குடிமக்கள் தங்களின் சமூக ஊடக காட்சிப்படத்தை மூவண்ணக்கொடியாக மாற்றுமாறு பிரதமர் வலியுறுத்தல்

குடிமக்கள் தங்களின் சமூக ஊடக காட்சிப்படத்தை மூவண்ணக்கொடியாக மாற்றுமாறு பிரதமர் வலியுறுத்தியுள்ளார்

வீடுகள் தோறும் மூவண்ணக்கொடி என்ற  கூட்டான இயக்கத்தின் ஒரு பகுதியாக  குடிமக்கள் தங்களின் சமூக ஊடக காட்சிப்படத்தை மூவண்ணக்கொடியாக மாற்றுமாறு பிரதமர் திரு நரேந்திர மோடி வலியுறுத்தியுள்ளார்.

 ட்விட்டரில் பிரதமர் கூறியிருப்பதாவது;

“ஆகஸ்ட் 2-ம் நாளான இன்று சிறப்புமிக்கது! சுதந்திரத்தின் 75-வது ஆண்டுப்பெருவிழாவை நாம் கொண்டாடும் தருணத்தில் நமது மூவண்ணக்கொடியைக் கூட்டு இயக்கமாக கொண்டாடுவதற்கு வீடுகள் தோறும் மூவண்ணக்கொடி என்பதற்கு நமது நாடு தயாராகியுள்ளது. எனது சமூக ஊடக பக்கங்களின் காட்சிப்படத்தை நான் மாற்றியிருக்கிறேன். இதையே நீங்கள் அனைவரும் செய்யுமாறு வலியுறுத்துகிறேன்.” எனத் தெரிவித்துள்ளார். இச் சூழலில் 

  வீடுகளில் தேசியக் கொடி திட்டம்

சுமார் 20 கோடி வீடுகளில் கொடி ஏற்ற மத்திய அரசு இலக்கு நிர்ணயம்.

இந்தியாவில்  தற்போது 4 கோடி கொடிகள் மட்டுமே உள்ளன என்று அகில இந்திய வர்த்தகர்களின் கூட்டமைப்பு (CAIT) தெரிவித்துள்ளது. மீதமுள்ள கொடிகளின் ஆர்டரை மாநில அரசோ, இந்திய அரசோ அவர்களின் மட்டத்தில் தயாரித்து விற்பனை செய்யுமிடத்திற்கு அனுப்ப வேண்டும். மாநில அரசு விரும்பினால், மாநிலத்தின் தேவைக்கேற்ப மத்திய அரசிடம் மொத்தக் கொடிகளை கோரலாம் அல்லது தானே கொடிகளுக்கு ஏற்பாடு செய்யலாம்.

மத்திய அரசின் கூற்றுப்படி, கொடிகள் மூன்று அளவுகளில் கிடைக்கும். மூன்றின் விலையும் மாறுபடும். ரூபாய்.9, ரூபாய்.18, ரூபாய்.25 க்கு கிடைக்கும்..

கொடி தயாரிக்கும் நிறுவனங்கள் ஆரம்பத்தில் இந்தக் கொடிகளை மத்திய மாநில அரசுகளுக்கு கடனாக வழங்கும்.

குடிமக்கள் தங்கள் சொந்தப் பணத்தில் கொடியை வாங்க வேண்டும்.

மக்கள் விரும்பினால், மொத்தமாகக் கொடிகளை வாங்கி மற்றவர்களுக்குப் பரிசளிக்கலாம். கார்ப்பரேட் சமூகப் பொறுப்பின் கீழ் இதைச் செய்யலாம்.

உள்ளாட்சிகள், கடைக்காரர்கள், பள்ளிகள், கல்லூரிகள் இதில் இணைய அறிவுறுத்தல்கள் வழங்கப்பட்டுள்ளன. ஆகஸ்ட் மாதம் 1 ஆம் தேதி முதல் அஞ்சல் நிலையங்களிலும் கொடிகள் கிடைக்கும்.

இந்திய அரசின் இலக்கு 20 கோடி வீடுகளில் கொடி ஏற்றுவது. கொடியின் குறைந்தபட்ச விலை 10 ரூபாயாக இருந்தாலும், மொத்தமாக 200 கோடி ரூபாய் இந்த திட்டத்தில் செலவிடப்படும்.

கொடிகளை வாங்கும் மக்களிடமிருந்து இந்த 200 கோடி ரூபாய் வரும்.

இந்தியாவில் இவ்வளவு அதிகமான கொடிகளை ஒரே நிறுவனத்தால் தயாரிக்கமுடியாது.

இதற்காக சிறு, குறு தொழில்களுடன் தொடர்புடைய பல சுயஉதவிக் குழுக்கள், வணிகர்கள், வணிக நிறுவனங்களுக்கு டெண்டர்கள் அளிக்கப்பட்டுள்ளன.

இந்த முழு இயக்கத்தையும் முழுமையாக உதாரணத்துடன் புரிந்துகொள்வது அவசியம் 

ராஜஸ்தான் அரசு ஒரு கோடி வீடுகளில் கொடிகளைப் பறக்க விட இலக்கு நிர்ணயித்துள்ளதில் 70 லட்சம் கொடிகளை மத்திய அரசு வழங்க வேண்டுமென்றும், மாநில அரசு 30 லட்சத்தை ஏற்பாடு செய்யுமென்றும் தெரிவிக்கப்பட்டுள்ளது.

ராஜஸ்தான் மாநிலம், தனது ஏழு மண்டலங்களுக்கான 70 லட்சம் கொடிகளை மத்திய அரசிடம் கேட்டுள்ளது.

