சுவாமி சின்மயானந்தர் பிறந்த தினம்

சுவாமி சின்மயானந்தா  பிறந்த தினம் இன்று. கேரளாவின் எர்ணாகுளத்தில் 1916 ஆம் ஆண்டு பிறந்தார். இயற்பெயர் பால கிருஷ்ண மேனன் , தந்தை ஒரு புகழ்பெற்ற நீதிபதி. கொச்சி, திருச்சூரில் பள்ளிப் படிப்பை முடித்து, எர்ணாகுளம் மஹாராஜா கல்லூரியில் எஃப்.ஏ. (ஃபெலோஆஃப் ஆர்ட்ஸ்), திருச்சூர் செயின்ட் தாமஸ் கல்லூரியில் பி.ஏ. பட்டம் பெற்றார். லக்னோ பல்கலைக்கழகத்தில் இலக்கியம், சட்டத்தில் முதுகலைப் பட்டம் பெற்றார். ஊடகவியலும் பயின்றார். அரசியல், பொருளாதாரத்தில் பல சீர்திருத்தங்களை செய்யமுடியும் என்ற நம்பிக்கையில் ஊடகத் துறையில் பணியாற்றினார்.
1942 ஆம் ஆண்டு  வெள்ளையனே வெளியேறு போராட்டத்தில் பங்கேற்றார். கைது செய்யப்பட்டு சிறையிலடைக்கப்பட்டார்.
பின் நேஷனல் ஹெரால்டு பத்திரிகையில் பணியாற்றினார்.
ஒருமுறை ரிஷிகேஷ் சென்ற போது சுவாமி சிவானந்தரைச் சந்தித்தார். அது இவரது வாழ்வில் திருப்புமுனையாக அமைந்தது.
ஆன்மிகத்தில் நாட்டம் கொண்டார். ஆன்மிகப் புத்தகங்களைப் படிக்கத் தொடங்கினார்.இந்திய தத்துவத்துக்கான வருகைதரும் பகுதிநேர  பேராசிரியராக அமெரிக்கா மற்றும் ஆசிய நாடுகளின் பல்கலைக்கழகங் களில் பணியாற்றினார்.
உலகம் முழுவதும் ஆசிரமங்கள், பள்ளிகள், மருத்துவமனைகளை பல நல்ல தனவான்கள் உதவியுடன்  தொடங்கினார். கிராம மக்களின் வாழ்க்கைத் தரத்தை உயர்த்த ‘சின்மயா’ என்ற அமைப்பை உருவாக்கினார்.
40 ஆண்டுகளுக்கு மேலாக சமூகப் பணியாற்றியவர். இந்தியாவின் குறிப்பிடத்தக்க ஆன்மிகத் தலைவர்களில் ஒருவராகப் போற்றப்படும் சுவாமி சின்மயானந்தா 77ஆவது வயதில் 1993 ஆம் ஆண்டு சித்தியானார் ஆன்மீக முக்தியானார். அவர் காட்டிய வழியில் பல கல்வி நிறுவனங்களை ஏற்று நடத்தி வருகிறது சின்மய ஆஸ்ரம நிர்வாகம்.