விவிபேட் ஒப்புதல் சீட்டுகளை 100 சதவிகிதம் எண்ணுவதற்கு கால விரயம் ஆகும் உச்சநீதிமன்றம் கருத்து

விவிபேட் ஒப்புதல் சீட்டுகளை 100 சதவிகிதம் எண்ணுவதற்கு உத்தரவிடத் தொடரப்பட்ட வழக்கு

உச்சநீதிமன்றத்தில் விசாரணைக்கு வந்த போது, வாக்குப்பதிவு இயந்திரங்களில் சந்தேகங்கள் இருப்பதால், மீண்டும் பழைய முறைப்படி வாக்குச் சீட்டு நடைமுறையை கொண்டுவர வேண்டும் என மூத்த வழக்கறிஞர் பிரசாந்த பூஷண் வாதிட்டார் அல்லது, விவிபேட் இயந்திரங்களில் அச்சாகும் வாக்குகளை, வாக்காளர்கள் தனிப் பெட்டியில் போடும் நடைமுறையைக் கொண்டு வர வேண்டும் எனத் தெரிவித்தார்.

அதற்கு, மீண்டும் வாக்குச்சீட்டு நடைமுறை சாத்தியமற்றது என உச்சநீதிமன்றம் கருத்துத் தெரிவித்தது. மேலும், மனிதர்கள் தலையீடு இல்லாமலிருந்தால் வாக்குப்பதிவு இயந்திரங்கள் சரியாக இயங்குமென்றும் முடிவுகள் துல்லியாக இருக்குமென்றும் உச்சநீதிமன்றம் கூறியது. ஆனால், மனிதர்கள் தலையீடுகள் தான் முறைகேடுகளுக்கு காரணமாக இருக்க முடியும் என்றும் உச்ச நீதிமன்றம் கருத்துத் தெரிவித்தது. அதுகுறித்து ஒரு தெளிவான பார்வை இது அதிமுகவில் ஆர்.எம்.வீரப்பன் எவ்வளவு முயன்றும் செல்வி ஜெ.ஜெயலலிதாவுக்கு அகில இந்திய அளவில் வலுவாக இருந்த பிராமண லாபிக்கு ஈடு கொடுக்க முடியவில்லை. எனலாம், ”கலைஞர் மு.கருணாநிதி மீண்டும் மேலெழுந்து வருவதைத் தடுக்கும் ஆற்றல் ஆர்.எம்.வீரப்பனுக்கில்லை. அது செல்வி ஜெ.ஜெயலலிதாவிற்கே உண்டு” என திமுகவை விரும்பாத தமிழ்நாட்டின் மக்களும் நம்பத் தொடங்கினர். இராஜிவ்காந்தி கொலை ஜெ.ஜெயலலிதாவுக்கு ஒரு ஜாக்பாட் வெற்றியைப் பெற்றுத் தந்தது தான் உண்மை.

இந்தச் சக்தி தான் தொடர்ந்து ஆள்கிறது. வெற்றியும் காண்கிறது. ஒரு நிலையில் செல்வி ஜெ. ஜெயலலிதா தமிழர், தமிழ் தேசியம் பக்கம் முனைவர் காலம்சென்ற ம.நடாஜன் வழிகாட்டல் காரணமாகச் சென்று விட்டார் என்றதும் இந்தச் சக்தி அவரைக் கொன்றும் விட்டது.  வி.கே.சசிகலா நடராஜனை மீண்டும் எழாமலும். முனைவர் ம.நடராசனை சாவின் விளிம்பு வரை விலக்கியும் வைத்து அதில் வெற்றியும் கண்டது. 

இந்த நிலையை அரசியல் ரீதியாக அழித்தொழிக்காமல், எதுவும் மாறி விடாது என திராவிட சக்திகள் இன்று வரை 

நம்புகின்றனர். அதனால் தான் பல வகையான கண்காணிப்பு செய்கிறது. தற்போது வந்த ஒரு தொலைக்காட்சி நடத்திய திணிப்பான கருத்துக் கணிப்பு 

.’’நாம் போடும் வாக்குகள் போட்டவருக்குத் தான் விழுந்ததா? எனச் சரி பார்த்துக் கொள்ளும் ஒப்புகை சீட்டு ‘விவிபேட்’  என்ற இயந்திரத்தை  EVM மிஷினுடன் இணைத்து நிறுவினால் தான் நேர்மையான தேர்தல்  அதை நிறுவினால் தான் சாத்தியம்!  அதைச் செய்ய உச்ச நீதிமன்றம் உத்திரவிட வேண்டும்’’ என மனு!

