முதன்மை உள்ளடக்கத்திற்குச் செல்

நீதிமன்ற வளாகத்தில் கடன் வசூலுக்கு குன்டர்களை அனுப்பிய டிவிஎஸ் பைனான்ஸ் சார்பில் வாகனம் திருடியவர் மீது வழக்கு

நீதிமன்ற வளாகத்தில் கடன் வசூலுக்கு குன்டர்களை அனுப்பிய டிவிஎஸ் பைனான்ஸ்  சார்பில் வாகனம் திருடியவர் மீது வழக்கு .   


புதுக்கோட்டையில் கடந்த 45 ஆண்டுகளாக இருந்த அரசு பொது அலுவலக வளாகம் தற்போது     ஒருங்கிணைந்த நீதிமன்ற வளாகமாக மாற்றப்பட்டு நீதிமன்றத்தின் கட்டுப்பாட்டுக்குள் கொண்டு வரப்பட்டுள்ளதன் மூலம், ஒழுங்குபடுத்தப்பட்டு பல சுழலும் கேமராக்கள் மூலம் கண்காணிக்கப்படும் பகுதியாகும்.

சுமார் 22 ஏக்கர் பரப்பளவிலான இந்த வளாகம் புதுக்கோட்டை நகரின் மையப் பகுதியில் அமைந்துள்ளது.       இங்கு புதுக்கோட்டை வழக்கறிஞர்கள் சங்கமும் நீதிமன்றங்களுக்கு மத்தியில் செயல்படுகிறது.  இங்கு வழக்கறிஞர் தொழில் நடத்தும் திருத்துறைப்பூண்டியைச் சேர்ந்தவர். புதுக்கோட்டை தெற்கு இரண்டாம் வீதியிலுள்ள சட்ட அலுவலகத்தைச் சார்ந்த வழக்கறிஞர் சத்யா என்பவர் தனது இருசக்கர வாகனத்தை நிறுத்தி விட்டு வழக்கு தொடர்பாக நீதிமன்றத்திலிருந்த சமயம் பார்த்து, ஒரு மாதம் தவணைத் தொகை தாமதமான நிலையில், முறையான பறிமுதல் உத்தரவு இல்லாமல் குண்டர்களை ஏவி வாகனத்தைத் திருடி எடுத்த டிவிஎஸ் பைனான்ஸ் நிறுவனத்தின் ஏவல் பணியாளரான  அருன் என்பவர் மீது வழக்கறிஞர் சத்யா சார்பில் புதுக்கோட்டை நகர் காவல் நிலையத்தில் புகார் அளிக்கப்பட்ட நிலையில்


வழக்குப்பதிவு செய்யப்பட்டுள்ளது. மேலும் வாகனமும் எடுத்துச் சென்ற நபரிடமிருந்து உடனடியாக மீட்கப்பட்டது. துனிச்சலாக  நீதிமன்ற வளாகத்தில் வந்து இந்தச் செயலை எந்தவிதமான நீதிமன்றத்திலும் அனுமதி மற்றும் உத்தரவுகளை பெறாமல் அதிலிருந்த பணம் மற்றும் பொருட்களுடன் தூக்கிச் சென்ற நபர் குறித்து மாவட்டக் காவல்துறைக் கண்காணிப்பாளர் கவனத்திற்கு கொண்டு சென்ற பின்னர் தான் புதுக்கோட்டை நகர் காவல் நிலையத்தில் வழக்கு பதிவு செய்யப்பட்டுள்ளது.

இதுபோல் பல இடங்களில் இவர்கள் கைவரிசை காட்டிய நிலையில் இது முதல் முன்னுதாரணமாக உள்ள வழக்காகப் பார்க்கப்படுகிறது. அது குறித்து பல மூத்த வழக்கறிஞர்கள் சார்பில் பேசப்படுகிறது. இதுபோன்ற தவறு இனிமேல் எங்கும் நடக்காமல் தடுக்க இது நல்ல பொது நீதியாகும். இதுபோன்ற வட மாநிலத்தில் கடன் வசூலுக்கு குண்டர்களை ஏவிய ஐசிஐசிஐ வங்கிக்கு ரூபாய் .55 லட்சம் அபராதம்.

