ஆலயத்தின் வருவாய் மூலம் நடத்தும் சுயநிதிக் கல்லூரிப் பணியாளர் நியமனம் ஹிந்து சமய மக்கள் மட்டுமே பெற உரிமை உள்ளது உயர் நீதிமன்றத்தின் உத்தரவு
சென்னை திருமயிலாப்பூர் ஸ்ரீ கபாலீஸ்வரர் கோவிலுக்குச் சொந்தமான ஆலய வருவாய் நிதியிலிருந்து ஹிந்து சமய
அந்தக் கல்லூரிக்கு உதவியாளர்கள், இளநிலை உதவியாளர், தட்டச்சர், அலுவலக உதவியாளர்கள், தூய்மைப் பணியாளர்கள் மற்றும் பகல், இரவுக் காவலர்கள் உள்ளிட்ட பணியாளர்களைத் தேர்வு செய்ய நேர்முகத் தேர்வுக்கு அழைப்பு விடுத்தது, 2021 ஆம் ஆண்டு அறிவிப்பாணையும் வெளியிட்டதில், ஹிந்து மதத்தைச் சர்ந்தவர்கள் மட்டுமே கல்லூரிப் பணியிடங்களுக்கு விண்ணப்பிக்க முடியும் என சட்ட விதிப்படி ஒரு நிபந்தனையும் விதிக்கப்பட்டிருந்தது.
இதை எதிர்த்தும், இந்த அறிவிப்பானையை ரத்து செய்யக் கோரியும் இஸ்லாமிய மதம் சார்ந்த சுகைல் என்பவர் சென்னை உயர் நீதிமன்றத்தில் வழக்குத் தொடர்ந்திருந்தார். இந்த வழக்கு நீதிபதி விவேக் குமார் சிங் முன்பு விசாரணைக்கு வந்த போது,
மனுதாரர் தரப்பில், அருள்மிகு கபாலீஸ்வரர் கலை அறிவியல் கல்லூரி கல்வி நிறுவனமாகும். அந்தக் கல்லூரி மதம் சார்ந்த நிறுவனமல்ல. கல்வி நிறுவனத்தில் மத அடிப்படையில் எந்தவிதமான பணி நியமனங்களுக்கு மேற்கொள்ள முடியாது. எனவே, தன்னை நேர்முக தேர்வுக்கு அனுமதிக்க வேண்டுமென்று வாதிடப்பட்டது. ஹிந்து சமய அறநிலையத் துறை தரப்பில், ஹிந்து சமய அறிநிலையச் சட்டப்படி, மயிலாப்பூர் அருள்மிகு கபாலீஸ்வரர் கோவிலின் வருவாய் சுய நிதியிலிருந்து கல்லூரி துவங்கப்பட்டுள்ளது. அரசிடம் நிதியுதவி எதுவும் பெறப்படவில்லை. இது சுயநிதிக் கல்லூரியாகும். கோவில் சார்பில் நடத்தப்படுவதால் அருள்மிகு கபாலீஸ்வரர் கலை அறிவியல் கல்லூரிக்கு ஊழியர்களை நியமிக்க அறநிலையத்துறைக்கு தனி உரிமையும், சட்டப்படியான அதிகாரமும் உள்ளது. எனவே, பணி நியமனங்களில் ஹிந்து மதத்தைச் சார்ந்தவர்களை மட்டுமே நியமிக்க முடியும் எனத் தெரிவிக்கப்பட்டது. மேலும் அவர் நியமனத்திற்கு தகுதி பெற முடியாது என்றும், அதனால் அரசியலமைப்பின் கீழ் உத்தரவாதம் அளிக்கப்பட்ட வேலைவாய்ப்பில் சமத்துவம் பறிக்கப்பட்டதாகவும் அவர் மனுவில் கூறியிருந்தார்.
