ஆம்ஸ்ட்ராங் கொலை வழக்கு விசாரணைக்கு ஆஜரான வழக்கறிஞர் பால் கனகராஜ்

நீளும் ஆம்ஸ்ட்ராங் கொலை வழக்கு:

பாரதிய ஜனதா கட்சியின் நிர்வாகியும் வழக்கறிஞருமான பால் கனகராஜ்

விசாரணைக்கு இன்று நேரில் ஆஜராகி உள்ளார்.

ஆறு ஆண்டுகள் சென்னை உயர்நீதிமன்றத்தில் வழக்கறிஞர்கள் சங்கத்தின் தலைவராகவும் பதவி வகித்தவர், தற்போது பார் கவுன்சில் ஆஃப் தமிழ்நாட்டின் உறுப்பினராகவும் உள்ளார் மூத்த வழக்கறிஞர். பால் கனகராஜ்  உயர்நீதிமன்ற வழக்கறிஞர்களை காவல் துறை உள்ளே புகுந்து தாக்குதல் நடத்தியதன் பின்னர் 2009 ஆம் ஆண்டில  திமுகவிலிருந்து வெளியேறி பால் கனகராஜ். தமிழ் மாநில கட்சினு ஒரு கட்சி ஆரம்பித்து .

அதன் பின்னர் ஜாபர் சாதிக்கை 2017 ஆம் ஆண்டு சிறையிலிருந்து ஜாமீன் எடுத்த போது திமுகவில் இணைந்து!  பின்னர் பாரதிய ஜனதா கட்சியின் தலைவராக இருந்த தற்போது அமைச்சர் எல். முருகன் முன்னிலையில் 2020 ஆம் ஆண்டு பாரதிய ஜனதா கட்சியில் இணைந்தார்.

பகுஜன் சமாஜ் கட்சியின் மாநிலத் தலைவரான ஆம்ஸ்ட்ராங் கடந்த மாதம் 5-ஆம் தேதி பழிக்கு பழியாக வெட்டிக் கொலை செய்யப்பட்ட வழக்கு தொடர்பாக ரவுடி ஆற்காடு சுரேஷின் தம்பி பொன்னை பாலு, அவனது கூட்டாளிகள் திருவேங்கடம் உள்ளிட்ட 21 பேர் தொடர்ந்து கைது செய்யப்பட்டனர். அதில், திருவேங்கடம் காவல் துறை என்கவுன்ட்டர் மூலம் கொல்லப்பட்டார்.

நடந்த கொலை தொடர்பாக திமுக, அதிமுக, பாஜக, தமாகா கட்சிகளைச் சேர்ந்தவர்கள், வழக்குரைஞர்கள், ரவுடிகள் என பலரும் அடுத்தடுத்து கைது செய்யப்பட்டனர். அதன் தொடர்ச்சியாக, தமிழக இளைஞர் காங்கிரஸ் பொதுச் செயலாளரான  வியாசர்பாடி எஸ்.எம்.நகரைச் சேர்ந்த தற்போது கட்சியில் இருந்து நீக்கப்பட்ட அஸ்வத்தாமன் (வயது 32) கடந்த செவ்வாய்க்கிழமை இரவு கைது செய்யப்பட்டார். ஆம்ஸ்ட்ராங் கொலையில் நேரடியாக ஈடுபட்ட பொன்னை பாலு உள்ளிட்ட கொலையாளிகளை அஸ்வத்தாமன்  வெளியிலிருந்து இயக்கியதை காவல்துறை கண்டறிந்தனர்.

கொலைக்கான திட்டத்தை வகுத்துக் கொடுத்தது அஸ்வத்தாமனின் தந்தையும், வேலூர் சிறையில் ஆயுள் தண்டனைக் கைதியான தாதா நாகேந்திரன் என்பதும் தெரியவந்ததாக காவல்துறையினர் தெரிவித்தனர். அதையடுத்து, அவரை சிறையில் கைது செய்வதற்கான நடவடிக்கையை எடுத்தனர். மேலும் அஸ்வத்தாமனை காவலில் எடுத்து விசாரிக்கவும் முடிவு செய்துள்ளனர். அப்போது, ஆம்ஸ்ட்ராங் கொலை தொடர்பாக மேலும் பல திடுக்கிடும் தகவல்கள் வெளியாகலாம் என காவல்துறையினர் எதிர் பார்க்கின்றனர்.

திமுக மற்றும் காங்கிரஸைச் சேர்ந்த இரண்டு அரசியல் பிரமுர்கள் மீது போலீஸாரின் சந்தேக பார்வை விழுந்துள்ளது. அவர்கள் முக்கிய பொறுப்பில் உள்ளதால், அவர்களுக்கு எதிரான ஆவணங்களை திரட்டும் பணியை துரிதப்படுத்தி உள்ளனர். இதுமட்டுமல்லாது, கொலையாளிகளை ஒருங்கிணைத்ததோடு அவர்களுக்கான சட்டவிரோதப் பணப்பரிவர்தனைகளை செய்தது பிரபல தாதாவான ரவுடி சம்போ செந்தில் என்பது விசாரணையில் தெரியவந்துள்ளது

