கோடியில் லாபம் கருதி நடக்கும் கோமாளி விழா மொய் விருந்து எனும் பொய் விருந்துகள்

"கோடிகள் குவிந்தாலும் கோமகனை மறவேன் ! நாடி என் வினை தீர நான் வருவேன்" ...

எனும் தமிழ் கடவுள் வழி அன்னதானம் செய்த மரபுவழி வந்த பலருக்கு  இந்த மொய் விருந்து காதில் கேட்டதே அசிங்கம் என ஒதுங்கும் நிலையில், இலாபம் கருதி நடக்கும் கோமாளி விழா  மொய் விருந்து எனும் பொய் விருந்துகள்                    புதுக்கோட்டை மாவட்டம் அறந்தாங்கி, ஆலங்குடி மற்றும் தஞ்சாவூர் மாவட்டம் பட்டுக்கோட்டை பேராவூரணி பகுதிகளில்  மொய் விருந்து விழாக்கள் துவங்கி நிறைவடையும் நிலையில் தான் கடந்த இரு நாட்களுக்கு முன்

புதுக்கோட்டை மாவட்டம் நெடுவாசல் கிழக்கு கிராமத்தில் 31 பேர் இணைந்து ஊர் பொது இடத்தில் எந்த வித குடும்ப விழாவும் இல்லாமல் மொய் விருந்து எனும் கலாச்சார சீரழிவு விழா நடத்தினர். இதில் ஆயிரத்துக்கும் அதிகமானவர்கள் பங்கேற்றதில் 31 பேருக்கும் சேர்த்து ஒரே நாளில் சுமார் ரூபாப்.15 கோடி மொய் வசூலாகி உள்ளது. இதில் ஒருவருக்கு மட்டும் ரூபாய்.2.50 கோடி வசூலானதாகத் தகவல் அந்த விழாதாரர்களில் 20 க்கும் மேற்பட்டோருக்கு தனிப்பட்ட முறையில் தலா 50 லட்சம் ரூபாய் வரை மொய் என்ற தொகை வசூலாகியுள்ளது. சிலர் போன் மூலம் , கூகுள் மூலமும் பணம் மொய்  செய்தனர். கட்டுக்கட்டாக பணம் மொய்யாக வந்ததால் அதனை சரியாக எண்ணும் வகையில் பணம் எந்திரங்கள் பயன்படுத்தப்பட்டன.

வங்கி ஊழியர்கள் நேரில் வந்து மொய் எழுதிய நிகழ்வு தான் உச்சம். மொத்தம் ரூபாய் .15 கோடி மொய் வசூலானதால் மொய் எனும் (பொய்) விருந்து விழாவை நடத்தியவர்கள் உற்சாகம் அடைந்துள்ளனர்.  நெடுவாசல் கிழக்கு கிராமத்தின் 31 குடும்பம் இணைந்து ஒரே இடத்தில் மொய் விருந்து விழா நடத்துவதற்காக முன்கூட்டியே அழைப்பிதழ் அனுப்பி  நடத்தும் விருந்தில் ஆயிரக்கணக்கானோர் திரண்டு வந்து அசைவ விருந்தில் பங்ககளித்து விழா நடத்தும் நபர் தங்கள் இல்லத்தின் விழாவில் எழுதிய பணத்தை விட சிறிது சேர்த்து பதிலுக்கு எழுதுவது அவர்கள் வாடிக்கை அதுவே பலருக்கு வேடிக்கை 

நாடே டிஜிட்டல் மயமாக மாறிவரும் சூழ்நிலையில் இந்த விருந்தில் கலந்துகொண்டவர்கள்ஆன்லைன் மூலமாக மொய் எழுதினர்.இதற்காக வங்கி ஊழியர்களை வங்கி ஏற்பாட்டில் அங்கு பணியிலமர்த்தப்பட்டிருந்தனர். மேலும் பணம் எண்ணுவதற்கான எந்திரங்களும் அங்கு கொண்டு வரப்பட்டிருந்தன.  ஒரு நபர் தனக்கு   அசிங்கம் அவமானம் என அறியாமல் வியாபார ரீதியாக உறவினர்களை அழைத்து மொய் விருந்து வைப்பதென்பது. வாழும் போது தற்கொலை செய்து கொள்ளும் நிலை தான், உலகில் நாம் அறிந்த வரையில் இரண்டு ஜாதி தான் உள்ளது ‌ஒன்று பட்டினி கிடந்தபோதும் மானத்துடன் வாழும், மற்றொன்று மானம் இழந்தாலும் வயிறு நிறைந்தால் போதுமெனும் ஜாதி .. இந்த மொய் விழா எனும் பொய் விழா விருந்து, அதை மானம், வெட்கம்,ரோஷம், தன்மானமுள்ள யாரும் செய்வதில்லை காரணமே இல்லாமல் ஒரு விழா நடத்த அவர்களுக்கு என்ன காரணம்?

