தமிழ்நாட்டில் ஏப்ரல் மாதம் 19 ஆம் தேதி ஒரே கட்டமாக நாடாளுமன்ற மக்களவைத் தேர்தல் நடைபெற உள்ளது.
தேர்தல் தேதி அறிவிக்கப்பட்டவுடன் நடத்தை விதிமுறைகள் அமலுக்கு வந்துள்ள நிலையில் தான் பொதுமக்கள் எவ்வளவு பணத்தை ஆவணங்களின்றி கையில் எடுத்த செல்லலாம். அல்லது ஒருவேளை அதிகமான பணத்தை எடுத்து சென்று பறக்கும் படையிடம் எனும் சோதனை அலுவலர்களிடம் சிக்கினால் அடுத்ததாக என்ன நடக்கும்? என்பது பற்றி தகவல்கள் வெளியாகின.
இந்தியாவில் கடந்த 2019ல் நாடாளுமன்ற மக்களவைக்குத் தேர்தல் 7 கட்டங்களாக நடந்தது போல வரும் நாடாளுமன்ற மக்களவைத் தேர்தலும் 7 கட்டங்களாக அறிவிக்கப்பட்டுள்ளது. ஒவ்வொரு மாநிலங்களுக்கும் எப்போதும் தேர்தல் நடத்தப்பட உள்ளது என்பதை நேற்று இந்திய தேர்தல் ஆணையத்தின் தலைமை தேர்தல் ஆணையர் ராஜீவ் குமார் அறிவித்ததன்படி நாடாளுமன்ற. மக்களவைத் தேர்தல் ஏப்ரல் மாதம் 19 ஆம் தேதி, ஏப்ரல் மாதம் 26, மே 7, 13, 20, 25 மற்றும் ஜூன் 1 ஆம் தேதிகள் என ஏழு கட்டங்களாக நடைபெற உள்ள தேர்தல்களில் பதிவாகும் ஓட்டுகள் வரும் ஜுன் மாதம் 4 ஆம் தேதி எண்ணப்பட்டு முடிவுகள் அறிவிக்கப்பட உள்ளது. அன்றைய தினம் தான் எந்தக் கட்சி எத்தனை தொகுதிகளில் வெல்கிறது என்பது தெரியயம்.
.jpg)
இந்த நிலையில் நேற்றைய தினம் மதியம் 3 மணிக்கு தலைமைத் தேர்தல் ஆணையர் ராஜீவ் குமார் டெல்லியில் பத்திரிகையாளர்களைச் சந்தித்து தேர்தல் தேதியை அறிவித்தார். பொதுவாக தேர்தல் தேதி அறிவிக்கப்பட்டால் பல நடத்தை விதிகள் அமலுக்கு வந்துவிடும். இந்த நடத்தை விதிகள் தேர்தல் முடிவுகள் வெளியாகும் வரை அமலிலிருக்கும்.
முறைகேடுகள் நடைபெறுவதைத் தடுத்து அமைதியான முறையில் தேர்தல் நடத்துவத்காக இந்த நடத்தை விதிகள் அமல்படுத்தப்படுகின்றன. அந்த வகையில் இந்தியாவில் நேற்று முதல் தேர்தல் நடத்தை விதிகள் அமலுக்கு வந்து விட்டன. தமிழ்நாட்டில் சென்னை முதல் கன்னியாகுமரி வரை மாவட்ட வாரியாக நடத்தை விதிகள் செயல்பாட்டிலுள்ளன. பல இடங்களில் தேர்தல் பறக்கும் படையினர் வாகன சோதனைகளில் ஈடுபடுகின்றனர்.அப்போது ஆவணங்களின்றி எடுத்துச் செல்லப்படும் பணம் பறிமுதல் செய்யப்படுகிறது. இந்நிலையில் தான் மக்கள் பலருக்கும் சந்தேகம் எழுகிறது. அதாவது நடத்தை விதிகள் அமலிலுள்ளதால் எவ்வளவு பணம் கையில் எடுத்து செல்லலாம் என பலரும் குழம்பியுள்ளனர். இனி குழப்பம் வேண்டாம். அதாவது நடத்தை விதி அமலில் இருந்தாலும் கூட பொதுமக்கள் ரூபாய்.50 ஆயிரத்துக்குள்ளான ரொக்கப்பணத்தை தாராளமாக எடுத்துச் செல்லாம். பறக்கும்படையினர் மறித்தால் பணத்துக்கான உரிய காரணத்தைக் கூறிவிட்டு கொண்டு செல்லலாம்.
