காசி தமிழ் சங்கமத்திற்கு தமிழ்நாட்டைச் சேர்ந்த முதல் தொகுப்பான 216 பிரதிநிதிகளுடன் ரயில்பயணம் இன்று தொடங்குகிறது
• ஒருமாத கால காசி தமிழ் சங்கமம் நிகழ்வின் போது தமிழ்நாட்டிலிருந்து காசிக்கு 13 ரயில்கள் இயக்கப்படும்
• இந்த ரயில்களில் தமிழ்நாட்டைச் சேர்ந்த 2592 பிரதிநிதிகள் பயணம் செய்வார்கள்
• இந்தப் பிரதிநிதிகள் ராமேஸ்வரம், திருச்சிராப்பள்ளி, கோயம்புத்தூர், சென்னை ஆகிய இடங்களிலிருந்து தங்களின் பயணத்தை தொடங்குவார்கள்
• இந்த ரயில்கள் செல்லும் வழியில் 21 ரயில்நிலையங்களில் நிற்கும்
ஒருமாத கால ‘காசி தமிழ் சங்கமம்’ நிகழ்வின் போது தமிழ்நாட்டிலிருந்து உத்தரப்பிரதேசத்தின் காசிக்கு இந்திய ரயில்வே மொத்தம் 13 ரயில்களை இயக்கவுள்ளன. முதலாவது ரயில் 216 பிரதிநிதிகளுடன் இன்று தமிழ்நாட்டின் ராமேஸ்வரத்தில் இருந்து புறப்படுகிறது. இந்த ரயிலில் 35 பிரதிநிதிகள் ராமேஸ்வரத்தில் இருந்தும், 103 பேர் திருச்சிராப்பள்ளியில் இருந்தும், 78 பேர் சென்னை எழும்பூரில் இருந்தும் செல்வார்கள். தமிழ்நாடு ஆளுநர் திரு ஆர் என் ரவி, இந்த பிரதிநிதிகளுடன் சென்னை எழும்பூரில் நாளை (17.11.2022) கலந்துரையாடிய பின், கொடியசைத்து அனுப்பி வைப்பார். இந்த நிகழ்வில், மத்திய தகவல் ஒலிபரப்பு, மீன் வளம், கால்நடை பராமரிப்பு, பால்வளத்துறை இணையமைச்சர் டாக்டர் எல் முருகன் பங்கேற்பார்.
இந்த ரயில்களில் தமிழ்நாட்டைச் சேர்ந்த 2592 பிரதிநிதிகள் பயணம் செய்வார்கள். இந்த பிரதிநிதிகள் ராமேஸ்வரம், திருச்சிராப்பள்ளி, கோயம்புத்தூர், சென்னை ஆகிய இடங்களிலிருந்து தங்களின் பயணத்தை தொடங்குவார்கள். இந்த ரயில்கள் செல்லும் வழியில் 21 ரயில்நிலையங்களில் நிற்கும். ஒவ்வொரு ரயிலிலும் 216 பிரதிநிதிகள் பயணம் செய்வார்கள்.
“சுதந்திரத்தின் அமிர்த பெருவிழா”வின் ஒரு பகுதியாக மத்திய அரசின் முன்முயற்சியாக காசி தமிழ் சங்கமம் - 2022 அமைந்துள்ளது. ‘ஒரே பாரதம் உன்னத பாரதம்’ என்ற உணர்வை கொண்டாடுவதாக இது இருக்கும். மேலும் அழகிய தமிழ் மொழியையும், கலாச்சாரத்தையும் இது கொண்டாடும்.
காசிக்கும், தமிழ்நாட்டுக்கும் இடையே தொன்மையான நாகரீக பிணைப்பையும் பல நூற்றாண்டு கால அறிவுப் பிணைப்பையும் மீட்டுருவாக்கம் செய்வதற்காக ஒருமாத கால ‘காசி தமிழ் சங்கமம்’ நிகழ்ச்சி வாரணாசியில் நவம்பர் 17 முதல் டிசம்பர் 16 வரை ஏற்பாடு செய்யப்பட்டுள்ளது.
