குடியரசுத் தலைவர் பத்ம விருதுகளை வழங்கினார்

2-வது பத்ம விருது விழாவில் குடியரசுத் தலைவர் பத்ம விருதுகளை வழங்கினார்

குடியரசுத் தலைவர் மாளிகையில் இன்று (மே 9, 2024) நடைபெற்ற பத்ம விருது வழங்கும் விழா-II-ல் 2024 ஆம் ஆண்டிற்கான பத்ம விபூஷண், பத்ம பூஷண் மற்றும் பத்மஸ்ரீ  விருதுகளை குடியரசுத் தலைவர் திருமதி திரௌபதி முர்மு வழங்கினார்.

இந்த நிகழ்ச்சியில் குடியரசுத் துணைத்தலைவர், பிரதமர், மத்திய உள்துறை அமைச்சர் உள்ளிட்டோர் கலந்து கொண்டனர்.

பத்ம விருது பெற்றவர்கள் பட்டியல் இந்த இணைப்பில் :பத்ம விருதுகள் வழங்கும் விழாவில் தமிழ்நாட்டைச் சேர்ந்த டாக்டர் வைஜெயந்திமாலா பாலிக்கு குடியரசுத்தலைவர் பத்ம விபூஷண் விருது வழங்கினார்

கலைத்துறையில் கேப்டன் விஜயகாந்துக்கு (மறைவுக்கு பின்) பத்ம பூஷண் விருது வழங்கினார்

திரு எம். பத்ரப்பன், திருமிகு ஜோஷ்னா சின்னப்பா டாக்டர் ஜி நாச்சியார் ஆகியோருக்கு முறையே கலை, விளையாட்டு மற்றும் மருத்துவத் துறைகளில் பத்மஸ்ரீ விருதுகளை குடியரசுத்தலைவர் வழங்கினார்

புதுதில்லியில் இன்று நடைபெற்ற பத்ம விருது வழங்கும் விழாவில் தமிழ்நாட்டைச் சேர்ந்த டாக்டர் வைஜெயந்திமாலா பாலிக்கு குடியரசுத்தலைவர் பத்ம விபூஷண் விருது வழங்கினார்.

தமிழ்நாட்டைச் சேர்ந்த கேப்டன் விஜயகாந்துக்கு (மறைவுக்குப் பின்) கலைத் துறைக்கான பத்ம பூஷண் விருது வழங்கப்பட்டது.

திரு. எம். பத்ரப்பன், திருமிகு ஜோஷ்னா சின்னப்பா, டாக்டர் ஜி நாச்சியார் ஆகியோருக்கு முறையே கலை, விளையாட்டு மற்றும் மருத்துவத் துறைகளில் பத்மஸ்ரீ விருதுகளை குடியரசுத்தலைவர் வழங்கினார்.

விருது பெற்றவர்களின் வாழ்க்கை மற்றும் அவர்களின் பணிகள் குறித்து சுருக்கமாக கீழே கொடுக்கப்பட்டுள்ளது.

டாக்டர் வைஜெயந்திமாலா பாலி (பத்ம விபூஷன்)

பல தசாப்தங்களாக பரதநாட்டியத்தில் மறுமலர்ச்சியை ஏற்படுத்தியவர்களின் வரிசையில் டாக்டர் வைஜயந்திமாலா பாலியின் பெயர் முக்கியமாக உள்ளது.

2.      1933- ம் ஆண்டு ஆகஸ்ட் 13-ம் தேதி, தென்னிந்தியாவில் பிறந்த டாக்டர் வைஜெயந்திமாலா ஒரு வைதீக குடும்பத்தைச் சேர்ந்தவர் என்றாலும், புகழ்பெற்ற தஞ்சாவூர் பாணியைச் சேர்ந்த பாரம்பரியம் மிக்க கலையை ஆதரித்தவர். 5 வயதில் போப்பாண்டவரின் முன் நடனமாடி இவரது ஆசீர்வாதங்களைப் பெற்றபோது அவரது திறமைகள் இளம் வயதிலேயே வெளிப்பட்டன. பல புகழ்பெற்ற அரசியல்வாதிகள் மற்றும் பிரமுகர்கள் முன்னும் மற்றும் பல சர்வதேச அமைப்புகளிலும் இவர் நடனமாடி தமது திறைமையை வெளிப்படுத்தியுள்ளார்.

3. 1969 ஆம் ஆண்டில் ஐக்கிய நாடுகள் சபையின் மனித உரிமைகள் தினத்தின் 20 வது ஆண்டு கொண்டாட்டங்களில் கலந்து கொள்ள  அழைக்கப்பட்ட முதல் இந்திய நடனக் கலைஞர் டாக்டர் வைஜெயந்திமாலா ஆவார். சர்வதேச ஓபரா ஹவுஸ் - சிட்னி, ராயல் ஓபரா ரால்ஸ்ட் ஃபெஸ்டிவல்-ஸ்டாக்ஹோம், ஹாலந்து ஃபெஸ்டிவல்- ரோட்டர்டாம் இலையுதிர்கால, விழா-பாரிஸ் ஆகியவற்றில் நிகழ்ச்சிகளை நடத்திய பெருமையையும் இவர் பெற்றுள்ளார்.