ஜனநாயக சீர்திருத்தங்களுக்கான கூட்டமைப்பு (ADR) , தேர்தலுக்கான குடிமக்கள் ஆணையம் (Citizens Commission for Elections) உள்ளிட்ட பல அமைப்புகள் சார்பில் உச்சநீதிமன்றத்தில் 2023-ஆம் ஆண்டு தாக்கல் செய்திருந்தனர். தற்போது தான் அந்த வழக்கை தூசிதட்டி எடுத்து நேற்று முதல் விசாரிக்கிறது உச்ச நீதிமன்றம்.

நேர்மையான வாக்குப் பதிவுக்காக ஜனநாயக ஆர்வலர்கள் தொடர்ந்து கடந்த பத்தாண்டுகளாகப் போராடி வருகின்றனர்.

சாதரணக் குடிமக்களின் கடைசி நம்பிக்கை நீதிமன்றங்கள் தானே!  தேர்தல் ஆணையம் என்பது இந்திய அரசமைப்பில் நீதி மன்றங்களுக்கு இணையான அதிகாரங்களும் ஆளுமையும் கொண்ட ஒரு சுதந்திரமான அமைப்பாகும்.

அத்தகைய சுதந்திர அமைப்பின் இன்றைய பரிதாப நிலைமையை கீழ்கண்ட விவரங்களிலிருந்து நாம் அறிந்து கொள்ள முடிகிறது.

2018 ஆம் ஆண்டு டிசம்பர் மாதத்துக்குப் பிறகு, தேர்தல் ஆணையம் அரசியல் கட்சிகளையோ, அறிஞர் பெருமக்களையோ, நடுநிலையான தொழில்நுட்ப வல்லுனர்களையோ சந்திக்கவோ, கலந்துரையாடவோ இல்லை என்பதை ஓய்வு பெற்ற மூத்த ஐ ஏ எஸ் அதிகாரியும், தேர்தலுக்கான குடிமக்கள் ஆணையத்தின் ஒருங்கிணைப்பாளருமான எம். ஜி. தேவசகாயம் தெரிவிக்கிறார்.

பொது மக்களின் சந்தேகங்களையும், வல்லுனர்களின் முனைப்பான கேள்விகளையும் வெளிப்படையாகத் தீர்த்து வைக்க தேர்தல் ஆணையம் (E.C) இதுவரை முயன்றதில்லை. இ. வி. எம் குறித்த கேள்விகளுக்கு உரிய பதில்களைக் கூறி , ஐயப்பாடுகளை நீக்கி, தேர்தல் நடைமுறையில் நம்பிக்கையை ஏற்படுத்த முயன்றது கூட இல்லை என்பதே உண்மை.

19 லட்சம் இ.வி.எம் கருவிகள் கணக்கிற்கு வராமல் காணாமல் போனதற்கும், அவற்றில் சில ஆளும்  கட்சியைச் சேர்ந்த தலைவர்களின் கிடங்குகளிலும், வாகனங்களிலும் கண்டுபிடிக்கப் பட்டதற்கும் எந்த விளக்கமும் ஆணையத்தால் தர முடியவில்லை. 

அரசியல் சமூகம் நியாயமான தேர்தலுக்கு சாத்தியம் உள்ளதா?

இருபது அரசியல் கட்சிகள் EVM வாக்களிப்பை எதிர்க்கின்றன. EVM முறையில் நேர்மையான வாக்கு பதிவு சாத்தியமா..? கடந்த தேர்தலின் கசப்பான அனுபவங்கள், தேர்தல் ஆணையத்தின் தலைமை அதிகாரிகளின் நியமனங்கள், அவர்கள் செயல்படும் விதம் யாவும் மக்களின் சந்தேகத்தை வலுப்படுத்துகிறது…அதற்கு என்ன செய்யலாம்.எனபதே எழுவினா ?

