சுனிதா எட்டு நாள் பணி, எட்டுமாதமானது விண்வெளி வணிகத்தை மொத்தமாகவே ஸ்பேஸ் எக்ஸாகிறதா

எட்டு நாள் பணி, எட்டுமாதமானது      விண்வெளி வணிகத்தை மொத்தமாகவே ஸ்பேஸ் எக்ஸ் கைப்பற்றுகிறதா?

என்ற வினா எழுகிறது : சுனிதா வில்லியம்ஸ், வில்மோர் 2025  ஆம் ஆண்டு வரை  பூமிக்குத் திரும்ப முடியாத நிலை 

ஜூன் மாதம் போயிங்கின் புதிய ஸ்டார்லைனரில் சுனிதா வில்லியம்ஸ் மற்றும் பேரி வில்மோர் சோதனைப் பயணமாக சர்வதேச விண்வெளி ஆய்வு மையத்தின் நிலையத்திற்குச் சென்றனர்.

எட்டு நாள் பயணப் பணியாக இருந்தது தற்போது எட்டு மாத காலப் பணியாக மாறியுள்ளது. விண்கலத்தில் ஏற்பட்ட

தொழில்நுட்பக் கோளாறு காரணமாக தற்போது பூமிக்குத் திரும்ப முடியாமல் உள்ளதனைச் சரி செய்ய விஞ்ஞானப் பொறியாளர்கள் முயற்சி செய்து வரும் நிலையிலும், அவர்கள் பூமிக்குத் திரும்புவதில் சிக்கல் ஏற்பட்டுள்ளது. இந்த நிலையில், பிப்ரவரி மாதம் 2025 ஆம் ஆண்டு வரை அவர்கள் பூமிக்குத் திரும்ப முடியாத நிலை ஏற்பட்டுள்ளது.

தொடர்ந்து, ஸ்பேஸ் எக்ஸின் Dragon capsule-ஐ பயன்படுத்த நாசா விண்வெளி ஆய்வு மையம் யோசித்து வருவதாகக் கூறப்படுகிறது. டிராகனின் அடுத்த பணி சமீபத்தில் ஒத்திவைக்கப்பட்டதால், வில்லியம்ஸ் மற்றும் வில்மோர் குறைந்தது பிப்ரவரி மாதம் 2025 ஆம் ஆண்டு வரை ISS-ல் சிக்கியிருப்பார்கள் என்பதும் இதன் பொருள்.

விண்வெளி வீரர்களின் நல்வாழ்வு குறித்து அச்சம் மற்றும் அடுத்த ஆறு மாதங்களுக்கு இந்த விண்வெளி வீரர்களை ஹோஸ்ட் செய்ய ISS எவ்வளவு பொருத்தப்பட்டுள்ளது என்பது உட்பட, பணி தொடர்பான பல கவலைகளை தற்போதய நிலைமை எழுப்புகிறது.

மேலும், ஐ.எஸ்.எஸ்ஸில் மைக்ரோ கிராவிட்டிக்கு நீண்ட நேரம் இருப்பதால், விண்வெளி வீரர்கள் எலும்பு அடர்த்தி குறைப்பு, பார்வை தொடர்பான பிரச்சினைகள் போன்ற பல உடல் நலக் குறைவு தொடர்பான பிரச்சினைகளையும் சந்திக்க நேரிடும் அபாயமும் ஏற்பட்டுள்ளது. சுனிதா வில்லியம்ஸ் ஆகஸ்ட் 1998 ஆம் ஆண்டில் ஜான்சன் விண்வெளி மையத்தில் தனது விண்வெளி வீரர் பயிற்சியைத் தொடங்கினார். சுமார் 10 நாட்கள் மட்டும் எனத் திட்டமிடப்பட்ட சுனிதா வில்லியம்ஸின் விண்வெளிப் பயணம், 60 நாட்களைக் கடந்து நீடிக்கிறது.

