விடுதலை ஏ- சான்றிதழ் என்றாலும் குடும்பமாக குழந்தைகளுடன் காணும் மக்ககள் ஆதரவில் வெற்றி கண்ட வெற்றிமாறன்

விடுதலை கே. விஜயன் இயக்கிய திரைப்படம்

ஜூலை மாதம்  1986 ஆம் ஆண்டில் வெளியானதில் நடிகர் திலகம் சிவாஜி கணேசன், ரஜினிகாந்த், விஷ்ணுவர்தன், மாதவி நடித்தது  இது ஹிந்தித் திரைப்படம் 1980 ஆம் ஆண்டு வெளிவந்த குர்பானியின் மீள்  தயாரிப்பு. எழுத்தாளர் ஜெயமோகன் எழுதிய 'துணைவன்' நாவலைத் அடிப்படையாக வைத்து தற்போது உருவாக்கப்பட்டுள்ள விடுதலை திரைப்படத்திற்கு ஒளிப்பதிவாளர் வேல்ராஜ் ஒளிப்பதிவு செய்ய, படத்தொகுப்பை ஆர் ராமர்  செய்துள்ளார்.

விடுதலை திரைப்படத்தில் பவானி ஸ்ரீ, சேத்தன், ராஜிவ் மேனன், கௌதம் மேனன் என பலர் நடித்துள்ளனர். வெற்றிமாறன் இயக்கத்தில் சூரி, விஜய் சேதுபதி உள்ளிட்டோர் நடித்துள்ள 'விடுதலை' திரைப்படம், தற்போது  வெளியாகி நல்ல வரவேற்பை பெறுகிறது. இந்தத் திரைப்படத்திற்கு இந்தியத் திரைப்படத்  தணிக்கைக்குழு 'ஏ' சான்றிதழ் வழங்கியுள்ள நிலையில்

சென்னை விருகம்பாக்கத்திலுள்ள  திரையரங்கில், திரைப்படத்தை காண வந்தவர்களிடம் குழந்தைகளை அழைத்துச் செல்ல திரையரங்க ஊழியர்கள் மறுப்பு தெரிவித்த நிலையில், அவர்களுடன் பெற்றோர்கள் வாக்குவாதத்தில் ஈடுபட்டனர்  மேலும்  திரைப்படம் திரையிடப்பட்டு மக்கள் படம் பார்த்துக் கொண்டிருந்தபோது திரைப்படம் பாதியில் நிறுத்தப்பட்டது. அப்போது அங்கு வந்த காவல்துறையினர் 18 வயதுக்கு கீழ் உள்ளவர்களை வெளியேற்ற முயன்றதால் பரபரப்பு ஏற்பட்டது.

அப்போது காவலர்களிடம் வாக்குவாதத்தில் ஈடுபட்ட பெற்றோர், குழந்தைகளுக்கு என்ன படம் காண்பிக்க வேண்டும் என்று எங்களுக்குத் தெரியும் என்று கூறியதோடு, குழந்தைகளை வெளியே அழைத்துச் செல்ல மறுப்பு தெரிவித்தனர்.

அதையடுத்து வேறு வழியில்லாமல் காவலர்கள்  அங்கிருந்து வெளியேறினர் 'விடுதலை' திரைப்படம் மீண்டும் திரையிடப்பட்டது. இதை மலையூர் மம்பட்டியான் போலவே மக்கள் பார்க்கும் நிலை அருமபுரி என்கிற மலை சார்ந்த கிராமம் கனிமவளச் சுரங்கம் தோண்ட ஒரு பன்னாட்டு நிறுவனத்துக்கு அனுமதி வழங்கும் அரசு. ஆனால், மலையே வாழ்விடமாகவும், வாழ்வாதாரமாகவும் கொண்ட எளிய மக்களின் பின்னால் நின்று

ஆயுதம் தாங்கி  எதிர்க்கிறது ‘மக்கள் படை’ எனும் போராளிக் குழு. அதைத் தலைமை தாங்கி வழி நடத்தும் பெருமாளாக வரும் நடிகர் விஜய்சேதுபதியைக் கைது செய்து, அவரது குழுவை கூண்டோடு அழிக்க, இரண்டு ஆயுதப் படைப் பிரிவுக் காவலர்கள்  அருமபுரியில் முகாமிட்டதில் ஜீப் ஓட்டுநராகப் பணியில் இணையும் காவலர் குமரேசனாக நடிகர் சூரி அருமபுரி மக்களுக்காக இறங்குமவர், அந்த ஊர் பெண் தமிழரசியின் மனதிலும் இடம் பிடிக்கிறார்.