ஆனால், மத்திய, மாநில அரசுகளுக்கிடையே சில பிரச்சனைகள் உருவாகின்றன.

அது 10 ரூபாயில் கொடி, கம்பு, எடுத்துச் செல்வதற்கு ஆகும் செலவு எல்லாம் அடங்கும். இந்தப் பணம் மிகவும் குறைவென்று சில நிறுவனங்கள் கருதுகின்றன. இதன் காரணமாக இந்திய அரசு மாநிலங்களுக்கு கொடியை மட்டுமே வழங்கி வருகிறது. அதுவும் சில இடங்களுக்கு மட்டுமே அளிக்கிறது, எல்லா மாவட்டங்களுக்கும் அல்ல.

இரண்டாவது பிரச்சனை பணம் செலுத்துவது. சில மாநில அரசுகள் கொடி விற்பனை செய்த பிறகு கொடி தயாரிப்பாளர்களுக்கு பணம் கொடுப்பது பற்றிப் பேசின. இந்தச் சூழ்நிலையில், எல்லாக் கொடிகளும் விற்றுப் போகாவிட்டால், பணம் என்னவாகும் என்பது நிறுவனங்களின் அச்சமாக உள்ளது.

கொடி சட்டத்தில் மாற்றம்  டி.எம்.சி  தலைவரும் ஆர்.டி.ஐ ஆர்வலருமான சாகேத் கோகலே இந்த முழு திட்டத்தையும் ஓர் ஊழலாகக் குறிப்பிட்டுள்ளார்.

ஒன்றன் பின் ஒன்றாக நான்கு ட்வீட்கள் பதிவுசெய்தவர், இந்த இயக்கம், நரேந்திர மோதி அரசின் கார்ப்பரேட் நிறுவனங்களுடனான தொடர்பின் விளைவு என்று குறிப்பிட்டார். மேலும் இந்த இயக்கத்திற்காக இந்திய கொடி சட்டத்திலும் அரசு மாற்றங்களைச் செய்துள்ளதென்று கூறினார்.

இந்தியக் கொடிச் சட்டம் 2002 ஆம் ஆண்டின் படி, தேசியக் கொடியை கையால் நெய்த அல்லது கையால் நெய்யப்பட்ட துணிப் பொருட்களிலிருந்து மட்டுமே உருவாக்க முடியும். ஆகவே குறைந்த நேரத்தில் அதிக எண்ணிக்கையிலான கொடிகளை உருவாக்குவது எளிதல்ல. 2021 ஆம் ஆண்டு டிசம்பரில் இந்தக் கொடி சட்டத்தில் மாற்றங்கள் செய்யப்பட்டன. இந்த மாற்றத்திற்குப் பிறகு இப்போது தேசியக் கொடியை, கையால் ராட்டை கொண்டு தயாரிக்கப்பட்ட, கையால் நெசவு செய்யப்பட்ட அல்லது இயந்திரத்தால் செய்யப்பட்ட பட்டு, பருத்தி, பாலியஸ்டர் துணிகள் மூலம் தயாரிக்கலாம்.

இந்தியாவில் பாலியஸ்டர் துணிகளை உற்பத்தி செய்யும் மிகப்பெரிய நிறுவனம் ரிலையன்ஸ் இன்டஸ்ட்ரீஸ் லிமிடெட்  என்று சாகேத் கோகலே கூறுகிறார்.

இந்தியாவின் பல்வேறு பகுதிகளிலுள்ள வெவ்வேறு ஜவுளி ஆலை உரிமையாளர்களுக்கு கொடிகள் தயாரிக்கும் பணி ஒதுக்கப்பட்டுள்ளது, இதில் ரிலையன்ஸ் நேரடியாக ஈடுபடவில்லை என்று பத்திரிகை வழி தகவல் தெரிவிக்கிறது..

கொடியை பெரிய அளவில் தயாரிக்க சம்மதித்துள்ள நிறுவனங்கள், பணிகளை குறித்த நேரத்தில் முடிக்க மற்ற வியாபாரிகளிடம் துணை ஒப்பந்தங்களை செய்துகொண்டுள்ளன என்று அதிகாரிகள் தெரிவித்தனர்.

காங்கிரஸ் கட்சியின் தலைவர் ஜெய்ராம் ரமேஷ் தனது ட்விட்டர் பதிவில், "இந்தியாவின் சுதந்திரத்தின் ஆடை என்று நேரு வர்ணித்த காதி மூலம் தேசியக் கொடியை உருவாக்கியவர்களின் வாழ்வாதாரத்தை அவர்கள் அழிக்கிறார்கள்" என்று விவரிக்கிறார்.

ஹூப்ளியிலுள்ள காதிக் கொடி தயாரிக்கும் பிரிவு 2021 ஆம் ஆண்டு ஜூலை மாதம் 90 லட்சம் கொடிகளுக்கான ஆர்டர்களைப் பெற்றது என்றும் கொடி சட்டத்தில் மாற்றம் செய்யப்பட்ட பின்னர் 2022 ஆம் ஆண்டு 14 லட்சம் கொடிகளுக்கான ஆர்டர்கள் மட்டுமே கிடைத்துள்ளன என்றும் ஒரு ஆங்கில நாளிதழ்  வெளியிடப்பட்ட செய்தி தெரிவிக்கிறது.

காதியை ஊக்குவிக்க குறைந்தபட்சம் ஒரு காதி கைக்குட்டையையாவது வைத்திருக்க வேண்டுமென்று பிரதமர் நரேந்திர மோதி அறிவுறுத்திவரும் நிலையில் காதி கொடிகளின் இந்த நிலைமை இந்தியாவில் காணப்படுகிறது.