இந்த மாதம் 18 ஆம் தேதிக்கு முன்னர் சுனிதா வில்லியம்ஸ் பூமிக்குத் திரும்புவார் என்று தகவல்கள் வெளியான நிலையில், அவரை 2025 ஆம் ஆண்டு ஸ்பேஸ் எக்ஸ் பூமிக்கு அழைத்து வரும் என்று தகவல்கள் வெளியாகியுள்ளது. அப்படி நடந்தால் விண்வெளி வணிகத்தை மொத்தமாக ஸ்பேஸ் எக்ஸ் கைப்பற்றும் பூமியிலிருந்து ஏறத்தாழ 400 கி.மீ தொலைவு உயரத்திலுள்ள சர்வதேச விண்வெளி ஆய்வு மையத்திற்கு அடிக்கடி விண்வெளி வீரர்கள் சென்று ஆய்வு செய்வது வழக்கம். அமெரிக்க விண்வெளி ஆய்வு நிறுவனமான நாசா விண்வெளி ஆய்வு மையம் தான் இந்தப் பணிகளை மேற்கொண்டு வந்தது. சமீபத்தில் இந்தப் பணிகளை தனியார் வசம் ஒப்படைக்க நாசா ஆய்வு மையம் முடிவெடுத்தது.

இதற்காக போயிங் நிறுவனம் தேர்வு செய்யப்பட்டது.போயிங் நிறுவனத்திற்கு விமானத் தயாரிப்பில் முன் அனுபவம் உண்டு, அதன் அடிப்படையில் தான் இந்த நிறுவனத்தை நாசா விண்வெளி ஆய்வு மையம் தேர்ந்தெடுத்தது.

போயிங் நிறுவனம் இந்திய வம்சாவளியைச் சேர்ந்த சுனிதா வில்லியம்ஸ் மற்றும் அமெரிக்காவின் மற்றொரு விண்வெளி வீரரான புட்ச் வில்மோர், என இருவரையும் சர்வதேச விண்வெளி மையத்திற்கு அழைத்துச் சென்று, மீண்டும் பத்திரமாக பூமிக்கு கொண்டு வரும் பணியை ஏற்றுக்கொண்டது.இதற்காக 'ஸ்டார் லைனர்' எனும் ஸ்பேஸ் ஷிப்பையும் தயாரித்தது. இந்த ஷிப் மூலம் கடந்த ஜூன் மாதம் 5 ஆம் தேதி அமெரிக்காவின் கேப் கனாவெரல் ஏவுதளத்திலிருந்து சர்வதேச விண்வெளி நிலையத்திற்கு சுனிதா வில்லியம்ஸும், வில்மோரும் அனுப்பி வைக்கப்பட்டனர். இரண்டு நாட்கள் கழித்து, ஜூன் மாதம் 7 ஆம் தேதியன்று ஸ்டார் லைனர் சர்வதேச விண்வெளி மையத்தை அடைந்தது.

ஆனால் இந்தப் பயணத்தை தொடங்குவதற்கு முன்னரே பல்வேறு குளறுபடிகள் ஏற்பட்டிருந்தன. இரண்டு மூன்று முறை 'ஸ்டார் லைனரின்' பயணம் தொழில்நுட்பக் கோளாறு காரணமாக ஒத்தி வைக்கப்பட்டது. இப்படி இருக்கையில் தற்போது சர்வதேச விண்வெளி நிலையத்திலிருந்து சுனிதா வில்லியம்ஸையும், புட்ச் வில்மோரையும் ஸ்டார் லைனரில் ஏற்பட்ட ஹீலியம் வாயுக் கசிவு காரணமாகவும் மற்றும் உந்து விசைக் கருவியில் ஏற்பட்ட தொழில்நுட்பக் கோளாறு காரணமாக திருப்பி அழைத்து வருவது தள்ளிப் போனது, 

ஆனால், ஸ்டார் லைனரின் தொழில்நுட்ப கோளாறுகள் இன்னும் சரி செய்யப்படாததால், இன்று வரை இருவரும் பூமிக்கு திரும்பாமல் சர்வதேச விண்வெளி மையத்தில் சிக்கியது குறித்து விஞ்ஞானிகளிடையே ஒரு கலக்கத்தை ஏற்படுத்தியுள்ளது. சர்வதேச விண்வெளி மையத்திலிருந்து பூமிக்குத் திரும்ப 6 மணி நேரங்கள் தேவைப்படும். இந்த 6 மணி நேரப் பயணத்தில் த்ரஸ்டர் ஃபெயிலியர், வால்வு லீக்கேஜ் ஆகியவை இல்லாமலிருக்க வேண்டும்.

