பிரதமர் கிஷான் திட்ட விவசாயிகள் பணத்தில் முறைகேடு சிக்கும் புரோக்கர்கள் சிக்காத அதிகாரிகள்

பாரதப் பிரதமரின் கிஷான் திட்டத்தில் சொந்தமாக நிலம் வைத்திருக்கும் குத்தகை இல்லாத, நேரடி விவசாயிகளுக்குப் பயிர் செய்வதற்கு உதவும் வகையில் ஒரு தவணைக்கு இரண்டாயிரம் ரூபாய் வீதம் மூன்று தவணைகளாக ஆண்டுக்கு ஆறாயிரம் ரூபாய் ஆன்லைன் மூலம் விவசாயிகளின் நேரடி வங்கிக் கணக்கில் வரவு வைக்கப்படுகிறது. ஒரு வருடத்தில் சுமார் 6,5000கோடி வங்கிக் கணக்கிற்கு மத்திய அரசால் அனுப்பப்பட்ட திட்டத்தில் தமிழகம் முழுவதும் முறைகேடு நடந்துள்ளது. கரூர் மாவட்டத்தில் 1500 போலி பயனாளிகள். இரண்டு தவணைகளில் ரூ. 60 லட்சம் வரை மோசடி. விழுப்புரம் மாவட்டத்தில் 11,200 போலி விவசாயிகள். மோசடியாக சேர்ந்த 11,200 பேரிடம் இருந்து ரூ.4 கோடி மட்டுமே பறிமுதல். திருவாரூர் மாவட்டத்தில் 375 போலி விவசாயிகள்.ரூ.15.40 லட்சம் வரை மோசடி.. திருவண்ணாமலை மாவட்டத்தில் கிசான் திட்டத்தில், 18 கோடி ரூபாய் முறைகேடாகச் செலுத்தப்பட்ட 2 கோடியே 70 லட்சம் ரூபாய் மட்டுமே மீட்கப்பட்டுள்ளது. திருச்சி மாவட்டத்தில் மொத்தம் 1.51 லட்சம் விவசாயிகள் பதிவு செய்திருந்தனர். அதன்பின் கொரானா பாதிப்பு காலத்தில் ஏப்ரல் மாதத்திற்குப் பிறகு மட்டும் 15 ஆயிரத்திற்கும் மேற்பட்டோர் பதிவு செய்துள்ளனர். விசாரணை நடைபெற்று வருகின்றது.. கரூர் மாவட்டத்தில் 85 பேர் வங்கிக் கணக்கில் இருந்து ரூ.3.40 லட்சம் மீட்பு. பெரம்பலூர் 1,700 பேர், 2 தவணைகளில் ரூபாய்.68 லட்சம் முறைகேடாக நிதி உதவி இதுவரை ரூபாய்.11 லட்சம் வரை திரும்பப் பெறப்பட்டுள்ளது. கள்ளக்குறிச்சி மாவட்டத்தில் மொத்தமாக இரண்டு லட்சம் பேர் மோசடி. இதனால் கிசான் திட்டத்தின் கீழ் அவர்கள் பெற்ற பணம் திருப்பி வசூலிக்கப்படுகிறது. ,கள்ளக்குறிச்சி மாவட்டத்தில் இதுவரை ரூபாய் 5.60 கோடி வசூலிக்கப்பட்டுள்ளதாக தெரிவிக்கப்பட்ட நிலை இந்தத் திட்டத்தில் நடந்த ஊழலில் இதுவரை பல கோடி ரூபாய் அளவிற்கான பணத்தை போலியான விவசாயிகள் கணக்கில் இருந்து மத்தியரசு அதிரடியாக கைப்பற்றியுள்ளது. மத்திய அரசு திட்ட பணம் என்று கூறி இடைத்தரகர்கள் இடத்தில் பார்கோடுகளை கொடுத்து ஆவணங்களை பெற்று கிசான் திட்டத்தில் அதிகாரிகள் முறைகேடாக இணைந்துள்ளனர். இதில் சம்மந்தபட்ட அனைவரும் கண்டறியபட்டு முறைகேடாக வெளியே சென்ற பணம் அத்தனையும் அரசு மீட்க வேண்டும்.. சம்மந்தபட்ட அதிகாரிகள் மீது நடவடிக்கை எடுத்து பணிநீக்கம் செய்வது மட்டுமல்லாமல் போலி விவசாயிகளாக இணைந்து பலன் பெற்ற நபர்கள் மீதும் ஊழல் தடுப்புச் சட்டத்தின் மூலம் நடவடிக்கை வேண்டும்.. விவசாய துறையில் முதலில் செய்ய வேண்டிய சீர்திருத்தம். உண்மையான விவசாயிகளைக் கண்டறிந்து அவர்களின் வங்கி கணக்கு நில உடமை மற்றும் உரிமை ஆவணம் + ஆதார் விவரங்களை இணைத்து.. ஒவ்வொரு உண்மையான விவசாயிக்கும் தனியாக அடையாள எண்ணுடன் கூடிய முழுமையான database .