சிவகங்கை, புதுக்கோட்டை மாவட்டங்களில் முதல்வர் நலத்திட்ட உதவிகள் வழங்கும் விழா

சிவகங்கை மாவட்டம் திருப்பத்தூர் சட்டமன்றத் தொகுதி சிங்கம்புணரியில்  பத்தாயிரம் பேருக்கு நலத்திட்ட உதவிகளை வழங்கிட இன்று காலை 9 மணிக்கு தமிழக முதல்வர் மு.க.ஸ்டாலின் சிங்கம்புனரிக்கு வருகிறார்

சிங்கம்புணரி வட்டம் கோட்டைவேங்கைபட்டியில் சமத்துவபுரத்தை திறந்துவைத்தும்,

திருப்பத்தூர் வட்டம் காரையூரில் பத்தாயிரம் பேருக்கு நலத்திட்ட உதவிகளை வழங்குகிறார். 

கடந்த திமுக ஆட்சியில் தமிழகம் முழுவதும் அனைத்து சாதியினரும் ஒரே இடத்தில் வசிக்கும் இலவச மனைகள் 100 அடங்கும் சமத்துவபுரங்கள் திறக்கப்பட்டன,

அந்தக் காலகட்டத்தில் சிங்கம்புணரி அருகே கண்ணமங்கலம் பட்டி ஊராட்சி கோட்டை வேங்கைப்பட்டியில் 2010 ஆம் ஆண்டில் ரூ.1.92 கோடியில் சமத்துவபுரம் கட்டும் பணிகள் துவங்கிய

கட்டுமானப் பணிகள் முடிவடையாத நிலையில் 2011 ஆம் ஆண்டு அதிமுக ஆட்சிக்கு மாறியதையடுத்து கட்டுமான பணிகள் கிடப்பில் போடப்பட்டன, தொடர்ந்து திமுக தரப்பினர் வலியுறுத்தியதன்பேரில், மீண்டும் கட்டுமானப் பணிகள் துவங்கி 2012 ஆம் ஆண்டு முழுமையடைந்தது. 

2016 ஆம் ஆண்டில் பயனாளிகள் தேர்வு செய்யப்பட்டு வீடுகள் வழங்க முடிவு செய்யப்பட்டது .

ஆனால் அதன்பிறகு சமத்துவபுரம் திறக்கப்படவில்லை  இந்த நிலையில் சட்டப்பேரவை தேர்தல் பிரசாரத்திற்கு வந்த திமுக தலைவர், தற்போது முதல்வர் மு.க ஸ்டாலின் திமுக ஆட்சிக்கு வந்தால் சமத்துவபுர வீடுகள் திறக்கப்படும் என அறிவித்திருந்தார், 

தி.மு.க. ஆட்சி அமைந்துள்ள நிலையில் 9 ஆண்டுகளுக்குப் பிறகு சமத்துவபுரம் வீடுகளை திறக்க ஊரக வளர்ச்சித்துறை அமைச்சரும், தொகுதி சட்டமன்ற உறுப்பினருமான கேஆர்.பெரியகருப்பன் நடவடிக்கை மேற்கொண்டார். 

சமத்துவபுரம் சீரமைப்பு பணிகள் முடிவடைந்த நிலையில் இன்று 08. ஜுன்.2022, காலை 9 மணிக்கு தமிழக முதல்வர் மு.க.ஸ்டாலின் கோட்டை வேங்கைப்பட்டியில் சமத்துவபுரத்தை திறந்து வைக்கிறார்.

