மோசடியாகப் பட்டா மாறுதல் செய்து நீதிமன்றத்தை ஏமாற்ற பொய்யான பிரமாணப் பத்திரம் கொடுத்த வட்டாட்சியருக்கு தண்டனை வழங்கிய உயர்நீதிமன்றம்
முறைகேடாகப் பட்டா மாறுதல் செய்த திண்டுக்கல் வருவாய் வட்டாட்சியர் நீதிமன்றத்தில் பொய்யான தகவலைக் கூறியதால். உயர்நீதிமன்றம் அவர் மீது நடவடிக்கை எடுக்க அதிரடியாக உத்தரவு
ஒரு மக்களுக்கான அரசு பணியாளர் சட்டத்தின் ஆட்சியை மதிக்காதவர்களுடன் இணைந்து ஆவணங்களைத் திருத்துவது மட்டுமின்றி, மோசடியான நடைமுறைகளையும் எவ்வாறெல்லாம் கையாள முடியும் என்பதற்கு இந்த வழக்கு ஒரு சிறந்த உதாரணம் என சென்னை உயர்நீதிமன்றம் மதுரைக் கிளை கூறியுள்ளது.
முறைகேடாக நிலப் பட்டாவை மாறுதல் செய்த விவகாரத்தில் பொய்யான தகவல்களுடன் நிதிமன்றத்திலேயே துணிந்து பிரமாணப் பத்திரம் தாக்கல் செய்த நிலக்கோட்டை வருவாய் வட்டாட்சியர் மீது நடவடிக்கை எடுக்க சென்னை உயர்நீதிமன்றம் அதிரடி உத்தரவிட்டுள்ளது. இப்போதுள்ள சூழலில் பட்டா மாறுதல் விவகாரங்களில் மோசடி செய்தாலே அல்லது அங்கீகாரம் இல்லாத மனைகளை பத்திரப்பதிவு செய்தாலே கிராம நிர்வாக அலுவலர், நில அளவையர், சார் பதிவாளர்கள் மற்றும் வருவாய் துறையில் பணியாளர்கள் முதல் வட்டாட்சியர் வரை அத்தனை பேருமே சிக்குவார்கள்.
லஞ்சம் கேட்கும் அரசு ஊழியர்களை, லஞ்ச ஒழிப்புத் துறை மூலம் மக்கள் முன்வந்தால் மட்டுமே நடவடிக்கை எடுக்க முடியும். தவறு செய்யும் அரசு ஊழியர்கள் தாங்கள் மக்கள் பணியாளர்கள் என்ற நிலை மறந்து அலுவலர்கள் எல்லாம் அதிகாரிகள் மற்றும் சர்வாதிகாரிகள் எனக் கூறிக்கொண்டு ஜனநாயக நாட்டில் வருவாய்த் துறை சட்டங்கள், விதிமுறைகள், வருவாய் நிலையாணைகள் மற்றும் மத்திய, மாநில அரசின் அரசாணைகள், உச்சநீதிமன்ற மற்றும் உயர் நீதிமன்றம் வழங்கிய முன் தீர்ப்புகள் எதுவுமே தெரியாமல், சட்டங்கள் தாங்கள் லஞ்சம் பெறுவதைப் பாதுகாக்க மட்டுமே உள்ளது எனும் தவறான சிந்தனை கொண்ட அரசு ஊழியர்கள் பெருகியதால் அதைத் தடுக்க சரியான முகாந்திரம் நீதிமன்றத்தின் மூலம் நடவடிக்கைக்கு உள்ளாக்க முடியும். அதற்குப் பல வழிகள் உள்ளன, ஆனால் அதை மக்கள் யாரும் உணராமல் உள்ள நிலையை புரிந்து இந்த லஞ்ச லாவண்யத்தில் ஈடுபடும் அரசு ஊழியர்கள் பயம் இல்லாமல் ஊழல் அலுவலர்களாகத் தான் பல இடங்களில் உள்ளனர். திண்டுக்கல் மாவட்டம் மணி என்பவர் நிலக்கோட்டை வருவாய் வட்டாட்சியருக்கு எதிராக நீதிமன்றத்தில் வழக்குத் தொடர்ந்தார். இப்போது அந்த வருவாய் வட்டாட்சியர் மாபெரும் சிக்கலில் சிக்கியுள்ளார். இனி அவர் ஊழல் மூலம் சம்பாதித்த பணம் அவருக்கு உதவாது,
திண்டுக்கல் மாவட்டம் பள்ளபட்டி தெற்குத் தெருவைச் சேர்ந்த மணி, சென்னை உயர்நீதிமன்றம் மதுரைக்கிளையில் தாக்கல் செய்த மனுவில், எனது பெயர் மணி, என் தந்தையின் மறைவுக்கு பின்னர் திண்டுக்கல் மாவட்டம் பள்ளபட்டியிலுள்ள அவரது வாரிசுரிமைச் சொத்துகளை நான் அனுபவித்து வருகிறேன். இந்த நிலத்தில் எனக்கும், என் தம்பிக்கும் சம உரிமைப் பாகம் இருக்கிறது. அவர் கர்நாடக மாநிலத்தின் பெங்களூருவில் உள்ளதால், அந்த நிலத்தை நானே பராமரித்து வருகிறேன். இந்தச் சொத்துகள் இதுவரை பாகப் பிரிவினை எதுவும் செய்யப்படவில்லை.
