அஹமதாபாத்தில் 242 பேருடன் பயணம் செய்த ஏர் இந்தியா விமானம் AI171 பயங்கர விபத்து.
உலகின் பாதுகாப்பான விமானங்களில் ஒன்றான போயிங் 787 விபத்துக்குள்ளான நிகழ்வு பெரும் அதிர்வலைகளை ஏற்படுத்தியுள்ளது. ஒரு பயணி மட்டும் நல்வாய்ப்பாக வெளியே குதித்து தப்பித்துள்ளார். விமான நிலைய ஓடுபாதையில் இருந்து மேலே எழும்பியதும் தொடர்ந்து மேல் நோக்கி செல்ல முடியாமல், விமானம் கீழே விழுந்து வெடித்துச் சிதறியுள்ளது. அகமதாபாத் விமான நிலையத்தின் சிசிடிவி காட்சியில் பதிவான விபத்தின் காட்சி மூலம் தெளிவாகிறது.
ஓடுபாதையில் இருந்து மேலே எழும்பியதும் தொடர்ந்து மேல் நோக்கி செல்ல முடியாமல், விமானம் கீழே விழுந்து வெடித்துச் சிதறியுள்ளது
அகமதாபாத் விமான விபத்து - சிவில் விமானப் போக்குவரத்து அமைச்சகம் சார்பில் செயல்பட்டுவரும் கட்டுப்பாட்டு அறை
தொடர்புக்கு: 011-24610843 | 9650391859 தொலைபேசி மூலம் தகவல் தெரிவிகிறது
.கொடூரமான குஜராத் மாநிலத்தில் அஹமதாபாத் விமான விபத்துக்கு குஜராத் மாநில முன்னாள் முதலமைச்சரும், பாரதிய ஜனதா கட்சியின் பஞ்சாப் மற்றும் சண்டிகர் மாநில மேலிடப் பொறுப்பாளருமான விஜய் ரூபானி உயிரிழந்தார்
விமானத்தில் பயணித்த 242 நபரில் ஒருவரான விஷ்வாஸ் குமார் என்ற நபர் மட்டுமே காயங்களுடன் தப்பிப் பிழைத்ததை உறுதிப் படுத்தியுள்ளார்.
குஜராத் மாநிலம் அஹமதாபாத் ஏர்- இன்டியா விமான விபத்தில் இதுவரை 204 உடல்கள் மீட்கப் பட்டிருக்கிறது. விபத்துக்குள்ளான விமானத்தில் மொத்தம் 242 நபர்கள் இருந்துள்ளனர். எது யாருடைய உடல் என அடையாளம் காண முடியாதபடி பெரும்பாலான உடல்கள் தீயில் கருகிப் போயுள்ளது தான் இறப்பை விட கூடுதல் சோகம். மரபணு மூலம் உடல்களை அடையாளம் காணும் முயற்சியில் ஈடுபட்டுள்ளது, அரசு நிர்வாகம். "விபத்துக்குள்ளான விமானத்தில் சுமார் 1,25,000 லிட்டர் எரிபொருள் இருந்ததனால் ஏற்பட்ட உயர் வெப்பநிலையால் யாரையும் காப்பாற்ற முடியவில்லை.
நான் விபத்து நடந்த இடத்திற்குச் சென்று பார்வையிட்டேன். சடலங்களை மீட்கும் பணி கிட்டத்தட்ட முடிவடைந்துவிட்டது. குடும்ப உறுப்பினர்களின் DNA மாதிரிகள் சேகரிக்கப்பட்டு வருகின்றன. DNA பரிசோதனைகளுக்குப் பிறகு, உடல்கள் குடும்பத்தினரிடம் ஒப்படைக்கப்படும்." - என மத்திய உள்துறை அமைச்சர் அமித் ஷா தகவல்
கடந்த ஆறு வருஷமா லண்டனில் வேலையில்.. உள்ளவரோட மனைவி டாக்டர் Komi Vyas. 2 நாள் முன்னர் தான் தனது வேலையை ராஜினாமா பண்ணிருக்காங்க.. கணவர் மற்றும் 3 குழந்தைகளோடு லண்டனில் செட்டில் ஆகுற பிளான்ல இன்னைக்கு விபத்துக்குள்ளான விமானத்தில் கிளம்பியிருக்காங்க அந்த ஐந்து பேரும் இப்போது உயிரோடு இல்லை...