பின்னர் காலை 10 மணிக்கு திருப்பத்தூர் அருகே உள்ள காரையூர் சோழம்பட்டியில் நடக்கும் விழாவில் 10 ஆயிரம் பேருக்கு நலத்திட்ட உதவிகளை வழங்குகிறார், 

நிகழ்ச்சிக்கான ஏற்பாடுகளை ஊரக வளர்ச்சித்துறை அமைச்சர் கேஆர்.பெரியகருப்பன் மாவட்ட ஆட்சியர் மதுசூதன் ரெட்டி, ஊரக வளர்ச்சி முகமை திட்ட இயக்குனர் சிவராமன்,

மாவட்ட செய்தி மக்கள் தொடர்பு அலுவலர் பூபதி, உதவி அலுவலர் ராஜ செல்வன், பாதுகாப்பு பணியில் காவல்துறை கண்காணிப்பாளர் எஸ்பி.செந்தில் குமார் தலைமையில், துணை கண்காணிப்பாளர்கள் ஆத்மநாதன், வினோஜி, மற்றும் காவல்துறையினர் செய்து வருகின்றனர். மேலும்  புதுக்கோட்டைக்கு வருகை தர உள்ள தமிழக முதல்வர், தங்கள் பள்ளிக்கு வருகை தர வேண்டும் என பச்சலூர் அரசு நடுநிலைப் பள்ளி மாணவர்கள் கோரிக்கை.

அறந்தாங்கி வட்டத்தில் மாங்குடி அரசு நடுநிலைப் பள்ளியில் பல்வேறு நவீன தொழில்நுட்ப வசதிகளை ஏற்படுத்தி முன்மாதிரி பள்ளியாக மாற்றிய பள்ளியின் தலைமை ஆசிரியர் வி.ஜோதிமணி, அங்கிருந்து 2019 ஆம் ஆண்டில் பச்சலூர் அரசு நடுநிலைப் பள்ளிக்கு பணிமாறுதலில் சென்றார்.அங்கு, மக்கள் பங்களிப்பு, அரசின் திட்டங்களைப் பயன்படுத்தி அனைத்து வகுப்பறைகளிலும் தொங்கு கூரை அமைத்தார்.

தரை தளங்களில் டைல்ஸ் பதிக்கப்பட்டது. அனைத்து வகுப்பறைகளுக்கும் ஸ்மார்ட் போர்டு, குளிர்சாதன வசதி பொருத்தப்பட்டது. விளையாட்டுக் கருவிகளுடன் கூடிய கலையரங்கம்,  சிறுவர் பூங்கா உள்ளிட்ட வசதிகள் ஏற்படுத்தப்பட்டன. மேலும், அனைத்து தொழில்நுட்பங்களையும் பயன்படுத்தி கற்றல், கற்பித்தல் பணி மேற்கொள்ளப்படும் இப்பள்ளிக்கு, புதுக்கோட்டைக்கு வரவுள்ள தமிழக முதல்வர் வரவேண்டும் என அப்பள்ளி மாணவர்கள் எதிர்பார்க்கின்றனர்.

இது குறித்து பச்சலூர் பள்ளி மாணவர்கள் கருத்து: எங்கள் பள்ளி கரும்பலகை இல்லாத அதிநவீன தொழில்நுட்பங்களைக் கொண்ட ஸ்மார்ட் பள்ளியாக செயல்படுகிறது. இந்த பள்ளியை முன்மாதிரியாகக் கொண்டு பல்வேறு பள்ளிகளை மேம்படுத்தும் நடவடிக்கைகளிலும் ஈடுபட்டுள்ளனர் அண்மையில் டெல்லிக்கு சென்று அங்குள்ள அரசு முன்மாதிரியைப் பார்வையிட்டு வந்துள்ள தமிழக முதல்வர், நம் மாநிலத்தின் முன்மாதிரி பள்ளியாக திகழும் எங்கள் பள்ளிக்கும் வரவேண்டும் என்றனர்.சிவகங்கை மாவட்டத்தில் நலத்திட்ட உதவிகளை வழங்க இன்று வரும் முதல்வர் ஸ்டாலின் மதுரையில் ரூ.114 கோடி மதிப்பீட்டில் கட்டப்பட்டு வரும் டாக்டர் கலைஞர் மு. கருணாநிதி நினைவு நுாலகத்தை நேற்றிரவு பார்வையிட்டார்.