4. டாக்டர் வைஜெயந்திமாலா பல நாட்டிய-நாடகங்களை உருவாக்கி, இயக்கி, வழங்கிய பெருமைக்குரியவர். 'ஆண்டாள் திருப்பாவை' குருதேவ் தாகூரின் 'சந்தாலிகா', கவி குஞ்சர பாரதியின் 'அழகர் குறவஞ்சி', தேசிய சுதந்திர இயக்கத்தின் வளர்ச்சியை சித்தரிக்கும் 'ஏக்தா' என்ற பல பரிமாண பாலே மற்றும் உலக அமைதிக்கான செய்தியை தெரிவிக்கும் 'ஓம் சாந்தி சாந்தி' ஆகியவை  இதில் அடங்கும். வால்மீகி ராமாயணத்தில் சீதா விலேச த்ரயம், நவவித ராம பக்தி, வராக புராணம் ஆகியவற்றை இருந்து கைசிக புராணத்தை நடனத்திலும், அபிநய வடிவிலும் வழங்க இவர் எடுத்த முயற்சி பலரது பாராட்டுகளைப் பெற்றது.

5. டாக்டர் வைஜெயந்திமாலா புகழ் பெற்று வந்த போது, திரையுலகம் அவரை தனது வட்டத்திற்குள் ஈர்த்தது. தமிழில் ஏவி.எம் நிறுவனத்தின் முதல் படமான 'வாழ்க்கை',  அதன் இந்திப் பதிப்பான  பஹார்  ஆகியவற்றில் இவர் நடித்தார்.  தனது திரைப்பட வாழ்க்கையின் பத்தாண்டுகளுக்குள்ளேயே திரையுலகின் சூப்பர் ஸ்டாராக உயர்ந்தார். நாகின், புது தில்லி, மதுமதி, நயா தௌர், கங்கா ஜமுனா, சங்கம், சாதனா, ஜுவல் தீஃப், அம்ரபாலி போன்ற பிரபலமான இந்தித் திரைப்படங்களிலும், தமிழ்த் திரைப்படங்களான தேனிலவு, வஞ்சிக்கோட்டை வாலிபன், பாக்தாத் திருடன், பார்த்திபன் கனவு போன்ற மறக்கமுடியாத வெற்றிப் படங்களிலும் இவர் நடித்தார்.

6. வைஜெயந்திமாலாவைப் பொறுத்தவரை, நாட்டு மக்களுக்கு சேவை செய்வதற்கான ஒரு வழிமுறையாக அரசியல் மாறியது. அவர் தென் சென்னை தொகுதியில் போட்டியிட்டு 1984 மற்றும் 1989 ஆம் ஆண்டுகளில் மக்களவையில் தொடர்ச்சியாக இரண்டு முறை பணியாற்றினார். நுண்கலைத் துறையில் இவர் செய்த பங்களிப்பிற்காக 1993 ஆம் ஆண்டில் அப்போதைய இந்தியக் குடியரசுத் தலைவர் இவரை மாநிலங்களவைக்கு பரிந்துரைத்தார்.

7. டாக்டர் வைஜெயந்திமாலா பல விருதுகளையும் கௌரவங்களையும் பெற்றவர். பரதநாட்டியத்தின் பாரம்பரிய கலை வடிவத்திற்கு இவர் செய்த பங்களிப்பிற்காக 1995 ஆம் ஆண்டில் சிதம்பரம் அண்ணாமலை பல்கலைக்கழகம் இவருக்கு கௌரவ டாக்டர் பட்டம் வழங்கியது. 1968 ஆம் ஆண்டில் இந்திய அரசு இவருக்கு "பத்மஶ்ரீ" விருது வழங்கியது. 1958, 1961, 1964 மற்றும் 1996 ஆம் ஆண்டுகளில் சிறந்த நடிகைக்கான நான்கு பிலிம்பேர் விருதுகளை இவர் பெற்றுள்ளார். 1979 ஆம் ஆண்டு அப்போதைய  தமிழக முதலமைச்சர், இவருக்கு மாநில அரசின் கலைமாமணி  விருது வழங்கி கௌரவித்தார். 1982 ஆம் ஆண்டில் சங்கீத நாடக அகாதமி விருது, 2012 ஆம் ஆண்டில் பரதநாட்டியத்திற்கான சங்கீத நாடக அகாடமி - தாகூர் ரத்னா சம்மன் (ஃபெலோ) விருது மற்றும் 2006 ஆம் ஆண்டில் புனேவின் புனே சர்வதேச பிளின்ட் ஃபெஸ்டிவல் (பிஐஎஃப்எஃப்) வழங்கிய வாழ்நாள் சாதனையாளர் விருது ஆகியவற்றைப் பெற்றார்.