சென்னை ஐஐடி, பனாரஸ் இந்து பல்கலைக்கழக பிஎச்யு நிகழ்வின் ஒரு பகுதியாக காசி, தமிழ்நாடு இடையேயான தொடர்புகள் மற்றும் பகிரப்பட்ட மாண்புகளை வெளிக்கொணர்வதை நோக்கமாக கொண்டு இரண்டு தொன்மையான இந்திய கலாச்சார நகரங்களின் பன்முகத் தன்மையுடன், நிபுணர்கள்/ அறிஞர்களிடையே கல்விசார் பரிமாற்றங்கள், கருத்தரங்குகள், விவாதங்கள் இடம்பெறும். இரண்டு ஞானம் மற்றும் கலாச்சார பாரம்பரியங்களை நெருக்கமாக கொண்டு வருவது நமது பகிரப்பட்ட பாரம்பரியத்தில் புரிதலை உருவாக்குவது இரு பிராந்தியங்களுக்கு இடையே மக்களுடனான உறவை ஆழப்படுத்துவது என்பவை இதன் பரந்த நோக்கமாகும்.
தமிழ்நாட்டிலிருந்து பிரதிநிதிகளின் பன்னிரண்டு குழுக்கள் - துணைத் தலைப்பின் கீழ், பன்னிரண்டு குழுக்களின் சுருக்கமான விளக்கம்
இந்நிகழ்ச்சியில் 12 குழுக்கள் இருக்கும். ஒவ்வொரு குழுவிலும், ஒரே மாதிரியான 216 பேர் இருப்பார்கள், அதாவது 200 பிரதிநிதிகள் மற்றும் 16 வசதியாளர்கள் மற்றும் தன்னார்வலர்களைக் கொண்ட ஒரே மாதிரியான குழுவாக 3 ரயில் பெட்டிகளில் பயணிப்பர்.
தமிழ்நாட்டிலிருந்து, முதலாவது குழு, நவம்பர் 16ஆம் தேதி புதன்கிழமை இரவு 23:55 மணிக்கு ராமேஸ்வரத்தில் இருந்து புறப்படும், கடைசி குழு, அதாவது 12-வது குழு, டிசம்பர் 20ஆம் தேதி செவ்வாய்கிழமை காலை 08:10 மணிக்கு சென்னையை வந்தடையும் .
காசி தமிழ் சங்கமம் 17 நவம்பர் முதல் 16 டிசம்பர் 2022 வரை நடைபெறும்.
ராமேஸ்வரம் , கோயம்புத்தூர் மற்றும் சென்னை சென்ட்ரலில் இருந்து முறையே 3 குழுக்கள் தமிழ்நாட்டில் இருந்து புறப்படும் . இருப்பினும், திரும்பும் பயணத்தில், தளவாட காரணங்களால் சென்னை வரை சேவைகள் இருக்கும்.
ஒவ்வொரு குழுவிற்கும் 8 நாட்கள் திட்டம் :The 8-days program for every : 2 நாட்கள் முதல் பயணம் (ரயிலில்), 2 நாட்கள் காசியில், பிரயாக்ராஜ் மற்றும் அயோத்தியை பார்வையிட 2 நாட்கள் (பேருந்தில்) மற்றும் 2 நாட்கள் காசியிலிருந்து தமிழ்நாடு திரும்பும் பயணம் (ரயிலில்)
குழுவின் பெயர்கள் பின்வருமாறு-
மாணவர்கள்
ஆசிரியர்கள்
இலக்கியம்
கலாச்சாரம்
தொழில் வல்லுநர்கள்
தொழில்முனைவோர்
வணிக
கைவினைஞர்கள்
பாரம்பரியம்
ஆன்மீக
கிராமப்புறம்
கோவில்
குழு வாரியான விவரங்கள்
மாணவர்கள் : மாணவர்கள் 18 வயதுக்கு மேல் இருக்க வேண்டும் மற்றும் அங்கீகரிக்கப்பட்ட பல்கலைக்கழகம்/கல்லூரி/நிறுவனத்தில் பி.எச்.டி / எம்.ஃபில் /யுஜி/பிஜி/புரொபஷனல்/டிப்ளமோ படிப்புகளை பயின்று கொண்டிருக்க வேண்டும். அவர்களின் படிப்பு கலை/அறிவியல்/ மொழி/ பொறியியல்/ மருத்துவம்/ மேலாண்மை / சட்டம்/ கணக்குகள் போன்றவற்றில் இருக்கலாம். திரும்பும் மாணவர்கள் தங்கள் சொந்த மாநிலத்தில் இந்தியாவின் வளமான கலாச்சார பாரம்பரியத்தை மேம்படுத்துவார்கள் என்று எதிர்பார்க்கப்படுகிறது.
