சுதந்திர இந்தியாவில் ஹைதராபாத் இணைப்பில் இரும்பு மனிதர் சர்தார் பட்டேல் தீரம்

இந்தியா சுதந்திரத்திற்குப் பிறகு, பிரிட்டிஷ் இந்தியப் பகுதிகளும் முன்னாள் சமஸ்தானங்களும் பல வகையில் பிரிக்கப்பட்டு நிர்வகிக்கப்பட்டு மொழி வழி மாநிலங்களைப் பிரிப்பதற்கான கோரிக்கை எழுந்தததையடுத்து, 1956 ல் நவம்பர் முதல் தேதியன்று இயற்றப்பட்ட சட்டத்தின் அடிப்படையில், இந்தியா 14 மாநிலங்களாகவும் 6 யூனியன் பிரதேசங்களாகவும் பிரிக்கப்பட்டது. அப்போதைய ஆங்கிலேயர் ஆட்சிக் காலத்தில் சென்னை மாகாணம் என்பது ஆந்திரா, ஹைதராபாத், கேரளா, கர்னாடகா மற்றும் மதராஸ் அனைத்தும் இணைந்து நிர்வாகம் செய்யப்பட்டு வந்தது. 1938 ஆம் ஆண்டு வார்தாவில் நடைபெற்ற மாநாட்டில் காங்கிரஸ் சார்பில் சுதந்திரமடைந்த பிறகு மொழிவாரி மாநிலங்கள் பிரிக்கப்படும் என தீர்மானம் எடுக்கப்பட்டது. 1948 ஆம் ஆண்டு மொழிவாரி அடிப்படையில் மாநிலங்கள் பிரிப்பது குறித்து அரசியலமைப்பு நிர்ணய சபையால் என்.கே.தார் தலைமையில் குழு ஒன்றை நிறுவி அக்குழு நாட்டின் ஒற்றுமைக்கு இதனால் பாதிப்பு ஏற்படலாம் என அறிக்கையும் வெளியிட்டது.ஆங்கிலேயர்கள் இந்தியாவிலிருந்து வெளியேறும் போது, 562 சுதேச சமஸ்தான அரசுகள் இருந்தன. அவற்றை இணைத்து இந்தியா ஒரே நாடாக வர சர்தார் படேலுக்கு காஷ்மீர், ஜுனகத் மற்றும் ஹைதராபாத் அரசுகள் மட்டும் உடன்படவில்லை. பிரிட்டிஷ் ஆட்சியிலேயே, ஹைதராபாதிற்கென்று தனி ராணுவம், ரயில் சேவையும் தபால் துறை போன்ற வசதிகளைக் கொண்டு இந்தியாவின் முதல் தர சுதேச அரசாக இருந்து இயங்கியது . பிரிட்டிஸ் இந்தியாவில் உள்ள இஸ்லாமிய அரசு என்கிற பெயர் வேறு ஹைதராபாத் அரசுக்கிருந்தது. .ஹைதராபாத். அரசின் பரப்பளவு இங்கிலாந்தையும் ஸ்காட்லாந் தையும் ஒன்று சேர்த்த அளவிற்கு மிகப்பெரிய பரப்பளவு கொண்டு இந்தியாவிலேயே சர்வ வல்லமையோடிருந்த ஹைதராபாத் . அதாவது பாக்ய நகர். அப்போது ஹைதராபாத் நிஜாம் மீர் உஸ்மான் அலிகான் பகதூர். இந்தியாவுடன் ஹைதராபாதை இணைப்பதற்கு கடுமையாக எதிர்ப்பு தெரிவித்து ஜின்னாவுக்கு அழைப்பு கொடுத்து ஹைதராபாத் பாகிஸ்தானோடு இணைய விரும்புவதாக அறிவித்தார். இதை இந்தியா எதிர்த்து ராணுவ நடவடிக்கைக்குத் தயாரான நேரத்தில் இந்திய- பாகிஸ்தான் பிரிவினைக்குப் பிறகு ஹைதராபாத் இந்தியாவோடு தான் இணைய வேண்டும் என அங்கிருந்த ஹிந்துக்கள் சுவாமி இராமானந்த தீர்த்தர் எனும் துறவி தலைமையில் போராட ஆரம்பித்தார்கள். அவர்களை ஹைதராபாத் நிஜாமிற்கு ஆதரவாக நின்ற ரசாக்கர்கள என்கிற இஸ்லாமியர் படை கொன்று குவித்தார்கள். இவர்கள் தலைவனாக காசிம் ரிஸ்வி என்கிற வக்கீல் இருந்தார் இப்பொழுது ஹைதராபாத்தை ஆட்டுவித்துக்கொண்டு இருக்கும் அசாதுதீன் உவைசியின் குரு