டொனால்ட் டிரம்பின் 50 சதவீத வரி காலக்கெடுவிற்கு முன்னதாக அமெரிக்கா இந்தியாவிற்கு நோட்டீஸ் அனுப்பியுள்ளது.
ரஷ்யாவிற்கும் உக்ரைனுக்கும் இடையிலான சமாதான ஒப்பந்தத்திற்கான முயற்சிகள் தடைபட்டு வருவதாகத் தோன்றுவதால், வரிகளை மேலும் அதிகரிக்க அமெரிக்கா திட்டமிட்டுள்ளது என்பதற்கான சமீபத்திய சமிக்ஞையாக இந்த அறிவிப்பு அமைந்துள்ளது. அமெரிக்காவில் உள்நாட்டுப் பாதுகாப்புத் துறையால் வெளியிடப்பட்ட வரைவு அறிவிப்பில், டொனால்ட் டிரம்ப் முன்னர் அறிவித்தபடி, இந்தியாவில் இருந்து வரும் பொருட்களுக்கு 50 சதவீத வரியை அமல்படுத்தும் திட்டங்களை அமெரிக்கா திங்களன்று கோடிட்டுக் காட்டியது.ரஷ்யாவிற்கும் உக்ரைனுக்கும் இடையிலான சமாதான ஒப்பந்தத்தை
ஏற்படுத்துவதற்கான முயற்சிகள் தடைபடுவதாகத் தோன்றுவதால், உயர்த்தப்பட்ட வரிகளை மேலும் அதிகரிக்க வெள்ளை மாளிகை திட்டமிட்டுள்ளது என்பதற்கான சமீபத்திய சமிக்ஞையாக இந்த அறிவிப்பு உள்ளது.ஆகஸ்ட் 27, 2025 அன்று பகல் நேரத்தில் நள்ளிரவு 12:01 மணிக்குப் பிறகு அல்லது அதற்குப் பிறகு, நுகர்வுக்காக உள்ளிடப்பட்ட அல்லது நுகர்வுக்காக கிடங்கிலிருந்து திரும்பப் பெறப்பட்ட" இந்திய தயாரிப்புகளை அதிகரித்த வரிகள் பாதிக்கும் என்று அறிவிப்பில் கூறப்பட்டுள்ளது.
இந்த மாத தொடக்கத்தில், ரஷ்ய எண்ணெய் வாங்குவதற்கு இந்தியப் பொருட்களுக்கான வரிகளை 25 சதவீதத்திலிருந்து 50 சதவீதமாக இரட்டிப்பாக்க திட்டமிட்டுள்ளதாக அமெரிக்க அதிபர் டொனால்ட் டிரம்ப் அறிவித்தார், மேலும் அதை செயல்படுத்த ஆகஸ்ட் 27 காலக்கெடுவை நிர்ணயித்திருந்தார்.
மாஸ்கோவின் எண்ணெய் வர்த்தகத்தைக் கட்டுப்படுத்த முயற்சிப்பதன் மூலம் உக்ரைனுக்கு எதிரான போரை முடிவுக்குக் கொண்டுவர ரஷ்ய அதிபர் விளாடிமிர் புடினை பேச்சுவார்த்தை மேசைக்கு அழுத்தம் கொடுக்க அமெரிக்கா நம்புகிறது. இரண்டாம் நிலை வரிகள் என்று அழைக்கப்படுவதை நியாயமற்றது என்று இந்திய அரசாங்கம் கண்டித்து, அதன் நலன்களை வலுவாகப் பாதுகாத்து வருகிறது.டொனால்ட் டிரம்பின் வரிகள் குறித்து அமெரிக்காவிற்கு பிரதமர் நரேந்திர மோடியின் செய்தி.