அவங்க இன்று Flight கிளம்பியபோது எடுத்த last selfie புகைப்படம் சமூக வலைதளங்களில் வருகிறது
ஒருசேர உலகநாடுகள் அனைத்தும் அனுதாபத்தைத் தெரிவித்தபடி இருக்க, விமான விபத்து குறித்து போயிங் விமான அலுவலர்கள் விசாரிக்க ஆரம்பித்திருக்கிறார்கள்.
விமானம் எரிந்தபடி விழுந்து நொறுங்கிய இடத்தில் மாணவர் விடுதி ஒன்றிருக்க மதிய உணவு சாப்பிட்டுக் கொண்டிருந்த மருத்துவக் கல்லூரி மாணவர்கள் பரிதாபமாக அதில் சிக்கி பழியாகியுள்ளனர். அந்த வகையில் ஐந்து மாணவர்கள் அநியாயமாக இறந்து போக எஞ்சிய 41 விடுதி மாணவர்கள் மருத்துவ மேல் சிகிச்சைக்காக அனுமதிக்கப் பட்டிருக்கிறார்கள்.
இந்த விபத்தில் விமானத்தில் பயணித்த யாரும் பிழைத்திருக்க வாய்ப்பில்லை என அஹமதாபாத் காவல்துறை ஆணையர் ஜி.எஸ்.மாலிக், தெரிவித்திருக்கிறார்.
குறிப்பிட்ட ஏர் இந்தியா விமான நிறுவனம் சார்ந்த பங்குச்சந்தை மொத்தமாக சரிந்ததாக செய்திகள் வந்து கொண்டிருக்கிறது.
மனித உயிர்களை காவு கொடுக்கும் ஒவ்வொரு நிகழ்வுகளுக்குப் பின்னாலும் ஒரு புதியபாடத்தை கற்றுக் கொள்கிறது ஆட்சியதிகாரம்.
புதிய பாடத்துக்கு அப்பாலும் கொடூர நிகழ்வுகள் நிகழாமல் இல்லை. இதைத்தான் காலம்தோறும் உணர்த்துகிறது, நிகழ்வுகள்.
அஹமதாபாத்தில் நடந்த ஏர் இந்தியா விமானத்தில் ஏற்கனவே 246 பயணிகள் இருந்திருக்கின்றார்கள்.
விமானம் குடியிருப்புப்பகுதியில் வீழ்ந்து நொருங்கியிருக்கின்றது இந்தக் கட்டிடம் ஒரு Medical college என்றும் அதன் ஒரு பகுதி மாணவர்கள் Canteen என்பதால் சாப்பிட்ட தட்டுகளும் உணவுகளும் அப்படியே மேசை மீது இருக்கின்றன ஆகவே பயணிகளைத் தாண்டி அங்குள்ள சாமானிய மக்களும் விபத்தில் சிக்கியிருக்கின்றார்கள்..
நீண்ட தூரப் பிரயாணம் இந்தியாவின் அஹமதாபாத்திலிருந்து - இங்கிலாந்து நாட்டின் இலண்டன் என்பதால் அதிக அளவிலான எரிபொருளும் இருந்திருக்கும். Boeing 787 ரக விமானங்களின் fuel capacity கிட்டத்தட்ட ஒரு லட்சம் லிட்டருக்கும் அதிகமாக இருக்கலாம் அது கீழே வீழ்ந்து நொருங்கும் போது ஏற்பட்ட அனர்த்தத்தினால் மிகப்பெரிய அளவு விமானம் தீப்பிடித்து எரிந்திருக்கின்றது.
விமான அனர்த்தத்தை முன்கூட்டியே அறிந்த விமானி May Day Call கொடுத்திருக்கின்றார். May Day call என்பது விமானங்களில் அதிக பட்ச அவசர நிலையை குறிப்பிடும் ஒரு வார்த்தைப் பிரயோகமாகும். மிகப்பெரிய அனர்த்த நிலையின் போது விமானி May day May day என்று அழைப்பில் குறிப்பிடுவார்.
விமானத்தில் அதிகளவு பயணிகள் இருந்தமையாலும் குடியிருப்பு பகுதியில் வீழ்ந்து தீபற்றி எரிந்தமையாலும் உயிரிழப்புகள் அதிகமாகலாம் விபத்தின் புகைப்படங்களைப் பார்க்கும் போது விபத்தின் கனதி தெரிகின்றது.
எதிர்காலத்தில் இவ்வாறான விபத்துகள் ஏற்படுவதை தவிர்ப்பது தான் உயிரிழந்தவர்களிற்கு செலுத்தும் அஞ்சலியாகும்.