நேற்று இண்டிகோ விமானத்தில் மாலை 6:35 மணிக்கு முதல்வர் மதுரை வந்தார். விமான நிலையத்தில் அமைச்சர்கள் சாத்துார் கே.கே.எஸ்.எஸ்.ஆர்.

ராமச்சந்திரன், கே.ஆர்.பெரியகருப்பன், மூர்த்தி, தங்கம் தென்னரசு, அன்பில் மகேஷ், எ.வ.வேலு, மதுரை மாநகராட்சி மேயர் இந்திராணி, மாவட்ட ஆட்சித்தலைவர் அனீஷ்சேகர், சட்டமன்ற உறுப்பினர்கள் தளபதி, பூமிநாதன் உள்ளிட்ட பலர் வரவேற்றனர்.

மதுரை புது நத்தம் ரோடு பொதுப்பணித்துறை குடியிருப்பு அருகே 2.04 லட்சம் சதுரடி பரப்பளவில், 7 மாடிகளுடன் கூடிய, நவீன வசதிகளைக் கொண்டதாகக் கட்டப்பட்டு வரும் டாக்டர் கலைஞர் மு.கருணாநிதி நினைவு நுாலகப் பணிகள் 2022 ஜனவரி மாதம் 11ஆம் தேதியில் அடிக்கல் நாட்டப்பட்டது. 75 சதவீத கட்டுமானப் பணிகள் முடிவடைந்த நிலையில், அதனை நேற்று தமிழகத்தின் முதல்வர் மு.க.ஸ்டாலின் பார்வையிட்டார்.

இரவு 7:34 மணிக்கு வந்த முதல்வர், முன்னால் முதல்வர் மு.கருணாநிதி சிலை அமையும் பகுதியைப் பார்வையிட்ட பின்னர் மாற்றுத்திறனாளிகளுக்கான பகுதி, கலையரங்கு அமைய உள்ள தரைதளம், கருணாநிதி அரங்கம் அமைய உள்ள முதல் தளத்தையும் பார்வையிட்டார். கட்டுமான விவரங்களை பொதுப்பணித்துறை முதன்மை பொறியாளர் சத்தியமூர்த்தி விளக்கினார். இரவு 8:03 மணிக்கு அவர் மேலுார் அருகே தும்பைப்பட்டியிலுள்ள தனியார் விடுதியில்தங்கினார்.

இன்று சிவகங்கை மாவட்டம் சிங்கம்புணரி அருகேயுள்ள வேங்கைப்பட்டி சமத்துவபுரத்தை காலை 9:45 மணிக்குதிறந்து வைக்கிறார்.11:00 மணிக்கு காரையூரில் நடக்கவுள்ள விழாவில் 49 ஆயிரம் பயனாளிகளுக்கு 240 கோடி ரூபாயில் நலத்திட்ட உதவி வழங்குகிறார்.அங்கிருந்து புதுக்கோட்டை செல்கிறார்.   

காரையூர் விழாவில் பேசிய முதல்வர் ஸ்டாலின், தன்னிடம் சிவகங்கை நாடாளுமன்ற உறுப்பினர் கார்த்தி ப. சிதம்பரம் முன்வைத்த கோரிக்கையை உடனடியாக நிறைவேற்றுவதாகத் தெரிவித்துள்ளார். சிவகங்கை இராணி வீரமங்கை வேலு நாச்சியார் பெயரில் பெண் காவல் பயிற்சிக் கல்லூரியை சிவகங்கையில் துவங்க வேண்டும் என்ற அவரது கோரிக்கை மீது உடனடி நடவடிக்கை எடுப்பதாகத் தெரிவித்துள்ளார் முதல்வர் மு.க. ஸ்டாலின்.