விருதுநகர் போலவே சேலத்தில் பதிவுத்துறை துணைத்தலைவர் சிக்கினார் பலகோடி சொத்துகள்

சேலம் மண்டல பத்திரப்பதிவுத் துறை துணைத் தலைவர் வீட்டில் ஊழல் தடுப்பு இலஞ்ச ஒழிப்புக் காவல்துறையினர் சோதனை சேலம் மண்டல பத்திரப்பதிவு துறை துணைத் தலைவர் ஆனந்த் நேற்று கடலூருக்குப் பணி மாற்றப்பட்ட நிலையில் நேற்று இரவு துணைத் தலைவருக்கு பிரிவு உபச்சார விழா நடத்தியதை அறிந்த சேலம் இலஞ்ச ஒழிப்புத் துறையினர் ஐந்துரோடு பகுதியில் உள்ள ஆனந்த் வீடு மற்றும் அலுவலகத்தில் இலஞ்ச ஒழிப்புத்துறை சோதனை செய்து ரொக்கப் பணம் ரூ 3 லட்சத்து 20 ஆயிரம் மற்றும் 13 லட்சம் மதிப்புள்ள 34 தங்க காசுகளையும் பறிமுதல் செய்தனர் பத்திரப்பதிவு துணை தலைவர் ஆனந்த் மீது லஞ்ச ஒழிப்பு காவல்துறை வழக்கு பதிந்து தொடர்ந்து துணைத் தலைவரிடம் விசாரணை நடக்கிறது சேலம் மண்டல பத்திரப்பதிவு துறை துணைத் தலைவர் வீட்டில் சோதனை நடந்தது. சமீபத்தில் விருதுநகர் கலெக்டர் அலுவலகத்தில் உள்ள பஞ்சாயத்து உதவி இயக்குனர் அலுவலக அறையில் ரூ.2 லட்சத்து 26 ஆயிரத்தை இலஞ்ச ஒழிப்பு காவல்துறையினரால் பறிமுதல் செய்யப்பட்டுள்ளதை தொடர்ந்து தீவிர விசாரணை நடைபெற்று வருகிறது. நாகர்கோவிலைச் சேர்ந்த விஷ்ணுபரண் (வயது 37) என்பவர் உதவி இயக்குனராக பணியாற்றி வருபவர் அரசு பணியாளர் தேர்வு ஆணையத்தில் குரூப்-1 தேர்ச்சி பெற்று நேரடி நியமனம் பெற்றவர். இவரது அலுவலகத்திற்கு பஞ்சாயத்து நிர்வாகத்தினர் பல்வேறு காரணங்களுக்காக நேரடியாக வந்து இலஞ்சப் பணம் கொடுப்பதாக இலஞ்ச ஒழிப்புப் காவல்துறையினருக்குத் தகவல் கிடைத்ததன்பேரில் மாவட்ட லஞ்ச ஒழிப்பு துணைக் கண்காணிப்பாளர் கருப்பையா, இன்ஸ்பெக்டர்கள் பூமிநாதன், விமலா ஆகியோர் கண்காணிப்பு அலுவலர் பொன்ராஜ் தலைமையில் பஞ்சாயத்து உதவி இயக்குனர் அலுவலகத்தைக் கண்காணித்தனர். அப்போது வெம்பக்கோட்டை யூனியன் ரெங்கபாளையம் பஞ்சாயத்துத் துணை தலைவர் ராமர் என்பவர் உதவி இயக்குனர் அலுவலகத்திற்குள் சென்றார். இதைத் தொடர்ந்து இலஞ்ச ஒழிப்பு காவல்துறை உதவி இயக்குனர் அலுவலகத்திற்குள் அதிரடியாக நுழைந்ததையடுத்து அவர்கள் இராமரிடம் விசாரணை மேற்கொண்டனர். அவர் திட்ட வேலை நிர்வாக அனுமதி பெற ரூ.20 ஆயிரம் இலஞ்சம் கொடுக்க வந்ததாக லஞ்ச ஒழிப்பு போலீசாரிடம் தெரிவித்ததனைத் தொடர்ந்து காவல்துறை அவரிடமிருந்து ரூ.20 ஆயிரத்தை பறிமுதல் செய்ததையடுத்து உதவி இயக்குனர் அலுவலகத்தில் இருந்த விஷ்ணுபரணின் டிரைவர் சரவணகுமார் (வயது 50) என்பவரை சோதனை செய்த போது அவரின் கால்சட்டை பையில் ரூ.2 லட்சத்து 6 ஆயிரம் இருந்தது. அதனை பறிமுதல் செய்து விசாரணை நடத்த அவர் அந்த பணத்தை கலெக்டர் அலுவலக வளாகத்தில் தரையில் கிடந்ததாகவும், அதனை எடுத்து தனது பேண்ட் பாக்கெட்டில் வைத்துள்ளதாகவும் தெரிவித்தார். அவர் கூறிய தகவல் நம்ப முடியாத நிலையில், போலீசார் தொடர்ந்து அவரிடம் விசாரணை மேற்கொண்டனர். விசாரணையில் மேற்படி