கிராம் நத்தம் நிலங்கள், ரயத்துவாரி, சர்க்கார் என தற்போது பெயர் மாற்றம் செய்யப்பட்டுள்ளது, சட்ட ரீதியாகச் செல்லுமா சட்ட வல்லுநர்கள் கருத்து

குடியிருப்பு பயன்பாட்டுக்காக, மக்கள் கட்டுப்பாட்டில் இருந்து வரும் ரயத்துவாரி கிராம் நத்தம் நிலங்கள், ரயத்துவாரி, சர்க்கார் என தற்போது பெயர் மாற்றம் செய்யப்பட்டுள்ளது, சட்ட ரீதியாகச் செல்லாது என்பதால், அதை இரத்து செய்ய வேண்டும்

என மூத்த சட்ட வல்லுனர்கள், மற்றும் சமூக சித்தாந்த அறிஞர்கள் வலியுறுத்தல்.

தமிழ் நாட்டில் ஒவ்வொரு கிராமத்திலும் நஞ்சை மற்றும் புஞ்சை நிலம் தவிர மானாவாரி மற்றும் தரிசு நிலங்கள் உள்ளன அதில் பல நூற்றாண்டுகளாக மேடான பகுதிகள் குடியிருப்பு பயன்பாட்டுக்காக மன்னர்கள் காலத்திலேயே ஒதுக்கப்பட்டன.

இவ்வாறு ஒதுக்கப்படும் நிலங்கள் கிராம நத்தம் என்று 1980 ஆம் ஆண்டுக்குப் பின்னர் குறிப்பிடப்பட்டு வந்ததன் அடிப்படையிலேயே, வருவாய் துறையும் பல்வேறு வகையான ஆவணங்களைப் பராமரித்து வந்தது. இதில் குடியிருப்பு தவிர்த்து வேறு பயன்பாட்டுக்கு செல்லக்கூடாது என்பதற்காக, இந்த நிலங்களுக்கு பட்டா வழங்கப்படாமல் இருந்தது. ஆனால் அதில் மூலப் பத்திரகள் பதிவானது இருக்கும். அதுவே டைட்டிலை உறுதிப்படுத்துவதாக அமையும்,

ஆனால், காலப்போக்கில் கட்டுமானத் திட்டங்களை நகர் ஊரமைப்புத் துறை அனுமதி, பத்திரப்பதிவு, மற்றும் வங்கிக்கடன் போன்ற நிகழ்வுகளில், வருவாய் வரி செலுத்தும் நிகழ்வு ஆவணமாக பட்டா தேவைப்படுகிறது. இந்தத் தேவையை கருத்தில் கொண்டு, கிராம நத்தம் நிலங்களுக்கு பட்டா வழங்கும் திட்டத்தை, தமிழ்நாடு அரசு செயல்படுத்தி வருகிறது. அதற்கு நத்தம் நிலவரித் திட்டம் எனப் பெயர் 

கடந்த, 1984 மற்றும் 85 ஆம் ஆண்டில் தமிழ்நாடு முழுதுமுள்ள கிராம ரயத்துவாரி நத்தம் புறம்போக்கு மற்றும் அரசு புறம்போக்கு நத்தம் மற்றும் பொதுவான பயன்பாடு நிலங்கள் குறித்த விரிவான உதவி நிலவரித்திட்ட அலுவலர்கள் நியமிக்கப்பட்டு பகுதி வாரியாக கணக்கெடுப்பும் நடத்தப்பட்டதில், தனியார் வசம் உள்ள ரயத்துவாரி நிலங்கள் குறித்த விபரங்கள் சேகரிக்கப்பட்டதுடன், அவற்றின் எல்லைகளும் வரையறுக்கப்பட்டன.  அதில் விடுபட்டு பின்னர் முறையீடுகள் இன்று வரை நீடித்தது நடைபெறுகிறது அதன் அடிப்படையில் தான், கிராம நத்தம் நிலங்களுக்கு பட்டா வழங்கும் பணிகள் மேற்கொள்ளப்பட்டன.  அதவே UDR ஸ்கீம் எனப்படும் தமிழ்நாட்டில் பெரும்பாலான பகுதிகளில், நத்தம் நிலங்களுக்கு பட்டா வழங்கும் பணிகள் இன்னும் முழுமையாக முடிக்கப்படவில்லை.

