வசமாகச் சிக்கிய ஊழல் பெருச்சாளியான மோட்டார் வாகன ஆய்வாளர்
'கட்டிங், கமிஷன், கலெக்க்ஷன்' நாள் ஒன்றுக்கு ரூபாய் இரண்டு லட்சம் லஞ்சம் மாதம் 60 லட்சம் டார்கெட் போட்டு வசூல்செய்ய 25 புரோக்கர்கள் வசமாக சிக்கிய பெண் மோட்டார் வாகன ஆய்வாளர் (V&AC conducts joint surprise check at the O/o Road Transport Office, Motor Vehicle Inspector, Bhavani, Salem and seized unaccounted money of Rs.2,10,990/- were seized on 10.November.2022.)
ஈரோடு மாவட்ட வாகனப் போக்குவரத்துத் துறையில் கமிஷன் வசூலிக்கும் புரோக்கர்களை வைத்து லட்சக்கணக்கில் பணம் வசூலித்த பெண் மோட்டார் வாகன ஆய்வாளர் உள்ளிட்ட ஆறு நபர்கள் மீது வழக்குப்பதிவு. ஈரோடு மாவட்டம், பவானி ஊராட்சிக்கோட்டை பகுதியில் இயங்கும் மோட்டார் வாகன ஆய்வாளர் சார்ந்த அதாவது வட்டாரப் போக்குவரத்து அலுவலகத்தில் கடந்த புதன்கிழமை மாலை மாவட்ட ஊழல் தடுப்பு கண்காணிப்பு மற்றும் லஞ்ச ஒழிப்புத்துறை துணைக் கண்காணிப்பாளர் ராஜேஷ் தலைமையிலான காவல்துறை பணியாளர்கள் அதிரடியாகச் சோதனை நடத்திய போது, அங்கிருந்து யாரும் வெளியேறாதபடி முன், மற்றும் பின்புறக் கதவுகள் அடைக்கப்பட்டு,
அலுவலகத்திலிருந்த மோட்டார் வாகன ஆய்வாளருக்கும், இதர அலுவலர்களுக்கும் பணப்பட்டுவாடா செய்வதற்காக புரோக்கர்கள் காத்திருந்ததாகக் கூறப்படும் நிலையில் உட்புகுந்த போது
லஞ்ச ஒழிப்புத் துறையினர் வந்திருப்பதை அறிந்த புரோக்கர்கள், அதிகாரிகளுக்கு கொடுப்பதற்காக வைத்திருந்த லஞ்சப் பணத்தை ஜன்னல் வழியாக தூக்கி வீசியதைக் கண்ட. காவல்துறை பணியாளர்கள் வெளியே வீசிய பணத்தையும், ஜன்னல் கம்பிகளுக்கிடையே சிக்கிக் கொண்ட ரூபாய் நோட்டுகளையும் சேகரித்த பின்னர், மோட்டார் வாகன ஆய்வாளர் சுகந்தி, வாகனப் போக்குவரத்து அலுவலக ஊழியர்கள், மற்றும் புரோக்கர்கள் பத்துக்கும் மேற்பட்டோரை சோதனையிட்டதில் கணக்கில் வராத ரூபாய். 2.10 லட்சத்தைப் பறிமுதல் செய்தனர்.
அதையடுத்து மோட்டார் வாகன ஆய்வாளர் சுகந்தி, புரோக்கர்களாகச் செயல்பட்ட சந்தோஷ், வரதன் என்கிற வரதராஜ், சம்பு என்கிற சண்முகம், நல்லசாமி உள்ளிட்ட ஐந்து நபர்கள் மீதும் வழக்கு பதிவு செய்து அவர்களைக் கைது செய்தனர். புதிய வாகனங்களுக்கு எண் அளித்தல், வாகன ஓட்டுநர் உரிமம் வழங்குதல், வாகனங்கள் புதுப்பித்தல், எஃப்சி வாகனங்களுக்கு சான்றளித்தல், கூண்டு கட்டிய வாகனங்களுக்கு அனுமதியளித்தல், கன்டெய்னர் லாரிகளுக்கு சான்றளித்தல் என பலத்தரப்பட்ட பணிகளுக்கும் அரசு நிர்ணயித்ததை விடப் பல மடங்கு கட்டணத்தை புரோக்கர்கள் மூலமாக மோட்டார் வாகன ஆய்வாளர் சுகந்தி வசூலித்தது தெரிய வருகிறது. குறிப்பாக எல்எல்ஆர் வழங்க ரூபாய்.1000 முதல் 1500-ம், எஃப்சிக்கு ரூ.1000 முதல் 5000 வரையும், கன்டெய்னர் லாரிகளுக்கு சான்றளிக்க ரூபாய். 10,000 வரை, பாடி கட்டிய வாகனங்களுக்கு ரூபாய்.5,000, புதிய இருசக்கர வாகனங்களுக்கு ரூபாய்.2,000 முதல் 5,000 வரை வாகனங்களின் மாடலுக்கு ஏற்றவாறு லஞ்சமாக வசூலித்துள்ளனர்.