2014 ஆம் ஆண்டில் ஒடிசாவின் கோனார்க்கில் நடந்த கோனார்க் நடனம் மற்றும் இசை விழாவில் வாழ்நாள் சாதனையாளர் விருதைப் பெற்றார். மேலும் இந்தியாவிலும் வெளிநாட்டிலும் கலையைப் பாதுகாத்து ஊக்குவிப்பதன் மூலம் பரதநாட்டியத்திற்காக 2014-ம் ஆண்டில் அபாய் நிறுவனத்தால் நாட்டிய கலாநிதி விருது பெற்றார். பரதநாட்டியத்தில் இவர் செய்த பங்களிப்பிற்காக 2016-ம் ஆண்டில், மும்பையின் ஸ்ரீ சண்முகானந்தா நுண்கலை மற்றும் சங்கீத சபா இவருக்கு டாக்டர் எம்.எஸ்.சுப்புலட்சுமி நூற்றாண்டு விருதினை வழங்கியது. தமிழக முதலமைச்சர் 2019-ம் ஆண்டில் பால சரஸ்வதி விருது வழங்கி கௌரவித்தார். 2019-ம் ஆண்டில் சி.பி.ராமசாமி ஐயர் அறக்கட்டளையால் "சரஸ்வதி புரஸ்காரம்" என்ற பட்டத்தைப் பெற்றார்.

------

பத்ம விருது வழங்கும் விழாவில் தமிழ்நாட்டைச் சேர்ந்த கலைத் துறையில் பரிமளித்த கேப்டன் விஜயகாந்துக்கு (மறைவுக்குப் பின்) இந்தியக் குடியரசுத் தலைவர் பத்ம பூஷண் விருது வழங்கினார்.

பத்ம பூஷண் - கேப்டன் விஜயகாந்த் (மறைவுக்குப் பின்)

கேப்டன் விஜயகாந்த் தமிழ் திரைப்பட ரசிகர்களிடையே தேசியவாதம் மற்றும் தேசபக்தியை ஊட்டுவதில் இவரது பங்கிற்காக உலகெங்கிலும் உள்ள தமிழ் சமூகங்களில் பரவலாக அங்கீகரிக்கப்பட்ட ஒரு சிறந்த நடிகர் ஆவார். இவர் தமிழ்நாட்டை தளமாகக் கொண்ட மாநில அங்கீகாரம் பெற்ற அரசியல் கட்சியான தேசிய முற்போக்கு திராவிட கழகத்தின் (தே.மு.தி.க) நிறுவனராகவும் இருந்தார்.

2. 1952-ம் ஆண்டு ஆகஸ்ட் 25-ல் பிறந்த திரு விஜயகாந்த் சினிமாவில் ஆர்வத்தை வளர்த்துக் கொண்டார். இளம் வயதிலேயே சமூக மற்றும் சமூக பிரச்சினைகளில் ஆர்வத்தை வெளிப்படுத்தினார். 1979 ஆம் ஆண்டு தமிழ் திரையுலகில் அறிமுகமான இவர் 2015 ஆம் ஆண்டு வரை 154 படங்களில் நடித்துள்ளார். இவரது முதல் குறிப்பிடத்தக்க திருப்பம் 1981 ஆம் ஆண்டில் சட்டம் ஒரு இருட்டறை’ திரைப்படத்தில் தொடங்கியது. இது இந்தி, தெலுங்கு, மலையாளம் மற்றும் கன்னடம் போன்ற பிற மொழிகளில் ரீமேக் செய்யப்பட்டது.

3. திரு விஜயகாந்த் நடிப்பின் மூலம் தமிழ் திரையுலகில் 90 களில் ஒரு பெரிய புரட்சியை உருவாக்கினார், நாட்டின் தேசபக்தி மற்றும் தேசியவாத விழுமியங்களை ஊக்குவிக்கும் பல பாத்திரங்களில் நடித்தார், மேலும் அதை சமூகத்தில்  எவ்வாறு வளர்க்க வேண்டும் எனக் காட்டினார். இது அவருக்கு மக்கள் மத்தியில் "புரட்சி கலைஞர்" என்ற பட்டத்தைப் பெற்றுத் தந்தது. இவர் பல படங்களில் சட்டத்தை அமல்படுத்துபவர், காவல்துறை அதிகாரி அல்லது கிராமத் தலைவராக நடித்தார். அவரது கேப்டன் பிரபாகரன் (1991) திரைப்படம் தமிழக மக்களிடையே 'கேப்டன்' என்ற பெயரைப் பெற்றுத் தந்தது.