விவசாயிகள் மற்றும் சிறு வணிகர்களின் நலன்களில் இந்தியா ஒருபோதும் சமரசம் செய்யாது என்று பிரதமர் நரேந்திர மோடி திங்களன்று தெரிவித்தார் . இந்தியா மீது 50 சதவீத அமெரிக்க வரிகள் விதிக்கப்படும் வாய்ப்பு அதிகமாக இருந்த நிலையில் அவரது அறிக்கை வந்தது.
"மோடிக்கு, விவசாயிகள், கால்நடை வளர்ப்பவர்கள் மற்றும் சிறு தொழில்களின் நலன்கள் மிக முக்கியமானவை. எங்கள் மீதான அழுத்தம் அதிகரிக்கலாம், ஆனால் நாங்கள் அதையெல்லாம் தாங்கிக் கொள்வோம்," என்று பிரதமர் அகமதாபாத்தில் நடந்த ஒரு கூட்டத்தில் கூறினார். பல குடிமைத் திட்டங்களைத் தொடங்கி வைக்க அவர் நகரத்திற்கு வந்திருந்தார்.
'சக்கரதாரி' பகவான் கிருஷ்ணர் மற்றும் 'சர்க்கதாரி' மகாத்மா காந்தியால் இந்தியா அதிகாரம் பெற்றுள்ளது என்று மோடி கூறினார்.
இந்தியாவின் எரிசக்தி தேர்வுகளை வெளியுறவு அமைச்சர் எஸ் ஜெய்சங்கர் சனிக்கிழமை கடுமையாக ஆதரித்தார் , புது தில்லி அதன் தேசிய நலன் மற்றும் மூலோபாய சுயாட்சிக்கு ஏற்ப முடிவுகளை தொடர்ந்து எடுக்கும் என்று வலியுறுத்தினார்.
அமெரிக்காவின் வரிவிதிப்பு பிரச்சினை "எண்ணெய் தகராறு" என்று தவறாக முன்வைக்கப்படுவதாக ஜெய்சங்கர் வாதிட்டார். ரஷ்ய எரிசக்தியை வாங்குவதற்காக இந்தியா மீது சுமத்தப்பட்ட அதே விமர்சனம் சீனா மற்றும் ஐரோப்பிய நாடுகள் போன்ற பெரிய இறக்குமதியாளர்களுக்குப் பொருந்தவில்லை என்று அவர் குறிப்பிட்டார்.அமெரிக்க அதிபர் டொனால்ட் டிரம்ப், இந்தியாவிற்கு அதிக வரி விதிப்புகளை விதித்த அதே நேரத்தில், பாகிஸ்தான், டிரம்ப் குடும்பத்திற்கு சொந்தமான நிறுவனங்களுடன் கிரிப்டோகரன்சி மற்றும் கனிம வளங்கள் தொடர்பாக ஒப்பந்தங்களை மேற்கொண்டுள்ளது. பாகிஸ்தானை சீனாவிடமிருந்து விலக்கி, அமெரிக்காவின் பக்கம் கொண்டு வர டிரம்ப் முயற்சிக்கிறார்.
அமெரிக்காவின் இந்த திடீர் நிலைப்பாடு, இந்தியாவை சீனாவை நோக்கித் தள்ளியுள்ளது. தற்பொழுது இந்தியா-சீனா உறவு நாளுக்கு நாள் நெருக்கமாகி வருகிறது. இரண்டு நாடுகளும் கசப்புகளை மறந்து இணக்கமாகி வருகிறது. இதன் ஒரு கட்டமாக சீன வெளியுறவுத் துறை அமைச்சர் வாங் யி, பிரதமர் நரேந்திர மோடியை சமீபத்தில் சந்தித்துப் பேசினார்.
உலகளாவிய வர்த்தகத்தில் அமெரிக்க டாலரின் ஆதிக்கத்தைக் கட்டுப்படுத்தும் வகையில், BRICS நாடுகளுடனான வர்த்தகத்தை 100 சதவீத இந்திய ரூபாயில் மேற்கொள்ள இந்தியா ஒரு வரலாற்றுச் சிறப்புமிக்க நடவடிக்கையை எடுத்துள்ளது. இந்த நடவடிக்கை உலகச் சந்தைகளில் டாலரின் மேலாதிக்கத்தின் வீழ்ச்சியை விரைவுபடுத்தக்கூடும் என்று ஆய்வாளர்கள் கருதுகின்றனர்.