என்று கூடகஹ கூறலாம். உவைசியின் மஜ்லிஸ் இ இத்ஹதுல் முஸ்லிமீன் என்கிற அமைப் பின் அப்போதைய தலைவர் தான் இந்த காஸிம்ரிஸ்வி. இந்த அமைப்பு 1911 லியே ஹைதராபாத் நிஜாமால் துவங்கப்பட்ட அமைப்பாகும். இது துவக்கப்பட்ட உடனே ஹைதராபாத் இஸ்லாமிய நாடாக அப்போது அறிவிக்கப்பட்டது. உஸ்மானியா பல்கலைக்கழகத்தை் கொண்டு வந்த ஹைதராபாத் நிஜாம் கல்வி கற்க வரும் ஹிந்து மாணவர்களுக்கு உருது கற்பிக்க வைத்து தெலுங்கை அழித்து மாணவர்களை முழு அளவில் மதம் மாற்றும் வேலைகளைச் செய்து வந்தார். உடன்படாத ஹிந்துக்களை நிஜாமின் கூலிப் படையான ரசாக்கர்கள் அடித்து கொன்றும் ஹைதராபாத்தை விட்டு துரத்தி் விட்டுக் கொண்டும் இருந்தார்கள். . ரசாக்கர்களின் கொடுமை தாங்க முடியாமல் ஆயிரக் கணக்கான ஹிந்துக்கள் ஹைதராபாத் எல்லையைக் கடந்து இந்தியாவின் ஏனைய பகுதிகளில் தஞ்சம் அடைந்தார்கள். ஆனால் அதே நேரத்தில் . வேறு பகுதிகளிலிருந்து முஸ்லிம்கள் ஹைதராபாத் முஸ்லிம்களுக்கே சொந்தம் என்று ஹைதராபாத் நோக்கி வந்தார்கள் அவர்களுக்கு உடனடியாக அரசு வேலையும் நிரந்தரமாக தங்குவதற்கு வீடுகளும் வழங்கப்பட்டது. இந்த காலத்தில் மட்டும் ஹைதராபாத்தில் குடியேறிய முஸ்லிம் மக்கள் மட்டும் சுமார் ஒரு இலட்சம் அளவில் இருக்கும். ஹைதராபாத் முஸ்லிம் நாடு எங்களை இந்தியாவால் அடக்கி ஆள முடியாது என்கிற கோஷமே ஹைதராபாத்தில் எதிரொலித்தது. இதனால் கோபம் கொண்டு சர்தார் பட்டேல் ஜவகர்லால் நேருவிடம் ஹைதராபாத் மீது ராணுவ நடவடிக்கை எடுத்தே ஆக வேண்டும் என்று உறுதியாக நிற்கவே, ஆனால் நேருவோ அவசரம். வேண்டாம் பொறுமை காப்போம். என்றார். சுமார் 2 மாத காலம் பொறுமை காத்த சர்தார் படேல் வேறு வழியின்றி,1948 ஆம் ஆண்டு செப்டம்பர் 13 ஆம் தேதி ஹைதராபாத் சமஸ்தானத் தைக் கைப்பற்ற இந்திய ராணுவத்தை அனுப்பிய நடவடிக்கை 'ஆபரேஷன் போலோ' என்று . இந்திய ராணுவம் பெயர் வைத்தது காரணம். உலகிலேயே அதிக எண்ணிக் கையிலான போலோ விளையாட்டு மைதானங்கள் ஹைதராபாத்தில் தான் இருந்தது. நிஜாம்களுக்கு போலோ விளையாட்டு என்றால் இங்கிலாந்து கணவான்கள் கிரிக்கெட் விளையாட்டை நேசிப்பது போல் தான் போலோ. நிஜாம்களின் பொழுது போக்குக்கு 17 போலோ விளையாட்டு மைதானங்கள் ஹைதராபாத்தில் மட்டும் இருந்தது. அதனால் ஹைதராபாத்தை உலகின் போலோ கிரவுண்ட் என அயல் நாடுகள் அழைத்து வந்தன. ஐந்து நாட்கள் மட்டுமே நீடித்த ஆபரேஷன் போலோ நடவடிக்கையில், ஹைதராபாத் சமஸ்தானத்தின் கூலிப்படை ரஜாக்கர்கள் சுமார் 1500 பேர் கொல்லப்பட்டதோடு ஹைத ராபாத் அரசின் தரப்பில சுமார் 1300 பாதுகாவலர்களும் உயிரிழந்தார்கள். இந்திய ராணுவத்தின் தரப்பில் 66 வீரர்கள் உயிரி ழந்ததாகவும் 97 