, இந்த மாதம் 18 ஆம் தேதி சர்வதேச விண்வெளி ஆய்வு மையத்திற்கு ஸ்பேஸ் எக்ஸ் நிறுவனம் நான்கு வீரர்களை அனுப்ப இருக்கிறது. ஆனால் அதற்கு முன்னர் சுனிதா வில்லியம்ஸ் பூமிக்குத் திரும்ப வேண்டும். இதற்கான பணிகள் தற்போது தீவிரமாக நடைபெற்று வருவதாகவும், விரைவில் சுனிதா வில்லியம்ஸும், புட்ச் வில்மோரும் பூமிக்குத் திரும்புவார்கள் என்று சொல்லப்பட்டது.ஆனால், சுனிதா வில்லியம்ஸ் பூமிக்கு திரும்ப ஒரு வருட காலம் ஆகும் என்று தகவல்கள் வெளியாகியுள்ளன. அதாவது, சுனிதா வில்லியம்ஸ், புட்ச் வில்மோர் பூமிக்கு வரவேண்டும் எனில் அதற்கு ஸ்பேஸ் ஷிப் தேவை. இவர்கள் சென்ற ஸ்டார் லைனரில் வர முடியாது. எனவே இந்த மாதம் ஸ்பேஸ் எக்ஸ் டிராகன் எனும் ஷிப்பை சர்வதேச விண்வெளி மையத்திற்கு அனுப்புகிறது. இதில் நான்கு பேர் வரை பயணம் செய்ய முடியும். அனால், இருவரை மட்டுமே அனுப்பத் திட்டமிடப்பட்டிருக்கிறது.

அதில் செல்லும் இரண்டு வீரர்கள் 2025 ஆம் ஆண்டு பிப்ரவரி மாதம் வரை விண்வெளி மையத்தில் தங்கி பணியாற்றுவார்கள். பின்னர் டிராகன் ஷிப் பூமிக்கு திரும்பும் போது காலியாக உள்ள இருக்கைகள் வில்மோர் மற்றும் வில்லியம்ஸுக்கு ஒதுக்கப்படும். இப்படியாக இருவரும் அடுத்த ஆண்டு பூமிக்கு வருவார்கள் என்று தகவல் வெளியாகியுள்ளது. இந்தப் பயணம் உறுதி செய்யப்பட்டால், போயிங்கின் ஸ்டார் லைனர் ஆளில்லாமல் பூமிக்கு திரும்பி விடும். அப்படிச் செய்தால் போயிங் நிறுவனத்தின் ஸ்பேஸ் வர்த்தகத்தை எலான் மஸ்க்கின் ஸ்பேஸ் எக்ஸ் கைப்பற்றி விடும். ஏற்கெனவே இந்த திட்டத்திற்காக போயிங், $1.6 பில்லியன் தொகையை முதலீடு செய்திருக்கிறது. இவையெல்லாம்  வீனாகி விடுவதோடு, அமெரிக்காவின் விண்வெளித் திட்டத்தின் இன்றியமையாத பங்காளியாக ஸ்பேஸ் எக்ஸ் வளர்ந்து விடும். மனிதர்களை விண்வெளிக்கு அழைத்துச் செல்லும் விண்கலம் 