அவர் மீது நாட்டு வெடிகுண்டு வீசிய வழக்கு, மற்றும் 3 கொலை வழக்குகள் உள்ளிட்ட பல்வேறு வழக்குகள் உள்ளதாம். ஆனால், இதுவரை  கைதாகாமல் தலைமறைவாக உள்ளவர் மும்பையில் பதுங்கி உள்ளதாக ரகசிய தகவல் கிடைத்துள்ளதையடுத்து தனிப்படை காவல்துறையினர் மும்பை விரைந்துள்ளனர். அதுமட்டுமின்றி, சம்போ செந்திலின் சொந்த ஊர் தூத்துக்குடி மாவட்டம், தண்டுபத்து அங்கு சென்றும்  விசாரித்துள்ளனர். ஆனால், அவர் சொந்த ஊரை விட்டு வெளியேறி பல ஆண்டுகள் ஆகிவிட்டதால் மும்பையில் அவரது தொடர்பில் உள்ளோரின் விவரங்களைச் சேகரித்து அதை அடிப்படையாக வைத்து துப்புத் துலக்கி வருகின்றனர்.

கைது செய்யப்பட்ட பொன்னை பாலு, வழக்கறிஞர் அருள், ராமு, சிவ சக்தி, ஹரிதரன் ஆகியோரைக் காவலில் எடுத்து விசாரித்து வருகின்றனர். இதில் பொன்னை பாலு, வழக்கறிஞர் அருள் ஆகியோர் மூன்றாவது முறையாக காவலில் எடுத்து விசாரிக்கப்படுகின்றனர். கொலையாளிகளில் முக்கியமானவர்களாக கருதப்படும் பொன்னை பாலு, வழக்கறிஞர் அருள் ஆகியோர் கடந்த இரண்டு முறை விசாரணை நடந்த போது, சில தகவல்களை மாற்றி மாற்றிக் கூறியுள்ளனர்.

ஆனால் இவர்களுடன் தொடர்பில் இருந்தவர்களை விசாரித்த போது அவர்கள் வேறு விதமாக பதில் அளித்ததுடன், கொலைத் திட்டம் தொடர்பான வேறு சில புதிய தகவல்களையும் தெரிவித்துள்ளனர். எனவே தான் 3-வது முறையாக பொன்னை பாலு மற்றும் வழக்கறிஞர் அருள் ஆகியோர் விசாரிக்கப்பட்டு வருவதாக காவல்துறையினர் தெரிவித்துள்ளனர்.

சேலம் சிறையிலிருக்கும் சம்போ செந்திலின் கூட்டாளி ஈசாவை, கட்டிட ஒப்பந்ததாரர் ஒருவரை மிரட்டி பணம் பறித்த வழக்கில் புது வண்ணாரப்பேட்டை காவல் நிலையத்தில் 3 நாட்கள் காவலில் எடுத்து விசாரித்தனர். அப்போது ஆம்ஸ்ட்ராங் கொலை வழக்கு தொடர்பாகவும் விசாரித்துள்ளனர். அப்போது, சம்போ செந்தில் நெட்வொர்க், ஈசா அவரை சந்திக்கும் இடம், சென்னையில் அவருக்கு யார் யாரெல்லாம் மாமூல் வசூலித்துக் கொடுப்பவர்கள்?, ஆம்ஸ்ட்ராங் கொலையில் எந்தெந்த ஊரைச் சேர்ந்த கூலிப்படை கும்பல்களுக்கு தொடர்புள்ளது? என பல கோணங்களில் விசாரணை நடத்தியுள்ளனர்.

சேலம் மத்திய சிறையில் இருக்கும் சம்போ செந்திலின் மற்றொரு கூட்டாளியாகக் கூறப்படும் எலி யுவராஜையும், கட்டிட ஒப்பந்ததாரரை மிரட்டி பணம் பறித்த வழக்கில் காவலில் எடுத்து விசாரிக்க உள்ளனர். அப்போது, ஆம்ஸ்ட்ராங் கொலை தொடர்பாக, எலி யுவராஜுக்குத் தெரிந்த தகவல்களை பெற்று அதன் அடிப்படையிலும் விசாரணையை தீவிரப்படுத்த காவல்துறை திட்டமிட்டுள்ளனர்.

மேலும் பாரதிய ஜனதா கட்சியின் நிர்வாகிகளில் ஒருவரான பால் கனகராஜ் ஆம்ஸ்ட்ராங் கொலை வழக்கு விசாரணைக்காக நேரில் ஆஜராக வேண்டுமென செம்பியம் காவல் நிலையத்திலிருந்து நேற்றிரவு சம்மன் அனுப்பி இருந்தனர். அதையடுத்து பால் கனகராஜ் எழும்பூரிலுள்ள தனிப்படை காவல்துறையின்அலுவலகத்தில் இன்று காலை நேரில் விசாரணைக்கு ஆஜரானார். முக்கிய பிரமுகர்கள் அடுத்தடுத்து விசாரணை வளையத்துக்குள் கொண்டு வரப்படுவதால் ஆம்ஸ்ட்ராங் கொலை வழக்கு விசாரணை மீண்டும் சூடு பிடிக்கத் துவங்கியுள்ளது.