பேர் காயமடைந்ததாகவும் இராணுவத்தின் தரப்பில் தெரிவிக்க ப்பட்ட இந்த நடவடிக்கை தொடங்குவதற்கு இரண்டு நாட்களுக்கு முன்னரே பாகிஸ்தானில் முகமது அலி ஜின்னா காலமாகி விட்டதால் ஹைதராபாத் தை முன் வைத்து இந்தியா பாகிஸ்தான் இடையே ஒரு முழு அளவிலான போர் நிகழாமல் போய் விட்டது என்றே கூறவேண்டும். இன்னொரு முக்கியமான விசயம் என்னவென்றால் இந்தியாவிலும் காந்தி இல்லை ஹைதராபாத்தை இந்திய ராணுவம் கைப்பற்றியதும் வீறு கொண்டு எழுந்த ஹிந்துக்கள் ரசாக்கர்கள் அப்பாவி முஸ்லிம்கள் என்று பிரித்து பார்க்காமல் தாக்கியதில் சுமார் 20 ஆயிரம் பேர் கொல்லப்பட்டு இருக்கலாம். இந்திய ராணுவத்தின் கட்டுப்பாட்டில் ஹைதராபாத் 1948 செப்டம்பர் 18 ஆம் தேதி வந்தது. ஹைதராபாத் இராணுவத் தளபதி ஜெனரல் எல்.எட்ரூஸ் இந்திய படைக்கு தலைமை தாங்கி ஆப்பரேசன் போலோவை நடத்தி ஹைதராபாத் தை கைப்பற்றிய மேஜர் சௌத்ரியிடம் சரணடைந்தார். ஹைதராபாத் இந்தியாவின் கைக்கு வந்தவுடன் ரசாக்கர்கள் படை கலைக்கப்பட்டு மஸ்ஜில் இட்டே ஹதுல் முஸ்லிமின் அமைப்பு தடை செய்யப்பட்டது காசிம் ரிஸ்வியை கைது செய்த இந்திய ராணுவம் நேருவின் கட்டளைக்கு ஏற்ப வீட்டுக் காவலில் வைத்தது. காசிம் ரிஸ்வியை எப்படியாவது சிறைக்குள் வைக்க வேண்டும் என்கிற சர்தார் பட்டேலின். முயற்சி கடைசி வரை நேருவிடம் எடுபடவே இல்லை. ஆனால் மக்கள் விடவில்லை. காசிம் ரிஸ்வியை கொலை செய்ய முயற்சித்ததால் வேறு வழியின்றி அவரை சிறையில் அடைத்து வைத்து பின் பாகிஸ்தானுக்கு அனுப்பி வைத்தார் ஜவகர்லால் நேரு. இந்த ஹைதராபாத்தை மீட்கும் ஆப்பரேசன் போலோ நடவடிக்கை கூட நேருவின் விருப்பம் இன்றியே சர்தார் பட்டேல் மேற்கொண்டார். இந்த ஆப்பரேசன் போலோ நடைபெறும் பொழுது காஷ்மீர்க்காக இந்தியாவும் பாகிஸ்தானும் காஷ்மீரில் சண்டையில் இருந்ததனால் பாகிஸ்தான் ஆயுதங்கள் வாங்குவதற்கு ஹைதராபாத் நிஜாம் உஸ்மான் அலிகானிடம் 20 கோடி ரூபாய் கடன் கேட்டு இருந்தது. நிஜாமும் பாகிஸ்தானுக்கு 20 கோடி ரூபாயை கட்டி வைத்து காத்து கொண்டிருக்க சரியான நேரத்தில் நடவடிக்கை எடுத்து பணத்தை மட்டும் அல்ல ஹைதராபாத் சமஸ்தானத்தையே கைப்பற்றி இந்தியாவோடு இணைத்த சர்தார் பட்டேல் இல்லை என்றால் நவீன இந்தியாவே இல்லை என்று கூறலாம். இரண்டு லட்சம் ரசாக்கர்கள் என்னிடம் இருக்கிறார்கள்.. முடிந்தால் வாருங்கள் மோதிப் பார்ப்போம் என இந்தியாவிடம் சவால் விட்ட நிஜாம்உஸ்மான் அலிகானின் சவாலை ஏற்று சரியாக 100 மணி நேரத்தில் 2 லட்சம் ரசாக்கர்களை பின்னடையச் செய்த இந்திய ராணுவத்திற்கு தலை வணங்கி இந்த திட்டம் முடிந்த பிறகு ஹைதராபாத்துக்கு சென்ற சர்தார் பட்டேலை நிஜாம் உஸ்மான் அலிகான் வணங்கி நின்ற காட்சி தான் இங்குள்ளது. இது வரலாற்று நிகழ்வு.