முதன்மை உள்ளடக்கத்திற்குச் செல்

சென்னை அண்ணாப் பல்கலைக்கழகத்தின் 42-வது பட்டமளிப்பு விழா

சென்னை அண்ணாப் பல்கலைக்கழகத்தின் 42-வது பட்டமளிப்பு விழாவில் பிரதமர் உரையாற்றினார்


“இன்றைய தினம் சாதனைகளுக்கான தினம் மட்டும் அல்ல, முன்னேற்றத்திற்கானதும் கூட”

“ஒட்டுமொத்த உலகமும் இந்தியாவின் இளைஞர்களை நம்பிக்கையோடு பார்த்துக்கொண்டிருக்கிறது. ஏனெனில் நீங்கள் தான் நாட்டின் வளர்ச்சி எந்திரங்கள்; இந்தியா உலகின் வளர்ச்சி எந்திரமாக உள்ளது”


“நாம் எவ்வாறு உருவாகியிருக்கிறோம் என்பதை துயரங்கள் வெளிப்படுத்தின. அறியப்படாத ஒன்றை இந்தியா நம்பிக்கையோடு எதிர்கொண்டது”

“சர்வதேச வர்த்தக ஊக்குவிப்பில் இந்தியாவின் நிலை முன்னெப்போதும் இல்லாத சிறப்பை பெற்றுள்ளது”

“உலகளாவிய வழங்கல் தொடருக்குள் இந்தியா முக்கிய இணைப்பாக மாறி வருகிறது”


“தொழில்நுட்பத்திற்கான ஆர்வமும் கடுமையாக உழைப்போர் மீதான நம்பிக்கையும், சீர்திருத்தத்திற்கான மனோநிலையும் உள்ளது”

“வலுவான அரசு என்பது அனைத்தையும், அனைவரையும் கட்டுப்படுத்துவது அல்ல, தலையீட்டிற்கான நடைமுறையின் தூண்டுதலை கட்டுப்படுத்துவதாகும். வலுவான அரசு என்பது கட்டுப்படுத்துவது அல்ல, பொறுப்புமிக்கது. வலுவான அரசு என்பது அனைத்து தளங்களுக்குள்ளும் நுழைவது அல்ல, அது தன்னைத்தானே கட்டுப்படுத்திக்கொண்டு மக்களின் திறமைகளுக்கு இடமளிப்பதாகும்”



சென்னை அண்ணாப் பல்கலைக்கழகத்தின் 42-வது பட்டமளிப்பு விழாவில் இன்று  பிரதமர் திரு நரேந்திர மோடி பங்கேற்றார். தமிழ்நாடு ஆளுநர் திரு ஆர் என் ரவி, முதலமைச்சர் திரு மு க ஸ்டாலின், மத்திய அமைச்சர் திரு எல் முருகன் உள்ளிட்டோர் இந்த நிகழ்ச்சியில் பங்கேற்றனர்.

 திரண்டிருந்தோர் இடையே உரையாற்றிய பிரதமர், தங்களின் பட்டங்களை பெறுகின்ற மாணவர்களுக்கு வாழ்த்து தெரிவித்தார். “அண்ணாப் பல்கலைக்கழகத்தின் 42-வது பட்டமளிப்பு விழாவில் இன்று பட்டம்பெறும் அனைவருக்கும் வாழ்த்துக்கள்.  உங்களுக்கான எதிர்காலத்தை உங்கள் மனங்களில் ஏற்கனவே நீங்கள் கட்டமைத்திருப்பீர்கள். எனவே இன்றைய தினம் சாதனைகளுக்கான தினம் மட்டும் அல்ல, முன்னேற்றத்திற்கான தினமும் ஆகும்” என்று அவர் கூறினார். நாளைய தலைவர்கள் என்று அவர்களை அழைத்த பிரதமர், பெற்றோர்களின் தியாகம், பல்கலைக்கழக ஆசிரியர்கள், ஆசிரியர் அல்லாத ஊழியர்களின் ஆதரவு ஆகியவை பற்றியும் குறிப்பிட்டார்.

125 ஆண்டுகளுக்கு முன் மதராஸ் என்று அறியப்பட்ட இங்கு இந்திய இளைஞர்களின் சாத்தியங்கள் எவை என்பது குறித்த சுவாமி விவேகானந்தரின் வார்த்தைகளை பிரதமர் நினைவுகூர்ந்தார். “ஒட்டுமொத்த உலகமும் இந்தியாவின் இளைஞர்களை நம்பிக்கையோடு பார்த்துக்கொண்டிருக்கிறது. ஏனெனில் நீங்கள் தான் நாட்டின் வளர்ச்சி எந்திரங்கள்; இந்தியா உலகின் வளர்ச்சி எந்திரமாக உள்ளது” என்று பிரதமர் குறிப்பிட்டார். அண்ணா பல்கலைக்கழகத்துடனான முன்னாள் குடியரசுத் தலைவர் டாக்டர் ஏ பி ஜே அப்துல் கலாமின் இணைப்பையும், பிரதமர் நினைவுகூர்ந்தார். “அவரது சிந்தனைகளும், மாண்புகளும் உங்களுக்கு எப்போதும் உந்துசக்தியாக இருக்கட்டும்” என்று பிரதமர் கூறினார்.

