ஈரோடு கிழக்குத் தொகுதி இடைத்தேர்தலுக்கான இறுதி வேட்பாளர் பட்டியல் வந்தது, மோதும் கட்சியில் மோதல் காட்சிகள்

ஈரோடு கிழக்குத் தொகுதி  இடைத்தேர்தலுக்கான இறுதி வேட்பாளர் பட்டியல் வெளியாகும் 

நிலை பிப்ரவரி  27 ஆம் தேதி இடைத்தேர்தல் நடைபெறும் நிலையில் வேட்பு மனுத்தாக்கல் ஜனவரி மாதம் ஆரம்பித்து பிப்ரவரி மாதம்  7 ஆம் தேதி வரை நடந்ததில் மொத்தம் 121 வேட்புமனுக்கள் தாக்கலானதன் பின்பு நடந்த வேட்புமனு பரிசீலனையில் 83 வேட்புமனுக்கள் ஏற்கப்பட்டதில். காங்கிரஸ், அதிமுக, தேமுதிக, நா.த.க.உள்ளிட்ட அரசியல் கட்சிகள்,மற்றும்  சுயேச்சை வேட்பாளர்கள் 50 பேர் தேர்தல்  போட்டியில் உள்ளனர்.

வேட்புமனுக்களைத் திரும்பப் பெற இன்று மாலை 3 மணி வரை அவகாசம் வழங்கப்பட்டுள்ளது.  அமமுக வேட்பாளர் அரசியல் காரணங்களுக்காக தேர்தல் சின்னத்தைக் காரணமாகக் கூறி வாபஸ் பெற்ற நிலையில் சுயேச்சையாக வேட்புமனுத் தாக்கல் செய்த அதிமுக வேட்பாளர் தென்னரசின் மகன் கலையரசன் உட்பட இரண்டு பேர் நேற்று தங்கள் மனுக்களைத் திரும்பப் பெற்றனர். அமமுக வேட்பாளர் சிவபிரசாந்த் இன்று தனது வேட்பு மனுவை திரும்பப் பெறுகிறார். மாலை 3 மணிக்குப் பிறகு இறுதி வேட்பாளர் பட்டியல் வெளியிடப்பட உள்ளதனைத் தொடர்ந்து சுயேச்சை வேட்பாளர்களுக்குச் சின்னம் ஒதுக்கப்படும் சுயேச்சைகளுக்குச் சின்னம் ஒதுக்க 191 சின்னங்களை தேர்தல் ஆணையம் பட்டியல் படுத்தியுள்ளது. ஈரோடு கிழக்குத் தொகுதி இடைத்தேர்தலில் போட்டியிடுவதற்கான வேட்புமனுவை அதிமுக வேட்பாளர் தென்னரசு தாக்கல் செய்த நிலையில், ‘ஜனநாயகக் கூத்து நடந்திருக்கிறதென ஓ.பன்னீர் செல்வம்  ஆதரவாளர்கள் புலம்பி வருகின்றனர்.

அதிமுக பொதுக்குழு உறுப்பினரான தேனி மாவட்டம் அரண்மனைபுதூரைச் சுப்புராஜ் செய்தியாளரிடம், “ஈரோடு (கிழக்கு) சட்டமன்றத் தொகுதி இடைத்தேர்தல் அதிமுக வேட்பாளராகத் தென்னரசை தேர்வு செய்வது சம்பந்தமாக கட்சியின்  அவைத்தலைவர் தமிழ்மகன் உசேன் பெயரில் எனக்கு அனுப்பப்பட்ட பிப்ரவரி 4-ஆம் தேதியிட்ட கடிதமும், வாக்குச் சீட்டும் பிப்ரவரி 6-ஆம் தேதி இரவு தான் என் கைக்குக் கிடைத்தது. அந்தக் கடிதத்தில் பிப்ரவரி 5-ஆம் தேதி இரவு 7 மணிக்குள் சென்னையிலிருக்கிற அதிமுக தலைமைக்கழக அலுவலகத்தில் வைத்து அவைத்தலைவர் தமிழ்மகன் உசேன் கிட்ட கொடுக்கணும்னு குறிப்பிட்டிருந்தாங்க. அது எப்படி பிப்ரவரி 6-ஆம் தேதி கைக்குக் கிடைச்ச வாக்குச்சீட்டை பிப்ரவரி 5-ஆம் தேதி இரவு கொடுக்க முடியும்? இந்தக் கொடுமையை அதிமுக கட்சிக்காரங்க எல்லாரும் வேடிக்கை பார்க்கிறாங்க. நாங்களும் சிரிச்சிக்கிட்டு அதிமுக கட்சியை எப்படியெல்லாம் நாசமாக்குறாங்கன்னு வருத்தப்பட்டுக்கிட்டே இருக்க வேண்டியது தான்.எனக்குத் தெரிஞ்சு, அவைத்தலைவர் தமிழ்மகன் உசேன் டெல்லிக்குப் போகிற அவசரத்தில், உள்ளூரில்  (சென்னை) இருந்த பொதுக்குழு உறுப்பினர்கள் கிட்ட வேணும்னா அஃபிடவிட்ல (ஒப்புதல் படிவங்கள்) கையெழுத்து வாங்கிருப்பாங்க. அதுவும் ஆங்கிலத்தில்  இருந்த அஃபிடவிட்டில் புரிஞ்சு கையெழுத்து போட்டாங்களோ, புரியாம கையெழுத்து போட்டாங்களோ? மற்றபடி, அவங்களுக்கு வேண்டிய பொதுக்குழு உறுப்பினர்கள் தானேன்னு, அஃபிடவிட்டில் ஃபோர்ஜரி கையெழுத்து போட்டுத்தான் தேர்தல் ஆணையத்தில் கொடுத்திருப்பாங்கனு எனக்குத் தோன்றுகிறது .