இந்தியாவின்  பெரிய தனியார் வங்கியான ஐசிஐசிஐ வங்கி, கலெக்ஷன் ஏஜெண்டுகள் என்ற பெயரில் குண்டர்களை வைத்து கடன் வாங்கியவர்களை மிரட்டி பணம் வசூல் செய்ததற்காக டெல்லி நுகர்வோர் ஆணையம் ரூ.55 லட்சம் அபராதம் விதித்துள்ளது. ஐசிஐசிஐ வங்கி உட்பட அனைத்து வங்கிகளும் டூ-வீலர் லோன், கார் கடன், தனிநபர் கடன், நகைக் கடன், வியாபார கடன், கிரடிட் கார்டு என பலவகை கடன் திட்டங்களை வைத்துள்ளன. இவற்றை புரமோட் செய்வதற்காக ஏஜென்டுகளை வைத்துள்ளனர். இந்த ஏஜென்டுகள் நம்மை போனிலும், நேரிலும் தொடர்பு கொண்டு லோன் வாங்குமாறு அனத்துவார்கள். நமக்குத் தேவை இல்லையென்று கூறினாலும் விட மாட்டார்கள். அவர்களின் தொல்லை தாங்க முடியாமல் சரி என்று கூறி விட்டால், அவர்களுக்கு தேவையான ஆவணங்களை வாங்கிக் கொண்டு லோனை தலையில் கட்டி விடுவார்கள்.




அதன் பின்னர் தான் தலைவலியே ஆரம்பிக்கும். சரியாக தவணையை கட்டிவிட்டால் ஒரு பிரச்சனையும் இல்லை. ஆனால் நடுத்தர குடும்பத்தினருக்கு அப்படி முடியாமல் போய் விடுமே. இதனால் பணம் கட்டமுடியாமல் போய்விட்டால் லோன் வாங்குவதற்கு முன்னர் நம்மை தூங்க விடாத வங்கியினர், பணத்தை வசூல் செய்வதிலும் அதைவிட கொடுமையான செயல்களில் ஈடுபடுவார்கள். கடன்களை வாங்கியவர்கள் திருப்பிச் செலுத்தாத பட்சத்தில், அவற்றை வசூலிக்க ஏஜென்டுகளை வைத்துள்ளனர். ஆனால் இந்த ஏஜென்டுள் பெரும்பாலும் குண்டர் படையினர் தான். கடன் வாங்கியவர்களை தொலைபேசியிலும், நேரிலும் போய் மிரட்டுவது, வீட்டுக்கு வெளியில் நின்று அசிங்கமாக திட்டுவது, அதையும் தாண்டி அடித்து உதைப்பது என அராஜக செயல்களில் ஈடுபட்டு வருகின்றனர்






பெரும்பாலான ஏஜென்டுகள். வசூலிக்கும் கடன் தொகையில் இவர்களுக்கு ஒரு குறிப்பிட்ட சதவீதத்தை வங்கி கமிஷனாகத் தந்துவிடும். இதனால் கடன் வாங்கிய நபரை பாடாய் படுத்தி பணத்தை வசூலிப்பதில் இந்த ஏஜென்ட் எனப்படும் குண்டர்கள் வேகம் காட்டுவார்கள். இவர்களுக்கு பயந்து சில தற்கொலைகளும் கூட நடந்துவிட்ட நிலையில், இவர்களை அடக்குவார் இல்லை. இதுகுறித்து நீதிமன்றங்களும், ரிசர்வ் வங்கியும் வங்கி நிர்வாகங்களை கடுமையாக கண்டித்தும் பயனில்லை. வங்கி நிர்வாகங்களும், அவர்கள் வைத்துள்ள கூலிப் படையினரும் திருந்தியபாடில்லை. இதற்கு சமீபத்திய உதாரணம்