  கொவிட்-19 பெருந்தொற்று முன்னெப்போதும் காணப்படாத சம்பவமாகும் என்று பிரதமர் தெரிவித்தார்.   ஒரு நூற்றாண்டுக்கு ஒருமுறை வரும் இந்த நெருக்கடியை  எவரும் சாதாரணமாக கையாள இயலாது. இது அனைத்து நாடுகளையும் சோதனைக்கு உட்படுத்தியது. நாம் எவ்வளவு துயரங்களை சந்தித்தோம் என்பதை நீங்கள் அறிவீர்கள். அறியப்படாத ஒன்றை இந்தியா நம்பிக்கையோடு எதிர்கொண்டது, அதற்காக விஞ்ஞானிகளுக்கும், சுகாதார ஊழியர்களுக்கும், பொதுமக்களுக்கும் நன்றி கூறவேண்டும். இதன் விளைவாக இந்தியாவில் அனைத்து துறைகளிலும் புதுமையான சுறுசுறுப்பு உருவாகியுள்ளது. தொழில்துறை, முதலீடு, புதிய கண்டுபிடிப்பு அல்லது சர்வதேச வர்த்தகம் என அனைத்திலும் இந்தியா முன்னிலையில் இருப்பதை காண முடிகிறது. கடந்த ஆண்டு இந்தியா உலகின் 2-வது பெரிய செல்பேசி தயாரிப்பாளராக இருந்தது என்று பிரதமர் கூறினார்.  புதிய கண்டுபிடிப்பு என்பது வாழ்க்கையின் நெறியாக மாறியிருக்கிறது. கடந்த 6 ஆண்டுகளில் மட்டும் அங்கீகரிக்கப்பட்ட புதிய தொழில்களின் எண்ணிக்கை 15,000 சதவீதம் அளவுக்கு அதிகரித்துள்ளது என்று  அவர் கூறினார். கடந்த ஆண்டு  83 பில்லியன் டாலருக்கும் அதிகமாக வெளிநாட்டு நேரடி முதலீட்டை இந்தியா பெற்று சாதனை படைத்துள்ளது என்று பிரதமர் தெரிவித்தார். நமது புதிய தொழில்களும் கூட பெருந்தொற்றுக்கு பிந்தைய காலத்தில் சாதனை அளவாக நிதி ஆதாரத்தை பெற்றுள்ளன. இவை அனைத்துக்கும் மேலாக சர்வதேச வர்த்தக  ஊக்குவிப்பில் இந்தியாவின் நிலை முன்னெப்போதும் இல்லாத சிறப்பை பெற்றுள்ளது.

 தொழில்நுட்பம் காரணமான இடையூறுகளின் சகாப்தத்தில்  3 முக்கியமான அம்சங்கள் உங்களுக்கு சாதகமாக உள்ளன. “முதல் அம்சம் என்பது தொழில்நுட்பத்திற்கான  ரசனையாக உள்ளது. தொழில்நுட்ப பயன்பாட்டில் சாதகமான உணர்வு வளர்ந்து வருகிறது. பரமஏழைகளும் கூட இதனை பயன்படுத்துகிறார்கள்.

2-வது அம்சம் என்பது கடுமையான பணி செய்பவர்களிடம் நம்பிக்கை கொள்வது. ஏற்கனவே சமூக நிகழ்வுகளில் ஒரு ஆணோ, பெண்ணோ தன்னை தொழில்முனைவோர் என்று சொல்லிக்கொள்வதில் சிரமம் இருந்தது. சிலரை வாழ்க்கையில் பொருளாதார ரீதியில் தன்னிறைவு பெற்றவர்கள் என்று கூறுவது வழக்கம், இதன் பொருள் ஊதியம் பெறும் ஊழியர்கள் என்பதாகும். தற்போது நிலைமை நேர்மாறானதாக உள்ளது. 3-வது அம்சம் என்பது சீர்திருத்தத்திற்கான மனோநிலை” என்று பிரதமர் கூறினார். தொடர்ந்து பேசிய அவர், “வலுவான அரசு என்பதன் பொருள் அது அனைத்தையும், அனைவரையும் கட்டுப்பாட்டில் கொண்டிருப்பது என்ற கருத்து ஏற்கனவே இருந்தது. ஆனால் இதனை நாங்கள் மாற்றியிருக்கிறோம். வலுவான அரசு என்பது அனைத்தையும், அனைவரையும் கட்டுப்படுத்துவது அல்ல, தலையீட்டிற்கான நடைமுறையின் காரணத்தை கட்டுப்படுத்துவதாகும். வலுவான அரசு என்பது கட்டுப்படுத்துவது அல்ல, பொறுப்புமிக்கது. வலுவான அரசு என்பது அனைத்து தளங்களுக்குள்ளும் நுழைவது அல்ல, அது தன்னைத்தானே கட்டுப்படுத்திக்கொண்டு மக்களின் திறமைகளுக்கு இடமளிப்பதாகும்” என்று விரிவாக எடுத்துரைத்தார். “ஒரு வலுவான அரசின் பலம் என்பது அது அனைத்தையும் அறிந்திருப்பது அல்லது அனைத்தையும் செய்யமுடிந்தது அல்ல என்பதை அடக்கத்துடன் ஏற்பதில் உள்ளது” என்று அவர் மேலும் வலியுறுத்தினார். இதனால் தான் சீர்திருத்தங்கள், அனைத்து துறைகளிலும் மக்களுக்கும், அவர்களின் திறமைக்கும் மகத்தான இடத்தை உருவாக்கித்தருகின்றன.  தேசிய கல்விக்கொள்கையில் இளைஞர்களுக்கு வழங்கப்பட்டுள்ள சுதந்திரம் மற்றும் இலகு தன்மையின் உதாரணங்களை எடுத்துரைத்த அவர், வணிகம் செய்வதை எளிதாக்க 25,000 நடைமுறை சிக்கல்கள் நீக்கப்பட்டிருப்பதாக கூறினார். “பங்குகள் வழியிலான மூலதனத்தின் மீதான வரி நீக்கம், முன்தேதியிட்ட வரிநீக்கம் கார்ப்பரேட் வரி குறைப்பு – போன்றவை முதலீடுகள் மற்றும் தொழில்துறையில் ஊக்கத்தை அளித்துள்ளன. ட்ரோன்கள், விண்வெளி, புவியியல் துறைகளின் சீர்திருத்தங்கள் புதிய வழிகளை திறந்துள்ளன” என்று அவர் கூறினார்.

