44-வது செஸ் ஒலிம்பியாட் போட்டி, சென்னை மாமல்லபுரம் அருகில் பூஞ்சேரி கிராமத்தில் நேற்று ஜூலை 28-ஆம் தேதி துவங்கியது.
செஸ் ஒலிம்பியாட் போட்டிக்காக தமிழ்நாடு முழுவதும் சில நாட்களாக, சுவர் விளம்பரங்கள், விளையாட்டுப் போட்டிகள், மற்றும் கலை நிகழ்ச்சிகள் என பல விழிப்புணர்வு நிகழ்வுகள் நடத்தப்பட்டதன் ஒரு பகுதியாக, செஸ் போட்டியை பிரபலப்படுத்த புதுக்கோட்டை மாவட்ட நிர்வாகத்தினர் சில தினங்களுக்கு முன் எட்டு மணி நேரம் தொடர் மராத்தான் ஓட்டம் மற்றும் நடனக் கலை நிகழ்ச்சிகளும் நடத்தப்பட்டது. இந்த நிகழ்ச்சி ஆசியா புக் ஆப் ரெக்கார்ட்ஸில் இடம்பெற்றதுடன் , மாவட்ட நிர்வாகத்தின் சார்பில் சதுரங்கக் காய்களுக்குப் பதிலாக, நடனக் கலைஞர்களைக் கொண்டு சதுரங்க நடனக் காணொளி உருவாக்கப்பட்டிருந்தது, பொதுமக்கள் மத்தியில் பெரும் வரவேற்பைப் பெற்றது.
சதுரங்க நடனக் காணொளிக் காட்சி
பண்டைய காலத்துப் போர் முறையை நினைவு கூறும் வகையில் காட்சிப்படுத்தப்பட்டன. வழக்கமான கருப்பு, வெள்ளைக் கட்டங்களில் உள்ள காயின்களுக்குப் பதிலாக நடனக் கலைஞர்கள் இடம் பெற்றனர். கருப்பு, வெள்ளை ராணிக்கள் ஆக்ரோஷமாக வால் வீசுதல், சிப்பாய்கள் சிலம்பு சுற்றி மோதிக் கொள்வது, மல்யுத்த வீரர்களின் போர்க் காட்சிகள் என நடனக் கலைஞர்களைக் கொண்டு தத்ரூபமாக பின்னணி இசையுடன் பகைவரைக் காய் நகர்த்தி வீழ்த்தும் காட்சிகள் அமைக்கப்பட்டிருந்தன. இது
பரத நாட்டியத்தின் மீது ஆர்வம் கொண்ட புதுக்கோட்டை மாவட்ட ஆட்சித் தலைவரான கவிதா ராமு, 2020-ஆம் ஆண்டு சீன அதிபர் ஜின் பிங் உடன் பிரதமர் நரேந்திர மோடி சந்திப்பில், பிரமாண்டமான பரத நாட்டியத்தை ஏற்பாடு செய்து அனைவரது பாராட்டுகளையும் பெற்றார். தற்போது அவரின் எண்ணத்தில், தோன்றிய இந்த சதுரங்க நடனக் காணொளி பலரின் சமூக வலைதளங்களில் வைரலான நிலையில் அனைவரின் பாராட்டுக்களையும் பெற்றது.
https://twitter.com/CMOTamilnadu/status/1552284683081490432?t=JcBTYUpRRKrkKraAHU18yw&s=08
மாவட்ட ஆட்சித்தலைவர் கவிதா ராமு செய்தியாளர் மத்தியில் பேசும் போது,
"மாவட்டம் சார்பில் தனித்துவமாக ஏதாவது செய்யணுங்கிற யோசனை ஆரம்பத்துலிருந்தே இருந்துச்சு. செஸ் காயின்ஸ்ல ராஜா, ராணி, சிப்பாய் எல்லாம் ஒரு கேரக்டர் தான். வழக்கமா காயின்களை வச்சி வீடியோ பண்றதுக்கு பதிலா, இந்த முறை கலைஞர்களை ஈடுபடுத்தி போர் வடிவில் வீடியோ வெளியிட்டால், அனைவரின் கவனத்தையும் ஈர்க்கலாம்னு தோணுச்சு.
பரதநாட்டியம், சிலம்பாட்டம், தெருக்கூத்து, மல்யுத்தம், பொய்கால்குதிரைன்னு மொத்தம் 38 கலைஞர்களை இதில் பயன்படுத்தியிருக்கிறோம். தென்றல் பிரசாத் தான் என்னுடைய நாட்டிய அரங்கேற்றத்துக்கு எல்லாம், மியூசிக் பண்ணிக் கொடுப்பாரு. அவர் தான் இந்த வீடியோவிற்கும் மியூசிக் பண்ணிக் கொடுத்தாரு. நானே எதிர்பார்க்கலை, ரொம்ப இசையோட, காட்சியும் ரொம்ப நல்லா வந்திருக்கு. பலரும் கூப்பிட்டுப் பாராட்டுறாங்க. தமிழ்நாடு முதல்வர் வீடியோவைப் பாராட்டி பதிவிட்டிருக்காங்க. இந்த வகையில் கலைஞர்களும், கலைகளும் மக்கள் மத்தியில் சென்று சேர்வது மனசுக்கு ரொம்ப மகிழ்ச்சியா இருக்கு" என்றார். ஆட்சித் தலைவர் கலை நயம் மிக்கவர் நாமும் பாராட்டுவோம்.
கருத்துகள்