ஒருவர் எதற்காக நினைவு கூறப்படுகிறார் என்பதில் தான் அவரது புகழ் அடங்கியுள்ளது..
எல்லோரும் ஏதோவொரு வகையில் நினைவுகூறப்படவேண்டும்.. அது எதைக் குறிக்கிறது என்பதை வைத்துத் தான் வரலாறு அவரைப்பற்றி பதிவு செய்கிறது..
ஒருவரின் அரசியல் வாழ்வைத் (பொதுவாழ்வு) தான் இந்த சமூகம் அவர் மீது கொண்டிருந்த அன்பை .. அல்லது வெறுப்பை சுட்டிகாட்டி அவர் ஆற்றிய பணிகள் நல்லவையோ கெடுதிகளோ எதுவானாலும் வரலாற்றில் இடம் பெறும்.. இதில் பெண் ஆண் என்ற பாகுபாடில்லை. காலஞ்சென்ற முதல்வர் ஜெ.ஜெயலலிதாவின் ஆறாம் ஆண்டு நினைவுநாளை முன்னிட்டு
அ.தி.மு.க. மற்றும் அ.ம.மு.க வின் தற்போதுள்ள தலைவர்களும், தொண்டர்களும் அஞ்சலி செலுத்தினார்கள். சென்னை மெரினா கடற்கரையில் எம்.ஜி.ஆர். நினைவிடமருகில் அமைந்துள்ள ஜெ.ஜெயலலிதா நினைவிடம் மலர்களால் அலங்கரிக்கப்பட்டிருந்தது. வெளியூர்களில் இருந்து வந்த ஏராளமான தொண்டர்கள் ஜெயலலிதாவின் நினைவிடத்தில் அஞ்சலி செலுத்தினார்கள்.
அ.தி.மு.க.வினர் நான்கு அணிகளாகவும் தனித்தனியாக வந்து அஞ்சலி செலுத்தினார்கள்.அ.தி.மு.க. வின் முன்னால் முதல்வரும், தற்போது சட்டமன்ற எதிரகட்சித் தலைவருமான எடப்பாடி கே.பழனிசாமி தலைமையில் ஏராளமான அ.தி.மு.க. தொண்டர்கள் திரண்டு ஜெயலலிதா நினைவிடத்தில் அஞ்சலி செலுத்தினார்கள்.அதைத்தொடர்ந்து எம்.ஜி.ஆர். நினைவிடத்துக்கு செல்லும் நுழைவு வாயில் அருகில் அமைக்கப்பட்டிருந்த மேடையில் நின்று உறுதிமொழியும் ஏற்றுக் கொண்டனர். உறுதிமொழியை அவர் வாசிக்க தொண்டர்கள் திருப்பிக் கூறினார்கள். அப்போது, மறைந்த முதல்வர் ஜெ.ஜெயலலிதா நினைவிடத்தில் மரியாதை செலுத்திய பின் முன்னாள் முதல்வர் ஓ.பன்னீர்செல்வம் தனது ஆதரவாளர்களுடன் உறுதிமொழி ஏற்றனர்.
எதிரிகள் ஒருபுறம், துரோகிகள் மறுபுறம் என்றிருக்கும் சூழல் பொய் வழக்குகளை முறித்து சதிவலைகளை அறுப்போம்.குடும்ப. ஆட்சியின் கொள்ளைக் கூட்டத்தை வீட்டுக்கு அனுப்ப சபதம் ஏற்போம். அதிமுக என்பது ஆயிரங்காலத்துப் பயிர். தமிழ்நாட்டு மக்களுக்கு தொண்டாற்றி தழைத்து நிற்கும் ஆலமரம். இதை யாராலும் அசைத்துப் பார்க்க முடியாது. அதிமுகவை கட்டிக்காப்போம்.இந்திய அரசியல் சரித்திர வானில் நாடாளுமன்றத்தின் மூன்றாவது பெரிய கட்சியாக கழகத்தை மாற்றியவர் ஜெ.ஜெயலலிதா.