அமெரிக்காவிற்கு மேலும் நெருக்கடி கொடுக்கும் விதமாக டாலரின் ஆதிக்கத்தைக் கட்டுப்படுத்தும் விதமாக இந்தியாவின் நடவடிக்கை உள்ள நிலையில் 7 ஆண்டுகளுக்குப் பிறகு சீனாவுக்குப் பயணம் மேற்கொள்ள இருக்கும் பிரதமர் நரேந்திர மோடி , இந்தியப் பொருட்களுக்கு அமெரிக்கா 50 சதவீத வரி விதித்துள்ள சூழலில், மோடியின் இந்த சீனப் பயணம் பொருளாதார மற்றும் அரசியல் ரீதியாகவும் மிகுந்த முக்கியத்துவம் வாய்ந்ததாகக் கருதப்படுகிறது.
மொத்தத்தில் பாகிஸ்தானை தனது புதிய கூட்டாளியாக அமெரிக்கா சேர்த்து கொண்டதால் அமெரிக்காவுக்கும், அமெரிக்க மக்களுக்கும் எந்தவித நன்மையும் கிடைக்கப் போவதில்லை என்றும், தனிப்பட்ட முறையில் சில தொழில் லாபங்கள் மற்றும் நோபல் பரிசுக்கான பரிந்துரை ஆகியவை மட்டுமே ட்ரம்புக்கு கிடைத்தாலும், ஒரு தீவிரவாத நாடு மற்றும் கடனில் தத்தளித்த நாடுக்காக வல்லரசை நோக்கி சென்று கொண்டிருக்கும் இந்தியாவை ட்ரம்ப் பகைத்தது தவறான முடிவு என்றும் இந்த முடிவுக்கு டிரம்ப் மிகப்பெரிய விலை கொடுக்க வேண்டும் என்றும் அமெரிக்கா பொருளாதார மற்றும் அரசியல் வல்லுநர்கள் கருத்துக்கு தெரிவித்து வருகின்றனர்.
ஆனால் எந்த கருத்தையும் தற்போது ஏற்கும் நிலையில் டொனால்ட் டிரம்ப் இல்லை என்பதால் அமெரிக்க மக்களின் நிலை பரிதாபத்துக்கு தள்ளப்பட்டுள்ளது. கடந்த இரண்டு ஆண்டுகளில் அமெரிக்காவின் தொழில்நுட்ப நிறுவனங்களில் ஏற்பட்ட பணிநீக்கங்கள் காரணமாக, நகரின் மையப்பகுதியில் உள்ள அலுவலகங்களில் 35 சதவீதம் காலியாக உள்ளன
அமெரிக்காவில் பல நகரங்கள் பணவீக்கம் மற்றும் வேலையின்மை போன்ற கடுமையான பொருளாதார நெருக்கடியை சந்தித்து வருவதால் எதிர்காலத்தில் அமெரிக்கா வாழத் தகுதியில்லாத ஒரு நாடாக மாறிவிடுமோ என்ற அச்சம் ஏற்பட்டுள்ளது. குறிப்பக இந்தியர்கள் உள்பட வெளிநாட்டினர் தங்கள் தாய்நாட்டுக்கு திரும்பத் திட்டுமிட்டுள்ளதாக செய்தி வெளியாகியுள்ளது.
ஒரு காலத்தில் அமெரிக்கா என்பது பலரின் கனவாக இருந்த நிலையில் தற்போது கானல் நீராக மாறுவதற்கு , அமெரிக்க அதிபர் டொனால்ட் டிரம்பின் தவறாக வர்த்தக, வெளிநாட்டு கொள்கை தான் எனக் கூறப்படுகிறது.