ஆசிரியர்கள் : ஆசிரியர்கள் / பேராசிரியர்கள் பல்கலைக்கழகம் / கல்லூரி / பள்ளி/ அங்கீகரிக்கப்பட்ட நிறுவனத்தில் பணிபுரிய வேண்டும். மற்றும் தொடக்க நிலை / இரண்டாம் / மேல் நிலை பள்ளிக்கல்வி அளித்தல் அல்லது கல்லூரி மட்டத்தில் கலை / அறிவியல் / பொறியியல்/ மருத்துவம் / மேலாண்மை / சட்டம்/ கணக்குகள் துறையில் கல்வியை வழங்குதல். ஆசிரியர்கள் அல்லது விரிவுரையாளர்களுக்கு / இலக்கியம் / ஆராய்ச்சி / சமூக பணி / ஆன்மீக சொற்பொழிவு / விளையாட்டு/ போன்றவற்றோடு “ஒரே பாரதம் உன்னத பாரதம்” என்ற கருத்தை ஊக்குவித்தல் போன்ற ஆர்வம் இருக்கும் என்று எதிர்பார்க்கப்படுகிறது
இலக்கியம்: வெவ்வேறு பணித் துறையில் ஈடுபட்டுள்ள பணிபுரியும் அல்லது தன்னிச்சை எழுத்தாளர் இந்தக் குழுவின் கீழ் உள்ளடக்கப்பட்டுள்ளனர் இலக்கியப் படைப்பின் ஒரு பகுதி, புனைகதையாக இருக்கலாம் / வரலாறு / மொழி / ஆராய்ச்சி / அறிவியல் /கலை முதலியன மற்றும் ஒரு எழுத்தாளர் தமிழ்நாட்டைச் சேர்ந்தவர் மற்றும் தமிழ், இந்தி ஆங்கிலம் அல்லது இந்திய அரசியலமைப்பின் 8 வது அட்டவணையில் பரிந்துரைக்கப்பட்ட 22 மொழிகளில் எழுதுபவராக இருக்கலாம்.
கலாச்சாரம் : கலாச்சாரத்தை மேம்படுத்தும் துறையில் ஈடுபட்டுள்ள, பணிபுரியும் அல்லது ஓய்வுபெற்ற தனிநபர் இந்தக் குழுவின் கீழ் வருவர். பண்பாட்டுப் பணி என்பது மொழி வளர்ச்சி / பாரம்பரிய கலாச்சார மேம்பாடு / சமயம் / ஆன்மீகம் / இசை / நடனம் / நாடகம் / மக்கள் போன்றவை .
தொழில் வல்லுநர்கள் : பணிபுரியும் / சுயதொழில் செய்பவர்கள் / சொந்தத்தொழில் உரிமையாளர்கள் இந்த குழுவின் கீழ் வருவார்கள். . கணக்குகள் / சட்டம் / மேலாண்மை / மருத்துவம் (சித்தா / ஆயுர்வேதம் போன்ற பாரம்பரிய மருத்துவம் / தகவல் தொழில் நுட்பம்/ ஊடகம்/மேலாண்மை/ பொறியியல் /ஆலோசகர் / கட்டிடக்கலை / நுண்கலை போன்றவையாக இருக்கலாம்
தொழில்முனைவோர் : இந்தக் குழுவின் கீழ் உள்ள தொழில்முனைவோர், தொடக்க / சிறிய அளவிலான / நடுத்தர அளவிலான / பெரிய அளவிலான நிறுவனங்களின் உரிமையாளர் / உரிமையாளர் என பரவலாக வகைப்படுத்தப்பட்டுள்ளனர். அவர்கள் ஆலோசனை/உற்பத்தி/தகவல் தொழில் நுட்பம் /மார்க்கெட்டிங் / விற்பனை போன்றவற்றில் ஈடுபட்டிருக்கலாம்.