தபன் போஸ். டெல்லியைச் சேர்ந்த இவர் ஐசிஐசிஐ வங்கி மூலம் கார் லோன் வாங்கியிருந்தார். சரியாக மாத தவணையை கட்டி வந்த அவருக்கு பண நெருக்கடியால் மூன்று மாதங்கள் தொடர்ந்து பணத்தை கட்ட முடியாமல் போனது. தொடர்ந்து 3 மாதங்கள் அவர் கொடுத்த காசோலை வங்கியில் பணமில்லாத காரணத்தால் ரிட்டர்ன் ஆகிவிட்டது. இதனால் ஐசிஐசிஐ வங்கி நியமித்த ஏஜெண்டுகள், போஸின் காரை குறி வைத்து விரட்டினர். அதில் இருப்பது யார் என்று கூட பார்க்காமல் இரும்புக் கம்பிகளால் தாக்கினர். இதில் காரை ஓட்டிச் சென்ற போஸின் உறவினர் வினோத் குமார் தலையில் படுகாயமடைந்தார். அவரை இழுத்து ரோட்டில் போட்டுவிட்டு காரை பறிமுதல் செய்து கொண்டு போய்விட்டனர். (அப்போது காரில் தபன் போஸே இல்லை) வினோத்குமார் படுகாயங்களுடன் உயிருக்கு ஆபத்தான நிலையில் மருத்துவமனையில் சிகிச்சைக்காக அனுமதிக்கப்பட்டார். இதுகுறித்து தபன் போஸ் நுகர்வோர் நீதிமன்றத்தில் புகார் செய்தார். இந்த வழக்கை விசாரணை செய்த நுகர்வோர் ஆணையத்தின் தலைவர் ஜே.டி.கபூர் ஐசிஐசி வங்கியின் செயலை கடுமையாக கண்டித்தார். அவர் பிறப்பித்த உத்தரவில், வங்கி கலெக்சன் ஏஜெண்டுகளால் தாக்கப்பட்டு மூளை பாதிக்கப்பட்ட வினோத் குமாரின் மருத்துவ செலவுக்காக ஐசிஐசிஐ வங்கி அவருக்கு ரூ.5 லட்சம் கொடுக்க வேண்டும். அடியாட்களை வைத்து பொதுமக்களை மிரட்டி, பொது சொத்துக்களுக்கு சேதம் விளைவித்த காரணத்திற்காக நுகர்வோர் ஆணைய மேம்பாட்டு நிதிக்கு ரூ.50 லட்சம் அபராதமாக செலுத்த வேண்டும் என்று உத்தரவிட்டார்.



கடன்களை வசூல் செய்வதற்கு அடியாட்களை வைத்து கடன் வாங்கியவர்களை மிரட்ட கூடாது என்று அனைத்து வங்கிகளுக்கும் ரிசர்வ் வங்கியும், உச்ச நீதிமன்றமும் ஆணையிட்டுள்ளன. ஆனால் அதையும் மீறி இந்த செயல் நடந்ததால் ஐசிஐசிஐ வங்கிக்கு ரூ.55 லட்சம் அபராதம் விதிக்கப்பட்டுள்ளது. வங்கிகளின் கலெக்சன் ஏஜெண்டுகளால் சமீபத்தில் கூட சென்னையில் ஒரு அப்பாவி வியாபாரி ஒருவர் தற்கொலை செய்து கொண்டார் என்பது நினைவிருக்கலாம். அதேபோல தமிழகத்தின் பல்வேறு பகுதிகளில் இதுபோன்ற சம்பவங்கள் உண்டு தனியார் நிதி நிறுவனங்கள், தவணை கட்ட தவறும் வாடிக்கையாளர்களின் வாகனங்களை, விதிமுறை மீறி, அடியாட்களை ஏவி, அடாவடியாக பறிமுதல் செய்து வருகின்றனர்.தமிழகத்தில், ஆறு கோடி மக்கள் தொகை உள்ள நிலையில், இண்டு சக்கர, நான்கு சக்கர வாகனம் பயன்படுத்துவோரின் எண்ணிக்கை நாளுக்கு நாள் அதிகரித்து வருகிறது. வாகன பயன்பாடு மிகுதியை குறி வைத்து, தனியார் நிதி நிறுவனங்கள் குறைந்த வட்டி விகித ஆசைகாட்டி, கவர்ச்சிகர விளம்பரம் மூலம், எளிதில் கடனுதவி அளிக்கின்றன.