என நாடு தழுவிய அளவில் விவசாயத்திற்கும் விவசாயிகளுக்கும் என உருவாக்க வேண்டும் அரசியல்வாதிகள் உட்பட விவசாயத்திற்குச் சம்பந்தமேயில்லாத பலரும் ஆளாளுக்கு தானும் விவசாயி என்று போலியாக அடுத்தவர் நிலத்தைக் காண்பித்து. ஊழல் செய்வதை. அப்போதுதான் தடுக்க இயலும். இது புதுக்கோட்டை சிவகங்கை இராமநாதபுரம் மதுரை மாவட்டங்களில் பார்வை திரும்பினால் பல போலி விவசாயிகள் சிக்கும் வாய்ப்பு உண்டு விவசாயிகளிண் கௌரவ நிதியில் ஊழல் செய்த ஊழியர்கள், இடைத்தரகர்கள் மற்றும் போலிப் பயனாளிகள் மீது தமிழக அரசு சி பி சி ஐ டி காவல்துறை மூலம் நடவடிக்கை எடுப்பது போல், ஏழை மக்கள் கழிப்பறை கட்டுவதற்கும் வீடுகட்டிக் கொடுக்கும் திட்டத்திலும் மத்திய அரசு ரூபாய் 8000/- வீதம் வழங்கிய பல்லாயிரக்கணக்கானோரின் பெயர்களில் கோடிக்கணக்கான ரூபாய் பல்வேறு மாவட்டங்களில் முறைகேடுகள் நடைபெற்றுள்ளது குறித்தும் விசாரணை நடத்த வேண்டும். விவசாயிகள் கௌரவ நிதி விவகாரம். இது வரை ஐந்து லட்சத்துக்கும் அதிகமான போலி கணக்குகள்.110 கோடி ரூபாய் ஊழல். இடைத்தரகர்கள் மட்டுமே காரணம் என்பதை ஏற்றுக் கொள்ள முடியாது. இது திட்டமிடப்பட்ட கொள்ளை. பல மாவட்டங்களில் நடந்துள்ளது. காரணமானவர்கள் கடுமையாகத் தண்டிக்கப்பட வேண்டும். தமிழகத்தின் ஒட்டு மொத்த அமைப்பே இலஞ்சம் மற்றும் ஊழலில் சிக்கித் திளைக்கிறது என்பதற்கான அடையாளமாகவே இது அனைவராலும் பாரக்கப்படும் நிலையில் விவசாயிகள் கௌரவ நிதியில் நடைபெற்ற முறைகேடுகள். விவசாயிகளுக்கு சென்று சேர வேண்டிய நிதியில் பல முறைகேடு நடந்துள்ளது, நம் மாநிலத்தின் ஒட்டுமொத்த அமைப்பிலேயே லஞ்சம் மற்றும் ஊழல் ஊடுருவியுள்ளதை தெளிவாகக் குறிக்கிறது.உள்துறை அமைச்சர் அமித்ஷா ஜூலை, 2018 ல் இந்தியாவிலேயே 'தமிழகம் தான் ஊழலில் முதலிடம் வகிக்கிறது' என்று சொன்னதை நிரூபித்துள்ளது. இந்தக் கேவலமான செயல். விவசாயிகளின் வயிற்றிலடித்து பிழைப்பு நடத்தும் அற்பப் பதர்களை அடையாளம் கண்டு தண்டிக்க வேண்டும். புரையோடிப்போயிருக்கிற இலஞ்ச ஊழலை ஒழிக்க மாநில அரசு உரிய நடவடிக்கை எடுக்க வேண்டும். லஞ்சம் ஊழல் என்றாலே அரசியல் கட்சிகளை மட்டும் குறைசொல்வதில் பயனில்லை என்பதையும், அரசு அதிகாரிகள், இடைத்தரகர்கள் மற்றும் விவசாய பயனாளிகளின் பெயரில் ஏமாற்றி பணம் பெற்ற பொதுமக்களில் சிலர் என அனைவருமே தண்டிக்கப்படவேண்டியவர்கள் என்பதையும் உணர்தல் வேண்டும்.