  இளைஞர்களின் முன்னேற்றத்திற்கும், நாட்டின் முன்னேற்றத்திற்கும் இடையேயான இணைப்பை பிரதமர் கோடிட்டு காட்டினார். “உங்களின் வளர்ச்சி, இந்தியாவின் வளர்ச்சி. உங்களின் கற்றல், இந்தியாவின் கற்றல்.  உங்களின் வெற்றி, இந்தியாவின் வெற்றி என்று குறிப்பிட்டு பிரதமர் உரையை நிறைவுசெய்தார்.

  இந்த விழாவில் தங்கப்பதக்கம் வென்ற 69 பேருக்கு தங்கப்பதக்கங்களையும், சான்றிதழ்களையும் பிரதமர் வழங்கினார். அண்ணா பல்கலைக்கழகம் 1978 செப்டம்பர் 4 அன்று நிறுவப்பட்டது. தமிழ்நாட்டின் முன்னாள் முதலமைச்சர் சி என் அண்ணாதுரையின் பெயர் அதற்கு சூட்டப்பட்டுள்ளது. இது தமிழ்நாடு முழுவதும் பரவலாக உள்ள  13 அமைப்புக் கல்லூரிகளையும், 494 இணைப்பு கல்லூரிகளையும் திருநெல்வேலி, மதுரை, கோயம்புத்தூர் என 3 மண்டல வளாகங்களையும் பெற்றிருக்கிறது.அண்ணா பல்கலைக்கழக பட்டமளிப்பு விழாவில் பிரதமரின் உரை

மாண்புமிகு தமிழக ஆளுநர் திரு ஆர். என். ரவி அவர்களே, தமிழக முதலமைச்சர் திரு மு.க. ஸ்டாலின் அவர்களே, மத்திய அமைச்சர் திரு எல். முருகன் அவர்களே, இதர அமைச்சர்கள் மற்றும் பிரமுகர்களே, அண்ணா பல்கலைக்கழக துணைவேந்தர் டாக்டர் ஆர். வேல்ராஜ் அவர்களே, இளம் நண்பர்களே, அவர்களது பெற்றோர் மற்றும் ஆசிரியர்களே!

அனைவருக்கும் வணக்கம்.

அண்ணா பல்கலைக்கழகத்தின் 42-வது பட்டமளிப்பு விழாவில் இன்று பட்டம் பெறும் அனைவருக்கும் முதலில் பாராட்டுகளைத் தெரிவித்துக் கொள்கிறேன். உங்கள் எதிர்காலம் பற்றி ஏற்கனவே நீங்கள் முடிவு செய்திருப்பீர்கள். எனவே, இன்று, வெற்றியின் தினம் மட்டுமல்ல, விருப்பங்களின் நாளும் கூட. நம் இளைஞர்களின் கனவுகள் அனைத்தும் நிறைவேற விழைகிறேன்.

அண்ணா பல்கலைக்கழகத்தின் ஆசிரியர்களுக்கும், இதர பணியாளர்களுக்கும் இது ஓர் சிறப்பான தினம். நீங்கள் தான் நாளைய தலைவர்களை உருவாக்கும் தேச கட்டமைப்பாளர்கள். ஏராளமான பிரிவு மாணவர்கள் கல்வி பயின்று, வெளியேறியிருப்பதை நீங்கள் கண்டிருப்பீர்கள். எனினும் ஒவ்வொரு பிரிவினரும் தனித்துவம் வாய்ந்தவர்களே. தங்களுக்கு உரித்தான நினைவுகளை அவர்கள் விட்டுச் செல்கின்றனர். குறிப்பாக, இன்று பட்டம் பெறும் மாணவர்களின் பெற்றோருக்கு வாழ்த்து தெரிவிக்கிறேன். உங்கள் குழந்தையின் வெற்றியில் உங்கள் தியாகங்கள் முக்கிய பங்கு வகிக்கின்றன. நமது இளைஞர்களின் வெற்றியைக் கொண்டாடுவதற்காக சென்னை என்ற துடிப்பான நகரில் இன்று  நாம் குழுமியுள்ளோம்.