இரு சக்கர, நான்கு சக்கர வாகனம் வாங்கும் ஆவலில், நிதி நிறுவனங்கள் நீட்டுகிற, 64 பக்கங்களில், நிறுவனங்கள் சுட்டிக்காட்டும் இடங்களில் கையெழுத்திடுகின்றனர்.வாகன கடன் வாங்குபவர்கள் முதலில், பிராசஸிங் ஃபீஸ், 3 சதவீதம் (அதாவது, ஒரு லட்ச ரூபாய்க்கு 3,000 ரூபாய்) வாகன மற்றும் கடன் பெறுபவர்கள் மீதான இன்சூரன்ஸ், 2,500 ரூபாய் வரை செலுத்திட வேண்டும். கடன் கொடுக்கப்பட்ட தேதியில் இருந்து, மாதம் தோறும், அதே தேதியில் தவணை செலுத்திட வேண்டும்.

ஒரு நாள் தவணை செலுத்த தவறினாலோ அல்லது, "செக் பவுன்ஸ்' ஆனால், 500 ரூபாய் தண்டம் கட்ட வேண்டும்.இதோடு விட்டு விடுவோமோ என்கிற ரீதியில் கட்ட தவறிய தவணை தொகைக்கு, நான்கு சதவீதம் வரை வட்டி விதிக்கப்படுகிறது. இவ்வாறு, 50 ஆயிரம் ரூபாய் கடன் வாங்குபவர், அதை கட்டி முடிக்கும் போது, வட்டிக்கு வட்டி போட்டு, குறைந்தது, 10 ஆயிரம் ரூபாய்க்கு மேல் அதிகம் செலுத்த வேண்டி உள்ளது.ரிசர்வ் பேங்க் வகுத்த நெறிமுறையை பல தனியார் நிதி நிறுவனங்கள் மீறுகின்றன. நிறுவனத்தின் அங்கீகரிக்கப்பட்ட அலுவலர், வாடிக்கையாளர் ஒப்புதலுடன் வாகனம் பறிமுதல் செய்திட வேண்டும். மேலும், நீதிமன்றம், உள்ளூர் போலீஸ், ஆர்.டி.ஓ., உத்தரவுப்படி, முறையான ஆவணங்களை கொண்டு ஜப்தி நடவடிக்கையில் ஈடுபட வேண்டும்.விதிமுறை மீறி பல தனியார் நிதி நிறுவனங்கள், உள்ளூர் ரவுடிகளை வேலைக்கு அமர்த்தி, கடன் கட்ட தவறிய, கால அவகாசம் கேட்கும் வாடிக்கையாளர்களை மிரட்டி, அடாவடியாக வாகனங்களை பறிமுதல் செய்கின்றன. பறிமுதல் செய்த வாகனம், "யார்டில்' போட்டதற்காக, 1,500 ரூபாய் வரை, செலுத்திட வற்புறுத்துகின்றனர். 