இது எடப்பாடி கே.பழனிச்சாமி சர்க்கிளில் இருந்தே எனக்குக் கிடைச்ச தகவல்.இன்னொரு கொடுமையும் நடந்திருக்கு. அதிமுக  அவைத்தலைவர் அனுப்பிய லெட்டர்ல, தென்னரசை முன்மொழிந்தார்ங்கிற இடத்துல எடப்பாடி கே பழனிசாமியின்னு பெயரை மட்டும் தான் போட்டிருந்தாங்க. இடைக்காலப் பொதுச்செயலாளருன்னோ, இணை ஒருங்கிணைப்பாளருன்னோ பெயருக்கு முன்னால போடவேயில்லை. சட்டத்தை மதிக்கணும்கிற பயத்தில் தான், தமிழ்மகன் உசேன் எடப்பாடி கே.பழனிசாமி கட்சியில என்ன பொறுப்பில இருக்காருங்கிறதைப் போடவில்லை. ஆனால், பாரதிய ஜனதா கட்சியின் மாநிலத் தலைவர் அண்ணாமலை  அவருடைய அறிக்கையில் நன்றி சொல்லும் போது, இடைக்காலப் பொதுச்செயலாளர் அண்ணன் எடப்பாடி கே.பழனிச்சாமின்னு தான் போட்டிருக்காரு.

அதேநேரத்துல, பொறுப்பு எதையும் போடாம அண்ணன் ஓ.பன்னீர்செல்வம்னு போட்டிருக்காரு. எந்த அளவுக்கு ஓ.பன்னீர் செல்வத்துக்கு  எதிரான மனநிலையில் அண்ணாமலை இருக்கிறாரு பாருங்க.” எனக் குமுறினார். பால் காய்ச்சும் போது பொங்கும் இதுவரை பச்சைத் தண்ணீராக இருந்தது எல்லாம் இப்போது நான்கு வருடம் முடிந்து பொங்குவது தான் தற்போது அரசியல் அறிந்த மக்கள் பேசுவது 

‘ஓ.பனனீர் செல்வமும் எடப்பாடி கே. பழனிச்சாமியும் எதுக்காக பிரிஞ்சு நின்னு எதற்காக நீதி மன்றம் வழக்கு என அலையணும்? இதெல்லாம் எந்த விதத்துலையும் கட்சிக்கு நல்லது இல்ல..’ என்று தீவிர அதிமுக தொண்டர்களும் புலம்புகின்றனர்.                   