125 ஆண்டுகளுக்கு முன்பு, பிப்ரவரி 1897 இல் மெட்ராஸ் டைம்ஸ் பத்திரிக்கையிடம் சுவாமி விவேகானந்தர் பேசினார். எதிர்கால இந்தியாவிற்கு அவரது திட்டங்கள் பற்றி  கேட்கப்பட்டது. “எனது நம்பிக்கை, இளைய சமுதாயத்தினரிடம், நவீன சமுதாயத்தினரிடம் உள்ளது. அவர்களிலிருந்து என் பணியாளர்கள் உருவாவார்கள். சிங்கங்களைப் போல, ஒட்டுமொத்த பிரச்சனைக்கும் அவர்கள் தீர்வு காண்பார்கள்”, என்று அவர் கூறினார். அவரது வார்த்தைகள் இன்றும் பொருத்தமாகவே உள்ளன. ஆனால் இந்த முறை, தனது இளைஞர்களின் மீது  இந்தியா மட்டுமே நம்பிக்கை கொள்ளவில்லை. உலக நாடுகள் முழுவதும் இந்தியாவின் இளைஞர்களை நம்பிக்கையுடன் நோக்குகின்றன. ஏனென்றால் நீங்கள் தான் நாட்டின் வளர்ச்சி சக்திகள், இந்தியா தான் உலகின் வளர்ச்சி இயந்திரம்.

இது மிகப்பெரிய கௌரவம். இது மாபெரும் பொறுப்பும் கூட. இதில் நீங்கள் சிறப்பாக செயல்படுவீர்கள் என்பதில் எனக்கு சந்தேகமில்லை.

நண்பர்களே,

நம் இளைஞர்களிடையே நம்பிக்கை பற்றி பேசும்போது முன்னாள் குடியரசுத் தலைவர் பாரத ரத்னா டாக்டர் ஏ.பி.ஜே அப்துல் கலாம் அவர்களை நாம் எவ்வாறு மறக்க முடியும். அண்ணா பல்கலைக்கழகத்துடன் டாக்டர் கலாம் மிக நெருக்கமாக இருந்தார் என்பது, இந்த பல்கலைக்கழகத்தில் உள்ள ஒவ்வொருவருக்கும் பெருமிதம் அளிக்கும் என்று நான் நம்புகிறேன். அவர் தங்கியிருந்த அறை, நினைவகமாக மாறியிருப்பதாக அறிகிறேன் . அவரின் சிந்தனைகளும், மாண்புகளும் நம் இளைஞர்களுக்கு எழுச்சியூட்டட்டும்.

நண்பர்களே,

பிரத்தியேகமான தருணத்தில் நீங்கள் பட்டம் பெறுகிறீர்கள். உலகளாவிய நிச்சயமற்ற தன்மையின் காலம் என்றும் சிலர் இதை அழைக்கக்கூடும். ஆனால் மிகப்பெரிய வாய்ப்பின் தருணமாகவே நான் இதைக் காண்கிறேன். கொவிட்- 19 பெருந்தொற்று, முன் எப்போதும் இல்லாத, எதிர்பாராத நிகழ்வு. ஒருவரும் அறிந்திராத, நூற்றாண்டில் ஒரு முறை ஏற்படக்கூடிய நெருக்கடியாக அது இருந்தது. ஒவ்வொரு நாடும் இந்த சவாலை எதிர்கொண்டது. நமது ஆற்றலை நெருக்கடிகள் தான் வெளிக்கொணருகின்றன என்பதை நீங்கள் அறிவீர்கள். விஞ்ஞானிகள், மருத்துவ வல்லுநர்கள் மற்றும் சாமானிய மக்களால், நம்பிக்கையுடன் இந்தியா இந்த நிலையை எதிர்கொண்டது.  அதன் விளைவாக இன்று இந்தியாவில் உள்ள அனைத்து துறையும் புத்துணர்ச்சியுடன் வளர்ந்து வருகின்றன.

தொழில்துறையாக இருந்தாலும், புதுமை கண்டுபிடிப்பாக இருந்தாலும், முதலீடாக இருந்தாலும் அல்லது சர்வதேச வர்த்தகமாக இருந்தாலும் இந்தியா தான் முன்னணியில் உள்ளது.  நமது தொழில்துறை புத்தெழுச்சி பெற்றுள்ளது.  உதாரணமாக, மின்னணு பொருட்கள் உற்பத்தியை குறிப்பிடலாம். கடந்த ஆண்டு உலகின் இரண்டாவது பெரிய செல்போன் உற்பத்தியாளராக இந்தியா இருந்தது.  புதுமை கண்டுபிடிப்பு நமது வாழ்க்கை முறையின் ஒருபகுதியாக மாறியுள்ளது.  கடந்த ஆறே ஆண்டுகளில், அங்கீகரிக்கப்பட்ட ஸ்டார்ட்அப் நிறுவனங்களின் எண்ணிக்கை 15 ஆயிரம் சதவீதம் அதிகரித்துள்ளது. ஆமாம், நீங்கள் கேள்விப்பட்டது சரிதான், 15 ஆயிரம் சதவீதம்தான்.  2016-ல் வெறும் 470 ஆக இருந்த இந்த எண்ணிக்கை தற்போது 73,000 ஆக உயர்ந்துள்ளது! தொழில்துறையும் புதுமை கண்டுபிடிப்புகளும் சிறப்பாக செயல்பட்டால் முதலீடுகள் குவியும்.  கடந்த ஆண்டு இந்தியா சாதனை அளவாக 83 பில்லியன் டாலர் அந்நிய நேரடி முதலீடுகளை பெற்றுள்ளது.  பெருந்தொற்று பாதிப்புக்கு பிறகு நமது ஸ்டார்ட்அப் நிறுவனங்களும் பெருமளவு நிதியைப் பெற்றுள்ளன.  இவை அனைத்திற்கும் மேலாக சர்வதேச வர்த்தகத்தில் இந்தியாவின் நிலை இதுவரை இல்லாத அளவிற்கு உயர்ந்துள்ளது. நம் நாட்டில் இதுவரை இல்லாத அளவாக பொருட்கள் ஏற்றுமதி மற்றும் சேவைகள் சிறப்பாக மேற்கொள்ளப்பட்டுள்ளது. உலகம் நெருக்கடியான தருணத்தில் இருந்தபோது, நாம் உணவு தானியங்களை ஏற்றுமதி செய்திருக்கிறோம். மேற்கே ஐக்கிய அரபு அமீரகத்துடனும், கிழக்கே ஆஸ்திரேலியாவுடனும் அண்மையில் வர்த்தக ஒப்பந்தங்களில் நாம் கையெழுத்திட்டுள்ளோம்.  சர்வதேச விநியோக சங்கிலியில் வலுவான ஒரு இணைப்பாக இந்தியா மாறியுள்ளது. இந்தியா தற்போது தடைகளை வாய்ப்புகளாக மாற்றி வரும் சூழலை பயன்படுத்தி சிறப்பான விளைவுகளை ஏற்படுத்தும் வாய்ப்பை நீங்கள் பெற்றிருக்கிறீர்கள்.