2019 ஆம் ஆண்டு தேர்தலில் சில முன் உதாரணமாக சர்வே செய்ததிலேயே இ.வி.எம்.மில் பதிவான வாக்குகளுக்கும், எண்ணப்பட்ட வாக்குகளுக்கும் வித்தியாசம் கண்டுபிடிக்கப்பட்டது-  350 க்கும் மேலான தொகுதிகளில்! இதை சாதாரணத் தவறாகக் கடந்து போக முடியுமா ? குறுக்கு வழியில் கோல்மால்களைச் செய்து அதிகார நாற்காலியை அடையத் துடிக்கும் அரசியல் வியாதிகளுக்கு செக் வைத்தே ஆக வேண்டும்.

நாம் போடும் ஓட்டு போட்டவருக்குத் தான் விழுந்ததா? எனச் சரி பார்த்துக் கொள்ளும் ஒப்புகை சீட்டு ‘விவிபேட்’  என்ற இயந்திரத்தை நிறுவினால் தான் சாத்தியம்! ‘Voter Verifiable Paper Audit Trail என்ற இந்த இயந்திரத்தை அனைத்துத் தொகுதிகளிலும் வைத்து ஒப்புகை சீட்டை எண்ணிக்கை சரி பார்த்து முடிவை அறிவிக்க தேர்தல் ஆணையத்திற்கு உத்தரவிட வேண்டும்’ என பல்வேறு மனுக்கள் உச்ச நீதிமன்றத்தில் தாக்கல் செய்யப்பட்டன. இவற்றைக் காலம் கடந்து விசாரணைக்கு எடுத்துக் கொள்ள ஒருவழியாக உச்ச நீதிமன்றம் ஒப்புக் கொண்டுள்ளது.

இப்பொழுது உள்ள நடைமுறை என்னவென்றால் , ஒரு சட்டமன்ற தொகுதியில் வெறும் ஐந்து வாக்கு சாவடிகளில் மட்டும், மின்னணு இயந்திரத்தில் பதிவான வாக்குகளுடன், விவிபேட் சீட்டுக்களை யும் எண்ணி ஒப்பிட்டு சரி பார்ப்பது தான்.

உச்ச நீதிமன்றமும் தேர்தல் ஆணையத்திற்கு இது குறித்து கடந்த ஜூலை மாதத்தில் நோட்டீஸ் அனுப்பி, தேர்தல் ஆணையம் தனது பதில் மனுவையும் தாக்கல் செய்துள்ளது.

இப்பொழுது நடைமுறையில் , ஒரு வாக்காளர் வாக்குச் சாவடிக்கு சென்று , தான் வாக்களிக்க விரும்பும் நபரின் பெயருக்கு நேராக உள்ள நீல நிற பொத்தானை அழுத்தி வாக்களிக்கிறார். அவ்வாறு பொத்தானை அழுத்தும் பொழுது , விளக்கெறிந்து , ஒரு “பீப் “ ஒலி கேட்டால் அவர் வாக்களித்து விட்டார் என கருதப்படுகிறது. இதில் எப்படி நாம் திருப்தி அடைவது?

உண்மையில் வாக்காளர் தான் எண்ணியிருந்தவருக்குத் தான் வாக்களித்தாரா?, அந்த வாக்காளருக்குதான் உண்மையிலே அந்த வாக்கு சேர்ந்ததா? என்பதற்கு எந்தவிதமான, வெளிப்படையான கண் கூடான ஆதாரமில்லை !

இதையே தான் உச்ச நீதிமன்றம், 2013- ஆம் ஆண்டில் டாக்டர் சுப்பிரமணியன் சுவாமி இ.வி.எம். நடைமுறைக்கெதிராக தேர்தல் ஆணையத்தின் மீது தொடர்ந்த வழக்கிலும் கூறியது.

அத்தகைய கண் கூடான ஆதாரம் ஒரு வெளிப்படையான, நேர்மையான தேர்தலுக்கு மிக அவசியம் என்றும், தேர்தல் நடைமுறை (Electoral Process) வாக்காளர்களுக்கு நம்பிக்கையை ஏற்படுத்தும் விதமாக அமைய வேண்டும் என்று தீர்ப்புக் கொடுத்தனர். இப்படித்தான் விவிபேட் இயந்திரம், இ.வி.எம் முடன் இணைக்கப்பட்டது.

