பாஜக மாநில தலைவர் வேல் யாத்திரை வழக்கு உயர்நீதிமன்றத்தில் செவ்வாய் கிழமை விசாரணைக்கு வரும்

பாஜக வின் வெற்றிவேல் யாத்திரைக்கு அனுமதி கோரி பாஜக வின் தமிழகப் பொதுச் செயலாளர் கரு.நாகராஜன் தாக்கல் செய்த வழக்கு தொடர்பான விசாரணையை சென்னை உயர்நீதிமன்ற நீதிபதிகள் எம்.சத்யநாராயணன் மற்றும் ஆர்.ஹேமலதா அமர்வு செவ்வாய்க்கிழமைக்கு ஒத்திவைத்துள்ளனர். பங்கேற்பாளர்களின் எண்ணிக்கை மற்றும் வாகனங்கள் போன்ற அனைத்து விவரங்களுடனும் காவல்துறைக்கு புதிய விண்ணப்பம் வழங்க அவருக்கு அனுமதிக்கிறது.அக்டோபர் 31 ஆம் தேதி தமிழ்நாடு அரசால் நிறைவேற்றப்பட்ட அரசாணை நவம்பர் 31 ஆம் தேதி வரை நீட்டித்துள்ளது. நவம்பர் 15 ஆம் தேதி வரை பொது இடங்களில் எந்தவொரு கூட்டத்தையும் நடத்த அரசாணை தடை செய்கிறது.திருத்தணி முருகன் கோவிலில் யாத்திரை துவக்கநாளில் ஏராளமான பாதுகாவலர்கள் காவல்துறை சார்பில் குவிக்கப்பட்டு பக்தர்களிடம் தீவிர சோதனைகளுமஹ நடத்தப்பட்டது. திருத்தணி முருகன் கோவில் வளாகத்தில் இரு சக்கர வாகனங்கள், கார்கள் உள்ளிட்டவற்றை நிறுத்த காவல்துறை அப்போது அனுமதி அளிக்கவில்லை.இதனிடையே சென்னையிலிருந்து திருத்தணி முருகன் கோவிலுக்கு தமிழக பாஜக தலைவர் எல். முருகன் புறப்பட்டுச் சென்றார். அப்போது செய்தியாளர்களிடம் பேசியவர் முருகனை வழிபட நான் விரும்புகிறேன். வழிபடுவதற்கு எனக்கு அரசியல் சாசனப்படி உரிமை உள்ளது. நாட்டின் ஒவ்வொரு குடிமகனுக்கும் வழிபாட்டு உரிமை உள்ளது. அதனால் நான் திருத்தணி புறப்பட்டுச் செல்கிறேன் என்றார்.இந்த நிலையில் சென்னை எல்லையான நசரத்பேட்டையில் 300க்கும் மேற்பட்ட காவல்துறை குவிக்கப்பட்டனர். வேல் யாத்திரைக்கு தடை விதிக்கப்பட்ட நிலையில் திருத்தணி செல்லும் எல். முருகனை எல்லையில் தடுத்து நிறுத்தி காவல்துறையினர் நசரத்பேட்டையில் முருகன் தடுத்து நிறுத்தப்பட்டு 5 வாகனங்களுடன் மட்டும் திருத்தணி முருகன் கோவிலுக்கு செல்ல காவல்துறை அனுமதித்தனர். அதேபோல் ஊட்டியில் செய்தியாளர்களிடம் பேசிய முதல்வர் எடப்பாடி கே. பழனிசாமி, வேல் யாத்திரை விவகாரத்தில் சட்டம் தம் கடமையை செய்யும் என கூறியிருந்த சூழ்நிலையில் திருத்தணியை சென்றடைநத பாஜக கட்சி மாநில தலைவர் முருகன். அங்கு முருகனுக்கு அரோகரா சரண கோஷங்களுடன் பாஜகவினர் உற்சாக வரவேற்பு அளித்தனர். கையில் வேல் ஏந்தியபடியே திருத்தணி முருகன் கோவிலில் முருகன் சாமி தரிசனம் செய்தார். பின் வேல் யாத்திரை புறப்பட தயாரானார். ஆனால் காவல்துறை வேல் யாத்திரைக்கு அனுமதி தரப்படவில்லை என கூறி முருகன் உள்ளிட்ட பாஜகவினரை திருத்தணியில் கைது செய்தனர். பாஜக தலைவர் முருகன் யாத்திரை பயணத் திட்டத்தின் ஒருபகுதியாக சென்னை முதல் திருத்தணிக்கு வேலுடன் பயணம் செய்துவிட்டார். இதற்கு அனுமதி அளித்த காவல்துறை முருகன் கோவிலுக்கு செல்ல அனுமதித்ததாகவே பதிவு இதனால் பாஜகவின் செயல் திட்டத்தில் ஒரு பகுதி வெற்றியும் பெற்றது. இன்னொரு பக்கம் திருத்தணியிலிருந்து வேல் யாத்திரை புறப்பட்ட முயன்ற முருகன் கைது செய்யப்பட்டார். இதன்மூலமாக தமிழக அரசு, வேல் யாத்திரைக்கு விதித்த தடையை செயல்படுத்திவிட்டோம் என நிரூபித்துவிட்டது. எல்லோருக்கும் சாதகமாய் அரோகரா கோஷங்களுடன் சுபமாய் முடிந்துவிட்டது வேல் யாத்திரை. இச் சூழ்நிலையில் தமிழக பா.ஜ.கவின் வேல் யாத்திரைக்கு அனுமதி மறுத்த தமிழக டி.ஜி.பி உத்தரவை எதிர்த்து பாஜக தரப்பில் உயர்நீதிமன்றத்தில் அவசர மனு.நீதிபதிகள் சத்தியநாராயணன்,ஹேமலதா அமர்வு முன்பு அவசர வழக்காக விசாரணைக்கு வர உள்ளது.