பில் கேட்ஸ் ரிலையன்ஸ் இண்டஸ்ட்ரீஸ் தலைவர் முகேஷ் அம்பானியின் இளைய மகன் ஆனந்த் அம்பானி மற்றும் தொழிலதிபர் வீரேன் மெர்ச்சன்ட்டின் மகள் ராதிகா மெர்ச்சன்ட்
ஆகியோரின் திருமணத்துக்கு முந்தைய மூன்று நாள் கொண்டாட்டங்களுக்காக அவர் குஜராத்தின் ஜாம்நகருக்கு வந்தார். முகேஷ் அம்பானியின் மகன் ஆனந்த் அம்பானி மற்றும் ராதிகா மெர்ச்சன்ட்டின் திருமணத்திற்கு முன் நடந்த பிரமாண்டமான விழாவில் மைக்ரோசாப்ட் இணை நிறுவனர் பில் கேட்ஸ் காதலி பவுலா ஹர்டுடன் கலந்து கொண்டார். ஜாம்நகரில் நடைபெரும் மூன்று நாள் விழாவில், முகேஷ் அம்பானி மற்றும் அவரது மகன் ஆனந்த் அம்பானி ஆகியோருடன் பில் கேட்ஸ் புகைப்படம் எடுத்துக்கொண்டார், முகேஷ் அம்பானி தனது இளைய மகன் ஆனந்த் அம்பானியின் திருமணத்திற்கு முன் ஜாம்நகரிலுள்ள அவரது 200 ஏக்கரி பரப்பளவில் அமைந்துள்ள ரிலையன்ஸ் கிரீன்ஸ்-ல் மூன்று நாள் நடத்திய விழாவில் உலகப் பிரபலமான தொழிலதிபர்கள், திரைப்படங்கள் சார்ந்த பிரபலங்கள் பலரும் கலந்து கொண்டனர்.
மார்ச் மாதம் 1 ஆம் தேதி முதல் 3 ஆம் தேதி வரை திருமணத்திற்கு முன் விழாக்கள் நடைபெற்றன. மார்ச் மாதம் 1 ஆம் தேதி இரவு விழாவின் பெயர் An Evening in Everland. இதில் பாடகி ரியானா, ட்ரோன் ஷோ, கலாச்சார நிகழ்ச்சிகள் இடம்பெற்றன.
68 வயதான பில் கேட்ஸ் தனது காதலியான பவுலா ஹர்டுடனான உறவை பகிரங்கமாக அறிவிக்கா விட்டாலும், இருவரின் இந்தியப் பயணம், அம்பானி வீட்டு நிகழ்ச்சியில் கலந்து கொண்டதென அனைத்தையும் பார்க்கும் போது இருவரும் விரைவில் திருமணம் செய்து கொள்வார்களா என எதிர்பார்ப்பை ஊடகங்கள் வழித் தகவல் அதிகரித்துள்ளது.பில் கேட்ஸ் - பவுலா ஹர்ட் ஜோடி இரண்டு வருடங்களுக்கும் மேலாக டேட்டிங் உள்ளதாகக் கூறப்படுகிறது. அம்பானி வீட்டு விருந்துக்கு, எலிகன்ட் காக்டெய்ல் ஆடையை பவுலா ஹர்ட் அணிந்து வந்தார்.
பவுலா ஹர்ட் முன்னாள் ஆரக்கிள் தலைமை நிர்வாக அதிகாரி மார்க் ஹர்டின் மனைவியாவார், கணவரின் இறப்பிற்குப் பின் பில் கேட்ஸுடன் காதல்வயப்பட்டார். 2023 ஆம் ஆண்டு ஜனவரி மாதம் ஆஸ்திரேலிய ஓபன் டென்னிஸ் போட்டியின் போது இருவரும் ஒன்றாகவே காணப்பட்டனர்.
ஆனால் இப்போது தான் முதல் முறையாக பில் கேட்ஸுடனான அவரது உறவு குறித்த பேச்சுகள் வெளியானது. இருவரும் தீவிர டென்னிஸ் ரசிகர்கள், 2022 ஆம் ஆண்டு மார்ச் மாதத்தில் நடந்த இந்தியன் வெல்ஸ் டென்னிஸ் போட்டியின் WTA அரையிறுதிப் போட்டியில் ஒன்றாக அமர்ந்திருந்த படமும் டிரெண்டானது. ஜூலை மாதம் 2023 ஆம் ஆண்டில், பில் கேட்ஸ் மற்றும் பவுலா ஹர்ட் வைர மோதிரத்தை அணிந்திருப்பதைக் கண்ட பிறகு, அவர்களுக்கு நிச்சயதார்த்தம் நடந்ததாக வதந்திகள் பரவிய நிலையில். பில் கேட்ஸ் செய்தித் தொடர்பாளர் அதை நிராகரித்தார்.
பில் கேட்ஸின் முன்னாள் மனைவி மெலிண்டா பிரிஞ்ச் கேட்ஸிடமிருந்து விவாகரத்து ஆகஸ்ட் மாதம் 2021 ஆம் ஆண்டில் இறுதி செய்யப்பட்ட பின் பில் கேட்ஸ் மற்றும் பவுலா ஹர்ட் அவ்வப்போது நெருங்கிய புகைப்படம் டிரெண்டானது. தனது பயணத்தின் போது, இந்தியாவின் ஐடி அமைச்சர் அஷ்வினி வைஷ்னாவை சந்தித்து, இந்தியாவின் ஆர்ட்டிபிசியல் இன்டலிஜென்ஸ் பயன்பாடு, சுகாதாரம், விவசாயம் மற்றும் கல்வியை எவ்வாறு மேம்படுத்தலாம் என்பது குறித்து விவாதித்தார்.
வலுவான டிஜிட்டல் உள்கட்டமைப்பை உருவாக்குவதில் இந்தியாவின் முயற்சிகளை பில் கேட்ஸ் பாராட்டினார். இது மற்ற வளரும் நாடுகளுக்கு முன்மாதிரியாக இருக்கும் என்றும் கூறினார்.
பில் கேட்ஸ் மற்றும் பிரதமர் மோடி சமூகத்தின் நலனுக்காக ஆர்ட்டிபிசியல் இன்டலிஜென்ஸைப் பயன்படுத்துவதன் முக்கியத்துவம் குறித்தும் பேசினர்.
கருத்துகள்