4. விஜயகாந்த் தமிழ்நாட்டில் உள்ள ஏழைக் குடும்பங்களுக்கு ஆதரவான  மனிதாபிமான முயற்சிகளுக்காகவும், தமிழ் சினிமாவில் போராடும் நடிகர்களுக்கு ஆதரவாகவும் பரவலாக அறியப்பட்டவர். நடிகர்கள் மற்றும் திரைப்படக் குழுவினரின் அனைத்து உறுப்பினர்களுக்கும் ஒரே உணவு என்ற சமத்துவத்தை உறுதி செய்வதற்கான இவரது வலுவான நிலைப்பாடு, பல ஆண்டுகளாக தமிழ் திரைப்படத் துறையில் இருந்த பணித் தரங்களில் புரட்சியை ஏற்படுத்தியது. தென்னிந்திய நடிகர் சங்கத்தின் தலைவராக இருந்தபோது, அதிக கடனில் மூழ்கியிருந்த அந்த அமைப்பை, கலை நிகழ்ச்சிகளை நடத்தி, அவற்றின் மூலம்  வசூலித்து சங்கத்தின் கடன்களை அடைத்து, அதை ஒரு தொண்டு நிறுவனமாக மாற்றினார். குறைந்த வருமானம் கொண்ட கலைஞர்களுக்கு பல சலுகைகள் மற்றும் ஓய்வூதியத்தை உறுதி செய்வதன் மூலம் தமிழ் திரைப்படத் துறையில் உள்ள கலைஞர்களின் வாழ்க்கையை மாற்றத்திற்கு தனது வருமானத்தைப் பயன்படுத்தினார். கார்கில் போர், 2001 குஜராத் பூகம்பம், 1999 ஒடிசா புயல்கள் மற்றும் 2009 ஆந்திரா வெள்ளம் ஆகியவற்றின் போது தமிழ்நாட்டிற்கு அப்பால் அவரது மனிதாபிமான பங்களிப்புகளுக்காகவும் இவர் அறியப்பட்டார். கலை, சமூக சேவை மற்றும் பொது விவகாரங்களில் இவரது மகத்தான பங்களிப்புகள் தமிழக மக்களின் இதயங்களில் இவருக்குத் தனியானதொரு இடத்தை வழங்கியுள்ளது.

5.  திரு விஜயகாந்த் இரண்டு தென்னிந்திய பிலிம்பேர் விருதுகள் மற்றும் மூன்று தமிழ்நாடு மாநில திரைப்பட விருதுகள் உட்பட பல விருதுகளையும் கௌரவங்களையும் பெற்றுள்ளார். 1988 ஆம் ஆண்டில் செந்தூரப் பூவே படத்தில் நடித்ததற்காக சிறந்த நடிகருக்கான தமிழ்நாடு மாநில திரைப்பட விருதினைப் பெற்றார். மேலும் தாயகம் படத்தில் அவரது சிறந்த நடிப்பு 1996-ம் ஆண்டில் தமிழ்நாடு மாநில திரைப்பட விருதுக்கு சிறப்பு பரிசைப் பெற்றுத் தந்தது. நாடு முழுவதும் இவர் செய்த மனிதாபிமான பங்களிப்புகளுக்காக 2001 ஆம் ஆண்டில் சிறந்த குடிமகன் விருது மற்றும் பாரத் சிரோமணி விருது இவருக்கு வழங்கப்பட்டது. 2001-ம் ஆண்டில் தமிழ்நாட்டின் மிக உயர்ந்த விருதான கலைமாமணி விருதையும், இரண்டு சினிமா எக்ஸ்பிரஸ் விருதுகளையும் இவர் பெற்றார். 2011-ல் சர்வதேச சர்ச் மேலாண்மை நிறுவனம் இவருக்கு கௌரவ டாக்டர் பட்டம் வழங்கி கௌரவித்தது.

6. திரு விஜயகாந்த் 2023-ம் ஆண்டு டிசம்பர் 28 அன்று காலமானார்.

------

கலை, விளையாட்டு மற்றும் மருத்துவத் துறைகளில் முறையே தமிழகத்தைச் சேர்ந்த திரு. எம். பத்ரப்பன், திருமதி ஜோஷ்னா சின்னப்பா, டாக்டர் ஜி.நாச்சியார் ஆகியோருக்கு புதுதில்லியில் நடைபெற்ற பத்ம விருது வழங்கும் விழாவில் குடியரசுத் தலைவர் பத்மஸ்ரீ விருதுகளை வழங்கினார்.

திரு எம். பத்ரப்பன் (பத்மஸ்ரீ)

