தமிழ்நாட்டின் புதிய டிஜிபி யாக Dr.C.சைலேந்திரபாபு,M.Sc(Agri),BGL,MA,MBA,Ph.D,59(5/6/1962) நியமனம்.
அரசு அனுப்பி இருந்த பட்டியலில் இடம் பெற்றிருந்த அதிகாரிகள் பலர் மிகவும் நேர்மையான அதிகாரிகளெனப் பெயரெடுத்தவர்கள். முக்கியமாக சைலேந்திர பாபு, கரண் சின்ஹா, ஏகே விஸ்வநாதன், சஞ்சய் அரோரா, சுனில் குமார் சிங், ஆகியோர் இந்த டிஜிபி போட்டியில் முன்னிலையில் இருந்தார்கள்.
11 பேரின் பட்டியல் அனுப்பப்பட்டிருந்தாலும், இதில் குற்ற வழக்கு இல்லாத பணி அனுபவ மூப்புக் கொண்ட 5 பேரின் பெயர் இறுதி செய்யப்பட்டு, அதன்பின் புதிய பட்டியல் தயார் செய்யப்படும். இதில் ஒவ்வொரு அதிகாரியின் பின்புலம், அனுபவம் ஆராயப்பட்டு 4 அதிகாரிகளின் பெயர்கள் தலைமைச் செயலாளரிடம் தரப்படும்.
இந்த பட்டியலை தமிழ்நாடு அரசு மீண்டும் சோதனை செய்யும். 4 பேரில் தகுதியான நபர்கள் யார் என்று சோதனை செய்து அதிலிருந்து ஒருவர் தேர்வு செய்யப்படுவார். இதில் சைலேந்திர பாபுவிற்கு டிஜிபி ஆகும் வாய்ப்பு முன்பே அதிகம் இருப்பதாக வந்த தகவல்கள் படி இன்று மாலை டிஜிபி தேர்வு குறித்த அறிவிப்பு வெளியானது தமிழ்நாடு காவல்துறையின் தலைமை இயக்குநராக (டி.ஜி.பி.) சி.சைலேந்திரபாபு பெயரை அரசு பரிந்துரை செய்திருந்தது உறுதியாக அவர் தற்போது நியமனம் தமிழ்நாட்டின் கன்னியாகுமரியைப் பூர்விகமாகக் கொண்டவர், ரயில்வே டி.ஜி.பி.யாக தற்போது பொறுப்பிலிருக்கிறார்.
இதே டிஜிபி பொறுப்புக்கு தகுதிசால் ஐபிஎஸ் அதிகாரிகளாக சிலரும் பட்டியலில் இருந்தனர். தீ அவிப்பு மற்றும் மீட்புப் படை டிஜிபியாக உள்ள உத்தரகாண்ட் மாநிலத்தைச் சேர்ந்த கரன்சின்ஹா, எல்லைப் பாதுகாப்புப் படை (மத்திய அரசுப்பணி) டிஜிபியாக உள்ள ராஜஸ்தான் மாநிலத்தைச் சேர்ந்த சஞ்சய் அரோரா, சிறைத்துறை டிஜிபியாக உள்ள பீஹாரைச் சேர்ந்த சுனில்குமார் சிங், அதே பீஹார் மாநிலத்தைச் சேர்ந்தவரும் சிபிசிஐடி டிஜிபியுமான முஹம்மது ஷஹில் அக்தர் மற்றும் லஞ்ச ஒழிப்பு (ம) ஊழல் தடுப்புப் பிரிவு டிஜிபியுமான கந்தசாமி ஆகியோர் காவல் தலைமை இயக்குநர், தமிழ்நாடு பொறுப்பிற்கு தகுதிசால் ஐபிஎஸ்களாக வரிசையில் உள்ளனர். மேற் குறிப்பிட்ட ஐபிஎஸ் அதிகாரிகளில் வயதில் இளையவர் சஞ்சய் அரோரா மட்டுமே. 