பன்னாட்டு நிறுவனங்களை மிரட்டி, 8,000 கோடி ரூபாய்க்கு தேர்தல் பத்திரம் வாங்க வைத்ததாக
மத்திய நிதி அமைச்சர் நிர்மலா சீதாராமன் பாரதிய ஜனதா கட்சியின் அகில இந்தியத் தலைவரான மத்திய சுகாதாரத்துறை அமைச்சர் ஜெ.பி.நட்டா கர்நாடகா மாநிலத்தின் பாரதிய ஜனதா கட்சியின் தலைவர் விஜயேந்திரா ஆகியோர் மீது, பெங்களூரு காவல் நிலையத்தில் வழக்குப் பதிவு செய்யப்பட்டுள்ளது கர்நாடகா மாநிலம் பெங்களூருவைச் சேர்ந்தவர், ஜனாதிகார சங்கர்ஷ பரிஷத் எனும் அமைப்பின் இணைத் தலைவர் ஆதர்ஷ் ஐயர், வயது 50; இவர், ஏப்ரல் மாதம் 15 ஆம் தேதியில் பெங்களூரு மக்கள் பிரதிநிதிகள் நீதிமன்றத்தில் தாக்கல் செய்த மனுவில் கூறப்பட்டுள்ளதாவது :
"தேர்தல் பத்திரம் வாங்கி பாரதிய ஜனதா கட்சிக்கு நன்கொடையளிக்க வேண்டுமென பன்னாட்டு கார்ப்பரேட் நிறுவனங்களின் தலைமை செயல் அலுவலரான நிர்வாக இயக்குனரை மத்திய நிதி அமைச்சரான நிர்மலா சீதாராமன், அமலாக்க துறையினர், பாரதிய ஜனதா கட்சியின் அகில இந்தியத் தலைவர் ஜெ. பி.நட்டா, டில்லியிலுள்ள பாரதிய ஜனதா கட்சியின், அலுவலக ஊழியர்கள், கர்நாடக மாநிலத்தின் பாரதிய ஜனதா கட்சியின், முன்னாள் தலைவர் நளின்குமார் கட்டீல்,
தற்போதுள்ள பாரதிய ஜனதா கட்சியின் தலைவர் விஜயேந்திரா, கர்நாடக மாநிலத்தின் பாரதிய ஜனதா கட்சியின், அலுவலக ஊழியர்கள் மிரட்டியுள்ளனர். பணம் தராவிட்டால் அமலாக்கத் துறையின் வாயிலாக, சோதனை நடத்துவோம் எனக் கூறி, 8,000 கோடி ரூபாய்க்கு தேர்தல் பத்திரம் வாங்க வைத்துள்ளனர். இது குறித்து, பெங்களூரு திலக் நகர் காவல் நிலையத்தில் மார்ச் மாதம் 30 ஆம் தேதி புகார் செய்தேன். பெங்களூரு தென்கிழக்கு மண்டல DCB யிடம் ஏப்ரல் மாதம் 2 ஆம் தேதியில் புகாரளித்தேன். என்னுடைய புகார் மனு மீது எந்த விதமான நடவடிக்கையும் எடுக்கவில்லை.
CRPC, 156 / 3 ன் கீழ், மிரட்டி பணம் பறித்தவர்கள் மீது வழக்குப்பதிவு செய்து, விசாரணை நடத்த உத்தரவிட வேண்டும். என நீதிமன்றம் மூலம் வழங்கிய புகாரில் கூறப்பட்டிருந்ததுமக்கள் பிரதிநிதிகள் சிறப்பு நீதிமன்றத்தில் நேற்று முன்தினம் நடந்த விசாரணையின் போது, மேற்கண்ட புகார் மீது வழக்குப்பதிவு செய்து நடவடிக்கை எடுக்கும்படி, நீதிபதி கே.என்.சிவகுமார், திலக்நகர் காவல்துறையினருக்கு உத்தரவிட்டார். அதன்படி, நேற்று மதியம் காவல் துறையினர் வழக்கு பதிவு செய்தனர். அதில், முதல் குற்றம் சாட்டப்பட்டவராக மத்திய நிதி அமைச்சர் நிர்மலா சீதாராமன், குற்றம் சாட்டப்பட்ட இரண்டாம் நபராக அமலாக்க துறை, குற்றம் சாட்டப்பட்ட 3 ஆம் நபராக மத்திய அமைச்சர் ஜெ. பி.நட்டா, A 4 ஆக நளின்குமார் கட்டீல், A-5 ஆக விஜயேந்திரா, A- 6 ஆக பிறரும் சேர்க்கப்பட்டுள்ளனர்.
மத்திய புதுப்பிக்கத்தக்க எரிசக்தித் துறை அமைச்சர் பிரஹலாத் ஜோஷி கூறுகையில், “ மத்திய அமைச்சர் நிர்மலா சீதாராமன் மீது வழக்கு பதிவு செய்யப்பட்டதன் பின்னணியில், முதல்வர் சித்தராமையா இருக்கலாம் என்று சந்தேகம் உள்ளது.
தேர்தல் பத்திரத்தில் முறைகேடு நடந்துள்ளது என்றால், காங்கிரஸ் தலைவர் சோனியா காந்தி, ராகுல் காந்தியின் மீதும் நடவடிக்கை வேண்டும். நிர்மலா சீதாராமன் எக்காரணம் கொண்டும் ராஜினாமா செய்ய மாட்டார்,” என்றார்.
மத்திய கனரக தொழில் துறை அமைச்சர் குமாரசாமி கூறுகையில், “மூடா முறைகேடு வேறு, தேர்தல் பத்திர வழக்கு வேறு. தேர்தல் பத்திரத்தின் மூலம் கிடைத்த பணத்தை, நிர்மலா சீதாராமன் தன் சொந்தத் தேவைக்குப் பயன்படுத்தவில்லை.
''கட்சிக்கு தான் வாங்கிக் கொடுத்துள்ளார். அவரை ராஜினாமா செய்யச் சொல்வதற்கு, கர்நாடக காங்கிரஸ் தலைவர்களுக்கு தகுதியில்லை,” என்றார்.
கருத்துகள்