இச்சமயத்தில் காவல் படைக்கும் - மக்கள் படைக்கும் இடையிலான மோதல் முற்றி, அப்பாவி மக்கள் மீது திணிக்கப்படும் சித்திரவதை முகாமாக மாறுவதால் பாதிக்கப்படும் குமரேசன், மக்கள் படை பெருமாளை கைது செய்வதன் மூலமே கிராமத்து மக்களைச் சித்திரவதைலிருந்து காப்பாற்ற முடியும் என்று நினைக்கிறார். அதற்காக ஓடும் ஓட்டத்தில் பெருமாளைச் சந்தித்தாரா, இல்லையா என்பதே முதல் பாகக் கதை.

 குறும்படமாக எடுக்கக் கூடிய, ஜெயமோகன்  ‘துணைவன்’ நாவலின் கருவை மட்டும் கொண்டு, இரண்டு பாக சினிமாக்களுக்கான திரைக்கதையை எழுதி ஆச்சரியப்படுத்துகிறார் இயக்குனர் வெற்றிமாறன்.

கனிமவளச் சுரண்டலின் வழியாக ஆதாயமடைய நினைக்கும் அதிகார வர்க்கம், பன்னாட்டு நிறுவனங்களின் கொள்ளைக்கு எதிராக நிற்கக்கூடிய மண்ணின் மக்களையும், அவர்களின் பிரதிநிதித்துவப்படுத்தக் கூடிய  போராளிக் குழுக்களையும் கையாளும் அரசின் வன்முறையும், இரத்தமும் சதையுமான பெரும் கதைக் களம் என்பதை, சமரசம் ஏதுமற்ற திரைக்கதையின் வழியாகக் காட்டி, இரண்டாம் பாகத்துக்குப் பெரும் எதிர்பார்ப்பைக் கூட்டும் முன்னோட்டக் காட்சிகளுடன் படத்தை நன்றாக முடித்திருக்கிறார்.

அரசு, ஆளுகிறகட்சி, எதிர்கட்சி, மக்கள், போராளிகள், காவலர்கள்  என பல முகங்களை அப்படியே விரித்து வைக்கிறது படம், எந்தச் சார்பு நிலையையும் எடுக்காமல், ஒரு பக்கமாகச்  சாயாமல் பயணிக்கும் படத்தில் நிகழும் அனைத்து சம்பவங்களும் கதாபாத்திரங்களும் கற்பனையே என பொறுப்புத் துறப்பு அறிவிப்பாகச்  செய்தாலும், எந்த நிலைபாட்டையும் எடுக்காத திரைக்கதையின் இந்த அணுகுமுறை, பார்வையாளர்களை தமிழ்நாட்டின் சமூக முன் வரலாற்றைத் தேட உந்தித் தள்ளுவது என்னவோ உண்மை. குமரேசன் - பெருமாள்  எனும் இரு முதன்மைக் கதாபாத்திரங்களும் எத்தகைய சூழலிலும், கதையின் எந்தக் கட்டத்தில் சந்திக்கின்றன என்பது தான் முதல் பாகத்தின் முத்தாய்ப்பாகிறது.

பெயர் சூட்டப்படாத மலைபூவைப் போல, குமரேசன் - தமிழரசி இடையே மலரும் காதலை இவ்வளவு இயல்பாகச் சித்தரிக்க முடியுமா என்று மனதை சிலுசிலுக்க வைத்திருப்பது அழகான தருணம். மற்றும்  காவல் துறையின் மனித உரிமை மீறல்கள்,  அதிகார அடுக்கில் துறைக்குள் நிகழும் ஒடுக்குமுறை என பலவற்றைச் சித்தரித்த விதத்தில்  ‘விசாரணை’ படத்தை முந்திச் செல்கிறார் இயக்குனர் வெற்றிமாறன்.

