குண்டர் சட்டம் 3 ஆம் நீதிபதியின் முடிவில் புழல் சிறைக்கு மாற்றம் செய்து சவுக்கு சங்கர் வழக்கில் உயர்நீதிமன்றம் உத்தரவு

எதிர்காலத்தில் எப்படி நடந்துகொள்வார், என்னவெல்லாம் செய்யமாட்டார் என்பது குறித்து பிரமாணப் பத்திரம் தாக்கல் செய்யும்படி சவுக்கு சங்கர் தரப்புக்கு சென்னை உயர் நீதிமன்றம் நேற்று உத்தரவிட்டது.

மேலும், சவுக்கு சங்கரை குண்டர் தடுப்புச் சட்டத்தில் சிறையிலடைத்ததை எதிர்த்துத் தொடரப்பட்ட வழக்கில் இன்று வெள்ளிக்கிழமை இறுதி விசாரணை நடைபெறுமென உயர் நீதிமன்றம் அறிவித்திருந்தது.

பெண் காவலர்களை உயர் அலுவலர்களுடன் தொடர்பு படுத்தி அவதூறாகப் பேசியதாக  மே மாதம் 4-ஆம் தேதி, யூடியூபர் சவுக்கு சங்கரை, கோயம்புத்தூர் காவல்துறையினர் தேனியில் கைது செய்தனர். அப்போது கஞ்சா வைத்திருந்ததாகவும் வழக்குப் பதிவு செய்யப்பட்ட நிலையில், பொது அமைதிக்குப் பங்கம் ஏற்படுத்தும் வகையில் செயல்பட்டதாகக் கூறி சவுக்கு சங்கரை குண்டர் தடுப்புச் சட்டத்தின் கீழ் சிறையிலடைத்து, சென்னை மாநகரக் காவல் துறை ஆணையர் மே மாதம் 12-ஆம் தேதி அதற்கான உத்தரவை பிறப்பித்தார்.

அந்த உத்தரவை ரத்து செய்து தனது மகனை விடுவிக்கக் கோரி சவுக்கு சங்கரின் தாயார் கமலா சென்னை உயர் நீதிமன்றத்தில் ஆட்கொணர்வு மனுவை தாக்கல் செய்ததில், ‘ காவல்துறை வேண்டுமென்றே உள்நோக்கத்துடன் எனது மகன் மீது அடுத்தடுத்து பல்வேறு வழக்குகளை சட்டவிரோதமாகப் பதிவு செய்து, ஒவ்வொரு நீதிமன்றமாக ஆஜர்படுத்தி வருகின்றனர்.

காவல் துறையால் தாக்கப்பட்டதால் கை மற்றும் உடலில் பல்வேறு இடங்களில் காயம் அடைந்துள்ள எனது மகனுக்கு முறையான சிகிச்சை வழங்கப்படவில்லை. காவல்துறையால் தனது உயிருக்கு ஆபத்திருப்பதாக எனது மகன் பகிரங்கமாகத் தெரிவித்துள்ளார். எனவே, எனது மகனை குண்டர் தடுப்புச் சட்டத்தில் சிறையில் அடைத்த உத்தரவு சட்டவிரோதமானது. எனவே, அதை இரத்து செய்ய வேண்டும்’ என மனுவில் கோரியிருந்தார்.

இந்த ஆட்கொணர்வு மனு நேற்று வியாழக்கிழமை காலை விசாரித்த நீதிபதிகள் ஜி.ஆர்.சுவாமிநாதன், பி.பி. பாலாஜி ஆகியோர் அடங்கிய விடுமுறைக் கால அமர்வு, சவுக்கு சங்கரை குண்டர் தடுப்புச் சட்டத்தில் சிறையிலடைத்துப் பிறப்பித்த உத்தரவு தொடர்பான அனைத்து அசல் ஆவணங்களையும் இன்று பிற்பகல் 2:15 மணிக்குள் தாக்கல் செய்ய சென்னை காவல்துறை ஆணையருக்கு உத்தரவிட்டதன் படி இந்த வழக்கு, பிற்பகலில் மீண்டும் விசாரணைக்கு வந்த போது சென்னை மாநகரக் காவல்துறை ஆணையர் தரப்பில் சவுக்கு சங்கரை குண்டர் தடுப்புச் சட்டத்தில் சிறையிலடைத்த உத்தரவு தொடர்பான அனைத்து அசல் ஆவணங்களும் தாக்கல் செய்யப்பட்டன. அந்த ஆவணங்களைப் பரிசீலித்த நீதிபதிகள், இந்த வழக்கை இன்று மே மாதம் 24 ஆம் தேதி விசாரிப்பதாகக் கூறி  தள்ளி வைத்தனர்.