இது பட்டுக்கோட்டை மற்றும் புதுக்கோட்டை பகுதியிலுள்ள பலர் இவ்விழாவை தொழில் முதலீட்டுக் கடன் விழாவாக பார்க்க முடியும், முதலீடு தான் இந்த விழா நடந்தப்படுகிறது இதுவும் கந்துவட்டி போலவே.

குறைந்தது பத்தாயிரம் ரெடி பண்ணினா பதில் நடத்தும் நபர் செல்வாக்கு மதிப்பு வைத்து பத்து லட்சம் வரை அனாயசமாக கௌரவப் பிச்சை போல அவர்கள் கைக்கு வரும்.

இது equity share என்ற மினி பங்கு தொகை வெளியீடு போல் அவர்களுக்கு அமைகிறது ,இதை அப்பகுதியில் வசிக்கும் நடுத்தரமான குடிமக்கள் தேவை என்று கூறுகின்றனர்.  நல்ல  ஆட்டுக்கிடாய்க்கறி

ஆடு இல்லை கோழி என்றால் அது சுமார் விழா. அசைவ உணவு சமையற்காரர்கள் வீட்டின்  முன்பாக ஒரு சாமியானா, அதில் டைனிங் ஹால் போல மேஜையில் பந்தி வைத்தால் முந்திச் செல்லும் கூட்டம். மஞ்சப் பை (உங்கள் அந்தஸ்து ஏற்ற) மொய் எழுதும் நூல் ஏடு (அந்தஸ்துக்கு ஏற்றது போல்) ஒரு பேனா ஊது குழாய் ஸ்பீக்கர் மற்றும் ஒலி பெருக்கி, மொய் விருந்துக்கு அழைப்புப் பத்திரிகை ரெடியானால் ஊரில் அவர் குறித்த பேச்சு 

மேலவீதி மெட்ராஸ் (பட்டப் பெயர்). கிராமங்களில் இது சகஜம். அவர் சத்யமா செங்கல்பட்டைத் தாண்டாதவர்) மேகநாதன் ரூபாய் 5001. சவுண்டா மூனு தரம் பக்கத்து ஊர் வரை கேக்கனும்.

ஒலி பெருக்கி மூலம் மொய் விஷயம் விளம்பரமாகவில்லை என்றால் அது  ரகளையே. இதில் மொய் விருந்து நடத்துபவர் "நன்கு" கவனிப்பார்

(இப்போது Paytm Google pay கூட மொய் கொடுக்க advance level.)

கண்டிப்பாக நோட்டில் எழுதனும். அடுத்து அவர் சில ஆண்டுகளில் 'மொய் விருந்து" வைக்க நீங்கள் அதற்கு குறைவாக ஒரு ரூபாய் தந்தாலும் சண்டை. கலாட்டா மற்றும் கொலையும் நடக்கும்.

அந்தக் காலத்தில் பத்தாண்டுக்கு ஒரு முறை இந்த மொய் விருந்து நடடத்தியவர். ஒரே நாளில் இருவர் செய்ய முடியாது. பேசி வைத்து ஒரிரு மாதம் தள்ளி வைப்பு நடக்கும். (வருவாய் முக்கியமல்ல)

ஆடு இளசா என முதல் நாள் நோடடமிட்டு மொய் (அதற்கேற்ப) வைப்போரும் உண்டு. சைவம் இங்கு தனிப் பந்தி.

மொய் வைத்தவர் அவர் வீட்டில் மொய் விருந்து வைக்கும் போது வட்டித் தொகை போல் சேர்த்து கொடுக்க ஊர்ல பஞ்சாயத்திருந்தால் கொடுக்க முடியாது போனால் இதுவும் கந்துவட்டிக்காரர்கள் கதை தான்.

"மயிர் நீட்பின் உயிர் வாழா கவரிமான்" கதைதான்.

உங்கள் மொய் விருந்தில் மொய் வைத்தவர் உங்களை மொய் விருந்து அழைத்து காசு இல்லாது போகாமல் இருந்திருந்தால் அய்யயோ பாவம்.