சாமானிய மக்களின் வாழ்விலிருந்து தூய நகைச்சுவையை எடுத்துப் பயன்படுத்தி தன்னை நிலை நிறுத்திக்கொண்ட. நடிகர் சூரி, இதில் குமரேசனாக மட்டுமே வந்து கவர்கிறார். துரத்தல் காட்சி ஒன்றிலும் அர்ப்பணிப்பு மிக்க உழைப்பைக் கொடுத்திருக்கிறார். உயரதிகாரி சுனிலுக்கு காபி கொடுக்கும் அந்த ஒரு காட்சியில் சார்லி சாப்ளினை நினைவூட்டிவிடுகிறார். தமிழரசியாக பவானி ஸ்ரீ மனதில் பதிகிறார். சேத்தனும், கௌதம் மேனனும் பார்வையாளர்களின் வெறுப்பைச் சம்பாதித்துக்கொள்வதில் போட்டி போட்டிருக்க

இரயில் பால குண்டு வெடிப்பு விபத்துக் காட்சி ஒன்று, இதற்கு முன் இவ்வளவு அழுத்தமாக படம்பிடிக்கப்பட்டதில்லை! அதில் தொடங்கி ஆயுதக் காவல் படை முகாம், மேற்குத் தொடர்ச்சி மலைக்காடு என ஊடுருவிச் சென்று நம்மை கதையின் களத்துக்குள் பிரவேசிக்க வைத்துவிடுகிறது வேல்ராஜின் ஒளிப்பதிவு  எண்பதுகளின் தொடக்கத்தில் நிகழும் கதைக்கு இளையராஜாவின் இசையும் இரண்டு பாடல்களும் பொருத்தமாகின்றன. காவலர்கள்- போராளிக் குழுவுக்கு இடையிலான மோதல் கதையில் முதன்மை பெற்றுள்ளதால் அதீத வன்முறை காட்சிகள் தவிர்க்க முடியாதவையாக இடம் பிடித்துள்ளன. அதனால் A சான்றிதழ் பெற்ற படமாதலால், பலகீனமானவர்கள், சிறுவர்கள் ஆகியோர் இப்படத்தைத் தவிர்ப்பது நலம். இருந்தும் மக்கள் தங்கள் பிள்ளைகளுடன் இப்படத்தைக் காண்பதும், காண வைப்பதும் தான் இந்த திரைப்படம் வெற்றி கண்டுள்ளது விடுதலை இரண்டாம் பாகம்  வரும்போது, மக்களுக்குத் தெரியவரும்… ‘இந்தக் காடு வேல்ராஜின் முழுக் கட்டுப்பாட்டில் தான் இருந்ததென்று. அந்தக் காட்டின் அரசன் வேல்ராஜ்!எந்தப் படத்தையும் எப்படி  வேண்டுமானாலும் ஒரு இயக்குநர் எடுக்கலாம், எந்தக் கருத்தை வேண்டுமானாலும் மக்களுக்குச் சொல்லலாம். ஆனால், பணம் போட்டு படம் எடுக்கிறவர்களுக்கு, அந்தப் பணம் திருப்பிக் கிடைக்கணும்’ என்ற மிகப்பெரிய பொறுப்போடு தான் விடுதலையில் வெற்றிமாறன் செயல்பட்டுள்ளார்

விடுதலை படத்தின் பெருவெடிப்பு, வெற்றிமாறனின் சிந்தனையிலிருந்து தொடங்கியது தான் அந்தத் தாக்கம் தற்போது படம் பார்க்கும் ரசிகர்கள் மத்தியில் வந்துவிட்டதாகவே  தோன்றுகிறது, வெ கபடிக்குழு புரோட்டா சூரியை கதாநாயகன் சூரியாக மாற்றியது இனி அவர் காட்டில் தான் மழை தற்போது கோலிவுட்டில் அணைத்துத் தயாரிப்பாளர்களின் பார்வையும் அவர் பக்கம்  திரும்பியதைக் காணலாம்.

மக்களின் உணர்வுகள் மற்றும் பிரச்சினைகளை, அவர்களுக்கான அரசியலைப் பேசுவதால் ஒரு கதைக் களம், கொஞ்சம் தவறினாலும் பிரச்சாரமாக மாறிவிடும் ஆபத்தை சந்திந்து விடுமே அப்படி ஆகாமலிருக்க சினிமாத்தனமாக சில தருணங்களை உருவாக்கி, அதன் வழியே சினிமா அனுபவத்தைச் சாத்தியமாக்குவதுதான் ஒரு சிறந்த இயக்குநரின் திரை ஆளுமையாகும். அதில் இயக்குனர் வெற்றிமாறன் பெயரைப்போல மீண்டும்  நிலை நாட்டுகிறார்.

காட்டு வழி போற பொண்ணே கவலைப்படாதே. 

காட்டுப் புலி வழி மறிக்கும் கலங்கி நிற்காதே. மீண்டும் 

விடுதலை. வடிவில் திரைப்படம் மக்களின் ஆதரவைப் பெறுகிறது

வழி நெடுக காட்டு மல்லி

காடும் காதலும் போராட்டமும் விளைவுகளும்.