ஊழலுக்கும் இடைத்தரகுக்கும் இந்தியாவில் இடமில்லை என பிரதமர் கருத்து நல்ல திட்டமாகும் காலம் கனிகிறது

ஊழலுக்கும் இடைத்தரகர்களுக்கும் புதிய இந்தியாவில் இடமில்லை ஏனப் பாரதப் பிரதமர் நரேந்திர மோடி உரை புதிய இந்தியாவில் ஊழல்வாதிகளையும் இடைத்தரகர்களையும் சகித்துக் கொள்ள முடியாது என்று பிரதமர் நரேந்திர மோடி தெரிவித்துள்ளார். ஊழல் விழிப்புணர்வு வாரம் அனுசரிக்கப்படுவதையொட்டி பிரதமர் மோடி நாட்டு மக்களுக்கு விடுத்த செய்தியில் ஊழலைக் களையவும் ஊழல்வாதிகளை தண்டிக்கவும் தமது அரசு ஓய்வின்றி உழைத்திருப்பதாக தெரிவித்துள்ளார். புதிய இந்தியாவில் ஊழலுக்கும் இடைத்தரகர்களுக்கும் இடமில்லை என்றும் மோடி திட்டவட்டமாக தெரிவித்தார். ஊழலுக்கு எதிராக அரசு நடத்தும் யுத்தத்தில் பொதுமக்களும் சமபங்கு ஏற்குமாறு மோடி அழைப்பு விடுத்தார். இச் சூழ்நிலையில் மலிந்து போன ஊழல் சாதாரணமாக ஒரு உரிமையுள்ள நபரின் நிலம் அரசாங்கம் வரிசெலுத்த பட்டா அரசு ஊழியர்களுக்கு இலஞ்சம் தராமல் நடக்கவில்லை என்பது லஞ்ச ஒழிப்புத்துறையே நன்கு அறியும் பொதுமக்களுக்கு இவர்கள் அதிகாரிகளா? அல்லது எஜமானர்களா? என்ற வினா உண்டு இவர்களின் பணிதான் என்ன? இவர்களின் கடமை தவறிய செயல்களை, அதிகார துஷ்பிரயோகங்களை, சட்ட விரோதக் காரியங்களை பிரதமர் பேசினார் அதை தட்டிக் கேட்பது எந்தத் துறை இதுபோன்ற கேள்விகள் நம் ஒவ்வொருவர் மனதிலும் எழாமல் இருக்க வாய்ப்பே இல்லை. ஒரு அரசு என்பது மக்களால், மக்களுக்காக தேர்ந்தெடுக்கப்பட்டதுதான். மக்கள் நலன் கருதி பல்வேறு அரசுத்துறைகள் தனித்தனியாக உருவாக்கப்பட்டுள்ளது. இந்த துறைகளின் மூலம் மக்கள் பணி செய்வதற்காக பலதரப்பட்ட அரசு ஊழியர்கள் நியமிக்கப்படுகின்றனர். இவர்கள் அனைவரும் மக்களின் சேவகர்களே! மக்கள்தான் இவர்களுக்கு எஜமானர்கள் மக்களின் வரிப்பணத்தில் இருந்துதான் இவர்களுக்கு சம்பளம் வழங்கப்படுகிறது. பணி ஓய்வு பெற்ற பின்னர் ஓய்வூதியமும் வழங்கப்படுகிறது. அரசு அதிகாரிகள் என்பவர்கள் பொதுமக்களுக்கு பணிபுரியும் ஊழியர்கள்தானே தவிர அவர்கள் அரசர்கள் அல்ல. ஆனால் உண்மையில் அரசு ஊழியர்கள் எப்படி பொதுமக்களிடம் நடந்து கொள்கிறார்கள் என்பது பலரும் அறிவார்கள் அரசு ஊழியர்கள் தங்களை அரசர்கள் போல நினைத்துக் கொள்கின்றனர். இவர்களுக்கு ஏதோ வானளாவிய அதிகாரம் உள்ளது போல நினைத்துக் கொண்டு பொதுமக்களை அலைக்கழித்து மிகவும் கேவலமாக நடத்துகிறார்கள். உரிமைக்காக குரல் கொடுக்கும் சமூக ஆர்வலர்கள், நியாயத்தை கேட்கும் பொதுமக்கள் என அனைவர் மீதும் காழ்புணர்வு கொண்டு பணிக்கு அரசு வழங்கும் ஊதியங்களையும், சலுகைகளையும் பெற்றுக் கொண்டு சொகுசான ஆடம்பர வாழ்க்கை வாழு மக்களைச் சுரண்டி வாழும் பலர் உண்டு இவர்கள் ஏழை, எளிய மக்கள் நலனில் கொஞ்சமும் அக்கறை கொள்வதில்லை. பொதுமக்களிடம் கையேந்தி லஞ்சம் என்னும் பிச்சை எடுக்கின்றனர் என சமீபத்தில் உயர்நீதிமன்றமே கூறியது. எத்தனையோ சட்டங்கள் இருந்தும் இதுபோன்ற அரசு ஊழியர்கள் சட்டத்தின் பிடியிலிருந்து எப்படி தப்பிக்கிறார்கள்? அதற்கான காரணம் என்ன? என்பதை யோசித்து பாரத்தால் அற்ப காரணங்களால் தான் தப்பி விடுகிறார்கள் என்பதை தெரிந்து கொள்ள முடியும். உதாரணமாக.... பொதுமக்கள் அளிக்கும் மனுக்கள் மீது குறிப்பிட்ட 30 நாட்களுக்குள் நடவடிக்கை எடுக்க வேண்டும் என சென்னை உயர்நீதிமன்றம் கடந்த 1.8.2014 ஆம் தேதி உரிமையியல் மனு எண். 