வள்ளி ஓயில் கும்மி நாட்டுப்புற நடனத்தின் மாஸ்டர் எம்.பத்ரப்பன். 1936-ம் ஆண்டு ஏப்ரல் 16-ம் தேதி பிறந்த பத்ரப்பன் பத்தாம் வகுப்பு வரை படித்து சிறு விவசாயியாக வாழ்ந்து வந்தார். 1959 ஆம் ஆண்டில் மாஸ்டர் திரு தோட்டகவுடரிடமிருந்து அரிச்சந்திர கும்மி கற்றுக்கொண்டார். 1962 முதல், வள்ளி ஓயில் கும்மியின் மாஸ்டர் திரு  திருமப்ப கவுடருடன் பணியாற்றி வருகிறார். 1992 ஆம் ஆண்டில், இவர் தனது தலைமையின் கீழ் ஓர் அணியை உருவாக்கினார். 52 ஆண்டுகளாக நாட்டுப்புறக் கலைகளில் பணியாற்றி வருகிறார். இவர் தனது கிராமமான தாசனூரில் அரசு நடுநிலைப் பள்ளியில் கடந்த 20 ஆண்டுகளாக வள்ளி ஓயில் கும்மிக்கு சுமார் 100 மாணவ, மாணவிகளுக்கு பயிற்சி அளித்துள்ளார். ஆரம்பக் கட்டத்தில் நாட்டுப்புற கலைகளில் ஆண்கள் மட்டுமே பங்கேற்றனர், இப்போது பெண்களும் பங்கேற்கின்றனர். மகாகவி பாரதியாரின் வரலாறு, சமூகக் கருத்துகள், வாழ்க்கை முறை, சுற்றுச்சூழல் விழிப்புணர்வு, இயற்கை விவசாயம், சுகாதாரம், தொற்று நோய்கள் ஆகியவற்றை வள்ளி ஓயில் கும்மியில் சேர்த்துள்ளார்.

3. திரு பத்ரப்பன் கிராமங்கள் மற்றும் நகரங்கள், பள்ளிகள், கல்லூரிகள், பல்கலைக்கழகங்கள், மையங்கள், அமைப்புகள் மற்றும் சங்கங்களின் உள்ள திருவிழாக்களில் வள்ளி ஒயில் கும்மியை நடத்துகிறார். இதுவரை, சுமார் 300 நிகழ்ச்சிகளை நடத்தியுள்ளார். வானொலி மற்றும் தொலைக்காட்சியிலும், யூடியூப் போன்ற சமூக ஊடகங்களிலும், குறும்படங்கள் மூலமாகவும் வள்ளி ஓயில் கும்மி மற்றும் பிற நாட்டுப்புறக் கலைகளை ஊக்குவித்து பாதுகாத்து வருகிறார்.

4. பத்ரப்பன் 24 ஆண்டுகளாக கோவை வானொலியில் நிகழ்ச்சி நடத்தி வருகிறார். கோயம்புத்தூர் பொதிகை தொலைக்காட்சி (தூர்தர்ஷன் தமிழ்), கோவை பாரதியார் பல்கலைக்கழகம், அவினாசிலிங்கம் பல்கலைக்கழகம், கோவை கொங்குநாடு கலை அறிவியல் கல்லூரி ஆகியவற்றில் மூன்று முறை வள்ளி ஒயில் கும்மி நிகழ்ச்சிகளை நடத்தியுள்ளார். குரு சிஷ்ய பரம்பரை திட்டத்தை செயல்படுத்த தஞ்சாவூர் தென்மண்டல கலாச்சார மையம் 2015 மற்றும் 2016 ஆகிய இரண்டு ஆண்டுகள் இவருக்கு உதவியது. அந்தத் திட்டத்தை சிறப்பாகச் செயல்படுத்தியிருக்கிறார். 2015, 2016 மற்றும் 2017 ஆம் ஆண்டுகளில் தஞ்சை தென்னகப் பண்பாட்டு மையம் ஏற்பாடு செய்திருந்த சலங்கைநத்தம் நிகழ்ச்சியில் கலந்து கொண்டு பெரும் பங்களிப்பை செய்தார்.

5. பத்ரப்பன் பல விருதுகளைப் பெற்றுள்ளார். தஞ்சை தென்னகப் பண்பாட்டு மையம், சேலம் மண்டலப் பண்பாட்டு மையம், கோயம்புத்தூர் மாவட்ட கலை மையம் ஆகியவை இணைந்து இவருக்கு 2002 ஆம் ஆண்டில் கலை முத்துமணி விருது வழங்கி கௌரவித்தது

----

ஜோஷ்னா சின்னப்பா – பத்மஸ்ரீ

சர்வதேச ஸ்குவாஷ் வீராங்கனையான  ஜோஷ்னா சின்னப்பா, தேசிய மற்றும் சர்வதேச ஸ்குவாஷ் போட்டிகளில் வெற்றி பெற்று இந்திய ஸ்குவாஷ் போட்டியில் சாம்பியன் பட்டம் வென்றார்.

2. 1986-ம் ஆண்டு செப்டம்பர் 15ந்தேதி  சென்னையில் பிறந்த திருமதி ஜோஷ்னா, கூர்க்கில் உள்ள கொடவா சமூகத்தைச் சேர்ந்தவர். இவர் பீல்டு மார்ஷல் திரு கே.எம்.கரியப்பாவின் கொள்ளுப் பேத்தி ஆவார்.  பள்ளிப்படிப்பை சென்னையில் முடித்த இவர், சென்னை எத்திராஜ் மகளிர் கல்லூரியில் பி.ஏ. பயின்றார். 9 வயதில், இவரது தந்தை திரு அஞ்சன் சின்னப்பாவால் இவருக்கு ஸ்குவாஷ் அறிமுகம் செய்யப்பட்டது. அவர் 15 ஆண்டுகளாக இவருக்கு வழிகாட்டியாகவும் பயிற்சியாளராகவும் இருந்தார். 14 வயதில் தனது முதலாவது சீனியர் தேசிய ஸ்குவாஷ் சாம்பியன் பட்டத்தை வென்றார். 19 தேசிய பட்டங்களுடன் சாதனை படைத்தார், அவர் 20 ஆண்டுகளாக இந்திய ஸ்குவாஷ் மீது ஆதிக்கம் செலுத்துகிறார்.

