கர்நாடகாவில் ஒரு ஊழல் ஆட்சிப்பணி அதிகாரி தற்கொலை

கர்நாடகாவில்ஐ.ஏ.எஸ். அதிகாரி தற்கொலை. நகைக்கடை அதிபரிடம் ரூ.1½ கோடி லஞ்சம் வாங்கிய குற்றச்சாட்டில் சிக்கியவரான விஜயசங்கர் எதற்காக தற்கொலை என காவல்துறை விசாரணை நடத்துகிறார்கள். பெங்களூரு ஜெயநகரில் ஐ.ஏ.எஸ். அதிகாரியான விஜய்சங்கர் வசிக்கிறார். பெங்களூரு மாவட்ட ஆட்சியராகப் பணியாற்றி பின் கர்நாடக அரசின் சகாலா திட்டத்தின் இயக்குனராக பணியாற்றியவர் நேற்றுக் காலையில் பணிக்கு வந்தவர் மதியத்தில் விதானசவுதாவில் இருந்து ஜெயநகரில் உள்ள தன் வீட்டுக்கு சென்றார். வேலை முடிந்து வீட்டுக்கு வந்திருந்த விஜய்சங்கர் படுக்கை அறையிலிருந்து நீண்ட நேரமாகியும்வெளியே வராததால் இதனால் சந்தேகமான மனைவி மற்றும் மகள் ஆகியோர் மாலை 6.30 மணியளவில் கதவை திறந்து பார்த்த போது விஜய்சங்கர் தூக்கில் பிணமாக தொங்குவதை கண்டு கதறி அழுதார்கள். தகவல் திலக்நகர் காவல்துறைக்குத் தெரிவிக்கப்பட்டது. காவல்துறை துணை கமிஷனர் ஸ்ரீநாத் ஜோஷி சம்பவ இடத்திற்கு சென்று விசாரணை மேற்கொண்டார். பின் செய்தியாளர்களிடம் கூறுகையில், ஐ.ஏ.எஸ். அதிகாரி விஜய்சங்கர் தனது வீட்டின் படுக்கை அறையில் தூக்கில் பிணமாக தொங்கியுள்ளார். அவர் தற்கொலை செய்திருப்பது முதற்கட்டமாக தெரியவந்துள்ளது. விஜய்சங்கர் தற்கொலை செய்யும் போது, அவரது மனைவி, மகள் ஆகியோர் வீட்டில் இருந்துள்ளனர். விஜய்சங்கர் வீட்டில் இருந்து, அவர் எழுதியதாக கடிதம் எதுவும் கிடைக்கவில்லை. அவரது தற்கொலைக்கான காரணம் என்ன? என்பது தெரியவில்லை. அதுகுறித்து விசாரணை நடத்தப்பட்டு வருகிறது என்றார். ஐ.ஏ.எஸ். அதிகாரி விஜய்சங்கர் 2019 ஆம் ஆண்டு பெங்களூரு மாவட்ட கலெக்டராக பணியாற்றியபோது, சிவாஜிநகரைச் சேர்ந்த மன்சூர்கான் பெங்களூரு உள்பட மாநிலம் முழுவதும் நகைக்கடைகள் நடத்தி முறைகேடுகள் செய்திருந்தார். அதுபற்றி விசாரித்து அறிக்கை அளிக்கும்படி விஜய்சங்கருக்கு கர்நாடக அரசு உத்தரவிட்டு இருந்தது. ஆனால் மன்சூர்கான் நடத்தி வரும் நகைக்கடைகளில் முறைகேடு எதுவும் நடக்கவில்லை எனக் கூறி விஜய்சங்கர் உள்ளிட்ட அதிகாரிகள் அரசுக்கு அறிக்கை அளித்திருந்தனர். சில மாதங்கள் கழித்து மன்சூர்கான் நடத்திய நகைக்கடைகளில் பொதுமக்களிடம் வசூலித்த ரூ.2,500 கோடிக்கும் மேல் முறைகேடு நடந்திருப்பது தெரியவந்தது. இந்த முறைகேடு சம்பவம் கர்நாடகத்தில் பெரும் பரபரப்பை ஏற்படுத்தி இருந்தது. அதே நேரத்தில் மன்சூர்கான் நகைக்கடைகளில் முறைகேடு நடக்கவில்லை என்று கூறி அரசிடம் அறிக்கை அளிக்க விஜய்சங்கர் ரூ.1½ கோடி ரூபாய் லஞ்சம் வாங்கியதாக குற்றச்சாட்டு எழுந்தது. இதுதொடர்பாக விசாரணை நடத்திய சிறப்பு விசாரணை குழு போலீசார், விஜய்சங்கரை கைது செய்து சிறையில் அடைத்தனர் கர்நாடக அரசு பணி இடைநீக்கம் செய்திருந்தது. சிறையில் இருந்த விஜய்சங்கர் கடந்த சில மாதங்களுக்கு முன்பு ஜாமீனில் வெளியே வந்திருந்தார். சமீபத்தில் தான் அவரை சகாலா திட்டத்தில் இயக்குனராக கர்நாடக அரசு நியமித்திருந்தது. நகைக்கடை அதிபர் மன்சூர்கானிடம் ரூ.1½ கோடி லஞ்ச வழக்கு காரணமாக ஐ.ஏ.எஸ். அதிகாரி விஜய்சங்கர் தற்கொலை செய்திருக்கலாமென்று காவல்துறை சந்தேகிக்கின்றனர். என்றாலும், அவரது தற்கொலைக்கான காரணம் தெரிவிக்கவில்லை.