நண்பர்களே,

     உங்களில் பெரும்பாலானோர் பொறியியல் அல்லது தொழில்நுட்பம் தொடர்பான பாடப்பிரிவுகளை படித்தவர்களாவீர். இந்த தொழில்நுட்பம் சார்ந்த இடையூறுகள் மிகுந்த இந்த யுகத்தில், மூன்று முக்கிய அம்சங்கள் உங்களுக்கு சாதகமாக உள்ளன.  முதல் அம்சம், தொழில்நுட்ப தாகமாகும். தொழில்நுட்பங்களை பயன்படுத்துவதால் சொகுசாக இருக்கலாம் என்ற உணர்வு மேலோங்கி வருகிறது.  பரம ஏழைகளும் கூட இதற்கு ஏற்ப மாறிவிட்டனர்.  விவசாயிகள் தங்களுக்கு தேவையான சந்தை விவரங்கள், தட்பவெப்பநிலை மற்றும் விலைவாசி பற்றிய தகவல்களை அறிந்துகொள்ள செல்போன் செயலிகளை பயன்படுத்துகின்றனர்.  வீட்டுவேலைகளை கவனிப்போரும் தங்களது வாழ்க்கையை எளிதாக்கிக் கொள்ளும் விதமாக தொழில்நுட்பங்களை பயன்படுத்துகின்றனர். குழந்தைகளும் தொழில்நுட்பத்தைப் பயன்படுத்தி கல்வி பயில்கின்றனர். சிறு வணிகர்களும் டிஜிட்டல் பணப்பரிவர்த்தனைகளை மேற்கொள்கின்றனர். நீங்கள் அவர்களிடம் ரொக்கமாக கொடுத்தால், அவர்களில் சிலர், டிஜிட்டல் முறையில் பணம் செலுத்தக் கூறுகின்றனர். டிஜிட்டல் பணப்பட்டுவாடா மற்றும் நிதித் தொழில்நுட்பங்களை பின்பற்றுவதில் இந்தியா உலகின் முன்னணி நாடாக உள்ளது.  உங்களது வித்தைகளை காட்டுவதற்கு புதுமை தொழில்நுட்பங்களுக்கு பெருமளவு சந்தை வாய்ப்பு காத்திருக்கிறது. 

இரண்டாவது அம்சம், சிரத்தை எடுத்து செய்வோர் மீது நம்பிக்கை அதிகரித்துள்ளது.  முன்பு, சமூக நிகழ்வுகளின் போது, ஒரு இளைஞர் தாம் ஒரு தொழில்முனைவோர் என்று சொல்வது சிரமமானதாகும்.  மக்கள் அத்தகையோரிடம், வாழ்க்கையில் பொருளாதார ரீதியாக தன்னிறைவு பெறும் வகையில் நிலைத்தன்மை பெற்றுவிடு, அதாவது சம்பளத்துடன் கூடிய வேலைவாய்ப்பை பெற்றுவிடு என்று கூறுவது வழக்கமாக இருந்தது.  தற்போது, நிலைமை முற்றிலும் மாறிவிட்டது.  உனது சொந்த முயற்சியில் ஏதாவது தொழில் தொடங்க முயற்சித்தாயா என்று கேட்கின்றனர்! ஒருவர், ஒரு வேலையை பார்த்துக் கொண்டிருக்கும் போது, ஸ்டார்ட்அப்களை தொடங்குவது எளிதானதாகத் தெரிகிறது.  சிரத்தை எடுப்போர் எண்ணிக்கை அதிகரிக்கிறது என்றால், அதற்கு காரணம் இரண்டு அம்சங்கள் உள்ளன.  ஒன்று நீங்களாக சிரத்தை எடுப்பது.  அல்லது மற்றவர்கள் உருவாக்கிய வாய்ப்புகளை நீங்கள் பயன்படுத்திக் கொள்வதாகும்.