ஒவ்வொரு மாவட்டத்திலும், 1,000 த்துக்கும் மேற்பட்ட விண்ணப்பங்கள் நிலுவையிலேயே உள்ள நிலையில், வருவாய் மற்றும் பேரிடர் மேலாண்மைத் துறை, மத்திய நில அளவை மற்றும் செட்டில்மென்ட் துறை, 2023 ஆம் ஆண்டு மே மாதம் 4 ஆம் தேதியில் அரசாணை ஒன்றைப் பிறப்பித்தது.

அதில், தனியார் பெயரில் ரயத்துவாரி பட்டா உள்ள கிராம நத்தம் நிலங்கள் இனி ரயத்துவாரி என்றும், பட்டா வழங்கப்படாமல் உள்ள அனைத்து நத்தம் நிலங்களும் சர்க்கார் நிலம் என்றும் வகைப்படுத்தப்படுவதாக குறிப்பிடப்பட்டுள்ளது.

இத்துடன், பட்டா இல்லாத கிராம நத்தம் நிலங்கள் தொடர்பான பரிவர்த்தனைகள், பட்டா வழங்கும் பணிகளை நிறுத்தவும் அரசு உத்தரவிட்டுள்ளது. வருவாய்த் துறையின் இந்த நடவடிக்கை, மக்கள் மத்தியில் கடும் அதிருப்தியை ஏற்படுத்தி உள்ளது.

கிராம நத்தம் நிலங்கள் குறித்த அடிப்படை தெரியாமல், அதைப் பெயர் மாற்றம் செய்ய அரசு உத்தரவிட்டுள்ளது. நிர்வாக ரீதியாக இதற்குச் சில காரணங்கள் இருக்கலாம்.

ஆனால், இதை நடைமுறை ரீதியாகப் பார்த்தால், இதில் பல்வேறு பிரச்னைகள் எழும்.

தமிழ்நாடு முழுவதும், தனியார் வீடு கட்டி வசிக்கும் அனைத்து நிலங்களுக்கும், பட்டா வழங்கும் பணிகள் முழுமை அடையாத நிலையில், இந்த முடிவு பல்வேறு சிக்கல்களைத் தான் ஏற்படுத்தும்.

கிராம நத்தம் நிலங்களில், 40 50 ஆண்டுகளாக வசிப்பவர்கள் பட்டா பெற விண்ணப்பித்துள்ள நிலையில், தற்போது, பட்டா இல்லாத நத்தம் நிலங்கள் சர்க்கார் நிலம் என்பது எந்த வகையிலும் நியாயமாகாது. இதனால் பாதிக்கப்படும் மக்கள் நீதிமன்றத்தை அணுகினால், நிச்சயம் இந்த குறிப்பிட்ட அரசாணை ரத்தாகிவிடும். காரணம் தற்போது நிலங்கள் அனைத்தும் மன்னர் ஆட்சிக்குட்பட்ட காலம் தொட்டு சுதந்திரம் பெற்ற பின்னர் பல சமஸ்தானத்தின் இணைப்பு நடந்த பிறகு தான் நிலம் அ பதிவேடு 13 பப்ளிக்கேஷன் செய்து அரசாங்கம் அரசாணைகள் 19 பி நோட்டிபிகேசஷன் செய்து வெளியிடப்பட்டது முன்பக்கம் அது பதிவில் இருக்கும் அதுவே செட்டில்மென்ட் அதை மாற்றி மாற்றம் செய்வது சட்ட விதிகளைத்  திருத்துவது போலாகிவிடும்.

நத்தம் நிலங்கள் விஷயத்தில் பட்டா வழங்கபடாத நிலங்கள் குறித்த தெளிவான முடிவை எடுக்காமல், இப்படிப் பெயர் மாற்றம் செய்வது எதிர்காலத்தில் பொதுவான பாதை உள்ளிட்ட புதிய பிரச்னைகளை ஏற்படுத்தும். பாரம்பரியமாக மக்கள் குடியிருக்கும் ரயத்துவாரி நிலங்கள் பறிபோகும் சூழல் ஏற்படும்.