இதுகுறித்து பலர் உண்மை சட்டம் அறியாமல் இருப்பதன் காரணமாக அவர்கள் இது போன்ற தவறுகள் தொடர்ந்து செய்து வருகின்றனர் மேலும் காவல்துறையில் பணியாற்றிய பின்னர் ஓய்வுபெற்ற ஏட்டுக்கள்,சார்பு ஆய்வாளர் மற்றும் ஆய்வாளர் இந்த வாகனம் பறிமுதல் செய்யும் குழுவில் வேலைக்குச் சேர்ந்து அதன் பின்னர் சட்ட விதிகளின் படி நடக்காமல் மீறுவது நாம் கண்ட உண்மை!. அதனால் இதுபோன்ற தவறுகள் காவல்நிலையத்தில் புகார்கள் வந்தால் அதை கண்டுகொள்ளாமல் இருக்கும் நிலையில் தான் தற்போது புதுக்கோட்டை வழக்கறிஞர் சத்யா வழக்கு  அணைவராலும் பேசப்படுகிறது.

கருத்துகள்

இந்த வலைப்பதிவில் உள்ள பிரபலமான இடுகைகள்

அரசு உத்தரவுகள் மற்றும் பொதுமக்களின் நன்மைக்கு எதிராகப் போராட்டம் நடத்தும் கிராம நிர்வாக அலுவலர்கள்

நிலப் பட்டா பாஸ் புத்தகச் சட்டம் 1983 பட்டா என்பது அரசுக்கு வரிசெலுத்தும் ஆவணம் அது உரிமை ஆவணம் அல்ல. என்பது பல நபர்களுக்குப் புரிவதே இல்லை தொடர்பான தகவல்களும் தற்போது ஊழல் கிராம நிர்வாக அலுவலர்களின் தேவையற்ற போராட்டம் செய்வதால் இப்போது இவர்கள் ஊழல்வாதிகளாக அம்பலப்பட்டுள்ள நிலை அரசு உரிய நடவடிக்கை எடுத்து இவர்கள் நடத்தும் போராட்டம் தடுக்கவேண்டும் என்பது தான் அனைவரின் விருப்பம். பட்டா வேண்டிய பொதுமக்கள் மாதக்கணக்கில் தாசில்தார் அலுவலகங்களுக்கு அலைந்து திரிகின்றனர். உட்பிரிவு செய்து தர வேண்டிய இனங்களில் 30 நாட்களிலும், உட்பிரிவு செய்ய தேவைப்படாத இனங்களில் 15 நாட்களிலும் பட்டா மாற்றம் செய்யப்பட வேண்டும் என தமிழக அரசு 8.7.2011 ம் தேதியிட்ட அரசாணை எண். 210, வருவாய் (நி. அ. 1(1))துறை - ல் கூறியுள்ளது. அதேபோல் UDR நத்தம் நிலவரித் திட்டம் பட்டாவில் ஏற்படும் தவறுகளை சரி செய்வதற்காக தமிழக அரசு 17.8.2004 ம் தேதியில் அரசாணை எண். 385, வருவாய் (பொது - 3) துறை என்ற அரசாணையை பிறப்பித்துள்ளது. பட்டா மாற்றம் : பட்டா மாறுதல்கள் வருவாய் நிலை ஆணை எண் 31 ன்படி மூன்று வகையாக செய்யப்படுகிறது. 1. நிலச் சொந்தக்