மூன்றாவது அம்சம், சீர்திருத்தங்களுக்கான மனோபாவமாகும். இதற்கு முன்பு, வலுவான அரசாங்கம் என்றால், அனைத்தையும் மற்றும் அனைவரையும் கட்டுப்படுத்துவது என்பதே பொருளாக இருந்தது.  ஆனால், நாம் இதனை மாற்றியுள்ளோம். வலுவான அரசாங்கம் என்றால், அனைத்தையும் அல்லது அனைவரையும் கட்டுப்படுத்துவதல்ல, குறுக்கிடத் தூண்டும் அமைப்பு முறையை கட்டுப்படுத்துகிறது. வலுவான அரசாங்கம் என்பது கட்டுப்படுத்துவதல்ல, மாறாக பொறுப்பாக செயல்படுவதாகும்.  வலுவான அரசாங்கம் என்பது அனைத்து அம்சங்களிலும் தலையிடுவதாகாது.  அது தன்னை தானே கட்டுப்படுத்திக் கொண்டு மக்களின் திறமைகளுக்கு வாய்ப்பை அளிக்கிறது. வலுவான அரசாங்கத்தின் வலிமை, தான் அறியாததை ஏற்றுக்கொள்ளும் எளிமை அல்லது அனைத்தையும் மேற்கொள்வதில்தான் உள்ளது.  எனவேதான், மக்கள் மற்றும் அவர்களது சுதந்திரத்திற்கு அதிக இடம் அளிக்கும் சீர்திருத்தங்கள் அனைத்து துறைகளிலும் மேற்கொள்ளப்படுவதை நீங்கள் காணமுடிகிறது.  

புதிய தேசிய கல்விக் கொள்கை, வளர்ந்து வரும் சூழ்நிலைகளுக்கு ஏற்ப முடிவுகள் எடுக்க இளைஞர்களுக்கு அதிக சுதந்திரத்தை உறுதி செய்கிறது. ஏறக்குறைய 25,000-க்கும் மேற்பட்ட பழங்கால நடைமுறைகளை  ஒழித்தது வாழ்க்கையை எளிதாக்குவதை ஊக்குவிக்கிறது.

பங்குகள் வழியிலான மூலதன வரி நீக்கம், / முன் தேதியிட்ட வரி  நீக்கம் கார்ப்பரேட் வரி குறைப்பு ஆகியவை முதலீடுகள் மற்றும் தொழில்களுக்கு ஊக்கமளிக்கின்றன.

ட்ரோன்கள், விண்வெளி மற்றும் புவியியல் துறைகளில் ஏற்படுத்தியுள்ள சீர்திருத்தங்கள் இந்த துறைகளில் புதிய வாய்ப்புகளை உருவாக்குகின்றன.

பிரதமரின் விரைவு சக்தி என்ற பெரும் திட்டத்தின் மூலம் உள்கட்டமைப்புத் துறையில் ஏற்படுத்தியுள்ள சீர்திருத்தங்கள் உலகத் தரம் வாய்ந்த உள்கட்டமைப்புகளை அதி வேகத்திலும் அதிக அளவிலும் உருவாக்குகின்றன.

தொழில்நுட்பத்தின் மீது ரசனை, துணிவுமிக்க மீது நம்பிக்கை மற்றும் சீர்திருத்தத்திற்கான மனோபாவம் இப்போது உள்ளது. இந்த காரணிகள் அனைத்தும் உங்களுக்காக ஒரு தளத்தை உருவாக்குகின்றன, அங்கு வாய்ப்புகள் உருவாக்கப்படுகின்றன, அந்த வாய்ப்புகள் நிலையானவையாக இருக்கின்றன, அந்த வாய்ப்புகள் இன்று பெருகி வருகின்றன.

நண்பர்களே,

அடுத்த 25 ஆண்டுகள் உங்களுக்கும் இந்தியாவுக்கும் மிகவும் முக்கியமானவை. இது சுதந்திரத்தின் நூற்றாண்டை நோக்கிய அமிர்த காலமாகும்.

உங்களைப் போன்ற பல இளைஞர்கள் தங்கள் எதிர்காலத்தையும் இந்தியாவின் எதிர்காலத்தையும் உருவாக்குவது நமக்கு கிடைத்த  அதிர்ஷ்டம். எனவே, உங்கள் வளர்ச்சியே இந்தியாவின் வளர்ச்சி. உங்கள் கற்றல் இந்தியாவின் கற்றல். உங்கள் வெற்றி இந்தியாவின் வெற்றி. எனவே, உங்களுக்காகவும், உங்கள் குடும்பத்திற்காகவும் நீங்கள்  திட்டங்களைத் தீட்டும்போது... இந்தியாவிற்கும் நீங்கள் தானாகவே திட்டங்களைத் தீட்டுகிறீர்கள் என்பதை நினைவில் கொள்ளுங்கள். இது உங்கள் தலைமுறைக்கு மட்டுமே கிடைத்த ஒரு வரலாற்று வாய்ப்பு. இந்த வாய்ப்பை பயன்படுத்தி சிறப்பாக செயல் படுங்கள்!

உங்கள் அனைவருக்கும் மீண்டும் ஒருமுறை எனது வாழ்த்துகளும் பாராட்டுகளும்.

