கிராம ஊராட்சி தலைவர் பணி சேவை செய்யவே ஊராட்சி செயலர் தான் ஊதியம் பெறும் அரசுப் பணியாளர்

தமிழ்நாட்டில்  12,524 கிராம ஊராட்சி மன்றங்கள் கிராம ஊராட்சியின் உறுப்பினர்கள் மக்களால் தேர்தல் மூலமாக நேரடியாக தேர்ந்தெடுக்கப்படுகிறார்கள். கிராம ஊராட்சியின் தலைவர் தேர்தல் மூலம் நேரடியாக தேர்ந்தெடுக்கப்படுகிறார். ஒவ்வொரு கிராம ஊராட்யிலும் 7 உறுப்பினர்களுக்கு குறையாமல் 15 உறுப்பினர்களுக்கு மிகாமலும் உள்ளனர். உறுப்பினர்கள் மற்றும் தலைவர் ஆகியோரின் பதவிக்காலம் 5 ஆண்டுகளாகும். கிராம ஊராட்சியின் ஆய்வாளராக மாவட்ட ஆட்சித் தலைவர் செயல்படுகிறார். கிராம ஊராட்சி மன்றத்தின் மூலம் படிப்பகங்கள் ஏற்படுத்துதல், வானொலி மற்றும் தொலைக்காட்சி பெட்டிகள் நிறுவுதல் விளையாட்டு மற்றும் உடற்பயிற்சி நிலையங்களை ஏற்படுத்தலும் கடமைகளாகும் மேலும் தெரு விளக்குகள் அமைத்தல், சிறுபாலங்கள் கட்டுதல் ஊர்ச்சாலைகள் அமைத்தல் ,சாலை பராமரிப்பு குடிநீர்க் கிணறு தோண்டுதல் கழிவு நீர்க்கால்வாய் அமைத்தல் சிறிய பாலங்கள் கட்டுதல் வீட்டுமனைப் பிரிவுகளுக்கு நகர் ஊரமைப்புத்ருறை முன் அனுமதியுன் அங்கீகாரத் தீர்மானம் வழங்குதல் கிராம நூலகங்களைப் பராமரித்தல் தொகுப்பு வீடுகளைக் கட்டுதல் இளைஞர்களுக்கான பொழுது போக்கு மற்றும் விளையாட்டு மைதானங்களை நிறுவுதல், பராமரித்தல் ஆகியனவாகும். வீட்டு வரி, குழாய் வரி, தொழில் வரி, சொத்து வரிகளும் வசூலிக்கப்படும் நிதியிலிருந்து பணிகளுக்குச் செலவிடப்படுகிறது. வீட்டுவரி,தொழில் வரி,கடைகள் மீது விதிக்கப்படும் வரி அபாரதக் கட்டணங்கள் குடிநீர்க்குழாய் இணைப்புக் கட்டணம் நிலவரியிலிருந்து ஒரு குறிப்பிட்ட பங்கு சொத்துரிமை மாற்றத்தின் மீதான வரியிலிருந்து ஒரு பங்கு சொத்துரிமை மாற்றத்தின் மீதான தீர்வையில் இருந்து ஒரு பங்கும் கிராம ஊராட்சிக்கு வருவாயாக கிடைக்கிறது. இவைகளால் வரும் வருவாய் மட்டுமே போதாதென மத்திய மாநில அரசுகள் பல்வேறு திட்ட நிதிகளையும் ,மானியங்களையும், உதவித் தொகைகளையும் மாவட்ட ஊரக வளர்ச்சி முகமை மூலமாக ஊராட்சிகளுக்கு வழங்குகின்றன. மத்திய மாநில அரசுகள்வழங்கும் மானியங்கள் தான் முதன்மையானவருவாயாகும். ஒவ்வொரு கிராமத்திலும் கிராம சபை ஊர் மன்றக் கூட்டம் அமைக்கப்பட்ள்ளது. கிராம ஊராட்சியின் வாக்காளர் பட்டியலில் உள்ள அனைவரும் இதில் இடம் பெற்றுள்ளனர். கிராம சபை கூட்டத்திற்கு கிராம ஊராட்சி தலைவர் தலைமை வகிப்பார். ஊர்மன்றக் கூட்டங்கள் ஆண்டுக்கு நான்கு முறை கூடுகின்றன. அந்நாட்கள்: ஜனவரி, 26 குடியரசு நாள் மற்றும் மே, 1 தொழிலாளர் தினம் ஆகஸ்ட் 15 இந்திய விடுதலை நாள், அக்டோபர் 2 மகாத்மா காந்தி பிறந்த நாள்களில். கிராமத் திட்டங்களுக்கு ஒப்புதல் அளித்தல். ஆண்டு வரவு செலவுத் திட்டங்களுக்கு ஒப்புதல், திட்டங்களின் பயனாளிகள் யார் என்பது போன்றவற்றிற்கு ஒப்புதல் அளித்தல் ஆகியவை கிராம சபையின் பணிகள் ஆகும். அதிகாரம் கிராம ஊராட்சியைப் பொருத்தவரை காசோலை மூலம் ஊராட்சியின் பணத்தை எடுத்து செலவு செய்யும் அதிகாரம் ஊராட்சி தலைவருக்கு மட்டுமே இருக்கிறது. குடியரசு தினம், தொழிலாளர் தினம், சுதந்திர தினம், காந்தி ஜெயந்தி ஆகிய 4 நாட்கள் கட்டாயமாக கிராம சபைக் கூட்டத்தை கூட்ட வேண்டும். அந்தக் கூட்டத்தில் முந்தைய 3 மாதங்களில் நடைபெற்ற