நில அளவை மற்றும் உட்பிரிவுக் கட்டணம் தமிழகத்தில் பலமடங்கு உயர்த்தி அரசாணை

​ ​ ​தமிழகத்தில் நில அளவை மற்றும் உட்பிரிவு பட்டா மாற்றக் கட்டணங்கள் பல மடங்கு உயர்வு. நிலம் புல எல்லை நிர்ணயிக்கும் தொகை ரூபாய் 50 லிருந்து ரூபாய் இரண்டாயிரம் ஆனது உட்பிரிவு செய்வதற்கு பத்து மடங்கு அதிகமாகிறது. நில அளவீட்டுக் கட்டணத்தை அரசு 40 மடங்கு வரை உயர்த்தியுள்ளது. நஞ்சை நிலத்தின் புல எல்லைகள் ஆத்துமால் நிர்ணயம் செய்வதற்கான கட்டணம் ரூபாய்.50 லிருந்து ரூபாய் இரண்டாயிரமாக அதிகரிக்கப்பட்டுள்ளது. நிலத்தை உட்பிரிவு செய்வதற்கான கட்டணம் பத்து மடங்கு உயர்த்தப்பட்டுள்ளது. ஊரடங்கு நேரத்தில் சத்தமில்லாமல் பல மடங்கு கட்டண உயர்வை அரசு அறிவித்துள்ளதால் பொதுமக்கள் கடும் அதிர்ச்சியாகியுள்ளனர். நிலஅளவைத்துறை சார்பில் நிலத்தை அளந்து உட்பிரிவு செய்வது, நில உரிமையாளர்களின் விண்ணப்பத்தின் பேரில் புல எல்லைகளை அத்துமால் செய்து நிர்ணயிப்பது, மேல்முறையீட்டின் பேரில் மறு அளவீடு செய்தல், புலப்பட நகல், மாவட்ட, வட்ட கிராம வரைபட நகல் வழங்குதல் உள்ளிட்ட பணிகள் மேற்கொள்ளப்படுகிறது. இதற்காக, மனுக் கொடுத்த 90 நாட்களுக்குள் நிலத்தை அளந்து உட்பிரிவு செய்ய வேண்டியது நில அளவைத் துறையின் கடமை. நில அளவில் சந்தேகம் இரு

இந்தியா 2047-க்கான லட்சியம் பற்றி நிபுணர்கள் ஆலோசனை

விடுதலையின் அம்ருத் மகோத்சவம் குறித்த இணைய கருத்தரங்கு: இந்தியா 2047-க்கான லட்சியம் பற்றி நிபுணர்கள் ஆலோசனை நாடு தனது 75-வது சுதந்திர தினத்தை கொண்டாடுவதற்கு தயாராகி வரும் வேளையில் எதிர்வரும் பாதை குறித்த செயல் திட்டம் நமக்கு இருப்பது அவசியம். கிருஷ்ணகிரியை சேர்ந்த தொண்டு நிறுவனமான ஸ்வார்ட் உடன் இணைந்து கள விளம்பர அலுவலகம் நடத்திய இணைய கருத்தரங்கில் கலந்து கொண்டவர்கள் அடுத்த 25 வருடங்களில் இந்தியாவுக்கான தங்களது லட்சியம் மற்றும் கனவுகள் குறித்து பகிர்ந்த நிலையில், எதிர்காலத்திற்கான பாதையை வகுப்பதற்கான தளமாக இந்நிகழ்ச்சி அமைந்தது. "லட்சியம் 2047: அடுத்த 25 வருடங்களில் இந்தியா" எனும் தலைப்பிலான இந்த இணைய கருத்தரங்கில், பல்வேறு துறைகளை சேர்ந்த நிபுணர்கள் எதிர்கால இந்தியா குறித்து விவாதித்தனர். நிகழ்ச்சிக்கு தலைமை ஏற்ற, சென்னை கள விளம்பர அலுவலகத்தின் இயக்குநர் திரு ஜே காமராஜ், அரசின் நிலையான பொருளாதார வளர்ச்சியின் காரணமாக பல லட்சக்கணக்கானோர் ஏழ்மையிலிருந்து விடுவிக்கப்பட்டுள்ளதாக கூறினார். மத்திய மற்றும் மாநில அரசுகள் பல்வேறு திட்டங்களை செயல்படுத்தினாலும் மக்களின் பங்களிப்பினால் ம