கருத்துகள்

இந்த வலைப்பதிவில் உள்ள பிரபலமான இடுகைகள்

அரசு உத்தரவுகள் மற்றும் பொதுமக்களின் நன்மைக்கு எதிராகப் போராட்டம் நடத்தும் கிராம நிர்வாக அலுவலர்கள்

நிலப் பட்டா பாஸ் புத்தகச் சட்டம் 1983 பட்டா என்பது அரசுக்கு வரிசெலுத்தும் ஆவணம் அது உரிமை ஆவணம் அல்ல. என்பது பல நபர்களுக்குப் புரிவதே இல்லை தொடர்பான தகவல்களும் தற்போது ஊழல் கிராம நிர்வாக அலுவலர்களின் தேவையற்ற போராட்டம் செய்வதால் இப்போது இவர்கள் ஊழல்வாதிகளாக அம்பலப்பட்டுள்ள நிலை அரசு உரிய நடவடிக்கை எடுத்து இவர்கள் நடத்தும் போராட்டம் தடுக்கவேண்டும் என்பது தான் அனைவரின் விருப்பம். பட்டா வேண்டிய பொதுமக்கள் மாதக்கணக்கில் தாசில்தார் அலுவலகங்களுக்கு அலைந்து திரிகின்றனர். உட்பிரிவு செய்து தர வேண்டிய இனங்களில் 30 நாட்களிலும், உட்பிரிவு செய்ய தேவைப்படாத இனங்களில் 15 நாட்களிலும் பட்டா மாற்றம் செய்யப்பட வேண்டும் என தமிழக அரசு 8.7.2011 ம் தேதியிட்ட அரசாணை எண். 210, வருவாய் (நி. அ. 1(1))துறை - ல் கூறியுள்ளது. அதேபோல் UDR நத்தம் நிலவரித் திட்டம் பட்டாவில் ஏற்படும் தவறுகளை சரி செய்வதற்காக தமிழக அரசு 17.8.2004 ம் தேதியில் அரசாணை எண். 385, வருவாய் (பொது - 3) துறை என்ற அரசாணையை பிறப்பித்துள்ளது. பட்டா மாற்றம் : பட்டா மாறுதல்கள் வருவாய் நிலை ஆணை எண் 31 ன்படி மூன்று வகையாக செய்யப்படுகிறது. 1. நிலச் சொந்தக்

நில அளவை மற்றும் உட்பிரிவுக் கட்டணம் தமிழகத்தில் பலமடங்கு உயர்த்தி அரசாணை

​ ​ ​தமிழகத்தில் நில அளவை மற்றும் உட்பிரிவு பட்டா மாற்றக் கட்டணங்கள் பல மடங்கு உயர்வு. நிலம் புல எல்லை நிர்ணயிக்கும் தொகை ரூபாய் 50 லிருந்து ரூபாய் இரண்டாயிரம் ஆனது உட்பிரிவு செய்வதற்கு பத்து மடங்கு அதிகமாகிறது. நில அளவீட்டுக் கட்டணத்தை அரசு 40 மடங்கு வரை உயர்த்தியுள்ளது. நஞ்சை நிலத்தின் புல எல்லைகள் ஆத்துமால் நிர்ணயம் செய்வதற்கான கட்டணம் ரூபாய்.50 லிருந்து ரூபாய் இரண்டாயிரமாக அதிகரிக்கப்பட்டுள்ளது. நிலத்தை உட்பிரிவு செய்வதற்கான கட்டணம் பத்து மடங்கு உயர்த்தப்பட்டுள்ளது. ஊரடங்கு நேரத்தில் சத்தமில்லாமல் பல மடங்கு கட்டண உயர்வை அரசு அறிவித்துள்ளதால் பொதுமக்கள் கடும் அதிர்ச்சியாகியுள்ளனர். நிலஅளவைத்துறை சார்பில் நிலத்தை அளந்து உட்பிரிவு செய்வது, நில உரிமையாளர்களின் விண்ணப்பத்தின் பேரில் புல எல்லைகளை அத்துமால் செய்து நிர்ணயிப்பது, மேல்முறையீட்டின் பேரில் மறு அளவீடு செய்தல், புலப்பட நகல், மாவட்ட, வட்ட கிராம வரைபட நகல் வழங்குதல் உள்ளிட்ட பணிகள் மேற்கொள்ளப்படுகிறது. இதற்காக, மனுக் கொடுத்த 90 நாட்களுக்குள் நிலத்தை அளந்து உட்பிரிவு செய்ய வேண்டியது நில அளவைத் துறையின் கடமை. நில அளவில் சந்தேகம் இரு