    உச்ச நீதிமன்ற உத்தரவிலேயே, இந்தத் தீர்ப்பு இந்த இடைத்தேர்தலுக்கு மட்டும் தான் பொருந்தும் எனச் சொல்லி இருக்கிறார்கள். ஆகவே இது எடப்பாடி கே.பழனிச்சாமிக்கு பாஜக வைத்த பரிட்சை தான் ஈரோடு கிழக்கு இடைத் தேர்தல், இதில் தென்னரசு வென்றால் அது பாஜகவின் வெற்றியாகப் பார்க்கப்படும் தோல்வியடைந்தால் அது எடப்பாடி கே. பழனிச்சாமிக்கான தோல்வியாகப் பார்க்கப்படும் இந்த இடையீட்டு மனு தீர்ப்புக்கும் பிரதான வழக்கிற்கும் எந்த சம்பந்தமும் இல்லை. அதனால், கட்சி முழுமையாக எடப்பாடி கே. பழனிசாமி கைக்குச் சென்றுவிட்டது எனச் சொல்ல முடியாது. தற்காலிகமாக இரட்டை இலை சின்னம் எடப்பாடி கே.பழனிச்சாமிக்குக் கிடைத்திருக்கிறது. அது அவருக்கு சாதகம் . அமமுக வாபஸ் ஆனதில் கூட தெளிவான அரசியல் உண்டு, தொடக்கத்திலிருந்தே ஓ.பன்னீர் செல்வம் , இந்த ஈரோடு கிழக்கு  இடைத்தேர்தலில் போட்டியிடத் தயக்கம் காட்டினார். யார் பின்னாலாவது சென்று ஒளிந்துகொள்ள நினைத்தார். வாபஸ் பெறவேண்டும் என்ற எண்ணத்தோடும் தான் ஓ.பன்னீர் செல்வம் தரப்பு   வேட்பு மனு தாக்கல் செய்தார்கள். பாஜக போட்டியிட்டால் வேட்பாளரை வாபஸ் பெறுவோம் என்றும்  சொன்னார். தான் பின்வாங்குவதை முன் கூட்டியே தெள்ளத் தெளிவாகவே காட்டினார் ஓ.பன்னீர் செல்வம் . அது தவறான நடவடிக்கை. அதில் ஓ.பன்னீர் செல்வம்  பலவீனமாக இருக்கிறார் என்பது வெட்ட வெளிச்சமானது. இரு தரப்புக்கும் தனிச் சின்னம் கிடைத்து போட்டியிட்டாலும் தேர்தலில் மிகக்குறைவான வாக்குகள் கிடைத்தால் ஓபன்னீர் செல்வம் நிலை பரிதாபம் உண்மை பட்டவர்த்தனமாகி விடும்.

அந்த வாய்ப்பை ஏற்படுத்த வேண்டும் என்று தான் எடப்பாடி கே.பழனிசாமி விரும்பினார். கடந்த தேர்தலைப் போலவே தமாகா வேட்பாளரை நிறுத்திவிட்டு எடப்பாடி கே.பழனிச்சாமி  விலகியிருக்கலாம். அது வெற்றியோ தோல்வியோ அது ஜி.கே.வாசனைச் சேரும் ஆனால், அவர்களிடம் பேசி தனது வேட்பாளரை நிறுத்த முடிவு செய்தார். தனது வலிமையை நிரூபிக்க இந்த ஈ்ரோடு இடைத்தேர்தலை பயன்படுத்த நினைத்தார். விவசாயி எடப்பாடி கே.பழனிச்சாமி ஓ.பன்னீர் செல்வம்  தரப்பு போட்டியாக நின்றாலும் அவருக்கு பின்னடைவு தான் ஏற்படும், கொங்கு என்பது வெள்ளாளக் கவுண்டர்கள் மட்டுமல்ல அருந்ததியர் மற்றும் முதலியார் உள்ளிட்ட பல சமூகம் சார்ந்த  கலவை ஈரோடு கிழக்கு இதில் தேமுதிக வாக்கு கணிசமான வாங்கும் என நம்பப்படும் நிலை உள்ளன, கொங்கு மண்டலம் நமக்கு சாதகமானது என கணக்குப் போட்டுத்தான் களமிறங்கினார் எடப்பாடி கே.பழனிசாமி. ஆனால் இருவருமே முன்னாள் முதல்வர்கள். ஒருவருக்கு ஒருவர் அதிகார போட்டியில் இருந்து விலகக் கூடாது.என பலர் நினைத்தால் அது தவறு முதலில் சறுக்கும் நபர் ஓ.பன்னீர் செல்வம் தான்.  இருவருக்கும் இன்னும் எத்தனையோ மேல்முறையீடு வாய்ப்புகள் உச்சநீதிமன்றம் மற்றும் உயர் நீதி மன்றத்தில் இருக்கின்றன. 

வருகிற நாடாளுமன்ற தேர்தல் அடுத்த சட்டமன்றப் பொதுத்தேர்தல் வரை தனது செல்வாக்கை நிரூபிக்க தனித் தனித்த சின்னத்தில் நிற்பதற்கு நிறைய வாய்ப்புகள் ஏற்படுகிறது அதில் தனது திறமையை நிரூபிக்க காலங்கள் இருக்கிறது.

இருவரும் இனி இணைந்து செயல்படுவது இருவரில் ஒருவரால் வீழ்த்தப்படலாம்.