அரசு பொது நிறுவனங்களை தனியாருக்கு மாற்றம் செய்து கொடுத்த மத்திய அரசு விமானங்களின் இயங்கு தன்மையை பரிசோதிக்காமல் இயக்கிய ஏர் இந்தியா நிறுவனமே இதற்கு முழுப் பொறுப்பை ஏற்க வேண்டும்.
இருந்தும் இவ்வாறான நிகழ்வுகளில் முக்கியமாக சில விஷயங்களை விவாதிக்க வேண்டியது அவசியம்.. முதலாவது விமானம் ஓடுதளத்திலிருந்து மேலே சென்ற 16வது நொடியில் சக்கரம் தரையிலிருந்து மேலே எழுகிறது..
சுமார் 35 வது நொடி வரை சீராக மேலே செல்கிறது.
(விமானத்தில் செல்லும் எந்த ஒரு நபரும் இந்த நொடி வரை ஆபத்தை உணர்ந்திருக்க வாய்ப்பில்லை)
சரியாக 35 வது நொடியிலிருந்து 54 வது நொடியில் கீழ்நோக்கி தாளப்பறந்த நிலையில் விபத்தாகிறது.
ஆகவே விமானம் பறந்த 16வது நொடி முதல் 54வது நொடி வரை 38 நொடிகள் வானில் பறந்துள்ளது அதில் 19 நொடி மேல்நோக்கியும் இன்னொரு 19 நொடி கீழ்நோக்கியும் பறந்துள்ளது.
தற்போது விமானத்தின் எமர்ஜென்சி கதவு (MidAir) நடு வானில் திறக்க இயலாதவாறு வடிவமைக்கப்பட்டது.. (Cabin Pressure) காரணமாக நடுவானில் திறப்பது பேராபத்தை உருவாக்கும் என்பதால் திறக்காதவாறு வடிவமைக்கப்பட்டுள்ளது. அப்படியே கேபின் பிரஷ்ரை மீறி திறக்க வேண்டுமாயின் மிக அதிக சக்தி தேவைப்படும். தரையில் திறப்பதற்கே பயிற்சி பெற்றவர்களுக்கு 20 முதல் 90 வினாடிகள் தேவைப்படும் (air slider deployment) முழுவதுமாக தயாராக.
இப்படி ஏகப்பட்ட கேள்விகள் எழுகிறது.. அந்த 19 நொடிகளில் ஒருவர் தப்பித்துள்ளார்.விமானி சுமீத் சபர்வால்
அஹமதாபாத்தில் இருந்து லண்டன் சென்ற விமானம் தரையில் விழுந்து நொறுங்கி தீப்பிடித்து எரிந்த விபத்தில் விமானத்தை இயக்கிய விமானி. சுமீத் சபர்வால் மும்பை பவாய் ஹிரானந்தானி பகுதியில் குடும்பத்தினருடன் வசித்து வந்தார். அவர் விமானத்தை இயக்குவதில் நீண்ட அனுபவம் உடையவர் அவர் 8 ஆயிரத்து 200 மணி நேரம் விமானத்தை இயக்கிய அனுபவம் கொண்டவர். மேலும், மும்பையை அடுத்த பன்வெல்லைச் சேர்ந்த பணிப்பெண் மைதிலி பாட்டீல் (வயது 23) உயிரிழந்தார் . மைதிலி பாட்டீல் பன்வெல் தாலுகா நாவா கிராமத்தை சேர்ந்தவர். கடந்த 2 ஆண்டுகளாக விமானப் பணிப்பெண்ணாக உள்ளார்.