தமிழ் நாடு நில உச்சவரம்பு திருத்தச் சட்டம் அமலாக்கம்

தமிழ்நாடு நில சீர்திருத்தங்கள் (நில உச்சவரம்பு நிர்ணயம்) சட்டம் கொண்டு வரப்பட்டது. தமிழ்நாடு நில சீர்திருத்த சட்டம் 1961–ன் படி ஒரு நபர் அல்லது குடும்பம் குறிப்பிட்ட ஏக்கருக்கு மேல் நிலங்கள் வைத்துக்கொள்ளக் கூடாது. அதே போல் கல்வி நிறுவனங்கள் மற்றும் மருத்துவமணைகள் நடத்தும் அறக்கட்டளையும் எவ்வித நிலங்களையும் கிரயம் செய்து வைத்துக்கொள்ளக் கூடாது. எனினும் அறக்கட்டளைகள் அரசிடம் முறையான அனுமதி பெற்று நிலங்களைக் கிரயம் செய்யலாம். அவ்வாறு தகுதிக்கு மேற்பட்ட நிலங்களை வைத்திருக்கும் நபர் அல்லது குடும்பத்தினரிடம் இருந்து நிலத்தை மீட்டெடுத்து உபரி நிலங்களாக அறிவிக்கும் பணி 01 பிப்ரவரி 2015 வரை நடந்தது நில உச்சவரம்புச் சட்டத் திருத்தப்படி இப்போது 120 ஏக்கர் புஞ்சை நிலம் மற்றும் 60 ஏக்கர் நஞ்சை நிலம் சொந்தமாக அனுமதியின்றி நில உச்சவரம்பு விஸ்தரிப்பு வரம்பை விரிவுபடுத்தலாம். நிலம் கிடைப்பதில் இன்னொரு தடையும் தளர்த்தப்பட்டது.நில உச்சவரம்புச் சட்டத் திருத்தம் நிலம் கிடைப்பதில் இன்னொரு தடையும் தளர்த்தப்பட்டது.

பதிவு செய்யும் பத்திரங்களில் ஆவண எழுத்தர் பெயர். உரிமம் எண், புகைப்படம் கட்டாயம் பதிவுத்துறை தலைவர் சுற்றறிக்கை

ஆவணங்கள் பதிவு செய்யும் போது எழுதிய பத்திரங்களின் கடைசி பக்கத்தில் ஆவண எழுத்தர் பெயர். உரிமம் எண், புகைப்படம் இல்லாவிட்டால் பதிவு செய்த பத்திரப் பதிவு செல்லாது      அதோடு தற்போது அவரது புகைப்படம் இணைப்பு வேண்டும். கடைபிடிக்காத ஆவண எழுத்தர்கள் மீது கிரிமினல் நடவடிக்கை   பத்திர பதிவுத்துறைமின் சுற்றறிக்கை முழு விபரம்‌ பத்திரப் பதிவு செய்யும் ஆவணங்களில் பதிவு ஆவண எழுத்தர் பெயர், உரிமம் எண், புகைப்படம் இல்லாவிட்டால், அந்த பத்திரப்பதிவு செல்லாது. தமிழகத்தில் போலியான பத்திரங்கள் பதிவாவதைத் தடுக்க மாநில பதிவுத்துறைத் தலைவர் சிவன் அருள் அனுப்பியுள்ள சுற்றறிக்கை அதில், ஆவணத்தை தயார் செய்த ஆவண எழுத்தர் அல்லது வழக்குறைஞர் பார் கவுன்சில் பதிவு எண் பெயர் மற்றும் உரிமம் எண் உடன் புகைப்படம் இணைத்து பதிவு செய்ய வேண்டும். ஆவண எழுத்தரின் புகைப்படமும் அதன் கீழ் அவரது கையொப்பமும் வேண்டும். இந்த நடைமுறை ஆகஸ்ட் 9 ஆம் தேதி முதல் அமலுக்கு வருகிறதென அனைத்து பதிவுத்துறை அலுவலர்களுக்கும் உத்தரவிட்டுள்ள இந்த நடைமுறையை செயல்பாட்டுக்கு கொண்டு வரும் வகையில் அனைத்து சார்பதிவாளர் அலுவலகங்களுக்கும் மாதிரிப் படிவம் ஒன