3. வெற்றிகரமான ஜூனியர் வாழ்க்கைக்குப் பிறகு,  ஜோஷ்னா சர்வதேச போட்டிகளை வென்று 2003-ல் முதல் இந்திய ஆசிய ஜூனியர் சாம்பியன் ஆனார். 2005-ம் ஆண்டில், பெல்ஜியத்தில் நடந்த உலக தனிநபர் ஜூனியர் சாம்பியன் போட்டியில் வெள்ளிப் பதக்கம் வென்ற முதல் இந்தியர் மற்றும் மதிப்புமிக்க பிரிட்டிஷ் ஓபன் ஜூனியர் சாம்பியன் பட்டத்தை வென்ற முதல் இந்தியர் என்ற பெருமையைப் பெற்றார். தொழில்முறை சுற்றுப்பயணத்தில் சேர்ந்தபோது, ஸ்குவாஷில் சிறந்து விளங்குவதற்கான இவரது தேடல் தொடர்ந்தது. சுற்றுப்பயணத்தில் இவரது விளையாட்டுத் திறன்  2016-ல் மிக உயர்ந்த உலக தரவரிசை 10-ஐ எட்ட வழிவகுத்தது. 2011 ஆம் ஆண்டில்  காயம் காரணமாக, கிட்டத்தட்ட ஒரு வருடம் ஸ்குவாஷிலிருந்து விலகி இருக்க நேர்ந்தது. ஆனால், விளையாட்டின் மீதான ஆர்வத்தை இவர் குறைக்கவில்லை. 2012 ஆம் ஆண்டில் சென்னை ஓபன் பினாங்கு ஓபன் ஆகியவற்றை வென்று வலுவாக திரும்பிய இவர், 2012 ஆம் ஆண்டில் குவைத்தில் நடந்த ஆசிய அணி சாம்பியன் போட்டியில் இந்தியா தங்கப் பதக்கம் வெல்ல முக்கியப் பங்கு வகித்தார்.

4. இந்தியாவைப் பிரதிநிதித்துவம், 2006 மற்றும் 2016-ம் ஆண்டுகளில் தெற்காசிய விளையாட்டுப் போட்டிகளில் ஜோஷ்னா தங்கப் பதக்கங்களை வென்று நாட்டிற்குப் பெருமை சேர்த்துள்ளார். 2014-ம் ஆண்டில், கிளாஸ்கோவில் நடந்த காமன்வெல்த் விளையாட்டுப் போட்டிகளில் ஸ்குவாஷ் பிரிவில் பெண்கள் இரட்டையர் பிரிவில் முதல் தங்கப் பதக்கத்தை வென்று வரலாறு படைத்தார். 2018 ஆம் ஆண்டில், கோல்ட் கோஸ்ட் காமன்வெல்த் விளையாட்டுப் போட்டிகளில் பெண்கள் இரட்டையர் பிரிவில் வெள்ளிப் பதக்கம் வென்றார். 2018-ம் ஆண்டு ஜகார்த்தாவில் நடைபெற்ற ஆசிய விளையாட்டுப் போட்டிகளில், குழு பிரிவில் வெள்ளிப் பதக்கமும், தனிநபர் பிரிவில் வெண்கலப் பதக்கமும் வென்றார். 2017-ம் ஆண்டில், ஆசிய ஸ்குவாஷ் சாம்பியன் ஆன முதல் இந்திய ஸ்குவாஷ் வீரர் ஆனார். மேலும் 2019-ல் தனது பட்டத்தை வெற்றிகரமாக தக்கவைத்தார். 2022-ம் ஆண்டில் உலக இரட்டையர் சாம்பியன் பட்டத்தை வென்றதன் மூலம் இவர் தொடர்ந்து நாட்டிற்குப் பெருமை சேர்த்தார். 2023 ஆசிய விளையாட்டுப் போட்டியில், குழுப் போட்டியில் வெண்கலப் பதக்கம் வென்றார். ஸ்குவாஷ் அரங்கில் இவரது வெற்றிகள் விளையாட்டை பிரபலப்படுத்த பெரிதும் உதவியது.

