பால்கரில் சாதுக்கள் கொலைக்கு கண்டனம் தெரிவித்த அர்னாப் கோஸ்வாமி மீது தாக்குதல்

மஹாராஷ்ரா மாநிலம் மும்பையின் கண்டிவலியைச் சேர்ந்த சாதுக்கள், சிக்னே மகாராஜ் கல்பவ்ருக்ஷகிரி, (வயது 70), சுஷில்கிரி மகாராஜ்,(வயது 35), ஆகியோர், ஏப்ரல் 16ஆம் தேதி, குஜராத்தில் ஒருவரின் இறுதிச் சடங்கில் பங்கேற்க, டிரைவர் நிலேஷ் தெல்கேட், (வயது 30), உடன் காரில் புறப்பட்டனர். அவர்களது கார், பால்கர் மாவட்டப் பகுதியில் சென்ற போது, கிராம மக்கள் காரைத் தடுத்து  காருக்குள் இருந்த மூவரையும் திருடர்கள் என சந்தேகித்து, வெளியே இழுத்துப் போட்டு அடித்துக் கொன்றனர். நடந்த 
சம்பவம் தொடர்பாக, முதல்வர் உத்தவ் தாக்கரே, 'டுவிட்டர்' சமூக வலைதளத்தில், ''பால்கர் மாவட்டத்தில், மூன்று பேர் கொலை செய்யப் பட்டது தொடர்பாக, உயர்மட்ட விசாரணைக்கு மாநில அரசு உத்தரவிட்டுள்ளது. குற்றச் செயலில் ஈடுபட்ட அனைவரும், உடனடியாக கைது செய்யப்பட்டுள்ளதுடன், கண்டிப்பாக நீதியின் முன் நிறுத்தப்படுவர். என அதில்  கூறப்பட்டுள்ளது.
படுகொலை குறித்து, மாநில உள்துறை அமைச்சர் அனில் தேஷ்முக், சமூக வலைதளத்தில் :  இந்தத் தாக்குதலில் சாதுக்கள் இருவர் இறந்துள்ளதால், இதற்கு மதச் சாயம் பூச வேண்டாம். தாக்குதலில் ஈடுபட்டவர்கள் வேற்று மதத்தைச் சார்ந்தவர்கள் அல்ல. மத ரீதியிலான கருத்துகளை பரப்புவோர் மீது, கடும் நடவடிக்கை எடுக்க, 'சைபர் கிரைம்' போலீசாருக்கு உத்தரவிட்டுள்ளேன்.படுகொலையில் சம்பந்தப்பட்ட, 101பேர், போலீசாரிடம் சிக்கியுள்ளனர். அவர்களிடம் தீவிர விசாரணை நடத்தப்பட்டு வருகிறது.இவ்வாறு, அவர் கூறியுள்ளார். இதில் கடும் நடவடிக்கை எடுக்கப்படும் எனப் பதிவிட்டி ருந்தார். இந்த நிலையில் அர்னாப் கோஸ்வாமி.  சாதுக்கள் விவகாரத்தில் பலரின் முகத்திரையைக் கிழிக்கும் வகையில் பல கேள்விகளையும், தனது ஆதங்கத்தையும் வெளிப்படுத்தியுள்ளார்.
''நான் நாட்டு மக்களிடம் கேள்வி கேட்க விரும்புகிறேன்.. 
மெளலவி அல்லது கிறிஸ்துவர் இந்து துறவிகளை போல கொடூரமாக கொல்லப்பட்டிருந்தால் நாடு அமைதியாக இருக்குமா?
இத்தாலி ரோம் நகரிலிருந்து வந்த அன்டோனியா மைனோ (சோனியா காந்தி) கிறிஸ்துவர் கொல்லப்பட்டு இருந்தால் இதுபோல அமைதியாக இருந்திருப்பாரா?
நான் கூட்டணி அமைத்துள்ள மாநிலத்தில், இந்துத் துறவிகளை விரட்டி அடித்ததில் வெற்றி பெற்றுள்ளோம், என்று வேண்டுமானால் இத்தாலிக்கு, அறிக்கை அனுப்பி மகிழ்ந்திருப்பார்
இந்து துறவிகளின் கொடூரமான கொலையை மூடி மறைக்க நினைக்கும் ஊடகங்களே நீங்கள் வெட்கப்பட்ட வேண்டும்''..
என அர்னாப் கோஸ்வாமி தனது கோபத்தை வெளிப்படுத்தி யிருந்தார்.இதை தொடர்ந்து அர்னாப் மற்றும் அவரது மனைவி மீது குண்டர்கள் நேற்று இரவு பணி முடிந்து வீடு திரும்பும் போது கொலை வெறிதாக்குதல் நடத்தியுள்ளனர்.