அறந்தாங்கி ஏழு வயதுச் சிறுமியைக் கொன்ற கொடூரக் கொலைகாரனைக் கண்டுபிடித்தனர்

புதுக்கோட்டை மாவட்டம் அறந்தாங்கி ஏழு வயது சிறுமி கொலையில் ஒருவன் கைது. புதுக்கோட்டை மாவட்டம் அறந்தாங்கி அருகே ஏழு வயதுச் சிறுமியை பாலியல் வன்கொடுமை செய்து கொலை செய்ததாக ஒருவனை போக்சோ சட்டத்தின்கீழ் போலீசார் கைது செய்தனர். அறந்தாங்கி அருகேவுள்ள ஏம்பல் மேலக்குடியிருப்பை சேர்ந்த நாகூரானின் மகளான 7 வயதுச் சிறுமி நேற்று முன்தினம் காணாமல் போன நிலையில், பெற்றோர் அளித்த புகாரின் பேரில் போலீசார் தீவிரமாக தேடியபோது, அங்குள்ள கண்மாயில் நேற்று மாலை சடலமாக கண்டெடுக்கப்பட்ட உடலின் பல இடங்களில் காயங்கள் இருந்ததையடுத்து, கொலை செய்யப்பட்டது உறுதியான நிலையில், கொலையாளி யார், எப்படி கொலை செய்யப்பட்டாள் என்பது தெரியாததால் காவல்துறை தீவிரமாக விசாரணை நடத்தினர். சிறுமியின் உடல் புதுக்கோட்டை அரசு மருத்துவக் கல்லூரிக்கு அனுப்பப்பட்டு பிரேத பரிசோதனை நடத்தப்பட்டது. இதில் சிறுமி பாலியல் வன்கொடுமைக்கு உள்ளாக்கப்பட்டு கொலை செய்யப்பட்டது கண்டுபிடிக்கப்பட்டது. இதனிடையே, இச்சம்பவம் குறித்து 3 பேரை சந்தேகத்தின் அடிப்படையில் பிடித்து போலீசார் விசாரணை நடத்தினர். அந்த 3 பேரில் ஒருவனான மாரிமுத்துவின் மகன் ராஜாவை கைது செய்த காவல்துறை சிறுமியை பாலியல் வன்கொடுமை செய்து கொலை செய்ததை அவன் ஒப்புக் கொண்டதாக தெரிவித்துள்ளனர்.  இதனிடையே, சிறுமியை பாலியல் வன்கொடுமை செய்து கொலை செய்த நபருக்கு கடுமையான தண்டனை அளிக்க வேண்டும், 50 லட்சம் ரூபாய் நிவாரணம் அளிக்க வேண்டும் என்பது உள்ளிட்ட கோரிக்கையை நிறைவேற்றினால்தான் சிறுமியின் சடலத்தை வாங்குவோம் என கூறி, பெற்றோர் உள்பட நூற்றுக்கும் மேற்பட்டோர் போராட்டத்தில் ஈடுபட அவர்களுடன் எம்எல்ஏ ரத்தின சபாபதி உள்ளிட்டோர் பேச்சுவார்த்தை நடத்திய நிலையில் சிறுமி பாலியல் வன்கொடுமை செய்து கொலை செய்யப்பட்ட சம்பவம் குறித்து தேசிய குழந்தைகள் உரிமை பாதுகாப்பு ஆணையம் தாமாக முன்வந்து விசாரணையைத் தொடங்கியுள்ளதை ஆணைய உறுப்பினரான டாக்டர் ஆர்.ஜி. ஆனந்த் வெளியிட்ட அறிக்கையில் தெரிவிக்கப்பட்டுள்ள நிலையில் முதல்வரும் வெளியிட்டார் இரங்கல் செய்தி.இது தொடர்பாக உடனே என்கவுண்டர் வேண்டும் என்ற குரல்கள் வழக்கம்போல் உணர்ச்சிவசப்பட்டு ஒலிக்க ஆரம்பித்துவிட என்கவுன்டர் நடந்தால் என்ன நடக்கும்? இந்தச் சூழலில் போலீசார் சிலர் மறுபடியும் ஹீரோவாவர் இப்படி உணர்ச்சிவசப்பட்டு உசுப்பேத்தி உசுப்பேத்தியேதான் சட்டத்தின் அடி நாதத்தை குறைத்துக் கொண்டிருக்கும் மக்கள் இங்கே தேவைப்படுவதெல்லாம் பாதகம் செய்தவர்கள் உடனடியாக கைது செய்யப்பட வேண்டும். அதைவிட முக்கியமான விஷயம், வழக்கு விரைவாக நடத்தப்பட்டு உரிய காலத்திற்குள் நீதி வழங்கப்பட்டு குற்றவாளிகள் தண்டிக்கப்பட வேண்டும்.. குற்றப்பத்திரிகை தாக்கல்.. செஷன்ஸ் ஹைகோர்ட் சுப்ரீம் கோர்ட் ஜனாதிபதி கருணை மனு. இதுபோன்ற கட்டங்களை எவ்வளவு விரைவாக கடந்து தண்டனை குற்றவாளிகள் அடைகிறார்கள் என்பதுதான் மற்றவர்களுக்கு பாடமாக இருக்கும். நாட்டின் நீதி பரிபாலனம் மீது நம்பிக்கையையும் மரியாதையையும் சேர்க்கும். காவல்துறையும் நீதித்துறையும் இதை உரியவகையில் செய்தாலே போதும்.அறந்தாங்கி அருகே பாலியல் வன்கொடுமை செய்து கொல்லப்பட்ட 7 வயது சிறுமியின் குடும்பத்திற்கு வன்கொடுமை தடுப்புச்சட்ட சீர் உதவித்தொகையாக ரூ.8.25 லட்சம் வழங்கப்படும் - ஆட்சியர் உமாமகேஸ்வரி.அறந்தாங்கியில் 7 வயது சிறுமி வன்கொடுமை செய்து கொல்லப்பட்டது நெஞ்சை பதறச் செய்கிறது.சிறுமியை பாலியல் வன்கொடுமை செய்து கொலை செய்தவர்கள் மீது கடும் நடவடிக்கை எடுக்கப்படும் - முதல்வர் பழனிசாமி. அறந்தாங்கி அருகே பாலியல் வன்கொடுமை செய்து கொல்லப்பட்ட 7 வயது சிறுமியின் குடும்பத்திற்கு ரூ.5 லட்சம் நிதியுதவி - முதல்வர் எடப்பாடி கே. பழனிசாமி.தகவல்