“ஜனநாயகத்தின் அடிநாதமான தேர்தலில் வாக்களிப்பவரின் எண்ணம் ஈடேறுவது தான் முக்கியமே ஒழிய , தேர்தல் ஆணையமோ, தொழில்நுட்ப வல்லுனர்களோ, அரசியல் கட்சிகளோ அல்லது வேட்பாளர்களோ திருப்தி அடைவது முதன்மையானது அல்ல..” என்பதே வாதமாகும்.

“எனவே, தொகுதியில் பதிவான அனைத்து வாக்குகளையும் , விவிபேட் அடையாள சீட்டுகளுடன் ஒப்பிட்டு முடிவை அறிவிக்க வேண்டும்” என்ற கோரிக்கை வலுவாக எழுந்துள்ளது.

இத்துடன் ஏப்ரல் மாதம்-4 ஆம் தேதி அன்று, முகமது பிரச்சா என்ற வழக்கறிஞர் , மீண்டும் பழைய வாக்குச் சீட்டு முறையை நடைமுறைப்படுத்த வேண்டும் என்ற கோரிக்கை மனுவை உச்ச நீதி மன்றத்தில் சமர்ப்பித்தார்.

மின்னணு வாக்குப்பதிவு இயந்திரத்தில் ஏகப்பட்ட குளறுபடிகள் இருப்பதால், நம்பகத் தன்மை இல்லாததால் பழைய வாக்குச்சீட்டு முறையையே (Paper ballot system) மீண்டும் கொண்டு வர வேண்டும் என்றும், அது சாத்தியமில்லாவிட்டால் வாக்காளர்கள் வாக்களித்தன் அடையாளமான விவிபேட் சீட்டை வாக்குப் பெட்டியில் போட அனுமதிக்க வேண்டும் என்றும் மனுவில் கூறியுள்ளார். இந்த மனுவும் மற்ற மனுக்களுடன் சேர்ந்து விசாரிக்கப்பட்டது.

வாக்கு சீட்டு முறை அல்லது ‘விவிபேட்’ மூலம் ஒப்புகை சீட்டு!

E.C. பொது வெளியில் தனது நிலையை தெளிவு படுத்தியுள்ளதா? அல்லது அரசியல் கட்சிகளை கலந்து ஆலோசனை நடத்தியதா?, அரசியல் கட்சிகள் மட்டுமின்றி, ஜனநாயக ஆர்வலர்கள், அதிகாரம் சாரா சமூகப் பிரதிநிதிகள், அறிஞர் பெருமக்கள், மூத்த அதிகாரிகள், ஆகியோரிடம் கலந்து உரையாடியதா? என்று பார்த்தால், இல்லை என்பதே உண்மையாகும்.

தேர்தல் ஆணையம் என்பது இந்திய அரசமைப்பில் நீதி மன்றங்களுக்கு இணையான அதிகாரங்களும் ஆளுமையும் கொண்ட ஒரு சுதந்திரமான அமைப்பாகும்.

அத்தகைய சுதந்திர அமைப்பின் இன்றைய பரிதாப நிலைமையை கீழ்கண்ட விவரங்களில் இருந்து நாம் அறிய முடியும்.

அரசமைப்பு சட்டம் பிரிவு 324 ன்படி தேர்தல் ஆணையத்திற்கு தேர்தல்களை சுதந்திரமாக, நியாயமாக யாருடைய தலையீடும் இன்றி நடத்தும் முழு அதிகாரத்தை வழங்கியுள்ளது.

ஒருமித்த கருத்து இல்லாத நிலையில் விவிபேட் அடையாளச் சீட்டுகளையே இறுதி ஆதாரமாக தேர்தல் ஆணையம் கருத வேண்டும் என்று தேர்தல் விதி 56 கூறுகிறது.