இதேபோல், கோயம்புத்தூர் சிறையில் சவுக்கு சங்கர் தாக்கப்பட்டது தொடர்பாக அளிக்கப்பட்ட புகார் குறித்து விசாரணை நடத்தும்படி தேசிய மனித உரிமை ஆணையத்துக்கு உத்தரவிடக் கோரி அவரது தாயார் கமலா தாக்கல் செய்த மனுவை விசாரித்த நீதிபதிகள், இந்த மனு மீதான விசாரணையையும் இன்று வெள்ளிக்கிழமைக்குத் தள்ளி வைத்தனர்.

 அப்போது, எதிர்காலத்தில் சவுக்கு சங்கர் எப்படி நடந்து கொள்வார்? என்னவெல்லாம் செய்யமாட்டார் என்பதற்கு உத்தரவாதம் அளித்து பிரமாணப் பத்திரம் தாக்கல் செய்ய வேண்டும் என சவுக்கு சங்கர் தரப்புக்கு உத்தரவிட்ட நீதிபதிகள், தமிழ்நாடு முதல்வரை ஒருமையில் அழைத்திருப்பதை ஏற்க முடியாது என்ற கருத்தையும் தெரிவித்தனர்.

மேலும், இந்த வழக்கில் வெள்ளிக்கிழமை இறுதி விசாரணை மேற்கொள்ளப்படும் என்பதால், நேற்று மாலையே சிறையிலுள்ள அவரைச் சந்தித்து உத்தரவாதம் பெற்று பிரமாணப் பத்திரம் தாக்கல் செய்ய வேண்டும் என அவர் தரப்புக்கு உத்தரவிட்ட நீதிபதிகள், இதற்காக சம்பந்தப்பட்ட காவல்துறை அதிகாரிகளுக்கு அறிவுறுத்தல் வழங்கும் படி அரசு குற்றவியல் வழக்கறிஞருக்கும் உத்தரவிட்டனர்.

அப்போது குறுக்கிட்ட அரசு தலைமை வழக்கறிஞர் பி.எஸ்.ராமன், “இவ்வளவு அவசரம், அவசரமாக இந்த வழக்கை விசாரிக்க வேண்டிய அவசரம் என்ன? நாளைக்கே இந்த வழக்கில் இறுதி விசாரணை மேற்கொள்ள அப்படி என்ன சிறப்புள்ளது?” எனக்  என்றார். அதை ஏற்க மறுத்த நீதிபதிகள், விசாரணையை இன்று வெள்ளிக்கிழமைக்குத் தள்ளி வைத்தனர். யூடியூபர் சவுக்கு சங்கர் மீது கள்ளக்குறிச்சி மாணவி ஶ்ரீமதியின் தாயார் செல்வி சென்னை காவல்துறையில் புகார் கொடுத்துள்ளார். அதில் கள்ளக்குறிச்சி பள்ளி நிர்வாகத்திடமிருந்து பணம் பெற்றுக் கொண்டு ஶ்ரீமதி குறித்து சவுக்கு சங்கர் அவதூறு பரப்பியதால் சட்டப்பூர்வமான நடவடிக்கை எடுக்க வேண்டும் என வலியுறுத்தப்பட்டுள்ளது. 2022-ஆம் ஆண்டு கள்ளக்குறிச்சி மாவட்டத்தில் தனியார் பள்ளி மாணவி ஶ்ரீமதி, பள்ளி விடுதியில் உயிரிழந்தார். ஶ்ரீமதியின் மரணம் தொடர்பாக பல்வேறு சர்ச்சைகள் வந்தது. இது தொடர்பாக விசாரணைகளும் நடத்தப்பட்டன இந்த நிலையில் தற்போது பல்வேறு வழக்குகளில் கைது செய்யப்பட்டு குண்டர் சட்டத்தின் கீழ் சிறையில் அடைக்கப்பட்டுள்ள சவுக்கு சங்கர் மீது ஶ்ரீமதியின் தாயாரும் ஒரு புகாரைக் கொடுத்துள்ளார். அந்தப் புகாரில் சவுக்கு மீடியா யூ டியூப் சேனலில் கள்ளக்குறிச்சி விவகாரம்- மர்மம் அவிழ்க்கும் சவுக்கு என்ற தலைப்பில் ஒரு காணொளிக் காட்சியை சவுக்கு சங்கர் வெளியிட்டார். அதில் என் மகள் குறித்தும் என்னைப் பற்றியும் என் குடும்பத்தினர் பற்றியும் உண்மைக்குப் மாறான விஷயங்களை சவுக்கு சங்கர் பேசியிருந்தார். அப்போது சவுக்கு சங்கர் பேசியதன் பின்னணிக்கான ஆதாரம் எங்களிடமில்லை.தற்போது சவுக்கு சங்கரின் உதவியாளர் பிரதீப் என்பவர் தொலைக்காட்சி சேனல் ஒன்றுக்கு அளித்த பேட்டியில், கள்ளக்குறிச்சி பள்ளி நிர்வாகத்திடம் பணம் பெற்றுக் கொண்டு தான் சவுக்கு சங்கர் என் மகள் ஶ்ரீமதி குறித்தும் என் குடும்பத்தினர் குறித்தும் அவதூறாகப் பேசியதாக தெரிவித்துள்ளார். இதையே ஆதாரமாக வைத்து சவுக்கு சங்கர் மீது உரிய நடவடிக்கை எடுக்க வேண்டும். என  ஶ்ரீமதியின் தாயார் செல்வி புகார் மனுவில் தெரிவித்துள்ளார்.யூடியூபர் சவுக்கு சங்கர், பெண் காவலர்கள் இழிவாகப் பேசியதால் கைது செய்யப்பட்டார். பின்னர் கஞ்சா வழக்கிலும் கைது செய்யப்பட்டார். அடுத்தடுத்த வழக்குகள் சவுக்கு சங்கர் மீது பாய்ந்ததால் குண்டர் சட்டத்தின் கீழ் சிறையில் அடைக்கப்பட்டுள்ளார். இந்த நிலையில் ஶ்ரீமதியின் தாயார் காவல் துறையில்  புகார் கொடுத்துள்ளது குறிப்பிடத்தக்கது.சவுக்கு சங்கர் வழக்கு விஷயத்தில் நீதிபதிக்கு அழுத்தம் கொடுத்த அரசும்  காவல்துறையும் மற்றும் பெரும் புள்ளிகள் .என. நீதிபதி G.R.சுவாமிநாதனை இந்தப் புள்ளிகள் நேரில் சந்தித்து இந்த வழக்கை விசாரிக்கக் கூடாது என இவர்கள் முறையற்ற முறையில் அழுத்தம் கொடுத்துள்ளார்கள். இதெல்லாம் தேவையா? என் விவாதம் எழும் நிலையில் அரசின் விளக்கத்திற்குப் பிறகு நீதிபதி இப்புள்ளிகள் மீது நடவடிக்கை எடுப்பார் என நாமும் நம்புவோம்.