தமிழ் நாடு நில உச்சவரம்பு திருத்தச் சட்டம் அமலாக்கம்

தமிழ்நாடு நில சீர்திருத்தங்கள் (நில உச்சவரம்பு நிர்ணயம்) சட்டம் கொண்டு வரப்பட்டது. தமிழ்நாடு நில சீர்திருத்த சட்டம் 1961–ன் படி ஒரு நபர் அல்லது குடும்பம் குறிப்பிட்ட ஏக்கருக்கு மேல் நிலங்கள் வைத்துக்கொள்ளக் கூடாது. அதே போல் கல்வி நிறுவனங்கள் மற்றும் மருத்துவமணைகள் நடத்தும் அறக்கட்டளையும் எவ்வித நிலங்களையும் கிரயம் செய்து வைத்துக்கொள்ளக் கூடாது. எனினும் அறக்கட்டளைகள் அரசிடம் முறையான அனுமதி பெற்று நிலங்களைக் கிரயம் செய்யலாம். அவ்வாறு தகுதிக்கு மேற்பட்ட நிலங்களை வைத்திருக்கும் நபர் அல்லது குடும்பத்தினரிடம் இருந்து நிலத்தை மீட்டெடுத்து உபரி நிலங்களாக அறிவிக்கும் பணி 01 பிப்ரவரி 2015 வரை நடந்தது நில உச்சவரம்புச் சட்டத் திருத்தப்படி இப்போது 120 ஏக்கர் புஞ்சை நிலம் மற்றும் 60 ஏக்கர் நஞ்சை நிலம் சொந்தமாக அனுமதியின்றி நில உச்சவரம்பு விஸ்தரிப்பு வரம்பை விரிவுபடுத்தலாம். நிலம் கிடைப்பதில் இன்னொரு தடையும் தளர்த்தப்பட்டது.நில உச்சவரம்புச் சட்டத் திருத்தம் நிலம் கிடைப்பதில் இன்னொரு தடையும் தளர்த்தப்பட்டது.

இந்தியா 2047-க்கான லட்சியம் பற்றி நிபுணர்கள் ஆலோசனை

விடுதலையின் அம்ருத் மகோத்சவம் குறித்த இணைய கருத்தரங்கு: இந்தியா 2047-க்கான லட்சியம் பற்றி நிபுணர்கள் ஆலோசனை நாடு தனது 75-வது சுதந்திர தினத்தை கொண்டாடுவதற்கு தயாராகி வரும் வேளையில் எதிர்வரும் பாதை குறித்த செயல் திட்டம் நமக்கு இருப்பது அவசியம். கிருஷ்ணகிரியை சேர்ந்த தொண்டு நிறுவனமான ஸ்வார்ட் உடன் இணைந்து கள விளம்பர அலுவலகம் நடத்திய இணைய கருத்தரங்கில் கலந்து கொண்டவர்கள் அடுத்த 25 வருடங்களில் இந்தியாவுக்கான தங்களது லட்சியம் மற்றும் கனவுகள் குறித்து பகிர்ந்த நிலையில், எதிர்காலத்திற்கான பாதையை வகுப்பதற்கான தளமாக இந்நிகழ்ச்சி அமைந்தது. "லட்சியம் 2047: அடுத்த 25 வருடங்களில் இந்தியா" எனும் தலைப்பிலான இந்த இணைய கருத்தரங்கில், பல்வேறு துறைகளை சேர்ந்த நிபுணர்கள் எதிர்கால இந்தியா குறித்து விவாதித்தனர். நிகழ்ச்சிக்கு தலைமை ஏற்ற, சென்னை கள விளம்பர அலுவலகத்தின் இயக்குநர் திரு ஜே காமராஜ், அரசின் நிலையான பொருளாதார வளர்ச்சியின் காரணமாக பல லட்சக்கணக்கானோர் ஏழ்மையிலிருந்து விடுவிக்கப்பட்டுள்ளதாக கூறினார். மத்திய மற்றும் மாநில அரசுகள் பல்வேறு திட்டங்களை செயல்படுத்தினாலும் மக்களின் பங்களிப்பினால் ம

பதிவு செய்யும் பத்திரங்களில் ஆவண எழுத்தர் பெயர். உரிமம் எண், புகைப்படம் கட்டாயம் பதிவுத்துறை தலைவர் சுற்றறிக்கை

ஆவணங்கள் பதிவு செய்யும் போது எழுதிய பத்திரங்களின் கடைசி பக்கத்தில் ஆவண எழுத்தர் பெயர். உரிமம் எண், புகைப்படம் இல்லாவிட்டால் பதிவு செய்த பத்திரப் பதிவு செல்லாது      அதோடு தற்போது அவரது புகைப்படம் இணைப்பு வேண்டும். கடைபிடிக்காத ஆவண எழுத்தர்கள் மீது கிரிமினல் நடவடிக்கை   பத்திர பதிவுத்துறைமின் சுற்றறிக்கை முழு விபரம்‌ பத்திரப் பதிவு செய்யும் ஆவணங்களில் பதிவு ஆவண எழுத்தர் பெயர், உரிமம் எண், புகைப்படம் இல்லாவிட்டால், அந்த பத்திரப்பதிவு செல்லாது. தமிழகத்தில் போலியான பத்திரங்கள் பதிவாவதைத் தடுக்க மாநில பதிவுத்துறைத் தலைவர் சிவன் அருள் அனுப்பியுள்ள சுற்றறிக்கை அதில், ஆவணத்தை தயார் செய்த ஆவண எழுத்தர் அல்லது வழக்குறைஞர் பார் கவுன்சில் பதிவு எண் பெயர் மற்றும் உரிமம் எண் உடன் புகைப்படம் இணைத்து பதிவு செய்ய வேண்டும். ஆவண எழுத்தரின் புகைப்படமும் அதன் கீழ் அவரது கையொப்பமும் வேண்டும். இந்த நடைமுறை ஆகஸ்ட் 9 ஆம் தேதி முதல் அமலுக்கு வருகிறதென அனைத்து பதிவுத்துறை அலுவலர்களுக்கும் உத்தரவிட்டுள்ள இந்த நடைமுறையை செயல்பாட்டுக்கு கொண்டு வரும் வகையில் அனைத்து சார்பதிவாளர் அலுவலகங்களுக்கும் மாதிரிப் படிவம் ஒன