பாட்னா உயர் நீதிமன்றத் தலைமை நீதிபதி கே. வினோத் சந்திரன் உச்ச நீதிமன்றத்தின் நீதிபதியாக கொலீஜியம் பரிந்துரை

கடந்த 7 ஜனவரி 2025 ஆம் நாள் அன்று உச்சநீதிமன்றத்தில் தலைமை நீதிபதி சஞ்சீவ் கண்ணா

தலைமையிலான உச்சநீதிமன்ற கொலீஜியம்,  பாட்னா உயர் நீதிமன்றத்தின் தலைமை நீதிபதியாகப் பணியாற்றி வரும் நீதிபதி கே. வினோத் சந்திரனின் பெயரை இந்திய உச்ச நீதிமன்றத்தின் நீதிபதியாகப் பரிந்துரைத்தது. நீதிபதி கே.வினோத் சந்திரன் 8 நவம்பர் 2011 ஆம் நாள் அன்று கேரளா மாநில உயர் நீதிமன்றத்தின் நீதிபதியாக நியமிக்கப்பட்டு, 29 மார்ச் 2023 ஆம் நாள் அன்று பீஹார் மாநிலத்தில் பாட்னாவிலுள்ள உயர் நீதிமன்றத்தின் தலைமை நீதிபதியாக உயர்த்தப்பட்டுப் பணியாற்றி வருகிறார். அன்று முதல் அந்த உயர் நீதிமன்ற நீதிபதியாகவும். 11 ஆண்டுகளுக்கும் மேலாக உயர் நீதிமன்ற நீதிபதியாகவும், ஓராண்டுக்கும் மேலாக உயர் நீதிமன்றத்தின் தலைமை நீதிபதியாகவும் பணியாற்றியுள்ளார்.

உயர் நீதிமன்ற நீதிபதியாகவும், தலைமை நீதிபதியாகவும் நீண்ட காலம் பணியாற்றிய நீதிபதி சந்திரன், பல்வேறு சட்டத் துறைகளில் குறிப்பிடத்தக்க அனுபவத்தைப் பெற்றுள்ளார்.  உயர் நீதிமன்ற நீதிபதிகளின் ஒருங்கிணைந்த அகில இந்திய சீனியாரிட்டியில் எண். 13; மற்றும் கேரளா உயர் நீதிமன்றத்தைச் சேர்ந்த நீதிபதிகளின் சீனியாரிட்டியில், நீதிபதி கே. வினோத் சந்திரன் எஸ்.எல். எண் 1. மேலும், அவரது பெயரை சிபாரிசு செய்து, உச்ச நீதிமன்றத்தின் பெஞ்சில் கேரளா உயர் நீதிமன்றத்தின் பிரதிநிதித்துவம் இல்லை என்பதையும் கொலீஜியம் கருத்தில் கொண்டது.