 நீதிபதி G.R.சுவாமிநாதன்  குண்டர் சட்டத்தை ரத்து செய்வார் என்பதையும்.  நீதிபதி பாலாஜியின் தீர்ப்பு வேறு விதமாய் இருக்கலாம்.

முடிவாக மூன்றாம் நீதிபதியும் குண்டர் சட்டத்தை ரத்து செய்வார் என்பது விசாரணையின் ஓட்டத்தில் அறிய முடிகிறது .  சவுக்கு சங்கரை குண்டர் சட்டத்தில் அடைத்ததற்கு எதிரான வழக்கு விசாரணையில் அதிகாரம் மிக்கவர்களிடமிருந்து அழுத்தம் வந்ததாக நீதிபதி ஜி.ஆர்.சுவாமிநாதன் தெரிவித்துள்ளார்.

குண்டர் சட்டம் உத்தரவை ரத்து செய்யக் கோரி சவுக்கு சங்கரின் தாயார் கமலா, சென்னை உயர்நீதிமன்றத்தில் தாக்கல் செய்த ஆட்கொணர்வு மனு நேற்று விசாரணைக்கு வந்த போது, எதிர்காலத்தில் எப்படி நடந்து கொள்வார் என்ற உத்தரவாத மனுவை தாக்கல் செய்யும்படி சவுக்கு சங்கர் தரப்புக்கு நீதிமன்றம் உத்தரவு பிறப்பித்து இருந்தது.

இந்த வழக்கு நீதிபதிகள் சுவாமிநாதன் மற்றும் பாலாஜி ஆகியோர் அடங்கிய அமர்வில் இன்று மீண்டும் விசாரணைக்கு வந்த போது, சவுக்கு சங்கர் தரப்பில் உத்தரவாத மனுத்தாக்கல் செய்யப்பட்டது. அதில், இதுவரை நடந்து கொண்ட செயல்பாடுகளை நியாயப்படுத்தும் வகையில் இருப்பதாகக் கூறி அரசு தரப்பில் வாதிடப்பட்டது.

சவுக்கு சங்கர் தரப்பில் ஆஜரான வழக்கறிஞர், சவுக்கு சங்கர் கருத்தால் சட்டம் ஒழுங்கு பாதிக்கப்படவில்லை பொது சொத்துக்களுக்குப் பங்கம் ஏற்படவில்லை. நான்கு வழக்குகளில் கைது செய்யப்பட்டது தொடர்பாக காவல்துறையின் குண்டர் சட்ட உத்தரவில் எதுவும் குறிப்பிடப்படவில்லை என வாதிட்டார்.