இந்தியா மீது அமெரிக்கா விதித்த கூடுதல் வரி காரணமாக, கடும் நெருக்கடி ஏற்பட்டு இருக்கிறது. மருந்துகள், மின்னணு சாதனங்கள், மற்றும் ஜவுளி போன்ற முக்கிய இந்திய ஏற்றுமதிகளுக்கு அமெரிக்கா பெரும் வரிகளை விதித்து, கடுமையான பொருளாதார பழிவாங்கல் நடவடிக்கைகளை தொடங்கியுள்ளது. இந்த செயல் இந்தியாவை சீனா மற்றும் ரஷ்யா உடனான நெருக்கத்தை அதிகரித்து உள்ளது.
அமெரிக்காவிற்குத் தேவையான generic மருந்துகளில் 20 சதவீதத்துக்கும் அதிகமானவை இந்தியாவிலிருந்துதான் இறக்குமதி செய்யப்படுகின்றன. அமெரிக்காவின் இந்த நடவடிக்கை, அந்நாட்டின் சுகாதார அமைப்பை நிலையற்றதாக்கும் என அஞ்சப்படுகிறது. மருந்துகள் விலை உயர்வு, மருத்துவமனைகளில் மருந்துகள் பற்றாக்குறை ஆகிய சிக்கல்கள் அமெரிக்காவுக்கு பெரும் பின்னடைவை ஏற்படுத்தி இருக்கிறது.
உலக நாடுகளிடம் பகையை ஏற்படுத்தி கொண்ட அமெரிக்காவுக்கு எல்லா பக்கமும் இருந்து தாக்குதல் நடந்து கொண்டிருக்கிறது. அமெரிக்கா, கனடாவில் இருந்து இறக்குமதி செய்யப்படும் உருளைக்கிழங்குக்கு 35 சதவீதம் திடீர் வரி விதித்ததால், இதன் விளைவாக, அமெரிக்காவில் உருளைக்கிழங்கு விலைகள் கடுமையாக உயர்ந்துள்ளன. விநியோக சங்கிலியில் ஏற்பட்ட இந்த திடீர் சிக்கலால் அமெரிக்க உணவகங்கள் உருளைக்கிழங்கு சார்ந்த உணவுகளின் அளவை குறைத்து வருகின்றன.
அமெரிக்காவின் இந்த வர்த்தக மோதலுக்கு பதிலடியாக, கனடா அமெரிக்காவிற்கான உருளைக்கிழங்கு ஏற்றுமதியை நிறுத்தியது, மேலும் ஆசியா நாடுகளுக்கு அதிக அளவு உருளை கிழங்கு ஏற்றுமதியை தொடங்கியுள்ளது கனடா. மெக்சிகோ ஏற்கெனவே அமெரிக்காவிற்கான தக்காளி ஏற்றுமதியை நிறுத்திவிட்ட நிலையில், கனடாவும் உருளைக்கிழங்கு ஏற்றுமதியை நிறுத்தியதால் அமெரிக்க காய்கனி சந்தைக்கு பெரும் சவாலை ஏற்படுத்தியுள்ளது
உருளைக்கிழங்கு, தக்காளி உள்பட அத்தியாவசியமான உணவு பொருட்கள் அமெரிக்காவுக்கு ஏற்றுமதி நிறுத்தப்பட்டுள்ளதால் அமெரிக்க மக்கள் டொனால்ட் டிரம்ப் மீது கடும் கோபம் அடைந்துள்ளனர். ஒரு நாடு வல்லரசாக இருந்து என்ன செய்ய? அந்த நாட்டு மக்களுக்கு சாப்பாடு கூட கிடைக்கவில்லை என்றால் வல்லரசு என்ற புகழ் மட்டும் இருந்து ஒன்றுக்கும் பயன்படாது' என ஆத்திரத்துடன் தங்களது கருத்துக்களை அமெரிக்கர்கள் தெரிவித்து வருகின்றனர்.
