கூறப்படும் நிலையில், கைதான அந்த நபர் எப்படி பணிக்குச் சேர்ந்தார், எப்போதெல்லாம் விடுமுறை எடுத்திருக்கிறார், சம்பவம் நிகழ்ந்த தினத்தில் அந்த நபர் எங்கு இருந்தார் என்பதெல்லாம் விசாரிக்கப்பட்டுவருகின்றது. கைதான நபரை ஆரம்பாக்கம் காவல் நிலையத்துக்கு அழைத்துச் சென்று காவல் துறையினர் விசாரணை நடத்தினர்.

அதுகுறித்து தகவல் அறிந்ததும், காவல் நிலையத்தை பொதுமக்கள் முற்றுகையிட்டனர். கைது செய்யப்பட்டவரை தங்களுக்கு காண்பிக்க வேண்டும் என வலியுறுத்தி காவலர்களுடன் அவர்கள் வாக்குவாதத்தில் ஈடுபட்டனர். ஆரம்பாக்கம் முழுவதும் மின்சாரம் துண்டிக்கப்பட்டு இருளில் மூழ்கிய நிலையில், செல்போன் வெளிச்சத்தில் மக்கள் போராட்டத்தில் ஈடுபட்டனர். மேலும், சென்னை - கொல்கத்தா தேசிய நெடுஞ்சாலையில் வாகனங்களை மறித்து பொதுமக்கள் மறியலில் ஈடுபட்டனர். இந்தநிலையில், இது போக்சோ வழக்கு என்பதால், கைதான நபரை திருவள்ளூர் மகிளா நீதிமன்றத்தில் இன்று காலை 10 மணியளவில் ஆஜர்படுத்த காவல்துறையினர் திட்டமிட்டுள்ளனர்..2025 ஆம் ஆண்டு பிப்ரவரி மாதம் 3 ஆம் தேதியன்று, சென்னை அண்ணா அரங்கில் நடைபெற்ற “தமிழ்நாட்டு வேலைகள் தமிழர்களுக்கே இனி வெளி மாநிலத்தவர்க்கு அல்ல!”  எனும் சிறப்பு மாநாட்டின் தீர்மானங்களும், இந்தியாவெங்கும் அந்தந்த மாநிலங்களில் செயலில் உள்ள மண்ணின் மக்களுக்கே வேலை அளிக்கும் சட்டங்கள், ஆணைகள், தீர்மானங்கள் மாநாட்டில் முன்வைக்கப்பட்ட வரைவுச் சட்டம் ஆகியவற்றையும் முதலமைச்சருக்கு இந்தக் கடிதத்தோடு இணைத்துக் கொடுத்துள்ளார் பெ. மணியரசன்.   தமிழ்நாட்டில் அயல் மாநிலத்தவர்களின் ஆதிக்கம் அதிகரித்து வரும் நிலையில், தமிழ்நாட்டில் வேலைவாய்ப்பு அலுவலகங்களில் பதிவு செய்து விட்டு காத்திருக்கும் சுமார் ஒரு கோடி இளைஞர் மற்றும் யுவதிகளின் வேலைவாய்ப்பு, வாழ்வாதாரம் கேள்வி குறியாகியுள்ளது. தமிழ்நாட்டைச் சேர்ந்த தொழில் வணிக முதலாளிகள், தொழில் முனைவோர்கள் ஓரங்கட்டப்படுகிறார்கள்.

தமிழ்நாட்டு இளைஞர்கள், தொழில் முனைவோர்கள் எதிர்கொண்டுள்ள அபாயம் குறித்தும், அதற்கான தீர்வு குறித்தும், தமிழக வாழ்வுரிமைக் கட்சி கடந்த 10 ஆண்டுகளுக்கு மேலாக குரல் எழுப்புகிறது.