மனுதாரரின் வாதங்களை நிராகரித்த நீதிபதி, கல்வி மற்றும் வேலைவாய்ப்பில் சம வாய்ப்பு மற்றும் பாகுபாடுகளைக் கையாளும் அரசியலமைப்பின் 16(1) மற்றும் 16(2) விதிகளின் கீழ் கல்லூரி வரவில்லை, ஆனால் அது சுயநிதிக் கல்லூரிகளின் கீழ் தான் வருகிறது. இந்திய அரசியலமைப்பின் 16(5) விதிமுறைகளை நன்கு கவனித்த நீதிமன்றத்தின் 1959-ஆம் ஆண்டில் இந்து சமய மற்றும் அறநிலைக்கொடைகள் சட்டம் 22/1959 இயற்றப்பட்டது. 01.01.1960 முதல் இச்சட்டம் நடைமுறைக்கு வந்தது. இந்து சமய அறநிலையத்துறை சட்டம் 1959 இயற்றப்பட்டதுசட்டப்பிரிவு 16(5) ஒரு மத அல்லது மதப்பிரிவு நிறுவனத்தின் விவகாரங்களுடன், அதன் நிர்வாகத்துடன் தொடர்புடைய ஒரு பொறுப்பாளர், சம்பந்தப்பட்ட மதத்தைப் பின்பற்றுபவராக அல்லது அந்த மதப்பிரிவை சேர்ந்தவராக இருப்பதை தடுக்க முடியாது என்று கூறுகிறது.இதன் படி, மதம் சார்ந்த நிறுவனங்களில், மத விவகாரங்களை நிர்வகிக்கும் பொறுப்புகளில் இருப்பவர்கள் வேறு மதத்தவராக இருக்கக் கூடாது என்ற விதி செல்லுபடியாகும். தரப்பு வாதங்களையும் கேட்ட நீதிபதி, கோவில் வருவாய் நிதியிலிருந்து நடத்தப்படும் சுயநிதிக் கல்லூரி இது என்பதால், ஹிந்து சமய அறநிலையத் துறை சட்டப்படி, ஹிந்து மதத்தைச் சார்ந்தவர்கள் மட்டுமே கல்லூரிப் பணி நியமனத்திற்கு விண்ணப்பிக்க முடியும். அருள்மிகு கபாலீஸ்வரர் கலை மற்றும் அறிவியல் கல்லூரியில் பல்வேறு பணியிடங்களுக்கான ஆட்சேர்ப்பு அறிவிப்பை எதிர்த்து ஏ. சுஹைல் என்பவர் தாக்கல் செய்த மனுவை தள்ளுபடி செய்து உத்தரவிட்டார். இந்தச் செயல் மிகவும் சிறப்பு வாய்ந்தது என பலரும் பாராட்டும் நிலையில். இந்த வழக்கு உச்சநீதிமன்றத்தில் மேல்முறையீடு செய்தாலும் வெற்றிக்கான சாத்தியங்கள் குறைவு தான் என்பது மூத்த வழக்குரைஞர் கள் கருத்து. ஒரு பின்னோக்கிய வரலாற்றுப் பார்வை :- சென்னைமில் திருமயிலாப்பூர், "மயிலையே கயிலை... கயிலையே மயிலை" என்பது வழக்கிலுள்ள வார்த்தையாகும், திருஞானசம்பந்தப் பெருமான், அப்பரடிகள், சுந்தரர், ஐயடிகளும், காடவர்கோன் நாயனாரும், நம்பியாண்டார் நம்பியும், சேக்கிழாரும், அம்பிகையும், ஸ்ரீ இராமபிரானும் வழிபட்ட சிவன் இங்கு ஸ்ரீ. கபாலீஸ்வரரும் அன்னை கற்பகவல்லியம்மையுமாய் அருள்பாலிக்கும் ஸ்தலம்.
ஆங்கிலேய வரலாற்று ஆசிரியர் H.D. லோவ் என்பவர் எழுதிய சென்னை சரித்திரத்தில் 1516 ஆம் ஆண்டு முதல் போர்த்துக்கீசியர்கள், துருக்க மூர்கள், நவாப்கள், இஸ்லாமியர்கள், ஆங்கிலக் கிழக்கிந்திய பிரிட்டிஷ்காரர்கள், பிரெஞ்சுக்காரர்கள், டச்சுக்காரர்கள், போர்ச்சுக்கீஷ்யர், முதலியவர்கள் அடிக்கடி மாறிமாறி சென்னையைக் கைப்பற்றிப் பிடித்துத் தம் வசப்படுத்திக் கொண்டிருந்தார்களென அறியலாம். அவரது நூலில் (Volume - I பக்கம் 321 முதல் 322 வரை), பிரெஞ்சுக்காரருக்கும் துருக்கருக்கும் 1672- ஆம் ஆண்டில் போர் நடந்த போது பிரெஞ்சுப் படைகளின் ஒரு பகுதி அருள்மிகு கபாலீஸ்வரர் சன்னதியில் ஒளிந்து கொண்டதாம். ஆகவே, தற்காலக் கபாலீசுவரம் 1672 ஆம் ஆண்டிலேயே இருந்ததெனலாம்.