அதேபோன்று மும்பையை சேர்ந்த ஏர் இந்தியா ஊழியர் அபர்ணா மகாதிக் (வயது 42) உயிரிழந்து உள்ளார்.இதேபோல மும்பையை அடுத்த தானே மாவட்டம் பத்லாப்பூரில் வசித்து வரும் ஏர் இந்தியா விமான ஊழியர் தீபக் பாதக் என்பவரும் உயிரிழந்தார். இவர் 11 ஆண்டுகளாக ஏர் இந்தியாவில் வேலை பார்த்து வருகிறார். இந்தியாவில் இதற்கு முன்பு நடந்த பயணிகள் விமான விபத்துகள் குறித்து ஒரு பார்வை:-
1962 ஆம் ஆண்டு ஜூலை மாதம் 7 ஆம் தேதி:- மும்பையிலிருந்து லண்டன் நோக்கிப் புறப்பட்ட விமானம், விமானியின் கட்டுப்பாட்டை இழந்து வடகிழக்கே உள்ள மலை மீது மோதிய விபத்தில், 117 பயணிகளில் 94 பேர் கொல்லப்பட்டனர். இந்த விபத்தில் இந்திய அணுசக்தி ஆணையத்தின் தலைவர் டாக்டர் ஹோமி ஜஹாங்கிர் பாபாவும் உயிரிழந்தார். அடுத்ததாக
1973 ஆம் ஆண்டு மே மாதம் 31 ஆம் தேதி:- சென்னையிலிருந்து டெல்லி நோக்கிச் சென்ற விமானம், இரவு 9.50 மணிக்கு புயல் மழை காரணமாக உயர் மின்சார அழுத்தக் கம்பியில் சிக்கி விமானத்தில் பயணித்த 65 பேரில் 48 பேர் உடல் கருகி உயிரிழந்தனர்.
1976 ஆம் ஆண்டு அக்டோபர் மாதம் 12 ஆம் தேதி:- மும்பையிலிருந்து சென்னைக்கு வந்த விமானம் இயந்திரம் செயலிழந்ததால் விமானத்திலிருந்த 89 பயணிகள், 6 விமானப் பணியாளர்கள் என 95 பேரும் பலியானார்கள். விளவங்கோடு தொகுதி முன்னாள் சட்டமன்ற உறுப்பினர் பொன்னப்ப நாடார், நடிகை ராணி சந்திரா, அவரது தாயார் காந்திமதி, சகோதரிகள் அம்புலி சீதா, நிம்மி, அவரது குழுவில் இடம்பெற்றிருந்தவர்களும் உயிரிழந்தனர்.
1978 ஆம் ஆண்டு ஜனவரி மாதம் 1ஆம் தேதி:- மும்பையிலிருந்து துபாய்க்கு புறப்பட்ட ஏர் இந்தியா விமானம், மும்பை பாந்த்ரா கடற்கரையில் விழுந்ததில் 213 பயணிகளும் உயிரிழந்தனர்.
1990 ஆம் ஆண்டு பிப்ரவரி மாதம் 14 ஆம் தேதி:- மும்பையிலிருந்து பெங்களூரு நோக்கிச் சென்ற இந்தியன் ஏர்லைன்ஸ் விமானம் தரையிறங்கியபோது விபத்துக்குள்ளானதில் விமானத்தில் பயணம் மேற்கொண்ட 146 பேரில் 92 பேர் பரிதாபமாக உயிரிழந்தனர்.
1996 ஆம் ஆண்டு நவம்பர் மாதம் 12 ஆம் தேதி:- சௌதி ஏர்லைன்ஸ் - கஜகிஸ்தான் விமானங்கள் டெல்லி அருகே சர்கி தாத்ரி என்ற பகுதியில் நடுவானில் நேருக்கு நேர் மோதிய விபத்தில் 349 பேர் உயிரிழந்தனர்.
2000 ஆண்டு ஜூலை மாதம் 17ஆம் தேதி:- கொல்கத்தாவில் இருந்து டெல்லி நோக்கி சென்ற இந்தியன் ஏர்லைன்ஸ் பயணிகள் விமானம் விபத்துக்குள்ளானது. இதில் விமானத்தில் இருந்த 55 பயணிகள், தரையில் இருந்த 5 பேர் என மொத்தம் 60 பேர் கொல்லப்பட்டனர்
2010 ஆம் ஆண்டு மே மாதம் 22 ஆம் தேதி:- துபாயிலிருந்து கர்நாடக மாநிலம் மங்களூரு விமான நிலையம் வந்த ஏர் இந்தியா எக்ஸ்பிரஸ் விமானம் விபத்துக்குள்ளானதில் விமானத்தில் பயணம் செய்த 166 பேரில் 158 பயணிகள் பலியானார்கள்.
2020 ஆம் ஆண்டு ஆகஸ்டு மாதம் 7 ஆம் தேதி:- துபாயிலிருந்து கேரளா மாநிலம் கோழிக்கோடுக்கு கொரோனா காலத்தில் வந்த விமானம் விபத்துக்குள்ளானதில் பயணம் செய்த 190 பேரில் 21 பயணிகள் மரணம் அடைந்தனர். 110 பேர் காயம் அடைந்தனர். இது கடந்த கால நிகழ்வுகள் ஆகும்.
கருத்துகள்