5. 2005 ஆம் ஆண்டில், ஜோஷ்னா மத்திய அரசின் சுகாதாரம் மற்றும் குடும்ப நல  அமைச்சகத்தின் "பெண் குழந்தையைக் காப்பாற்றுங்கள்" பிரச்சாரத்தின் நல்லெண்ணத் தூதராக நியமிக்கப்பட்டார். ஸ்குவாஷில் இவரது சாதனைகளை அங்கீகரிக்கும் வகையில், இவருக்கு 2013 ஆகஸ்டில் இளைஞர் நலன் மற்றும் விளையாட்டு அமைச்சகம், அர்ஜுனா விருது வழங்கியது.  2010 ஆம் ஆண்டில் ரோட்டரி இன்டர்நேஷனல் மாவட்டம் 3230 இலிருந்து விளையாட்டு ஐகான்  (அடையாளம்) விருதையும் பெற்றுள்ளார். தமிழக முதலமைச்சர்களால் கௌரவிக்கப்பட்டவர். மெட்ராஸ் கிரிக்கெட் கிளப், சிசிஐ – மும்பை, எத்திராஜ் மகளிர் கல்லூரி போன்ற பல்வேறு கிளப்புகளாலும் இவர் கௌரவிக்கப்பட்டுள்ளார்.

---

பத்மஸ்ரீ - டாக்டர் ஜி.நாச்சியார்

டாக்டர் ஜி.நாச்சியார், புகழ்பெற்ற கண் மருத்துவர். இவர் மனிதவளத் துறையின் ஓய்வு பெற்ற இயக்குநராகவும், மதுரை அரவிந்த் கண் மருத்துவமனை மற்றும் கண் மருத்துவ முதுகலை நிறுவனத்தின் துணைத் தலைவராகவும் உள்ளார்.

1940-ம் ஆண்டு  செப்டம்பர் 15 ஆம் தேதி பிறந்த நாச்சியார், 1962 ம் ஆண்டு சென்னை பல்கலைக்கழகத்தில் பட்டம் பெற்று 1969 ம் ஆண்டு மதுரை மருத்துவக் கல்லூரியில் கண் மருத்துவத்தில் முதுநிலைப் பட்டம் பெற்றார். இவர் சிகாகோவின் இல்லினாய்ஸ் பல்கலைக்கழகத்தில் கண் நோயியலில் நிபுணத்துவம் பெற்றார், மேலும் பாஸ்டன் மற்றும் மாசசூசெட்ஸின் ஹார்வர்ட் மருத்துவ பல்கலைக்கழகத்தில் மருத்துவம் அல்லாத பெல்லோஷிப்பை முடித்தார். மதுரை மருத்துவக் கல்லூரியில் உதவிப் பேராசிரியராக தனது வாழ்க்கையைத் தொடங்கினார். அரவிந்த் கண் மருத்துவமனைகளை நடத்தும் கோவல் அறக்கட்டளை மற்றும் கண் மருத்துவ முதுநிலை நிறுவனம் ஆகியவற்றின் நிறுவன உறுப்பினராக உள்ளார். அனைவருக்கும் உயர்தர, இரக்கமுள்ள மற்றும் மலிவு விலையில் கண் பராமரிப்பை வழங்குவதன் மூலம் தேவையற்ற பார்வையின்மையை அகற்றுவதற்கான முதன்மை நோக்கத்துடன் 1976-ம் ஆண்டில் அரவிந்த் கண் மருத்துவமனை நிறுவப்பட்டது. தொடக்கத்திலிருந்து, நிறுவனத்தின் பணியை நோக்கிய பயணத்தை முன்னெடுத்துச் செல்வதில் இவர் பல குறிப்பிடத்தக்க பாத்திரங்களை வகித்தார்.

3.ஆரம்பத்திலிருந்தே டாக்டர் நாச்சியார் அரவிந்த் நிறுவனத்தில் உள்ள நடுத்தர அளவிலான கண் மருத்துவ பணியாளர்கள் (எம்.எல்.ஓ.பி) திட்டத்திற்கு பொறுப்பேற்றார், மேலும் பல ஆண்டுகளாக, இதன் வளர்ச்சியில் இவர் முக்கியப் பங்கு வகித்தார். கிராமப்புற பின்னணியில் இருந்து வரும் இளம் பெண்களுக்கு பயிற்சி அளிப்பதன் மூலமும், அவர்களை உலகத் தரம் வாய்ந்த நடுத்தர கண் பராமரிப்பு நிபுணர்களாக மாற்றுவதிலும் இவரது ஆர்வம் உள்ளது. இந்தியா மற்றும் பிற வளரும் நாடுகளைச் சேர்ந்த இரண்டாயிரத்துக்கும் மேற்பட்ட கண் மருத்துவர்களுக்கு தனிப்பட்ட முறையில் பயிற்சி அளித்த மிகவும் தேவையான நுண்ணிய அறுவை சிகிச்சை பயிற்சித் திட்டத்தைத் தொடங்குவதில் இவர் முக்கியப் பங்கு வகித்தார். நரம்பியல்-கண் மருத்துவம் மற்றும் கண்புரை துறைகளுக்கு தலைமை தாங்குவது மட்டுமின்றி, அரவிந்தின் அதிக அளவிலான பணிகளின் அடித்தளமாக இருக்கும் சமூகத் தொடர்புத் திட்டத்தையும் இவர் ஒருங்கிணைத்தார். இன்று, அரவிந்த் கண் பராமரிப்பு அமைப்பு 14 கண் மருத்துவமனைகள், 112 டெலிமெடிசின் உதவி பெறும் கிராமப் பார்வை மையங்கள், ஏழு சமூக கண் மருத்துவமனைகள், கண் தயாரிப்புகளுக்கான உற்பத்தி மையம் (ஆரோலாப்), அரவிந்த் மருத்துவ ஆராய்ச்சி அறக்கட்டளை மற்றும் சமூக கண் பராமரிப்புக்கான ஆலோசனை மற்றும் பயிற்சி நிறுவனம் ஆகியவற்றின் மூலம் சேவைகளை வழங்குகிறது. 2011-ம் ஆண்டில் மருத்துவ சேவைகளில் இருந்து ஓய்வு பெற்ற பின், டாக்டர் நாச்சியார் முழுநேர வேலையைத் தொடர்கிறார் - தனது 50% நேரத்தை ஆரோஃபார்மில் கரிம விவசாயத்திற்கும், மீதமுள்ள 50% நேரத்தை அரவிந்த் கண் பராமரிப்பு அமைப்பை மேலும் வளர்ப்பதற்கும் அர்ப்பணிக்கிறார்.