இதுகுறித்து சட்டமன்றத்தில்  பலமுறை உரையாற்றிய பண்ருட்டி க.வேல்முருகன் தமிழ்நாட்டின் வேலை மண்ணின் மக்களுக்கே என்ற பிரமாண்ட மாநாட்டை அண்மையில் தமிழக வாழ்வுரிமைக் கட்சி நடத்தியது. மேலும், மண்ணின் மக்களின் வேலை வாயப்பை உறுதி செய்ய வேண்டும் என்றும் முதல்வர் மு.க.ஸ்டாலினிடம் கோரிக்கை மனு அளித்திருந்தார்.

அதன் அடிப்படையில், தமிழ்நாட்டு அரசுப் பணிகளுக்கான போட்டித் தேர்வுகளில் இனி தமிழ் பாடத்தாள் கட்டாயமாக்கப்படும் என தமிழ்நாடு அரசு அறிவித்தது. இந்த அறிவிப்பை தமிழக வாழ்வுரிமைக் கட்சி வரவேற்றதோடு,  முதல்வருக்கு பாராட்டுக்களையும், நன்றிகளையும் தெரிவித்த நிலையில், Group 2, Group 2A, Group – 4 தேர்வு உள்ளிட்ட தேர்வுகளுக்கான அறிவிப்பு விரைவில் வெளியாகிறது. இந்தத் தேர்வை, அயல் மாநிலத்தவர்கள் தமிழ் கற்றுக்கொண்டோ அல்லது முறைகேடுகள் செய்தோ வெற்றி பெறுவதற்கான வாய்ப்புகள் உள்ளது.

குறிப்பாக, கடந்த சில ஆண்டுகளுக்கு முன்பாக, தமிழ்நாட்டு அஞ்சல்துறைப் பணிகளுக்கான தேர்வில் தமிழில் ஒரு தேர்வு இருந்தது. அத்தேர்வில், அரியானாக்காரர்கள் 25க்கு 23 மதிப்பெண் பெற்றதும் அம்பலமானது.

பின்னர், தமிழக வாழ்வுரிமைக் கட்சி உள்ளிட்ட அரசியல் கட்சிகளும், இயக்கங்களும் போராட்டத்தை முன்னெடுத்ததைத் தொடர்ந்து, அத்தேர்வு முடிவுகள் ரத்து செய்யப்பட்டன.

எனவே, அதிமுக ஆட்சியில், தமிழ்நாடு அரசுப் பணிகளுக்கான தேர்வை பிற மாநிலத்தவர்களும் எழுதி இங்கு வேலை பெறலாம், தமிழ் தெரிந்திருக்க வேண்டிய கட்டாயமில்லை, வேலையில் சேர்ந்த பின் இரண்டு ஆண்டுகளில் தமிழ் கற்றுக்கொண்டால் போதும் எனச் சட்டத்திருத்தம் செய்தது. இந்த சட்டத்திருத்தத்தை முதல்வர் மு.க.ஸ்டாலின்  தலைமையிலான தமிழ்நாடு அரசு ரத்து செய்ய வேண்டும் என தமிழக வாழ்வுரிமைக் கட்சி வேண்டுகோள் விடுத்தது.  இந்த நிலையில் நாகாலந்து, மிசோரம், மணிப்பூர் அஸ்ஸாம் உள்ளிட்ட மாநிலங்களைப் போன்று, உள் அனுமதி அதிகாரம் தமிழ்நாட்டிற்கும் வேண்டும் என மத்திய அரசிடம் கேட்டுப் பெற தமிழ்நாடு அரசு முன் வரவேண்டும் என தமிழக வாழ்வுரிமைக் கட்சி வலியுறுத்தியது. இந்த நடைமுறை தான், தமிழ்நாட்டில் அயல் மாநிலத்தவர்களின் வருகையைக் கட்டுப்படுத்த முடியும். தமிழ்நாட்டில் அதிகரித்து வரும் அயல் மாநிலத்தவர்களின் குற்றச் செயல்களையும் தடுக்க முடியும். 30 லட்சம் பேர் வட மாநிலத்தில் இருந்து பஞ்சம் பிழைக்க வந்தவர்கள் இங்கு இந்த வஞ்சகம் செய்து குற்றம் இளைக்கும் நிலை உள்ளது.