முதலாம் இராஜராஜ சோழன் மெய்க்கீர்த்தியாகிய "திருமகள்போல" என்ற தொடக்கமும், மூன்றாவதில் பூம்பாவை என்ற திருப்பெயரும் குறிக்கப்பட்டுள்ளன. இக்கல்வெட்டுக்கள் ஒன்பது நூற்றாண்டுகளுக்கு முந்தியவை என அறியலாம். சிவநேசர் திருமயிலை கடற்கரையில் இருந்தது மட்டுமன்றி, கடலில் தோணியிலிருந்தே சரக்கு எடுக்கும் வண்ணமாக சரக்கறை கட்டியிருக்க வேண்டும் என்றும், அதற்குப் பின்புறம் அவர் குடியிருக்கும் வசதி இருந்திருக்க வேண்டுமென்றும் அறியக் கிடக்கின்றது. இலங்கையாகிய ஈழ நாட்டுத் திருக்கோணமலை, துளுவ நாட்டுக் கோவா (Gova) முதலிய இடங்களில் ஆங்கில வெள்ளைக்கார பரங்கியர்கள் 400 ஆண்டுகளுக்கு முன் செய்த வண்ணமே இம்மயிலையிலும் பரங்கியர்கள் கோவிலையும், மனைகளையும் இடித்துப் பள்ளியும் கோட்டையும் கட்டியிருக்கக் கூடும் என்பது திண்ணம். இன்று சாந்தோம் தேவாலயமுள்ள இடத்தில் தான் முற்காலத்தில் இந்த ஆலயம் இருந்தது எனச் சான்றுகள் சாசனங்கள் கூறுகின்றன. அதற்கு முன் உள்ள வரலாற்று நூல்கள் தெரிவிக்கின்றன. "துறைக்கொண்ட செம்பவளம் இருளகற்றுஞ் சோதித் தொல்மயிலை...." என ஆரூரார் திருவாய் மலர்வது போல், இரண்டாயிரம் ஆண்டுகளுக்கு முன் டாலமி (Ptolemy) என்ற கிரேக்கத்துப் பேராசிரியர் இயற்றிய பூகோள நூலில் Malliarpha எனப்படுவதே மயிலாப்பூர் என்று Vestiges of Old Madras Vol. - I chapter 23-ல் ஆசிரியர் H.D. லாவ் கூறுகிறார். இரண்டாயிரம் ஆண்டுகட்கு முன் திருவள்ளுவர் வாழ்ந்தது இந்த மயிலையிலே. அவர் நண்பர் ஏலேல சிங்கர் கப்பல் வர்த்தகம் செய்ததும் இவ்விடத்தில் தான்.11-வது நூற்றாண்டின் கல்வெட்டு ஒன்றில் (256 / 1912) மயிலார்ப்பில் பல நானாதேசிகள் கூடிச் சில தீர்மானங்கள் செய்தனர் என்று காணப்படுகிறது.துறைமுகப் பட்டினமாகிய ஒரு வியாபாரத் ஸ்தலத்தில் தான், பல தேசத்து மக்கள் கூடுவர். எனவே, டாலமி காலம் முதல் கல்வெட்டுக் காலம் வரையில் மயிலாப்பூர் ஒரு துறைமுகமாக இருந்திருக்கிறது. போர்த்துக்கீசியர் காலத்திலும் இந்தத் துறைமுகம் சிறந்து விளங்கியுள்ளது. இந்தத் துறைமுகத்திற்கும், ஆங்கிலேயர் துறைமுகமாகிய சென்னையின் வடபாதிக்கும் ஓயாமல் வியாபாரப் போட்டியும், கடும்போரும் இருந்து வந்ததாக செய்தி Vestiges of Old Madras Vol. - I எனும் நூலில் காணலாம். அப்படி பல நூற்றாண்டுகளாக உள்ள ஆலய வருவாய் உள்ள ஹிந்து வழிபாட்டு திருத்தளத்தை சார்ந்த கல்லூரியில் யார் வேண்டுமானாலும் கல்வி பயில முடியும் ஆனால் பணி செய்யும் உரிமை ஹிந்து மக்கள் மட்டுமே என்பது சட்டப்பூர்வமாக வழங்கிய தீர்ப்பாகும்.
கருத்துகள்