4. டாக்டர் நாச்சியாரின் 50 ஆண்டுகளுக்கும் மேலான நீண்ட வாழ்க்கையில், தமிழ்நாடு கண் சங்கத்தின் தலைவர், திருநெல்வேலி மனோன்மணியம் சுந்தரனார் பல்கலைக்கழகத்தின் சிண்டிகேட் உறுப்பினர், காந்திகிராம அறக்கட்டளை உறுப்பினர் மற்றும் பல தொழில்முறை அமைப்புகளில் பல உறுப்பினர் மற்றும் பதவிகளை வகித்துள்ளார். நரம்பியல்-கண் மருத்துவத்திற்கான இந்திய நரம்பியல் சங்க இதழின் ஆலோசனை ஆசிரியராகவும், கண்ணொளி - அரவிந்தின் பத்திரிகையில் அதன் நோயாளிகளிடையே கண் பராமரிப்பு விழிப்புணர்வை ஏற்படுத்துவதற்கான நிர்வாக ஆசிரியராகவும் இருந்தார். வளரும் பொருளாதாரங்களுடன் தொடர்புடைய கல்வி பாடப்புத்தகங்களின் பற்றாக்குறையை உணர்ந்து, இன்ட்ராக்ரானியல் கட்டிகளில் காட்சி புல குறைபாடுகள் (1980), கண் உடற்கூறியல் (1986), நரம்பியல்-கண் மருத்துவம் - முதுநிலை பட்டதாரிகளுக்கான கையேடு (1995) உள்ளிட்ட பல புத்தகங்களை எழுதியுள்ளார். நேச நாட்டு கண் மருத்துவப் பணியாளர்களுக்கான தொடர் கையேடுகளை அவர் வெளியிட்டார், அதுவும் முதன்முறையாக. அவர் தேசிய மற்றும் சர்வதேச பத்திரிகைகளில் 55-க்கும் மேற்பட்ட ஆவணங்களை வெளியிட்டுள்ளார், பல மதிப்புமிக்க சொற்பொழிவுகளை வழங்கியுள்ளார், மேலும் பல சர்வதேச மற்றும் தேசிய மாநாடுகளில் பங்கேற்றுள்ளார்.

5. பிப்ரவரி 21, 1999 அன்று சிதம்பரம் மிட்-டவுன் ரோட்டரி கிளப் வழங்கிய ரோட்டரி மனிதாபிமான சேவை விருது உட்பட பல விருதுகளால் டாக்டர் நாச்சியார் கௌரவிக்கப்பட்டுள்ளார்; ஜூலை 15, 2001 அன்று இந்திய மருத்துவ சங்கம், சென்னை, தமிழ்நாடு மாநிலக் கிளை வழங்கிய டாக்டர்கள் தின விருது, ஆகஸ்ட் 2009 இல் கோயம்புத்தூரில் நடைபெற்ற தமிழ்நாடு விண்வெளி நிர்வாகத்தின் 57வது ஆண்டு மாநாட்டில் இவருக்கு வாழ்நாள் சாதனையாளர் விருது வழங்கப்பட்டது. 2010-ம் ஆண்டில் சென்னை டாக்டர் எம்.ஜி.ஆர் மருத்துவப் பல்கலைக்கழகம் வழங்கிய டாக்டர் ஆஃப் சயின்ஸ் விருது; புது தில்லியில் உள்ள ஐ ஃபோகஸ் மையம் வழங்கிய வாழ்நாள் சாதனையாளர் விருது ஆகியவையும் இவருக்கு வழங்கப்பட்டுள்ளன.