எலான் மஸ்கின் ஸ்பேஸ் எக்ஸ் நிறுவனம் எக்ஸ் வலைதளத்தில் தகவல் சர்வதேச விண்வெளி நிலையத்தை (ISS) பசுபிக் பெருங் கடலில் இறக்க நாசா விண்வெளி ஆய்வு மையம் முடிவு செய்து தேர்வு செய்துள்ளது கோள்களின் காற்று மண்டலத்துக்கு வெளியேயுள்ள, பிரபஞ்சத்தின் வெறுமையான பகுதி தான் விண்வெளியாகும். இது பூமியின் மேற்பரப்பிலிருந்து கிட்டத்தட்ட 100 கிலோ மீட்டருக்கு மேலே ஆரம்பமாவதாகும். விண்வெளிக்கு மனிதர்களை அனுப்புவது என்பதை இந்தியா ககன்யான் திட்டத்தின் மூலம்  நம் நாடு மீட்டெடுக்கிறது. விண்வெளிப் பயணத்தில் வீரர்கள் அவர்களின் மனதில் நினைப்பது என்ன என்பதைப் புரிந்து கொள்ள முடிகிறது. விண்வெளி ஆய்வு மனித விண்வெளிக்கலங்கள் மற்றும் இயந்திர விண்வெளிக்கலம் ஆகிய இரண்டினாலும் நடத்தப்படுகிறது. விண்வெளியிலுள்ள பொருட்களை நோக்குதல், விண்வெளியியல் என்று அறியப்பட்டு நம்பக்கூடிய பதிவு செய்யப்பட்ட வரலாற்றையும் முன் கடந்தது இருக்கையில், 20 ஆம் நூற்றாண்டின் வளர்ச்சியான திரவ-எரிவாயு விண்வெளி வாகன இயந்திரப் பொறிகளே பௌதீக விண்வெளி ஆய்வினை நடைமுறையில் உண்மையாக்க அனுமதித்தன. விண்வெளி ஆய்விற்கான முன்னேறி வரும் அறிவியல் ஆராய்ச்சியில் இணையும் பல்வேறு நாடுகள், மனித இனத்தின் எதிர்கால இருப்பை உறுதி செய்வது மற்றும் இராணுவ, தந்திரோபாய சாதகங்களை இதர நாடுகளுக்கு எதிராக உறுதி செய்வது ஆகியவையாகும். விண்வெளி ஆய்வின் மீது பல்வேறான விமர்சனங்கள் சில நேரங்களில் செய்யப்படுகிறது.நிலவின் மனிதர் தாங்கிய ஆய்வு 1968 ஆம் ஆண்டு அப்போலோ 8 விண்வெளிப் பயணத்தில் நிலவினை வெற்றிகரமாகச் சுற்றி வந்தது, முதல் முறையாக மனிதரால் வேற்று கிரகத்தினை சுற்றி வந்ததாகும். 1969 ஆம் ஆண்டில் அப்போலோ 11 பயணம் முதல் முறையாக மனிதர் மற்றொரு கிரஹத்தில் காலடி வைத்ததை அடையாளமிட்டது. இருப்பினும் மனிதர் தாங்கிய நிலவு ஆய்வு நீண்டக் காலம் தொடரவில்லை. அப்போலோ 17 ன் 1972 ஆம் ஆண்டு பயணம் கடைசி முறையாக மனிதர் நிலவிற்கு எந்த வடிவத்திலும் வருகைத் தருவதை அடையாளமிட்டது; மேலும் சமீப எதிர்காலத்தில் எவ்வொரு நேரத்திலும் மனிதர் விண்வெளி ஆய்வு திட்டமிடப்பட்டிருக்கவில்லை. விஞ்ஞானிகளைப் பொறுத்தவரை விண்வெளி ஆய்வு என்பது ஒரு அற்புதமான விளையாட்டு மைதானம். பூமியின் தோற்றம் மற்றும் பிரபஞ்சத்தில் கற்றலின் விவரிக்க முடியாத ஆதாரம். மனித இனத்தின் பரிணாம வளர்ச்சிக்கு ஆர்வம் கணிசமான பங்களிப்பை அளித்துள்ளது. ஒரு பிரகாசமான எதிர்காலத்திற்கான விருப்பத்துடன் கூடிய ஆர்வமும் பண்டைய மூதாதையர்களால் நெருப்பைக் கண்டுபிடித்தது முதல் தற்போதைய விண்வெளி ஆய்வுகள் வரை மனிதர்களை ஆராயவும் மேம்படுத்தவும் தூண்டியது. விண்வெளி அறிவியலுக்கான முதன்மை ஆதாரங்களில் ஒன்று விண்வெளி ஆய்வாகும். புவியீர்ப்பு, காந்த மண்டலம், வளிமண்டலம், திரவ இயக்கவியல் மற்றும் பிற கிரஹங்களின் புவியியல் பரிணாமம் பற்றிய நுண்ணறிவு அனைத்தும் சூரிய குடும்பத்தை ஆய்வு செய்வதன் மூலம் கிடைத்துள்ளன.