இருவருக்குமே அரசியல் சூனியம் தான் என்பதை ஈரோடு கிழக்கு இடைத் தேர்தல் உணர்த்தும் போது தெரியும் என அக்கட்சியின் தொண்டர்கள் பேசுவது நமக்கு கேட்கிறது இப்போது தற்காலிகமாக இரண்டு இலை ஒரு காம்பில்  உள்ளது 

ஆதலால் மோதுங்கள். தனிச்சின்னத்தைப் பெற்று அடுத்த சட்டமன்ற பொதுத்தேர்தல் வரை மக்கள் மன்றம் காணுங்கள்.

எதிர்காலத்தில் ஆளுங்கட்சி-எதிர்கட்சி என்பது பாஜக-திமுக என்ற போட்டி களத்தை வளரும் தலைமுறையில் மாறிவிட்டது .

மறந்து விடாதீர்கள் இருவருமே முன்னாள் முதல்வர்கள் தான் தலைமை ஆசிரியரான ஒருவர் அடுத்த பதவி உயர்வை தானே விரும்ப வேண்டும் துணை ஆசிரியராக தன்னிடம் இருந்தவர் தலைமை ஆசிரியராக மாறும் போது அப்போதே ராஜினாமா செய்து வெளியேறத ஓ.பன்னீர் செல்வம் மீண்டும் இனி தலைமை இடத்திற்கு வர முடியுமா என்பது தற்போது ஈரோட்டில் வெற்றி தோல்வியே முடிவு செய்யும் எனவும் மக்களின்  பேச்சாக  உள்ளது சட்டமும் மேல்முறையீடும் இருவருக்கும் அதிகமாக இருக்கிறது. சண்டையிடுங்கள் சமாதானம் எதற்கு

"உச்ச நீதிமன்றம் நம்பிக் கொடுத்தது.. ஆனால் நேர்மை தவறி தவறு செய்துவிட்டார் தமிழ் மகன் உசேன்" 

என பாமக முதல் பல கட்சியில் இருந்து வந்த  ரவீந்திரன்_துரைசாமி. கூறுகிறார் அவர் இப்போது அரசியல் விமர்சகராம் அய்யோ பாவம் விட்டால் போதும் என்ற நிலையில்‌ ஈரோடு கிழக்கில் தென்னரசு வேட்பாளர் என்று சொல்ல தமிழ் மகன் உசேனுக்கு என்ன அதிகாரம் இருக்கிறது?

என  எம்ஜிஆர் காலம் கண்ட முன்னால் அமைச்சர் பண்ருட்டி.எஸ் ராமச்சந்திரன்.  கருத்து உச்ச மன்றத்தின் தீர்ப்புப்படி அவைத்தலைவர் நடந்து கொள்ளவில்லை என பண்ருட்டி எஸ் ராமச்சந்திரன் குறித்த உண்மைத் தன்மை தெரிந்தவர்களுக்கு தான் பின்வரும் ஆபத்துக்கள் புரியும் அன்வர்ராஜாவை விட தமிழ்மகன் உசேன் ஒன்றும் பெரிய ஆளோ அல்லது ஆளுமையோ  இல்லை.என்பதே அக் கட்சியினர் சிலர் கருத்து  ஈரோடுகிழக்கு 

அண்ணாமலை எங்களுக்கு உத்தரவு போட முடியாது.

எனப் கர்நாடகா புகழேந்தி இப்போது கூறுவதும் அரசியல் தான்,  இரட்டை இலைச் சின்னம் கொடுத்த எம் ஜிஆர் மாற்றும் அக் கட்சியை  வளர்த்த ஜெ.ஜெயலலிதாவின் படம் பின்னுக்குத் தள்ளப்பட்டு அங்கு களமாடும் கட்சி எது என்பதை தேர்தல் முடிவில் காணலாம்.  கட்சி பாதுகாக்கப்பட்டதற்கு ஓ.பன்னீர் செல்வம் தான் முழுக் காரணமெஎன வழக்கறிஞர் மனோஜ் பாண்டியனின்  கருத்து அவரது தந்தை பி எச்.பாண்டியன் மற்றும் அக்கட்சி முன்னால் நாடாளுமன்ற மாநிலங்களவை உறுப்பினர்  சசிக்கலா புஷ்பா ஆகியோர் ஜெ.ஜெயலலிதா உயிருடன் இருந்த போது நடந்ததை அக்கட்சியின் இரத்தத்தின் இரத்தங்கள் மறக்கவில்லை 

பணம் இந்த உலகத்தை மொத்தமாக குத்தகைக்கு எடுத்து இருக்கிற வியாபாரி. அதனிடம் விலைபோகாத சரக்குகளே கிடையாது." - இது நடிகர் திலகம் சிவாஜி கணேசன் அந்தமான் காதலி படத்தில் பேசிய வசனம்.  

நல்ல அனுபவ ரீதியான வசனம்.