2025 ஆம் ஆண்டு வரை அவர் காவல்துறை பணியிலிருப்பார். லஞ்ச ஒழிப்புக்கும் சிறைத்துறைக்கும் டிஜிபிகளாக இருக்கும் (முறையே) கந்தசாமி, முஹம்மது ஷஹில் அக்தர் ஆகியோரின் பணியிடமும் அந்த பணிக்கான அவர்களின் தேவையும் சிறப்பான செயல்பாடும் அவர்களின் பதவியை அதே இடத்தில் தக்க வைத்துள்ளதாகச் சொல்லப் படுகிறது. அதேபோல் தனித்தனி டிஜிபி தகுதி பதவிகளான ரயில்வே மற்றும் தீ அவிப்புத் துறை ஆகிய இரண்டுக்கும் ஒரே டிஜிபியாக சைலேந்தர்பாபு இருந்த போதுதான் டிஜிபி தகுதி பதவிகளுக்கான இடமாற்றம் வந்தது; அதிலிருந்துதான் கரன்சின்ஹாவுக்கு தீ அவிப்பு (ம) மீட்புப்பிரிவு பிரித்துக் கொடுத்து விட்டு சைலேந்தர்பாபுவை ரயில்வே டிஜிபியாகவே பதவியில் தொடர வைத்தனர்... அதை 'காரண' த்தோடு சுட்டிக் காட்டுகிறது காவல்துறை வட்டாரம். யுபிஎஸ்ஸி பரிந்துரை செய்யும் சிலரில் ஒருவரை மாநில அரசுதான் கொள்கை முடிவு - பணித் தேவை அடிப்படை என்ற ரீதியில் தேர்வு செய்வது வழக்கம். இது நமது சொந்தக் கருத்தாகும் பணித் தேர்வு தேவையில் நேர்மை எனும் தராசில் வைத்துப் பார்த்தால் இம்மியளவுக்குக் கூட தராசு முள் நேர்கோட்டில் இருந்து சாயாது. மெச்சத்தகுந்த திறமையாளர். சட்டத்தின் வழிநின்று காவல்துறை பணியாற்றுபவர். தமிழ்நாடு காவல்துறையின தலைமை இயக்குனர் பதவிக்கு தகுதியானவர், பணி மூப்பு அடிப்படையிலும், திறமையிலும், தகுதியிலும் இருப்பவர் சைலேந்திரபாபு ஐபிஎஸ் என்பதில் மாற்றுக் கருத்து இருக்க வாய்ப்பில்லை. கூடுதல் சிறப்புகள், நிறைய இருக்கிறது
தமிழ்நாடு காவல்துறை தலைமை இயக்குனர் பதவியில் அவரை அமர்த்தி அழகுப்பார்க்கிற பெருந்தன்மையும், ஆட்சிப்பீடத்திற்கு தலைமையேற்று இருக்கும் ஆட்சியாளருக்கும் அமைந்திருக்கிறது. தமிழ்நாடு முழுவதும் கிழக்கு மேற்காக, வடக்கு தெற்காக, மிதிவண்டி மூலமே அளந்து பார்த்துள்ள ஒரே ஐபிஎஸ் உயரதிகாரி என்றால், அது நிச்சயம் சைலேந்திரபாபு ஐபிஎஸ்., ஆகத்தான் இருக்கும்.
58 வயதில் காவல்துறை இயக்குனர் (டி.ஜி.பி) என்ற உயர்ந்த அந்தஸ்துக்கு வந்து விட்ட ஐபிஎஸ் அதிகாரி ஒருவர், உச்சப்பட்ச அதிகாரத்தை சுவைத்துக் கொண்டு, நான்கு சுவருக்குள் ஏஸி அறைக்குள் அமர்ந்து கொண்டு கோப்புகளோடு விளையாடி தங்கள் கடமையை முடித்துக் கொள்ளலாம். இதுவரை இப்படிபட்ட மனப்பான்மையுள்ள ஐபிஎஸ் உயரதிகாரிகளைத்தான் தமிழகம் கண்டிருக்கிறது. ஆனால, அவர்களில் இருந்து விதிவிலக்காக, வித்தியாசமாக கொய்யாப்பழம் விற்பனை செய்கிற சாலையோர மூதாட்டியிடம் கூட அவரது மகனைப் போல, பேரனைப் போல பாசத்தோடும், பரிவோடும் பேசுகிற ஒரு காவல்துறை உயரதிகாரியை, சைலேந்திரபாபு ஐபிஎஸ் மூலமாகதான் தமிழகம் அடையாளம் கண்டிருக்கிறது.