பவானி, அந்தியூர் ஆகிய இரண்டு வட்டங்களிலுள்ள எண்ணமங்கலம், வெள்ளித்திருப்பூர், பர்கூர், அம்மாபேட்டை, ஒலகடம் என 100 க்கும் மேற்பட்ட முக்கிய ஊர்களின் வாகனப்பதிவு தொடர்பான பணிகளுக்கு இந்த அலுவலகத்துக்குத்தான் வரவேண்டிய நிலை உள்ளது எனவே, இங்கு தினந்தோறும் அதிக லஞ்சம் வசூலாகும் எனக் கூறப்படுகிறது. நாள் ஒன்றுக்கு ரூபாய் இரண்டு லட்சம் வரையிலும் லஞ்சம் கிடைக்கும் என்பதால் இங்கு பணியாற்ற வருவோரிடம் போட்டி நிலவி ஏலம் எடுத்து வருவது போல கவனித்தால் தான் இங்கு நியமனம் கிடைக்குமென்று கூறப்படுகிறது. அந்த வகையில் கடந்த ஓராண்டுக்கு முன்னர் இங்கு வந்த மோட்டார் வாகன ஆய்வாளர் சுகந்தி, இங்குள்ள 25 க்கும் மேற்பட்ட புரோக்கர்களின் உதவியுடன் லஞ்சம் வாங்கி கல்லா கட்டியது லஞ்ச ஒழிப்புத் துறையினரின் விசாரணையில் தெரிய வந்திருக்கிறது. அனைத்து பதிவுகளையும் ஆன்லைனில் தான் மேற்கொள்ள வேண்டும் என அரசு அறிவித்தாலும், ஆன்லைனில் பதிவு செய்திருக்கும் நபர்களை புரோக்கர்கள் மூலம் அணுகி அவர்கள் பணியை முடிக்க கூடுத்ல் தொகையை லஞ்சமாகப் பேசி முடிவு செய்கிறார்கள். பணம் இல்லாவிட்டால் இங்கு எந்த வேலையும் நடக்காது என கேட்ட தொகையை கொடுப்பவர்களுக்கே பணியில் முன்னுரிமை உண்டாம். இதனால் கடுப்பான சிலர் ஊழல் தடுப்பு கண்காணிப்பு மற்றும் லஞ்ச ஒழிப்புத் துறையினருக்கு தகவல் தந்த நிலையில், திடீர் சோதனை நடத்தி இங்கு நடக்கும் லஞ்ச ஊழலை வெளிச்சம் போட்டு காட்டியிருக்கின்றனர் லஞ்ச ஒழிப்புத் துறையினர். சோதனை குறித்து மாவட்ட ஊழல் தடுப்பு கண்காணிப்பு மற்றும் லஞ்ச ஒழிப்புத் துறை துணைக் கண்காணிப்பாளர் ராஜேஷ் செய்தியாளர்களின் மத்தியில் சதெரிவித்ததாவது, `` வாகனப்பதிவு பணிகள் அனைத்தும் ஆன்லைன் மூலமாக மேற்கொள்ள வேண்டும். அரசு நிர்ணயித்த கட்டணத்தை ஆன்லைனில் கட்டினாலும் அவர்களுக்கு சான்றுகள் வழங்கப்படுவதில்லை. புரோக்கர்கள் மூலம் ரேட் பிக்ஸ் செய்பவர்களுக்கு மட்டுமே பணிகளை செய்து வருவதாகவும், புரோக்கர்களை தவிர்ப்பவர்களுக்கு ஏதாவது காரணம் சொல்லி அவர்களது விண்ணப்பங்களை நிராகரிப்பது போன்ற செயல்களில் ஈடுபடுவதாக பல்வேறு புகார்கள் வந்தன.
அதன் அடிப்படையில் ரெய்டு நடத்தியதில் ஒரேநாளில் ரூபாய்.2.10 லட்சம் லஞ்சப்பணம் சிக்கியது. தற்போது கைது செய்யப்பட்டுள்ளவர்களில் சந்தோஷ், சுகந்தியின் டிரைவராகவும், சம்பளம் வாங்கி கொண்டு புரோக்கர்களிடமிருந்து பணத்தை வசூலிக்கும் ஏஜென்டாகச் செயல்பட்டு வந்திருக்கிறார். இதுதவிர வரதன், சண்முகம் ஆகியோரும் முக்கியமான புரோக்கர்களாகச் செயல்பட்டிருக்கின்றனர்.சுமார் 50 கி.மீ. சுற்றுப் பரப்பளவில் வாகனப்பதிவு தொடர்பான பணிகளுக்கு இந்த அலுவலகத்தைத் தான் தேடி வருகின்றனர். பணம் தராதவர்களை இழுத்தடித்தால் அவர்களின் அன்றாட பணிகள் பாதிக்கப்படுகிறது என்பதால் கேட்ட தொகையை புரோக்கர்களிடம் கொடுத்து பணியை முடிக்கப் பார்க்கிறார்கள். மாதம் சராசரியாக ரூ.15 லட்சத்துக்கும் மேல் பணம் வசூலித்து வந்தது விசாரணையில் தெரிய வந்திருக்கிறது. எனவே, சுகந்தி உள்பட 5 பேர் மீதும் வழக்குபதிவு செய்யப்பட்டு, கைது செய்து சிறையில் அடைக்கப்பட்டிருக்கின்றனர். மேலும் சுகந்தி உள்ளிட்ட ஐந்து பேரின் வீடுகளிலும் கைப்பற்றப்பட்டுள்ள ஆவணங்கள் குறித்து ஆய்வு செய்து வருகிறோம். அதன் அடிப்படையில் வருமானத்துக்கு அதிகமான சொத்துகள் எவ்வளவு சேர்க்கப்பட்டுள்ளது என்பதை அறிந்து நடவடிக்கை எடுக்கப்படும்’’ என்றார். தற்போது
மேலும் மோட்டார் வாகன ஆய்வாளர் சுகந்தியை சஸ்பெண்ட் செய்யுமாறு மண்டல போக்குவரத்துத் துறை ஆணையருக்கு, ஊழல் தடுப்பு கண்காணிப்பு மற்றும் லஞ்ச ஒழிப்புத் துறையினர் பரிந்துரைத்துள்ளதன் படி அவர் பணி இடைநீக்கம் செய்யப்பட்டுள்ளார்.
கருத்துகள்