மாறாக ரூபாய் .50 ஆயிரத்துக்கும் அதிகமான பணத்தை கையிலோ, மற்ற இருசக்கர நான்கு சக்கர வாகனங்களிலோ எடுத்தச் செல்லும்போது பறக்கும்படையினருடன் உள்ள காவல்துறையினர் தடுத்து நிறுத்தினால் அதற்கான ஆவணங்களை கட்டாயம் வழங்க வேண்டும்.
இல்லாவிட்டால் பணம் பறிமுதல் செய்து கருவூலத்தில் ஒப்படைக்கப்படும். மேலும் ரூபாய்.10 லட்சம் மற்றும் அதற்கு அதிகமான பணம் பறிமுதல் செய்யப்பட்டால் அதுபற்றி உடனடியாக வருமான வரித்துறைக்கு தகவல் தெரிவிக்கப்படும். ஆனால் இதில் பெரும்பாலும் அரசியல் கட்சிகளின் பணங்கள் பிடிபடுகிறதோ இல்லையோ சிறு வியாபாரிகள் கொண்டு செல்லும் பணங்கள் தான் அதிகம் பிடிபடுகிறது 16 மார்ச் 2024, ஆம் தேதி மாலை இந்தியத் தேர்தல் ஆணையம் தேர்தல் தேதி அட்டவணை வெளியிட்டதிலிருந்து தேர்தல் நடத்தை விதிகள் அமலுக்கு வருகிறது.
தேர்தல் நடத்தை விதிமுறைகள் (Election Code of Conduct) அமலுக்கு வந்தவுடன் நாட்டின் பிரதமர் உட்பட அனைத்து மத்திய அமைச்சர்கள்,மாநில முதல்வர்கள், மாநில அரசின் அமைச்சர்கள் அனைவரும் தேர்தல் பிரச்சாரத்துக்காக அரசு வாகனங்கள் உள்ளிட்ட எந்த வித அரசு இயந்திரங்களையும் பயன்படுத்தக்கூடாது என்பது தேர்தல் நடத்தை விதி.
ரூபாய் 8458 கோடி செலவில் பிரதமருக்காக பிரத்யேகமாக வாங்கிய அரசு விமானங்களும் வாகனங்களும் இதில் அடங்குமா? தேர்தல் ஆணையம் பிரதமருக்கு மட்டும் இதில் சலுகை வழங்குவது நியாயமா? எனவும் எதிர் கட்சிகள் வினா எழுப்புகிறது பிரதமரும் ஒரு தொகுதி வேட்பாளர் தானே?
தேர்தலின் போது பிரதமருக்கு மட்டும் தனிச்சலுகை வழங்குவது அவர் சார்ந்த கட்சிக்கு வழங்கும் சலுகையாகாதா? அவர் சார்ந்த கட்சியின் வேட்பாளர்களுக்கு சலுகை வழங்கியது போல் ஆகாதா? அவர் சார்ந்த கட்சியின் கூட்டணி கட்சி வேட்பாளர்களுக்கு தரப்படும் சலுகையாகாதா?
தேர்தல் ஆணையம் நடுநிலையாக செயல்பட வேண்டும். என்பது அவர்கள் கோரிக்கைமக்களவைத் தேர்தலை முன்னிட்டு வருமான வரித்துறை சார்பில் 24 மணி நேரம் செயல்படும் கட்டுப்பாட்டு அறை அமைக்கப்பட்டுள்ளது.
வாக்காளர்களுக்கு பணம் மற்றும் பொருட்கள் விநியோகம் செய்வது தொடர்பான புகார்களை பொதுமக்கள் வருமான வரித்துறையிடம் தெரிவிக்கலாம்.
1800 425 6669 என்ற தொலைபேசி எண் மூலமாகவும், 94453 94453 என்ற Whatsapp எண் மூலமாகவும் புகார்களைத் தெரிவிக்கலாம்
கருத்துகள்