எனவே, சட்ட ரீதியாக இதில் காணப்படும் பிரச்னைகளை உணர்ந்து, இந்த முடிவை தமிழ்நாடு அரசு கைவிட வேண்டும். ஒவ்வொரு நிலத்துக்கும் என்ன வகைபாடு என்பது, பல்வேறு காலகட்டத்தில் ஏற்பட்ட மாற்றங்கள் மற்றும் ஆய்வுகள் அடிப்படையில் முடிவு செய்யப்பட்டது. இந்த வழியில் தான், குடியிருப்புப் பயன்பாட்டுக்காக மட்டும் என ஒதுக்கப்பட்ட நிலங்கள், கிராம நத்தம் என்று வகைப்படுத்தப்பட்டன. முழுமையாக தனியாரின் ஏகபோகத்தில் இருந்து வரும் இந்த நிலங்களுக்கு பட்டா வழங்காததற்கு காரணங்கள் பல உள்ளன.

நடைமுறையில் குறிப்பிட்ட சில பணிகளில் பிரச்சனை ஏற்படுகிறது என்பதற்காக தான், இந்த நிலங்களுக்கு பட்டா வழங்கப்படுகிறது. இந்த அடிப்படையைப் புரிந்து கொள்ளாமல் கிராம நத்தம் நிலங்களை ரயத்துவாரி மற்றும் சர்க்கார் என பெயர் மாற்றம் செய்வது முற்றிலும் தவறு. ஏற்கனவே, அனாதீனம் என்பது உரிமையாளர் இருந்து அதை கண்டு அறியப்படாத அனாதை நிலங்கள் தான் அனாதீனம் அது தனியாரால் அபகரிக்கப்பட்டும் வருகின்றன.

வருவாய் துறையின் இந்த நடவடிக்கையால், கிராம நத்தம் நிலங்கள் உள்ளூர் மக்களின் கட்டுப்பாட்டிலிருந்து, தமிழ்நாடு அரசின் வழியாக வேறு நபர்களுக்குச் செல்லும் ஆபத்தும் உள்ளது. எனவே, இந்த முடிவை தமிழ்நாடு அரசு கைவிட வேண்டும்.தமிழ்நாடு  முழுதும் பல்வேறு பகுதிகளில் கிராம நத்தம் நிலங்களில் வசிப்போர், அதில் குறிப்பிட்ட பகுதியை கோவில், சாலைகள் மயானம் போன்ற பொது பயன்பாட்டுக்கு அளித்துள்ளனர்.

பெரும்பாலான கிராமங்களில், உள்ளூர் மக்கள் மற்றும் மன்னர்கள் அளித்த நத்தம் நிலங்களில் தான் கோவில்கள், தண்ணீர் தொட்டிகள் அமைக்கப்பட்டுள்ளன.இவை பொது பயன்பாடு என்ற அடிப்படையில் தான் பராமரிக்கப்படுகின்றன. தற்போது, இந்த நிலங்களை சர்க்கார் நிலம் என்று, அரசு உரிமை கொண்டாடுவது புதிய சட்டச் சிக்கல்களை ஏற்படுத்தும்.

கிராம வாரியாக நத்தம் நிலங்களின் பயன்பாடு மாறுகிறது. பல்வேறு பகுதிகளில் அரசு செயல்படுத்தும் திட்டங்களுக்கு, உள்ளூர் மக்கள் வழங்கிய நத்தம் நிலங்கள் தொடர்ந்து பொதுப் பயன்பாட்டில் இருப்பதை அரசு உறுதி செய்ய வேண்டும்.

எனவே, இது தொடர்பாக வெளிவந்த அரசாணையை ரத்து செய்ய தமிழக அரசு முன்வர வேண்டும் என்பதே பல்வேறு தரப்பு மக்களின் எதிர்பார்ப்பாக உள்ளது,  அது மறுக்க்கப்படும் பட்சத்தில் நீதிமன்றத்தில் வழக்கு வரும் போது தானாகவே அரசாணை ரத்தாகிவிடும் சூழல் உள்ளது.