ஆனால் என் தம்பி, பாகப்பிரிவினை செய்யாத நிலத்தில் கண்டதில் சரிபாதி எனகா குறிப்பிட்டு வேறு நபர்களுக்கு கிரையம் செய்து கொடுத்து விட்டார். இந்தக் கிரைய ஆவணத்தில் நீளம், அகலம் மற்றும் நான்கு மால் மற்றும் சரியான பரப்பளவுகள் என எதுவுமே குறிப்பிடப்படவில்லை. கிரையம் செய்த நபர் பெயரில் பட்டா வழங்குவதற்கு மனு மூலம் நில உட்பிரிவு செய்ய நான் ஆட்சேபம் தெரிவித்திருந்தேன். ஆனால், வருவாய் துறை, நில அளவைத் துறை அரசு பணி செய்யும் அலுவலர்கள் தங்கள் கடமையை மீறி தங்கள் பணியாளர்கள் விதிகளை மீறி அவருடன் சமரசமாகச் செல்லுமாறு என்னை வற்புறுத்துகிறார்கள். இது தொடர்பாக நான் தொடர்ந்த வழக்கில் பட்டா மாறுதலுக்கு உட்பிரிவு செய்யக் கூடாது என்றே உத்தரவானது. ஆனால், முன் தேதியிட்டு பட்டா உட்பிரிவு மாறுதல் செய்தது போல ஆவணம் மற்றும் கோப்பு மோசடியாகத் தயாரித்து, பட்டா மாறுதல் செய்து கொடுத்துள்ளனர். இது சட்டத்திற்கும், நீதிமன்ற உத்தரவுக்கும் நடைமுறைக்கும் எதிரானது. எனவே, பட்டா உட்பிரிவு மாறுதல் செய்த உத்தரவையும், அவர்கள் மோசடி செய்து பட்டாவையும் ரத்து செய்து, சம்பந்தப்பட்ட அரசு அலுவலர்கள் உள்ளிட்டோர் மீது உரிய நடவடிக்கை எடுக்க உத்தரவிட வேண்டும்" என தாக்கல் செய்த மனுவில் கூறியிருந்தார். -விளம்பரம்-
இந்த வழக்குடன் தொடர்புடைய ஆவணங்களைப் பார்க்கும் போது, நிலக்கோட்டை வருவாய் வட்டாட்சியர் சார்பில் இந்த நீதிமன்றத்தில் பொய் கூறி தவறான பிரமாணப் பத்திரம் மூலம் வாக்குமூலம் தாக்கல் செய்யப்பட்டுள்ளது என்பது தெளிவாகத் தெரிகிறது. எனவே, பொய் சாட்சியம் அளிக்க முயன்றதற்காக அவர் மீது நடவடிக்கை எடுக்க வேண்டும். வழக்கு விசாரணை தொடங்கும் போதே பொய்யான குற்றச்சாட்டுக்கு போதுமான முகாந்திரம் இருந்தால் அதில் திருப்தி கொள்ளலாம். இது தொடர்பான உத்தரவுகள் எவ்வாறு நிறைவேற்றப்பட்டன, இந்த உத்தரவுகளை உருவாக்குவதில் வருவாய் வட்டாட்சியரின் பங்கு உள்ளிட்டவைகள் நிரூபிக்கப்பட்டவை. சட்டப்படியான அரசு பொது ஊழியர் ஒருவர் பொது நீதிக்கு எதிராக ஆவணங்களை மாற்றம் செய்து கொடுப்பதும் சட்டப்படி தவறு தான்.இந்த வழக்கில் வருவாய் வட்டாட்சியர் தனது பிரமாண வாக்குமூலத்தில் பொய்யான தகவலைக் கூறியுள்ளார் என்பது நிரூபணமானது. அரசு பொது ஊழியரான அவர், தனது சட்டப்படியான கடமைகளில் இருந்து விலகி தனிநபர்களுக்காக நேர்மையின்றிச் செயல்பட்டுள்ளார். இதுபோன்ற செயல்களை கண்களை மூடிக்கொண்டு நீதிமன்றம் வேடிக்கை பார்க்க முடியாது. அவர், இந்த நீதிமன்றத்தையும் தவறாக வழிநடத்த முயன்றுள்ளார். -விளம்பரம்-
கருத்துகள்