மேலும் அமெரிக்காவுக்கு பதிலடி கொடுக்கும் விதமாக, இறக்குமதி செய்யப்படும் பால் பொருட்களுக்கு கனடா அதிக வரி விதிக்கிறது. இந்த வரி சில சமயங்களில் 300 சதவீதம் வரை உயரும். இது அமெரிக்க விவசாயிகளுக்கு ஒரு பெரும் தடையாக அமைத்துள்ளது. அமெரிக்க விவசாயிகள் கனடாவிற்கு ஏற்றுமதி செய்யும் பால் பொருட்களில், குறிப்பாக சீஸ் மற்றும் பால் பவுடர் போன்ற பொருட்களுக்கு, கனடா தனது இறக்குமதி ஒதுக்கீட்டை கடுமையாகக் கட்டுப்படுத்துகிறது.
இதன் விளைவாக, ஏற்றுமதி செய்ய முடியாத அதிகப்படியான பால், பண்ணைகளிலேயே தேங்கி நிற்கிறது. இதனால் வேறு வழியின்றி, பல பில்லியன் டாலர் மதிப்புள்ள பால் பொருட்களை வீணாகக் கொட்டும் நிலைக்கு விவசாயிகள் தள்ளப்பட்டுள்ளனர். இது அவர்களின் பொருளாதாரத்தையும், வாழ்வாதாரத்தையும் கடுமையாகப் பாதித்துள்ளது.மொத்தத்தில் அமெரிக்கா தனது தவறான வர்த்தகக் கொள்கைகளால் வல்லரசு என்ற பிம்பத்தை ஒரு பக்கம் இழந்து வருகிறது.இந்தியாவிற்கு ஏற்கனவே 25 சதவீத வரியை விதித்து, அதை நிறுத்தி வைத்திருந்த அமெரிக்க அதிபர் டொனால்ட் ட்ரம்ப், கெடு முடிந்து ஆகஸ்ட் மாதம் 1-ஆம் தேதி முதல் வரிகள் அமலுக்கு வருவதாக அறிவித்தார். அது மட்டுமல்லாமல், இந்தியாவிற்கு கூடுதலாக 25 சதவீத வரியையும் விதித்ததால், இந்தியாவிற்கான மொத்த வரி 50 சதவீதமாக உயர்ந்தது.
அதோடு விடாமல், ரஷ்யாவிடமிருந்து எண்ணெய் வாங்குவதால், இந்தியாவிற்கு அபராதம் விதிப்பதாகவும் டொனால்ட் ட்ரம்ப் கூறினார். மேலும், ரஷ்யா உடனான வர்த்தகத்தை நிறுத்துமாறும் இந்தியாவிற்கு அழுத்தம் கொடுத்தார். ஆனால், இந்திய அரசு அதற்கு செவிசாய்க்கவில்லை. இதனால் டொனால்ட் ட்ரம்ப் மேலும் கோபமடைந்தார். இந்த சூழலில் தான், ரஷ்ய அதிபர் புதினுடன் ட்ரம்ப் பேச்சுவார்த்தை நடத்தினார். அதில் எந்த முடிவும் எட்டப்படாவிட்டாலும், பேச்சுவார்த்தை அமெரிக்க அதிபர் டொனால்ட் ட்ரம்ப் க்கு எதிராக அமைந்தது.
இந்த நிலையில் இந்தியா மீதான அமெரிக்காவின் இந்த வரிவிதிப்பு, உலக பொருளாதார நாடுகளிடையே பெரும் விவாத பொருளாக மாறிய நிலையில், இந்தியா வாங்கும் கச்சா எண்ணெய் மீது 5 சதவிகிதம் தள்ளுபடி செய்வதாக ரஷியா அறிவித்துள்ளது. இதுகுறித்து, ரஷியா தெரிவிக்கையில், இந்தியாவுக்கு இது ஒரு சவாலான நிலை என்றபோதிலும், நமது உறவில் நம்பிக்கை உள்ளது.
