வீதி வியாபாரத்திற்கு பிரதமர் ஸ்வநிதி கடனுதவித் திட்டம் 12.59 லட்சம் வியாபாரிகள் பலன்

பிரதமர் ஸ்வநிதி திட்டம் வீதி வியாபாரிகளுக்கான கடனுதவி 25 லட்சம் விண்ணப்பதாரர்களில் 12.59 லட்சம் வியாபாரிகளுக்கு கடன் வழங்கப்பட்டது பிரதமர் ஸ்வநிதி திட்டம் எனப்படும் பிரதமர் வீதி வியாபாரிகள் தற்சார்பு நிதி திட்டம், கோவிட்-19 பெருந்தொற்று பொது முடக்கத்தால் பெரிதும் பாதிக்கப்பட்ட வீதியோர வியாபாரிகளுக்கு ரூ.10,000 வீதம் கடனுதவி வழங்குவதை நோக்கமாகக் கொண்டு தொடங்கப்பட்டது. பிரதமர் திரு. நரேந்திர மோடி, இதுவரை 25 லட்சத்துக்கும் மேற்பட்ட விண்ணப்பங்கள் பெறப்பட்டதில், 12.59 லட்சம் வியாபாரிகளுக்கு ரூ. 10,000 விதம் கடன் வழங்கப்பட்டுள்ளதாகத் தெரிவித்துள்ளார். ஸ்வநிதி திட்டத்தின் கீழ், நகர்ப்புற வீதியோர வியாபாரிகள் தொழில் முதலீட்டு கடனாக ரூ.10,000 பெறுவதற்கு தகுதியானவர்கள் ஆவர். இந்தக் கடனை ஓராண்டில் மாதாந்திர தவணைகளாக திருப்பி செலுத்த வேண்டும். இக்கடனுக்கு வணிக வங்கிகள், மண்டல ஊரக வங்கிகள், சிறு நிதி வங்கிகள், கூட்டுறவு வங்கிகள், வங்கிகள் அல்லாத நிதி நிறுவனங்கள், குறு நிதி நிறுவனங்கள், சுய உதவிக்குழு வங்கிகள் ஆகியவை எவ்வித உத்தரவாதத்தையும் கேட்பதில்லை. உரிய காலத்தில் திருப்பி செலுத்தப்படும் நிகழ்வில், மேலும் அடுத்த சுற்று கடனும் வழங்கப்பட்டு சலுகை  நீட்டிப்பு  அளிக்கப்படும். உரிய காலத்திற்கு முன்னதாக கடனைத் திருப்பிச் செலுத்துவோரிடம் எவ்வித அபராதமும் வசூலிக்கப்படமாட்டாது. இத்திட்டத்தின் கீழ், கடனுதவி பெறுவோர் 7 சதவீத வட்டி மானியம் பெறுவதற்கு தகுதி பெறுவர். வீதி வியாபாரிகள் இச்சலுகையைப் பெறுவதற்கு, ஒவ்வொரு நிதியாண்டிலும், ஜூன் 30, செப்டம்பர் 30, டிசம்பர் 31, மார்ச் 31-ந் தேதியுடன் முடிவடையும் காலாண்டுக்கு விண்ணப்பிக்க வேண்டும்.  டிஜிடல் பரிவர்த்தனைகளுக்கு ரூ.50 முதல் ரூ.100 வரையிலான மாதாந்திர கேஷ்பேக் சலுகையையும் பெறலாம். திருச்சி மாநகரத்தில் பிரதமர் ஸ்வநிதி திட்டத்தை செயல்படுத்துவதற்கான ஆய்வுக் கூட்டம் மாவட்ட ஆட்சியர் தலைமையில் கடந்த மாதம் நடைபெற்றது. வீதியோர வியாபாரிகளுக்கு எவ்வித தாமதமும் இன்றி கடனுதவி வழங்குமாறு வங்கிகளுக்கு அறிவுறுத்தப்பட்டது. வீதியோர வியாபாரிகள் தங்கள் கடன் விண்ணப்பங்களை நேரடியாக, மாநாகராட்சி அலுவலகங்கள், மகளிர் திட்டம் மூலமாகவோ அல்லது  www.pmsvanidhi.mohua.gov.in வலைதளம் மூலமோ அளிக்கலாம். 18 வயது முதல் 65 வயதுக்கு உட்பட்ட வீதி வியாபாரிகள் இதற்கான பதிவு செய்யப்பட்ட அடையாள அட்டைகளை வைத்திருக்க வேண்டும். திருச்சி மாநராட்சி, ஶ்ரீங்கம் மண்டலத்தில் பிரதமர் ஸ்வநிதி திட்டத்தின் கீழ், 1281 வியாபாரிகளை அடையாளம் கண்டுள்ளது. கடன் பெற்ற வீதி வியாபாரிகள் தங்கள் கடனை ஓராண்டுக்குள் திருப்பி செலுத்த வேண்டும். திருச்சி மாநராட்சியில் பதிவு செய்யப்பட்ட 3,940 வியாபாரிகளில், பெரும்பாலோர் என்எஸ்பி சாலை, பெரிய பஜார் வீதி, தெப்பக்குளம், சிங்காரத்தோப்பு ஆகிய ஶ்ரீங்கம் மண்டலத்தைச் சேர்ந்தவர்கள் ஆவர். தீபாவளி சமயத்தில் இந்த கடனுதவி சரியான பயனை அளித்துள்ளதாக வீதி வியாபாரிகள் தெரிவிக்கின்றனர். பொது முடக்க தளர்வுகள் அறிவிக்கப்பட்டுள்ளதால், பொது மக்கள் வெளியில் வந்து, குறிப்பாக பண்டிகை சமயங்களில் தங்களுக்கு தேவையான பொருட்களை வாங்குவதால், தங்களுக்கு பயன் அளிப்பதாக உள்ளது என அவர்கள் கூறுகின்றனர். பிரதமர் ஸ்வநிதி திட்டம், வீதி வியாபாரிகள் தங்கள் விற்பனை பொருட்களை வாங்க உதவியுள்ளது. பெரும்பாலான வீதி வியாபாரிகள் விடுமுறை விற்பனையையே நம்பியுள்ளனர். விடுமுறையின் போது, என்எஸ்பி சாலையில் மக்கள் கூடி பொருட்களை வாங்கிச் செல்கின்றனர். பெருந்தொற்று முடக்கத்தால் ஏற்பட்ட இழப்பை ஈடுகட்ட வீதியோர வியாபாரிகள் தன்னிறைவு பெறுவதற்கு  ஸ்வநிதி திட்டம் நிச்சயம் உதவும். இந்த பண்டிகை பருவம், நெருக்கடியிலிருந்து அவர்கள் மீளுவதற்கு விற்பனையை அதிகரிக்கும். அதேசமயம், பாதுகாப்பான இடைவெளி விதிமுறைகளை பராமரிப்பது அவசியமாகும்.