மேலும் இந்த வழக்கில் தங்களையும் மனுதாரராகச் சேர்த்துக் கொள்ள வேண்டும் எனக் கோரிக்கை வைத்து பத்திரிக்கையாளர் சந்தியா ரவிசங்கர் மற்றும் தமிழர் முன்னேற்றப்படையின் தலைவர் வீரலட்சுமி ஆகியோர் முறையீடு செய்திருந்த நிலையில், இவர்கள் தரப்பின் வாதங்களும் கேட்கப்பட்ட நிலையில்,

அனைத்துத் தரப்பு வாதங்களையும் கேட்ட நீதிபதிகள் இரண்டு மாறுபட்ட தீர்ப்புகளை வழங்கியள்ளனர்.

நீதிபதி சுவாமிநாதன் பிறப்பித்த உத்தரவில், சமுதாயத்தில் அதிகாரத்தில் உள்ளவர்கள் தன்னிடம் பேசியதால், இந்த வழக்கை இறுதி விசாரணைக்கு அவசரமாக எடுத்ததாகவும், மாறாக பதிலளிக்க உத்தரவிட்டிருந்தால், என்னிடம் அவ்வாறு பேசியவர்கள் தங்கள் இலக்கை அடைந்து விடுவதாக அர்த்தமாகிவிடும் என்பதால் இந்த வழக்கை இறுதி விசாரணைக்கு எடுத்துக் கொண்டதாக தெரிவித்தார்.

மேலும் சவுக்கு சங்கரை குண்டர் சட்டத்தில் அடைத்த உத்தரவை இரத்து செய்வதாகவும் நீதிபதி ஜி ஆர் சுவாமிநாதன் கூறியுள்ளார்.

நீதிபதி பாலாஜி தனது தீர்ப்பில் வழக்கமான நடைமுறைப்படி இந்த வழக்கில் அரசுத்தரப்பு பதிலளிக்க அவகாசம் தர வேண்டும். பதிலுக்குப் பிறகே இந்த வழக்கை விசாரணைக்கு எடுத்துக் கொள்ள வேண்டும் என தீர்ப்பு வழங்கியுள்ளார்.

இரு நீதிபதிகளும் இரு வேறு தீர்ப்புகளை வழங்கி உள்ளதால் இந்த வாழக்கை மூன்றாவது நீதிபதி விசாரணைக்கு நீதிபதிகள் பரிதுரை செய்துள்ளனர். அது மட்டுமின்றி கோயம்புத்தூர் சிறையிலுள்ள சவுக்கு சங்கரை புழல் சிறைக்கு மாற்ற இரு நீதிபதிகளும் ஒருமித்த உத்தரவை பிறப்பித்து உள்ளனர்.  சட்டம் எதுவோ? அதன் படி நீதிபதி G R சாமிநாதன் தீர்ப்பு வழங்கியுள்ளார்.

சவுக்கு சங்கர் - அவரையே அவதூறாகப் பேசியவர் தான்.

அவர் பேசும் அவதூறுகள் பற்றி அவருக்கு நன்றாகவே தெரியும்.

அவர் செய்த தவறுகளுக்கு தண்டனை அளிக்க உரிய சட்டங்கள் உள்ளன: அவர் செய்த குற்றத்திற்குப் பல வழக்குகள் பதிவு செய்யப்பட்டுள்ளன. அதன் படி நீதிமன்ற விசாரணையை அவர் எதிர் நோக்கித்தான் ஆக வேண்டும். அவர் குற்றவாளி இல்லை என தீர்ப்பளிக்கவில்லை.

ஆனால், குண்டர் சட்டம் போட வேண்டிய அவசியமில்லை. ஆகவே தான் குண்டர் சட்டத்தை ரத்து செய்துள்ளார். என்பது தான் உண்மை 

எல்லா வழக்குகளிலும் ஜாமீன் பெறவே குறைந்த பட்சம் 6 மாத காலம் ஆகலாம்.                                  இந்த நிலையில் ரெட் பிக்ஸ் ஆசிரியர் பெலிக்ஸ் ஜெரால்டுக்கு நிபந்தனை ஜாமீன் வழங்கி உத்தரவு. திருச்சிராப்பள்ளி மகிளா நீதிமன்ற நீதிபதி ஜெயப்பிரதா வழங்கியுள்ளார். ஆறு மாதத்திற்கு திருச்சிராப்பள்ளி கணினி சார் குற்றவியல் பிரிவில் மாதத்திற்கு இரண்டு முறை ஆஜராகி கையெழுத்திட வேண்டுமென நிபந்தனை விதிக்கப்பட்டு அவருக்கு தற்போது ஜாமீன் வழங்கப்பட்டுள்ளது.