இந்தியாவின் எண்ணெய் இறக்குமதி கிட்டத்தட்ட அதேஅளவில்தான் இருக்கிறது. தள்ளுபடியைப் பொறுத்தவரை, இது ஒரு வணிக ரகசியம் என தெரிவித்த ரசியா, மேலும் இந்திய பொருள்களை அமெரிக்க சந்தைக்குக் கொண்டுசெல்வதில் சிக்கல் ஏதேனும் இருந்தால், இந்திய பொருள்களுக்காக ரஷியாவின் சந்தை எப்போதும் திறந்திருக்கும் என ரசியா தெரிவித்துள்ளது.
இந்நிலையில் இந்தியா மீது அடுக்கடுக்கான வரிகளை அமெரிக்க அரசு விதித்து கொண்டிருக்கும் நிலையில், அமெரிக்காவின் முன்னணி நிறுவனங்களில் ஒன்றான ஆப்பிள் நிறுவனம் இந்தியாவில் தனது ஐபோன் உற்பத்தியை அதிகரித்துள்ளது. ஐபோன் 17 சிரியஸ் அனைத்து நான்கு மாடல்களின் தயாரிப்பையும் இந்தியாவில் உள்ள ஐந்து உள்நாட்டு தொழிற்சாலைகளுக்கு மாற்றியுள்ளது.
இதன்மூலம், புதிய ஐபோன் மாடல்கள் அனைத்தும் முதல் முறையாக இந்தியாவில் இருந்து உற்பத்தி செய்யப்பட உள்ளன. அமெரிக்காவில் உற்பத்தி செய்யாததற்காக ஆப்பிள் போன்ற நிறுவனங்களை டொனால்ட் டிரம்ப் பகிரங்கமாக விமர்சித்துள்ளார். இருப்பினும் ஆப்பிள் நிறுவனர் டிம் குக் அமெரிக்க அதிபரின் விமர்சனத்தையும் மீறி இந்தியாவில் உற்பத்தியை அதிகரிக்கத் திட்டமிட்டுள்ளார்.
இதிலிருந்து அமெரிக்க அரசு இந்தியாவுக்கு எதிராக இருந்தாலும், அமெரிக்காவின் முன்னணி நிறுவனங்கள் இந்தியாவை பகைத்து கொள்ள விரும்பவில்லை என்பதும், இந்தியாவுக்கு தரும் ஆதரவை தொடர்ந்து கொண்டு வருகிறது என்பதும் தெரிய வருகிறது. இதற்கிடையே இந்தியா உடனான இடையேயான மோதல் அமெரிக்காவுக்கு நல்லதல்ல என்று ஐநாவின் முன்னாள் அமெரிக்கத் தூதரும் டிரம்ப்பின் குடியரசுக் கட்சியின் முக்கிய தலைவருமான நிக்கி ஹேலி எச்சரித்துள்ளார்.
ஆசியாவில் சீன ஆதிக்கத்திற்கு எதிராக ஒரு தடுப்பு சக்தியாகச் செயல்படக்கூடிய ஒரே நாடாக இந்தியா இருக்கிறது. எனவே, கடந்த 25 ஆண்டுகளாக நாம் வளர்த்தெடுத்த உறவைச் சிதைப்பது பேரழிவாக இருக்கும் என ஐநாவின் முன்னாள் அமெரிக்கத் தூதரும் டிரம்ப்பின் குடியரசுக் கட்சியின் முக்கிய தலைவருமான நிக்கி ஹேலி எச்சரித்துள்ளது குறிப்பிடதக்கது..அமெரிக்காவின் இந்த வரிகள் அமலுக்கு வருவதற்கு இன்னும் 2 நாட்கள் மட்டுமே கால அவகாசம் உள்ளதையடுத்து டொனால்ட் டிரம்ப்பின் வரி விதிப்பு தொடர்பாக பிரதமர் நரேந்திர மோடி அவசர ஆலோசனை செய்ய முடிவு செய்துள்ளார்.
கருத்துகள்