வரவு-செலவுக் கணக்கை முன்வைக்க வேண்டும். மக்கள் கேட்கும் கேள்விகள், சந்தேகங்களுக்கு ஊராட்சி தலைவர் பதிலளிக்க வேண்டும். அப்போது, பல்வேறு திட்டங்களின் பயனாளிகளின் பட்டியலையும் தெரிவிக்க வேண்டும். பயனாளிகளை தேர்வு செய்ய கிராம சபையின் ஒப்புதலைப் பெற வேண்டும்” என்றார். ஒவ்வொரு ஊராட்சி மன்றங்களிலும் ஆண்டிற்கு நான்கு முறை கூட்டப்படும் கிராம மக்களின் அவைக் கூட்டத்தில், கிராமங்களின் கல்வி, சமூக வளர்ச்சி, போக்குவரத்து, மருத்துவம், வேலைவாய்ப்பு போன்ற திட்டங்கள் குறித்தும், நிறைவேற்றப்பட்ட திட்டப் பணிகள் குறித்த அறிக்கையையும் ஊராட்சி மன்றத் தலைவர், அரசு அலுவலர் முன்னிலையில் பொதுமக்களிடம் சமர்ப்பிக்க வேண்டும். கிராமசபைக் கூட்டமே கிராம மக்களின் கையிலிருக்கும் அதிகாரம் ஆகும். ஊராட்சிகளின் நிதி ஆதாரமாக கிராம ஊராட்சி நேரடியாக வசூலிக்கும் வீட்டு வரி, சொத்து வரி, தொழில் வரி, விளம்பர வரி, நூலக வரி மூலம் வருவாய் கிடைப்பதோடு மட்டுமல்லாமல், குடிநீர் கட்டணம், தொழில் உரிமக் கட்டணம், கட்டிடம் அல்லது மனைப்பிரிவு உரிமக் கட்டணம், கட்டிடக் குத்தகை, சந்தைக் குத்தகை, ஒப்பந்தப்புள்ளி பதிவுக் கட்டணம், வைப்புத் தொகைகள் ஆகியவற்றின் மூலமும் வருவாய் கிடைக்கிறது. இந்த சொந்த வருவாயில் செய்யப்படும் அனைத்து செலவுகளுக்கும் கிராமசபையின் ஒப்புதல் அவசியம். ஊராட்சி மன்றத்தின் பணிகள் தெரு விளக்குகள் அமைத்தல். ஊர்ச் சாலைகள் அமைத்தல் குடிநீர் வழங்குதல். கழிவுநீர்க் கால்வாய் அமைத்தல். சிறிய பாலங்கள் கட்டுதல். கிராம நூலகங்களைப் பராமரித்தல். தொகுப்பு வீடுகள் கட்டுதல். இளைஞர்களுக்கான பொழுதுபோக்கு மற்றும் விளையாட்டு மைதானங்களை நிறுவுதல், பராமரித்தல் ஆகியன ஆகும். ஊராட்சி தலைவர் மற்றும் ஊராட்சி மன்ற உறுப்பினர்களின் ஊதியம் ஊராட்சி தலைவருக்கு மதிப்பூதியமாக மாதம் ஆயிரம் ரூபாய் வழங்கப்படுகிறது. கிராம ஊராட்சி மன்ற கூட்டத்தில் கலந்துகொள்ள ரூ.200 அமர்வு படியாக வழங்கப்படுகிறது. இரண்டையும் சேர்த்து ஒரு மாதத்தில் அதிகபட்சமாக ரூ.1,400 மட்டுமே ஊராட்சி தலைவருக்கு பணமாக வழங்கப்படுகிறது. ஊராட்சி மன்ற உறுப்பினருக்கு ஒரு கூட்டத்துக்கு அமர்வு படியாக ரூ.50 வழங்கப்படுகிறது. மாதந்தோறும் அதிகபட்சம் அவர்கள் ரூ.100 பெறலாம்.ஊராட்சித் தலைவருக்கோ, வார்டு உறுப்பினர்களுக்கோ அரசு சம்பளம் கிடையாது. ஏன்னென்றால் இவர்களின் பணி என்பது அரசு வேலை அல்ல,சேவை என்பதாகும். அரசாணை நிலை எண்.54 நாள் 29.6.2012 அன்று அரசு ஒரு அரசாணை வெளியிட்டது. அதன்படி ஊராட்சித் தலைவரின் பொறுப்புணர்வுப் பணிகளை உணர்ந்து அவருக்கு மாத ஊக்கத்தொகையாக ரூபாய்.1000 மும், மாதம் இரண்டு கூட்டமாவது போட வேண்டும் . அக்கூட்டத்திற்கு தலா ரூபாய்.200 வீதம்..400 ரூபாய் வழங்கப்படும். மொத்தமாக ஊராட்சிதலைவருக்கு பயணப்படியெல்லாம் சேர்த்து மாதம் ரூபாய் 1400 ஊக்கதொகையாக வழங்கப்படுகிறது. ஊராட்சி வார்டு உறுப்பினர்களுக்கு 2012 க்கு முன்பு ஊக்கத்தொகையாக ரூபாய் 25 மட்டுமே வழங்கப்பட்டது. பின் 2012 அரசானையின்படி ஊக்கதொகையாக ரூபாய் .50 ம் கூட்டத்திற்கு தலா 50 ரூபாயும் வழங்கப்படுகிறது.. மொத்தம். 150 ரூபாய் மட்டுமே. ஊராட்சிச் செயலர் அரசு ஊழியராவதால் அவருக்கு அரசு சம்பளமாகவே ரூபாய் 18900 வழங்குகிறது.​