பணம், பல்வேறு பஞ்சாயத்து நிர்வாகிகளிடம் இலஞ்சமாகப் பெற்றது தெரியவந்ததையடுத்து அந்தப் பணத்தையும் பறிமுதல் செய்தனர். பின்னர் விஷ்ணுபரண், சரவணக் குமார் ஆகியோர் மீது லஞ்ச ஒழிப்பு துறை வழக்குப்பதிவு செய்து விசாரணை மேற்கொண்டனர். பறிமுதல் செய்யப்பட்ட ரூ.2 லட்சத்து 6 ஆயிரம் யாரிடம் இருந்து பெறப்பட்டது என்பது குறித்து அதிகாரியிடமும், டிரைவரிடமும் தொடர்ந்து விசாரணை நடத்தி வருகின்றனர். இச்சம்பவம் அதிர்ச்சியையும், பரபரப்பையும் ஏற்படுத்திய நிலையில் சேலத்தில் மேற்கண்ட அதிரடி சோதனை நடந்தது. சேலம் பத்திரப்பதிவுத்துறை டி.ஐ.ஜி ஆனந்த் அவர்களின் முறைகேடான சொத்து குவிப்பு அறிக்கை பின்வருமாறு' என்ற தலைப்பில் தொடங்கும் அந்த நோட்டீஸில் `வாராந்திர கந்து வட்டி கலெக்‌ஷன்: ஐ.ஜி., உத்தரவு மீறி ஜூனியர்களுக்குப் பொறுப்பு போட்டு சம்பாதித்தது என ஒரு பெரும் பட்டியலே குறிப்பிடப்பட்டுள்ளது. அதில் கிருஷ்ணகிரி, தர்மபுரி, நாமக்கல், சேலம் மேற்கு போன்ற மாவட்டங்கள் குறிப்பிடப்பட்டுள்ளன. தொடர்ந்து அதில், ``பொறுப்புப் பதவிகள் மூலம் மாதாந்திர கலெக்‌ஷன் 20 லட்சத்து 40 ஆயிரம். பொறுப்பு பதவிகள் மூலம் வருடாந்திர கலெக்‌ஷன் சுமார் 2 கோடியே 45 லட்சம். கடந்த 4 வருடத்தில் சுமார் 10 கோடி. இது தவிர சேலத்தில் சுமார் 60 அலுவலகங்களில் மாதாந்திர கலெக்‌ஷன் சுமார் 120 லட்சம். ஒரு வருட சேலம் மண்டலத்தில் கலெக்‌ஷன் 15 கோடிகள். கடந்த 4 வருடத்தில் மொத்தம் 60 கோடிகள்.இது தவிர லேஅவுட் நிர்ணயம், லேஅவுட் முறையீடு என இவரது கலெக்‌ஷன் பல 100 கோடிகளைத் தாண்டும். மிகவும் குறைவாகப் பார்த்தாலும் கடந்த 4 வருடத்தில் இவரது சேலம் மண்டல கலெக்‌ஷன் குறைந்தது 200 கோடிகளைத் தாண்டும். சேலத்தில் 4 வருடத்திலேயே 200 கோடி என்றால் இவரது ஒட்டு மொத்தப் பணியில் சேர்ந்த நாள்முதல் கலெக்‌ஷன் 400 கோடிகளைத் தாண்டும். அரசியல்வாதிகளை விஞ்சும் அளவுக்கு ஊழல் புரியும் ஆனந்த் டி.ஐ.ஜி., இந்த ஊழல் பணத்தில் ஐ.ஏ.எஸ்., ஆக முயல்கிறார். இவர் ஐ.ஏ.எஸ் ஆனால் தமிழ்நாட்டையே விற்று விடுவார். சேலம் மண்டல டி.ஐ.ஜி ஆனந்த்தின் கலெக்‌ஷன் ஏரியாக்கள்: கிருஷ்ணகிர் உதவி டி.ஆர் அலுவலகம், சூளகிரி எஸ்.ஆர் பாய்கர், ஓசூர் எஸ்.ஆர் நேருஜி, தர்மபுரி எஸ்.ஆர் ராசிகண்ணு, நாமக்கல் எஸ்.ஆர் சுந்தர வடிவேல், திருச்செங்கோடு எஸ்.ஆர் தமிழ்ச்செல்வன், பரமத்திவேலூர் ஓ.ஏ ஷஃபி, தர்மபுரி எஸ்.ஆர் திருப்பதி, மகுடஞ்சாவடி எஸ்.ஆர் சசிந்தர். சேலம் டி.ஐ.ஜி ஆனந்த் ஜீப் வரும் வழியில் இவர்கள் முன்கூட்டியே கலெக்‌ஷன் செய்து பணத்தை ஒப்படைக்க, அவர் ரயிலில் ஏறி சென்னை விரைந்து விடுவார்'' என நீளும் இந்தக் கடிதத்தில்... லேஅவுட் நிர்ணயம், முறையீடு வெற்றிகரமாக முடித்தால் ஸ்டார் ஹோட்டல் பார்ட்டி என லிஸ்ட் நீளும். வேறு வழியின்றி இவர் கையெழுத்துக்காக பலரின் தலையெழுத்து மாறியுள்ள தகவல் அதிர்ச்சியாகும்.