வணிகம் : கிராமப்புற மற்றும் நகர்ப்புறங்களில் சிறிய வகை - (முறையான மற்றும் முறைசாரா) குடும்ப வணிகம் / சில்லறை வணிகம் / மொத்த வணிகம் / போன்றவற்றில் ஈடுபட்டுள்ள நபர் இந்தக் குழுவின் கீழ் வருவர். அது சுயவுரிமை / கூட்டாண்மையாக இருக்கலாம். மளிகை / பால் பொருட்கள், பால் மற்றும் பால் பொருட்கள் / ஹோட்டல் மற்றும் கேட்டரிங் / உணவகம் / புத்தக கடை / உணவு பொருட்கள் / தீவனம் மற்றும் கால்நடை தீவனம் / சமையல் எண்ணெய் / கால்நடை பராமரிப்பு ஆகியவற்றில் ஈடுபட்டிருக்கலாம்
கைவினைஞர்கள் : மர கைவினை / உலோக கைவினை / ஆடை வேலை / ஆபரணங்கள் / பொம்மைகள் / கைவினைப்பொருட்கள் / கல் வேலை / கொத்து / போன்றவற்றில் ஈடுபட்டுள்ள கலைஞர்கள் மற்றும் கைவினை நபர்கள் இந்த குழுவின் கீழ் உள்ளனர். அவர்கள் சுயதொழில் செய்பவர்களாகவோ அல்லது கூட்டுறவு / சுய உதவிக் குழுவில் ஈடுபட்டவர்களாகவோ இருக்கலாம்.
பாரம்பரியம் : தொல்பொருள் ஆராய்ச்சியாளர்கள் / பாரம்பரிய கலை கலைஞர்கள் / சுற்றுச்சூழல் பாதுகாவலர் / யோகா போதகர் அல்லது ஆசிரியர் / ஆயுர்வேத / சித்த மருத்துவர்கள் இந்த குழுவின் கீழ் உள்ளனர். அவர்கள் இந்தியாவின் வளமான கலாச்சார பாரம்பரியத்தை பாதுகாத்து, அடுத்த தலைமுறைக்கு மாற்றுவதன் மூலம் மேம்படுத்துவார்கள் என்று எதிர்பார்க்கப்படுகிறது.
ஆன்மீகம் : : ஆன்மீகப் பிரசங்கம் / ஆன்மீக புத்தக வெளியீடு / ஆன்மீக எழுத்து / ஆன்மீக சொற்பொழிவு ஆகியவற்றில் ஈடுபட்டுள்ள நபர்கள் இந்தக் குழுவின் கீழ் உள்ளடக்கப்பட்டுள்ளனர்.
கிராமப்புறம் :விவசாயிகள் / விவசாயிகள் / கால்நடை வளர்ப்பில் ஈடுபட்டுள்ள நபர்கள் / பண்ணை தொழிலாளர்கள் / தோட்டக்கலை / தோட்டத் தொழிலாளர்கள், கிராமப்புற தொழிலாளர்கள் இந்த குழுவின் கீழ் உள்ளனர்.
கோவில் : கோவில் பூசாரிகள் / கிராம பூஜாரிகள் / கோயில் சமையல்காரர்கள் / கோயில் கட்டிடக் கலைஞர்கள் / கோயில் மரக் கலை நிபுணர்கள் / சிற்பம் / ஷில்பா சாஸ்திர வல்லுநர்கள் / ஆகம பயிற்சியாளர்கள் / ஆகம ஆசிரியர் / கோயில் நிர்வாகிகள் / தர்மகர்த்தா ( அறங்காவலர் ) / கோயில் பணியாளர் / வேத மந்திரங்கள் (ஓதுவார்கள் / பிரபந்தக்காரர்கள் / அத்யாபகர்கள் ) / வாத்தியக்காரர்கள் ( வாத்தியகாரர்கள் ) / கோயில் பணிகளில் ஈடுபடும் கோசாலை பணியாளர்கள் இந்த குழுவின் கீழ் உள்ளனர் .
கருத்துகள்