தலைவர்கள் வாழ்ந்தவரை ஜாதி பார்த்ததில்லை அரசியலால் ஜாதி தலைவர்கள் பின் வருகிறது

தேசியவாதியாக நேதாஜி வழியில் வாழ்ந்த பசும்பொன் உ. முத்துராமலிங்கத் தேவரின் குரு பூஜை நிகழ்வில் முதல் முறையாக விடுதலை சிறுத்தைகள் கட்சியினர் அஞ்சலி செலுத்தினர். தேவரின் குரு பூஜை, ஆண்டுதோறும் தென் மாவட்டங்களில் சிறப்பாகக் கொண்டாடப்பட்டு வருகிறது. ஆனால் அனைத்து கட்சியினரும் அமைப்புகளும் கலந்துகொண்டாலும், விசிக நிர்வாகிகள் இதுவரை கலந்துகொண்டதில்லை. அக்டோபர் 30 113ஆவது ஜெயந்தியும் 58ஆவது குரு பூஜையையும் முன்னிட்டு, தேனி மாவட்டம் பங்களா மேடு பகுதியில் அகில இந்திய பார்வர்டு பிளாக் கட்சியினர் ஏற்பாடு செய்திருந்த குரு பூஜை நிகழ்வில் விசிகவினர் கலந்துகொண்டுள்ளனர். தேனி கிழக்கு மாவட்ட விசிக மாவட்டச் செயலாளர் நாகரத்தினம் தலைமையில் இரண்டு வாகனத்தில் 20 பேர் சென்று முத்துராமலிங்கத் தேவரின் உருவப்படத்திற்கு மலர் தூவி அஞ்சலி செலுத்திவிட்டு அன்னதானத்திலும் கலந்து கொண்டனர் விசிக மாவட்டச் செயலாளர் நாகரத்தினம் தலைமையில் அவர் கூறியதாவது "கடந்த காலங்களில் இரண்டு சமூகமும் வெறுப்பும், பகையுமாக இருந்து வருகிறது. இனிவரும் காலங்களிலும் இப்படியிருக்கக்கூடாது நல்லிணக்கமாக இருக்கவேண்டுமென்று தலைமையிடம் கேட்டோம், அனுமதி பெற்று, முதலில் விசிக சார்பில், குரு பூஜை விழாவில் கலந்துகொண்டோம், எங்களை வரவேற்றார்கள், நாங்கள் மலர் தூவி மரியாதை செலுத்திவிட்டு அவரது புகழைப் பேசிவிட்டு அன்னதானத்தைத் துவக்கி வைத்தோம், எந்த பிரச்சனையும் இல்லை. இனிவரும் காலங்களிலும் இதுபோல் இணக்கமாக இருக்கவேண்டுமென மகிழ்ச்சியுடன் தெரிவிக்கிறேன் என்றார்.தலைவர்கள் ஜாதி பார்க்கவில்லை ஆனால் தலைவர்களை ஜாதி ஆக்கியது போலி அரசியல் வா(வியா)திகள் ஆன்மிகம், தேசியம், பொதுவுடைமை , ஏகாதிபத்திய எதிர்ப்பு, சாதி எதிர்ப்பு மற்றும் காங்கிரஸ் அல்லாத ஆட்சி ஆகியன இவரது முக்கிய கொள்கைகளாக இருந்தன. "தேசியம் எனது உடல், தெய்வீகம் எனது உயிர் சாதி பார்ப்பவன் அரசியலுக்கு லாயக்கில்லை, சாதி பார்ப்பவன் தெய்வத்தை வணங்குவதில் அர்த்தமி்ல்லை. சாதிக்காக எதையும் செய்பவன் அரசியலில் புகுந்தால அரசியல் கெடும். சாதியும், நிறமும் அரசியலுக்குமி்ல்லை ஆன்மீகத்துக்குமி்ல்லை வீரமற்ற விவேகம் கோழைத்தனம், விவேகமற்ற வீரம் முரட்டுத்தனம் வீரம் மட்டுமே உனது எதிரியையும் உன்னை மெச்சவைக்கும் தேசியவாதிக்கு தேசமே குறி, அரசியல்வாதிக்கு தேர்தலே குறி உண்மையான தலைவன் மாலையையும், தூக்குமேடைக் கயிற்றையும் சமமாக மதித்து ஏற்றுக் கொள்வான் அக்கிரமச் செயல்களைக் கண்டிப்பதும், நியாயமான செயல்களைக் காணும் பொது அதனிடம் அனுதாபம் கொள்வதும் மனித ஜென்மத்திற்க்கே உரிமையான குணமாகும். யாவரும் வாழ்க என்று சொல்லுங்கள், ஒழிக என்று ஏன் சொல்ல வேண்டும்? நல்லவைகள் வாழ்ந்தால் நீங்கள் நினைக்கிற கெட்டவைகள் ஒழியத்தானே செய்யும்." என்பனவல்லாம் இவர் மொழிந்த வாசகங்களாகும். ஒரு தேசியவாதியாக தேவர் அவர்கள் திராவிடர் கழகம் மற்றும் அதன் வழி கட்சியான திராவிட முன்னேற்ற கழகம் ஆகியனவற்றை அவற்றின் பிரிவினை வாதம் மற்றும் குறுகிய நோக்கு போன்ற கொள்கைகளுக்காக வெறுத்தார். கடவுள் மறுப்புக் கருத்துக்களை அடித்து நொறுக்கும் கேள்விகளை முன் வைத்தார். அவரது கேள்விகளுக்கு கடவுள் மறுப்பு பேசியோரால் பதில் சொல்ல இயலவில்லை. அதே நேரம் தேவர், லெனினிசம்-மார்க்சிசம் இரண்டையும் ஏற்றுக்கொள்ளவில்லை. சுபாஷ் சந்திர போஸ் நம்பிக்கை கொண்ட சோஷலிஸ கருத்துக்களில் நம்பிக்கை கொண்டவராக இருந்தார்.