உடல் ஆரோக்கியத்தைப் பேணுவதில் தான் மட்டுமே தனித்த அக்கறை கொள்ளாமல், இளம் சமுதாயமும், தமிழர்களும் முக்கிய கடமையாக கொள்ள வேண்டும் என்ற பாடத்தை, பல நூறு வீடியோக்கள் மூலம் எந்தவித எதிர்ப்பார்ப்பும் இன்றி உலகம் முழுவதும் உள்ள தமிழர்களுக்கு பயிற்றுவிக்கும் மனப்பாங்கும் படைத்தவராக இருக்கிறார் சைலேந்திர பாபு ஐபிஎஸ்.
எல்லாவற்றுக்கும் மேலாக, தமிழ் தேசியத்தை தூக்கிப் பிடிக்கும் தமிழ் தேசியவாதிகள், இன்றைக்கும் ஆலயத்தில் உள்ள கடவுளுக்கே புரியும் மொழியான தமிழில்தான் அர்ச்சனை செய்ய வேண்டும் என்ற வாதம் அழுத்தமாக வைக்கப்பட்டு வரும் இந்த நேரத்தில், சாதாரண காவலர்கள் முதல் ஐபிஎஸ் அந்தஸ்து உடைய அதிகாரிகள் வரை அவர்கள் மொழியில் பேசுகிற இயல்பாகவே மொழி ஆளுமையாக உள்ள சைலேந்திரபாபு ஐபிஎஸ்.ஸை விட பொருத்தமானவர் வேறு உயரதிகாரிகள் இல்லை என்றே கூறலாம்.
கடந்த பல ஆண்டுகளாகவே தமிழ்நாட்டில் ஒரே குரல் உரத்து ஒலித்துக் கொண்டிருக்கிறது.
ஆளப் போறான் தமிழன் உலகமெல்லாமே. இந்த வைர வரிகள், இளம் சிறார்கள் மனதிலும் ஆழமாக பதிந்திருக்கிறது. தெருவுக்கு தெரு ஒலித்துக் கொண்டிருக்கிறது.
தமிழ்நாடு முதலமைச்சர் மு.க.ஸ்டாலின்..
தமிழ்நாடு அரசின் தலைமைச் செயலளார் வெ.இறையன்பு ஐஏஎஸ்..
தமிழ்நாடு காவல்துறை தலைமை இயக்குனர் சைலேந்திரபாபு ஐபிஎஸ்
…
இன்றைய நிலையில், இந்தக் கூட்டணி தமிழ்நாடு காவல்துறைக்கு புதுவாழ்வு கிடைத்த மாதிரி அமையும் என்பதே, தமிழ்நாடு காவல்துறையில், தலைமைப் பீடத்தில் உள்ள ஒரு சில அதிகாரிகளைத் தவிர மாநிலம் முழுவதும் பரவியிருக்கும் பெரும்பான்மையான காவல்துறை அலுவலர்களின் எதிர்ப்பார்ப்பை பூர்த்தி செய்தது. DGP Dr.C.Sylendra Babu is tipped to become the new Head of the Police Force,Tamil Nadu DGP மக்கள் திலகம் புரட்சித்தலைவர் எம்ஜிஆர் அவர்கள், முதன்முறையாக தமிழக முதலமைச்சராகப் ஆட்சிபொறுப்பேற்ற நாள் இன்று.(1977 ஜூன் 30)
இதே நாளில் இன்று தமிழக காவல்துறை அதிகாரியாக பதவியேற்கும் திரு. சைலேந்தர்பாபு அவர்களை வாழ்த்துவோம்
கருத்துகள்