இருபதுக்கும் மேற்பட்ட அரசியல் கட்சிகள் 2017- ஆம் ஆண்டில் இ. வி. எம் முறையை எதிர்த்து குரல் எழுப்பிய போது அன்றைய தலைமை தேர்தல் ஆணையர், (குஜராத்தை சார்ந்த ) அச்சல் குமார் ஜோதி உச்ச நீதி மன்ற 2013 -ஆம் ஆண்டு ஆணைக்குப் பின்னும் , ”விவிபேட் இயந்திரங்கள் வழங்கும் அடையாளச் சீட்டுகளை ஒரே ஒரு சதவிகிதம் மட்டும் சரி பார்த்தால் போதும்” என்று உத்தரவிட்டார். இந்த அதிகாரி தான் 2017 -ஆம் ஆண்டில் ஹிமாச்சலப் பிரதேசம் மற்றும் குஜராத் தேர்தல்களில் நரேந்திர மோடி ஆதரவு செயல்பாட்டால் கடும் சர்ச்சைக்குள்ளானவர்.

இவரின் 1 சதவீதம் உத்தரவை எதிர்த்தே வழக்கு உச்ச நீதி மன்றம் சென்றன அனைத்து கட்சிகளும்! குறைந்தபட்சம் 30 சதவீதம் வாக்குகள் விவிபேட் அடையாள சீட்டுகளை எண்ணுவது மூலம் சரி பார்க்க வேண்டும் என்று கோரின. ஆனால் அன்றிருந்த தலைமை நீதிபதி ரஞ்சன் கோகோய், ”இதை பரிசீலிக்க நேரமில்லை” என்று கூறி ‘கட்ட பஞ்சாயத்து’ பாணியில் இருவருக்கும் பொதுவாக 3% சீட்டுகளை சரிபார்க்க உத்தரவிட்டார்.

இதை தொடரந்து 2018 ஆம் ஆண்டு ஆகஸ்டு மாதத்தில் அன்றைய தலைமை தேர்தல் ஆணையர் திரு. ஓ.பி. ராவத் அனைத்து கட்சிக் கூட்டத்தை இ.வி.எம். வாக்குமுறை பற்றி விவாதிக்க கூட்டினார்!

இருபதுக்கு மேற்பட்ட கட்சிகள், பாஜகவைத் தவிர அனைத்து கட்சிகளும் ஐம்பது சதவிகித (50%) விவிபேட் அடையாள சீட்டு சரி பார்த்தலைக் கோரினர்.

இந்த கூட்டம் தான் தேர்தல் ஆணையம் கூட்டிய கடைசி கூட்டம். கடந்த ஆறு ஆண்டுகளில் தே.ஆ. அனைத்து கட்சி கூட்டத்தை கூட்டவுமில்லை, கலந்தாலோசித்து, ஒருமித்த கருத்தை எட்ட முயலவுமில்லை.

ஓய்வு பெற்ற உச்ச நீதிமன்ற நீதிபதி மதன்.பி. லோக்கூர் தலைமையில் பிரபல சமூக ஆர்வலர்கள், ஓய்வு பெற்ற ஐ ஏ எஸ் அதிகாரிகள், வழக்கறிஞர்கள் ஆகியோர் இணைந்து மின்னணு வாக்கு முறை பற்றிய ஓர் தெளிவான அறிக்கையை 2021 ஆம் ஆண்டே தயாரித்து, தேர்தல் ஆணையத்திற்கு அனுப்பினர் . இன்று வரை இதைப் பற்றி கலந்துரையாடவோ, மறுமொழி கூறவோ தேர்தல் ஆணையம் முயலவில்லை.

தேர்தல் ஆணையம் ஒரு வழிப்பாதையில் சென்று பிரதமரின் அலுவலகத்தோடு (PMO) மட்டுமே தொடர்பில் உள்ளது என்பது சரியான அணுகுமுறையல்ல.கிட்டத்தட்ட 450 பக்கங்களைக் கொண்ட தேர்தல் ஆணையத்தின் பதில் மனுவில் வாக்காளர்கள் தங்களது வாக்கை தாங்கள் எண்ணப்படி அளிக்கப்பட்டதை  உறுதி செய்து கொள்வது வாக்காளரின் அடிப்படை உரிமை என்று கருத முடியாதாம் !

100 சதவீதம் விவிபேட் அடையாள சீட்டுக்களை எண்ணி அறிவிப்பது அதிக நேரம் பிடிக்கும் தேவையற்ற கால விரயச் செயலாம்!  இது ஜனநாயகக் கடமை சரிபார்ப்பு நிகழ்வு தான் என்பதை ஜனநாயக சக்திகள் உணர வேண்டும்.