தமிழகத்தில் மதுரை இராமநாதபுரம் சிவகங்கை மாவட்டங்களில் மொய் விருந்துக்கு யாரும் அழைப்பதில்லை 

"மொய் விருந்தா " அபப்டி என்றால் என்னவென்று மற்ற மாவட்ட மக்களுக்கு சுத்தமாக தெரியாது. மொய் வைத்து தான் விருந்து சாப்பிட வேண்டிய அவசியம் அவர்களிடமில்லை ..

வீட்டில் நடக்கும் அணைத்து விழாக்களுக்கும் அனைவரும் வரலாம் , இருந்து சாப்பிட்டுச் செல்லலாம். "இவருக்கு நான் இதை செய்தேன் , அதனால் இவர் எனக்கு அதைச் செய்ய வேண்டும் " என்ற குறுகிய மனப்பான்மை உள்ள மக்களில்லை. இருக்கப் போவதுமில்லை. நாங்கள் எல்லாம் அப்போதிருந்த நிலையில் அப்படி. மொய் வைத்து (அல்லது) மொய் வாங்கித்  தான் வாழ்க்கையில் முன்னேற வேண்டும் என்பது அங்குள்ள பகுதி மக்கள் வாழ்க்கையில் இல்லை .

மொய் விருந்துகள் மூலம் சில சமையல்காரர்கள், சில பந்தல்காரர்கள், சில ஒலி பெருக்கி ஏற்பாட்டாளர்கள், அரிசி மளிகை வியாபாரக்கடை, விற்பனையாளர்கள், தனியார் வங்கி மொய் எழுத்தர்கள், பந்தல் அலங்கார வடிவமைப்பாளர்கள், விறகு விற்பவர்கள், பிளக்ஸ் தயாரிப்பாளர்கள், என பல தரப்பட்டோரும் பயன் அடைந்து வருவாய் ஈட்டி வருகின்றனர்.கலாச்சாரம் என்பது சமூகத்தை நல்வழியில் கொண்டுபோக உதவும் ஒரு வழிகாட்டி முறையே . வாழ்ந்து காட்டி வழிகாட்டும் முறை என்றால் மிகையில்லை. குடும்பம் என்பது ஒரு சிறிய சமூகம். ஆனால் சமூகம் என்பது ஒரு பெரிய குடும்பம். தனி மனிதர்கள் குடும்பத்தில் எப்படி நடந்து கொள்கிறார்களோ அதுவே சமூக விளைவாகப் பரவும். சமூகத்தில் பரவும் விளைவுகள் யாவும் ஒவ்வொரு தனி மனிதனையும் பாதிக்கும். ஒன்றையொன்று பின்னிக்கொண்டிருக்கும் சமூகச் சங்கிலிக்குள்ளேயே நாம் வாழ்ந்து கொண்டிருக்கிறோம். இவ்வாறான வாழ்க்கையில் மொத்த மனித கூட்டத்தையும் சரியான பாதைக்குக் கொண்டு செல்லவேண்டும் என்பதற்காகவே மனிதன் என்பவன் இப்படித்தான் வாழவேண்டும் என்ற வரையறை மற்றும் கட்டுப்பாடுகள் விதிக்கப்பட்டது. அத்தகைய கட்டுப்பாடுகளின் படி வழிவழியாக மக்கள் வாழ்வதையே கலாச்சாரம் என்றழைக்கிறோம்.  இப்படி நம் தாத்தா சொல்ல அப்பாவும் அப்பா சொல்ல நாமும் நாம் சொல்ல நமது பிள்ளைகளும் ஒரே மாதிரியான வாழ்க்கையை வாழும் பொழுது, துன்பங்களை சந்தித்துத் தான் கற்றுக் கொள்ள வேண்டும் என்ற நிலை இல்லாமல் துன்பங்களை தவிர்த்து வாழக் கற்றுக்கொள்கிறோம். இந்த வழி தவறு இந்த வழி சரி என்று முதலிலேயே சொல்லப்பட்டு விடுவதால் வாழ்நாள் முழுவதும் வாழ்வில் சில துன்பம் தெரியாமல் வாழ்வின் அடுத்தடுத்த கட்டங்களுக்கு நகர்ந்து சென்று விடுவோம். இப்படித்தான் கலாச்சாரம் காலம் காலமாக நம்மை வழிநடத்தி வருகிறது. ஆனால் இந்த விதிமீறல் விழா நம் தாத்தா காலத்தில் தந்தை காலத்தில் அறவே இல்லை. அப்போது மக்கள் கூட்டுக் குடும்பமாக இனிதாக வாழ்க்கை முறை.. இப்போது. லாபம் கருதி நடக்கும் கோமாளி விழா  மொய் விருந்து எனும் பொய் விருந்துகள் இல்லை