20527/2014 ல் உத்தரவு பிறப்பித்தது. மேற்கண்ட உயர்நீதிமன்ற உத்தரவுபடி பொதுமக்கள் அரசு அலுவலகங்களில் கொடுக்கும் மனுக்கள் மீது 30 நாட்களுக்குள் நடவடிக்கை எடுக்க வேண்டும் என தமிழக அரசும் 21.9.2015 ஆம் தேதி அரசாணை எண். 99 ஐ வெளியிட்டது. ஆனால் மேற்கண்ட உயர்நீதிமன்ற உத்தரவையோ அல்லது அரசாணை எண் 99 யையோ யாராவது மதிக்கிறார்களா என்பதுவே எழுவினா. அப்படி என்றால் இவர்களை எப்படி யார் நடவடிக்கை எடுத்துத் தண்டிப்பது? மக்கள் பணி செய்யாத, செய்யத் தவறுகிற அரசு ஊழியர்கள் அனைவரும் கடமை தவறிய அலுவலர்களே என்று சட்டம் கூறுகிறது. மேலும் இதுபோன்ற அலுவலர்களுக்கு ஒரு வருடம் வரை சிறைத் தண்டனை விதிக்கலாம் என இந்திய தண்டனைச் சட்டம் பிரிவு 166 கூறுகிறது. ஆனால் தண்டனை பெற்றுத்தர என்ன செய்ய வேண்டும் என்கிற விழிப்புணர்வு மக்களிடம் இல்லை. அற்ப காரணங்களின் அடிப்படையில் தான் தவறு செய்யும் அரசு ஊழியர்கள் சட்டத்தின் பிடியிலிருந்து தப்பி விடுகிறார்கள். அது என்ன? குற்றவியல் நடைமுறைச் சட்டம் பிரிவு 197 தான் அது Crpc sec 197 - Prosecution of judges and public servants பொது ஊழியர்களுக்கு எதிராக வழக்கு தொடுக்க வேண்டுமென்றால் மத்திய அல்லது மாநில அரசிடம் அனுமதி பெற வேண்டும் என்றும் அனுமதி பெறாமல் தாக்கல் செய்யப்படும் வழக்குகளை விசாரணைக்கு ஏற்றுக் கொள்ளக்கூடாது என்றும் கு. வி. மு. ச பிரிவு 197 கூறுகிறது. ஆனால் இந்திய தண்டனைச் சட்டம் பிரிவுகள் 166(அ),166(ஆ),354,354(அ),354(இ),354(ஈ),370,375,376,376(அ),376(இ),376(ஈ),509 போன்ற குற்றங்களை ஒரு அரசு ஊழியர் செய்தால் அதற்கு அனுமதி பெற வேண்டிய அவசியம் இல்லை. மேலும் ஊழல், பொய் ஆவணம் தயாரித்தல், பயன்படுத்துதல் போன்ற குற்றங்களுக்காக வழக்குத் தொடரவும் அனுமதி பெற தேவையில்லை. அரசு ஊழியர்களுக்கு எதிராக தாக்கல் செய்யப்பட்ட பல வழக்குகளைப் பார்த்தால், அநேகமாக குற்றவியல் நடைமுறைச் சட்டம் பிரிவு 197 ஐ காரணம் காட்டி தப்பி சென்றிருப்பதாகவே விளங்குகிறது. எனவே ஒரு அரசு ஊழியர் அவரது கடமையை செய்யத் தவறினால் அவர்மீது வழக்கு தொடர அந்தந்த துறை செயலாளர் அல்லது மாவட்ட ஆட்சியரிடம் எழுத்து மூலமாக அனுமதி கேட்டு பதிவுத் தபாலில் அனுப்பி அதன்பிறகு தான் குற்ற வழக்கு தாக்கல் செய்ய வேண்டும். இல்லையென்றால் தவறு செய்த அலுவலர் எளிதாகத் தப்பி விடுவார். விழிப்புணர்வுக்காக பிரதமர் செய்தியுரையுடன் இது ஊழல் தடுப்பு வாரம் ஆகவே மக்கள் விழிப்ப்பணி நடவடிக்கைக்கு விழிப்புத் தேவை. மக்கள் இலஞ்சம் கொடுத்து அவர்களை ஊக்கப்படுத்தாமல் அவர்களது பணி செய்ய வைக்க நமது இந்தியப் பிரதமரின் கருத்தை நாம் அதிகம் முன்னெடுப்போம்.