நாடாளுமன்றத் தேர்தலுக்காக வெற்றிக் கூட்டணி, மெகா கூட்டணி அமைத்து வரலாற்று வெற்றிக்கு சூளுரைப்போம்.நாற்பதும் நமதே நாளையும் நமதே என்று சபதம் ஏற்போம். இப்படை தோற்கின் எப்படை வெல்லும் என்று வெற்றி முழக்கமிட்டு திக்கெட்டும் வெற்றியை படைத்திடுவோம். அதற்காக அயராது உழைப்போம். கழகத்தின் வெற்றிக்காக எத்தகைய தியாகத்தையும் செய்திடுவோம் என்று உறுதியேற்போம். தமிழ்நாடு தழைக்க உழைத்திடுவோம். புரட்சித் தலைவியின், புரட்சித் தலைவரின் பெரும்புகழையும் எந்நாளும் போற்றிடுவோம்.களங்கள் அனைத்திலும் வென்றிடுவோம். கழகத்தை இமயமாய் உயர்த்திடுவோம் என்று உளமார உறுதியேற்போம். வாழ்க அண்ணா புகழ். வளர்க்க எம்ஜிஆரின் பெரும்புகழ். ஓங்குக ஜெயலலிதாவின் நெடும் புகழ்.வெல்க வெல்க வெல்கவே. அஇஅதிமுக என்றும் வெல்க வெல்க வெல்கவே" என்று கூற தொண்டர்கள் அதை அவரைப் பின் தொடர்ந்து முழங்கினர்.
தொடர்ந்து சென்னை மெரினாவில் உள்ள ஜெ.ஜெயலலிதாவின் நினைவிடத்தில் ஓ.பன்னீர்செல்வம் தனது ஆதரவாளர்களுடன் அஞ்சலி செலுத்தினார். பின்னர் மேடையில் அனைவரும் உறுதிமொழி எடுத்துக் கொண்டனர். அப்போது ஜெயலலிதாவை மீண்டும் பொதுச்செயலாளர் ஆக்குவோம் என்றும், ஒற்றுமை காப்போம். ஒருங்கிணைவோம். திமுகவின் மக்கள் விரோதச் செயலை மக்களிடம் சொல்வோம். நாடாளுமன்ற தேர்தலுக்கு இப்போதே களப்பணிகள் தொடங்குவோம். சர்வாதிகார போக்குக்கு முடிவு கட்டுவோம் என உறுதிமொழி எடுத்துக் கொண்டனர். பின்னர் அமமுக பொதுச் செயலாளர் டிடிவி தினகரன் அஞ்சலி செலுத்தினார். அதனைத் தொடர்ந்து தனது ஆதரவாளர்களுடன் உறுதிமொழி ஏற்றார்.
அதில், "தேர்தல் வாக்குறுதிகளை நிறைவேற்றாத திமுக அரசை மக்கள் மன்றத்தில் தோலுரித்துக் காட்டுவோம். ஜெ.ஜெயலலிதா நடைமுறைப்படுத்திய திட்டங்களை முடக்க நினைக்கும் திமுகவின் செயலை தடுத்திடுவோம். தமிழகத்தின் நலன்களைப் பாதுகாக்கவும், உரிமைகள் மீட்டு எடுக்கவும், ஜெயலலிதாவை இதயத்தில் தாங்கிய ஜனநாயக போர் வீரர்களாக செயல்படுவோம் என்று இந்த நாளில் உறுதி ஏற்போம்" என்று டிடிவி தினகரன் உறுதிமொழி எடுத்துக் கொண்டார்.அவரைப் பின் தொடர்ந்துஅஞ்சலி செலுத்திய பின்னர் செய்தியாளர்களைச் சந்தித்து பேசிய அதிமுக பொதுச்செயலாளர் வி.கே.சசிக்கலா நடராஜன்
"தொண்டர்கள் எங்கள் பக்கம் இருப்பதால்
2024 நாடாளுமன்றத் தேர்தலில் நிச்சயம் வெற்றி பெறுவோம். என்றார் ஜெ. ஜெயலலிதா நினைவிடத்தில் விழுந்து வணங்கி மலர் வளையம் வைத்து தொண்டர்களுடன் அஞ்சலி செலுத்தினார். இதேபோல் தமிழ்நாடு முழுவதும் தொண்டர்கள் அஞ்சலி செலுத்தினர், புதுக்கோட்டை வழக்கறிஞர் சங்கத்தின் முன் வழக்கறிஞர்கள் அஞ்சலி செலுத்தினர்.
கருத்துகள்